Jerimaya 22:24 - FỊAFỊA BAỊBỤLỤ

²⁴ KỊNỊNYANAḄỌ ḅe nwẹnị Ama-da Jehohakịnị, Juda da sime Jehohakịmụ ḅe tụḅọ ḅẹ, “Piki-pikiye-ofori ḅara ḅụ yẹrị ḍumo wararị Tamụnọ sakị goyegoye, nwẹnị ị̀ ama-ḅara ḅẹ ḅara-tụngbalị sụa gulu elekima sọ àrị í siin-pakama

Jerimaya 22:24 Iomraidhean Croise

Jerimaya 37:1

Ama-da Nebukadineza, Babịlonịya da ḅọ ḅe, Zẹdẹkaya, Josaya tụḅọ ḅe kẹ Juda ḅẹ amadaḅọ mịẹm, Jehohakịnị, Jehohakịmụ tụḅọ ḅe kiri ḅụ.

Sọlọmọnị Ḅẹlẹtẹịn Nume 8:6

Ị́ ḅioḅẹngbọ gbaịn ḅẹlẹma goyegoye pịrị, ì nye sikima tẹ; Gbọrụḅọ-sọ na olo sọ ma, ì sikima tẹ. Ḅẹlẹma fị kụrọ ḅara kụrọm; ye gotẹ lẹlẹ pịkị ọkọ kẹ fị kụrọ kọnm. Anị veremuma kọrị paka tẹ orumo ḅara kẹ ye dọkịmarị.

1 Paka-aị 3:16

Jehohakịmụ ḅụụ ḅụ paka-ḅo apụ ma anie: Jekonaya na Zẹdẹkaya na.

Hegayị 2:23

Anị ene mẹ ḅụ, arị ị́ ọkị ḅa Zerubabẹlị ị̀ fịrịmẹnjịḅọ, tẹ ị́ kẹ ḅẹrẹtọnḅọ sọma ḅa ị̀ ẹrẹ ḅụ. Ị́yẹrị anie à sẹlẹ ọkị tẹ ḅọ ḅee.” Kụrọmamgba nyana KỊNỊNYANAḄỌ ḅe ọkọ ḅẹẹm.

Jerimaya 22:28

À nwẹnị ḅẹẹ, “Ama-da Jehohakịnị ḅe, ọ̀ fị tẹ jongo sọ tẹ ini ọ̀ kẹ wakị nguma tẹ gbọrụḅọ-sọ ḅarị ò ḅii-a? Anie mie in gotẹ ori na ori awọmẹ na kun-so ini anị gboloma gberie-sọ nimi-a amakiri mu ye?”

Jerimaya 22:6

“Ị̀ ḅụụ ḅụ, Juda amada-warị mẹ Giliyadi amakiri na Lẹbanọnị Tụndụ ma na iḅi ḅara iḅi wararị; kụma arị anị kẹ fa tẹ yọ sọma ḅa, gbọrụḅọ-sọ anga-a yọ.

2 Amadapụ 24:12

Jehohakịnị Juda ḅẹ amadaḅọ ḅe nwẹnị ọ̀ ḅụụ na, ò iyingi na, ori afịrịmẹnjịapụ na, ori owiapụ-awọmẹ na, ori amada-warị mẹ ḅio fịrịmẹnjịarị-opuapụ ma na sịkị Babịlọnị ḅẹ amadaḅọ ḅe pịrị. Ori ama-da tẹ ninea akụra karama kụra ḅụ Babịlọnị ḅẹ amadaḅọ ori ọkịm ikoliḅọ ḅara ḅụ

2 Amadapụ 24:15

Ò kun-ḅara ḅụ amadaḅọ Jehohakịnị na, amadaḅọ ḅe iyingi na, ori ereme na, ori opu fịrịmẹnjịapụ na, ama mẹ ḅẹ sịḅịdapụ ma na dogi-so Babịlọnị mum Jeruselemu ḅụ.

2 Paka-aị 36:9

Jehohakịnị sịḅị ninea akụra ḅọrọ tẹso, ọ̀ saakị ama-dam, tẹ ọ̀ Jeruselemu ḅụ tẹra akalụ na oyia aḍin na kẹ ama-dam. Ọ̀ KỊNỊNYANAḄỌ ḅe ḍiki-tọrụ ḅụ siye mịẹm.

Ayịzaya 49:16

Jeruselemu, arị ị́ kẹ ḅioḅọrọma ḅịa!. Arị ị́ ẹrẹ kẹ ị̀ aḅara akuḅu ḅụ kẹẹ tẹẹ.

Jerimaya 28:4

Jehohakịnị, Juda ḅẹ amadaḅọ, Jehohakịmụ tụḅọ ḅe na Juda ḅẹ apụ mamgba tẹ ịn kẹ ọ̀ ḅụ sụa kun-so Babịlonịya mu apụ ma sọ. Inn, à Babịlonịya amadaḅọ ḅe kụrọ mẹ ḅịkịma ḅa. Yẹrị KỊNỊNYANAḄỌ ḅe ọkọ ḅẹẹm.”

Jerimaya 29:2

Arị anị kẹ sakị anie ini Ama-da Jehohakịnị na, ò iyingi na, ama-da warị mẹ ḅẹ opu fịrịmẹnjịapụ na, Juda na Jeruselemu na ḅẹ sịḅịdapụ na, ḅara-ḍịn apụ ma na, kọrịnama ḍin apụ ma na ọkị so jen sịẹ ḅụ koroma sakị mẹ ḅụ.

Jerimaya 13:18

KỊNỊNYANAḄỌ ḅe ị̀ ḅẹẹm, “Ḍuko amadaḅọ ḅe na ò iyingi na pịrị ini ịna emine ma ọgọnọ koro ḅo, ịna iḅitẹ amada-sun ma ịna asịḅị ḅụ siin-koro tẹẹ ẹrẹsị.

Jerimaya 24:1

KỊNỊNYANAḄỌ ḅe nwẹnị ịla sịnmgbọlụ maa akana kẹ ì ḍie, ịn kẹ Tamụnọ-warị mẹ tọrọkọ sịẹma wararị. (Babịlonịya ḅẹ Amadaḅọ, Nebukadineza, ikoliḅọ ḅara kẹ Juda ḅẹ Amadaḅọ Jehohakịnị, Jehohakịmụ tụḅọ ḅe, kun Jeruselemu ḅụ so Babịlonịya mu tẹso, mie miemẹ mịẹ ye, anịsakị Juda ḅẹ sịḅịdapụ na ḅara-ḍịn apụ na kọrịnama nimi apụ na sọ ịn kẹ amadaḅọ ḅe ḅụ sụa kun som.)