Jerimaya 22:2 - FỊAFỊA BAỊBỤLỤ

² yei Juda ḅẹ amadaḅọ, KỊNỊNYANAḄỌ ḅe ẹkwẹn mẹ pokii, tẹ Devidi emine ọgọnọ lẹgị wararị ḅọ — ị́yẹrị na í opu fịrịmẹnjịapụ na ị́ atomi tẹ ma ogigo-aḅọkọ ma mẹnjị-mẹnjị sọ-ḅoarị apụ ma.

Jerimaya 22:2 Iomraidhean Croise

1 Amadapụ 22:19

Mayịkaya nwẹnị ḅẹẹ. “Ọkọẹrẹsị KỊNỊNYANAḄỌ ḅe ẹkwẹn-ḅịḅị mẹ naa: À KỊNỊNYANAḄỌ ḅe ẹrịm ori ori emine ọgọnọ ḅụ lẹgị sime wararị, tẹ So-ḅio simearị apụ mamgba ori ama-ḅara na ori ere-ḅara anga na ḅụ sịẹsime wararị ori akaka ḅụ:

Ayịzaya 1:10

Jeruselemu, í ḅio ḅụ ḅẹrẹtọn-arị apụ na ị́ atomi na ịn Sọdọmụ na Gomora na ḅẹ apụ na kịka tẹ. KỊNỊNYANAḄỌ ḅe ḍuko ị́ pịrịarị ye poki. Wamịna Tamụnọ ḅe kẹ í tolumarị ye kẹ ye-sịn.

Ayịzaya 28:14

Mịọkụ ọmịnị opu ẹkwẹn kọn-arị atomi tẹ mị yọ Jeruselemu ḅụ ḅẹrẹtọn mịna apụ ma pịrịarị apụ, ọ́ KỊNỊNYANAḄỌ ḅe ḍukoarị ye pokii.

Ayịzaya 9:7

Ori ama nyana kụrọ mẹ tọrọkọ-tọrọkọ mu ḅa, Ọ̀ daarị yọ mẹ ḅụ sakị mamgba dein sime ḅa. Ori Ama-da Devidi tọrụ-ḍimaḅọ ḅara kẹ ḅẹrẹtọn ḅa, Ọ̀ kụrọ mẹ kuraye na ọrụḅọ-ọrụḅọ la kiri kẹ mḅọ pịrị na ḅụ sịẹsime ḅa, mịọkụ ọkị mu sakị kunoma la. Kụrọmamgba nyana KỊNỊNYANAḄỌ ḅe tọn pẹlẹ tẹ mịnẹ mie-mẹmgba mịẹ ḅa.

Jerimaya 13:18

KỊNỊNYANAḄỌ ḅe ị̀ ḅẹẹm, “Ḍuko amadaḅọ ḅe na ò iyingi na pịrị ini ịna emine ma ọgọnọ koro ḅo, ịna iḅitẹ amada-sun ma ịna asịḅị ḅụ siin-koro tẹẹ ẹrẹsị.

Jerimaya 19:3

KỊNỊNYANAḄỌ ḅe ḍuko ị̀ pịrịm à ḅẹẹ, “Juda ḅẹ amadapụ na Jeruselemu ḅẹ apụ na, ọmịnị Yẹrị Kụrọmamgba nyana KỊNỊNYANAḄỌ, Izirẹlịapụ tẹkẹarị Tamụnọ ḅe, nyana tẹ ḍukoarị ye pokii. Arị ọkị-ḅo mị yọ mẹ ọgọnọ gbana ḅẹ-yearị opu ḅụụ-fụka mẹ gboloma ye naa ḅọ naa ḅọ naịn-ḅọrọ ḅa.

Jerimaya 22:1

Mie KỊNỊNYANAḄỌ ḅe ḅẹẹ ye, “Juda ḅẹ amadaḅọ ḅe amada-warị mẹ muu, tẹ mị oku mẹ ḍuko wasama anị anga:

Jerimaya 22:4

Ọ́ karakara ḅara kẹ à sụa oloko mẹ kokoarị ḅẹḅẹ anị sakị ẹrẹ mie Devidi furo-ḅẹ-apụ ama-da tọrọkọ-tọrọkọ mu ḅarịye. Ini na ịna opu fịrịmẹnjịapụ na ịna atomi na mịẹ ama-da warị mẹ ḅẹ ogigo-aḅọkọ ma ḅụ mẹnjị-sọ-sọ tọrọkọ-tọrọkọ mu ḅarịye, kiri mẹnjị ọmụ-arụ goyegoye na asụ amẹẹ na ọgọnọ ḅụ.

Jerimaya 29:20

Ọmịnị-mgba tẹ à kẹ kun-ḅara ḅio sime apụ ḅara kẹ Babịlonịya fịrịma apụ ma, ọmịnị yẹrị KỊNỊNYANAḄỌ ḅe mẹẹ ye poki.”

Jerimaya 34:2

KỊNỊNYANAḄỌ ḅe, Izirẹlịapụ tẹkẹarị Tamụnọ ḅe, ḍuko ị̀ pịrịm à mu Ama-da Zẹdẹkaya Juda daarịḅọ ḅe ḅẹ, “Yẹrị KỊNỊNYANAḄỌ ḅe, ḅarana mịẹ opu ama mẹ kẹ Babịlonịya ḅẹ amadaḅọ pịrịtẹ ori anị dọkịma kiri lama ḅa.

Jerimaya 36:30

Mie ḅụ, mịọkụ yẹrị KỊNỊNYANAḄỌ ḅe, ị́ ḅẹẹarị, Ama-da Jehohakịmụ, mịnẹ í furo-ḅẹ-ḅọ Devidi ama-da yọ mẹ ḅụ ama-da ḅịa gbamasom. Ị́ fịtẹ oju-akpakpa mẹ ịn kẹ wakị nguma ḅa paụ ḅụ, tẹ ịrụa anị fọị ḅa eneḅaka ḅụ, tẹ oḅoku igirigi pịkị anị ọgọnọ sara ḅa ḍin ḅụ.

Jerimaya 7:2

Mie KỊNỊNYANAḄỌ warị mẹ ḅẹ ogigo-ḅọkọ sịẹ tẹ mịẹ oku mẹ ḍuko-wasamaa. Ọmịnị Juda ḅẹ apụ mamgba tẹ mịna ogigo-aḅọkọ ma ḅụ ḅọrọ ḅo sunsin KỊNỊNYANAḄỌ ḅe pịrị apụ, ọ́ KỊNỊNYANAḄỌ ḅẹ ẹkwẹn mẹ naa.

Izikẹlị 34:7

“Mịọkụ ọmịnị anana-ḍikiḍikiapụ ọmịnị yẹrị, KỊNỊNYANAḄỌ ḅe, ḍuko ọ́ pịrịarị ye poki.

Emọsị 7:16

Mie ḅụ mịọkụ KỊNỊNYANAḄỌ ḅe ḍukoarị ye pokii. Ị́yẹrị ị̀ ḅẹẹarị à ḅarị ịkịan koro ma, tẹ maa-tọrụsụaḅọ ḅara kẹ ẹkwẹn Izirẹlị ḅẹ apụ pịrị dasịẹmaa.

Luku 1:32

Ori opu sọ ḅa, tẹ Geletẹịn Tamụnọ ḅe Tụḅọ anie tomi kẹ ọ̀ sịn ḅarịye. Ori atẹngịḅọ Devidi ama-da ḅara anie KỊNỊNYANA-TAMỤNỌ ḅe ọ̀ kẹ ama-dama ḅarị ḅara.