Jerimaya 22:19 - FỊAFỊA BAỊBỤLỤ

¹⁹ Asụ kịka nama ḅe fịị tẹ ịn kẹ ò ḍiḅi ḅẹ ḅara mie ịn kẹ ò ḍiḅi ḅarị ḅara, ini ọ̀ fọnọ pakama ḅa Jeruselemu ogigo-aḅọkọ ma ḅụ tẹ ọ̀ kẹ wakị nguma ḅa.

Jerimaya 22:19 Iomraidhean Croise

1 Amadapụ 14:10

Ọkọẹrẹsị ḍikii, à fị-na-fa-na ọkị-ḅo Jerobohamụ warị ọgọnọ ḅụ gbana ḅa, tẹ Izirẹlị mẹ ḅụ owiḅọ goḅọ-goḅọ pẹlẹ-siin ḅa Jerobohamụ warị ḅụ, anị ḍaḅọ-tụḅọ-o, furo-tụḅọ-o sọ, tẹ tomḅọ sịḅị-ngụngụnma aị dọkịma nwenii arị dọkịma nguma fama ḅara, à nwẹn kẹ Jerobohamụ warị mẹ ọfịn siin ḅa.

2 Amadapụ 23:36

Jehohakịmụ sịḅị si sọnọa kụra finji ḅọrọ tẹso ọ̀ saakị ama-dam, tẹ oyi gbọrụ kụra finji kẹ Jeruselemu ḅụ sime tẹ ama-dam. Ò iyingi ẹrẹ Zebida, Pedaya Ruma ḅẹ ḅọ ḅe ẹrẹḅọtụḅọ ma.

2 Amadapụ 24:6

Anieḅụ Jehohakịmụ fịịm, tẹ ori owiḅọtụḅọ Jehohakịnị nwẹnị ò kiri ḅụ ama-da.

2 Amadapụ 9:35

Kụma ịn paka á ḍiḅi ḅẹ mu sakị á sịḅị-okpolomokpo mẹ na, árị aḅụọ ma na, árị aḅara ma na sikima in jen ḍọkị-ẹrịa.

2 Paka-aị 36:6

Babịlọnị ḅẹ Amadaḅọ Nebukadineza nwẹnị owu kẹ ọ̀ paka tẹ ikoli kẹ ọ̀ sụa tẹ kẹ so Babịlọnị mu.

Nimi Tolumaḅọ 6:3

Gbọrụ owiḅọ nwẹnị awọmẹ sọnọa si iyi tẹ tọnwa akụra kẹ ḍumo-sime, gbala ọ̀ sịḅị ḅọrọtẹ akụra ḅụ ọ̀ tọnwa ene sime tẹ, kụma ḍumo ḅụ kẹ tọrụ-ḅẹlẹ-ḅẹlẹ iḅi-aị ma ḅẹ gbọrụ tọrụ-ḅẹlẹ sọ ọ̀ nyana-a, ịn pịkị iḅi ḅara sọ kẹ ò ḍiḅi-a ḅẹḅẹ, à ḅẹẹm mịnẹ posi paka tụḅọ (eremịna ọgọnọ ẹrị ḅụ ḅọrọ tụḅọ) iḅi ọ̀ nẹngịm.

Jerimaya 15:3

Yẹrị, KỊNỊNYANAḄỌ ḅe tọn-pẹlẹ tẹẹ mịnẹ opu ḅalafama aị ịna ḅụ paka ḅa: ini ọmụ ḅio ịn ḅaa ḅa; obiri amẹẹ ịna oju-akpakpa ma fọnọ-so ḅa; feni arị pẹị ḅa, tẹ piri-ḅio-ḅẹ anama kiri kọn aị ma kanị pẹị ḅa.

Jerimaya 36:30

Mie ḅụ, mịọkụ yẹrị KỊNỊNYANAḄỌ ḅe, ị́ ḅẹẹarị, Ama-da Jehohakịmụ, mịnẹ í furo-ḅẹ-ḅọ Devidi ama-da yọ mẹ ḅụ ama-da ḅịa gbamasom. Ị́ fịtẹ oju-akpakpa mẹ ịn kẹ wakị nguma ḅa paụ ḅụ, tẹ ịrụa anị fọị ḅa eneḅaka ḅụ, tẹ oḅoku igirigi pịkị anị ọgọnọ sara ḅa ḍin ḅụ.

Jerimaya 36:6

Kụma à ḅiiarị jen sakị tomi ma ḅuru-ịmọarị sakị ị́ anịanga mu. Ị́ mịẹ ḅarịye, in-ikoarị-abịlala mẹ ḅio sime ye mẹ go ịn pịrị gele pọkọ ḅụ, mịẹ tẹ KỊNỊNYANAḄỌ ḅe ị̀ ḅẹ tẹ à ḍuko tẹ ị́ kẹẹ ye goyegoye ịn naa ḅarị ḅara, Juda ḅẹ apụ tẹ ịna ama-ama ma ḅụ sime ḅo apụ ma sọ ịna ḅụụ sọ tẹ naa.

Jerimaya 8:2

Ini arị kobiri tẹ ḍiḅi ḅẹ nakara ịna mgbe ma vooma kiri ḅio sara sime ḅa, kẹ ḍụọ ḍiḅi ḅẹ ḅụrụtẹ fun sara ḅara. Ini arị gala-galama sara ịrụa na akalụ na lolia ma na pịrị ḅa, anie mịna atomi ma ḅẹlẹma tẹ fịrịmẹnjị pịrị sime aị ma, anie ini arị aḅịḅị ḅii tẹ sunsin pịrị aị ma.

Izikẹlị 19:8

Sịẹ-sịẹ ma kobiri ḅo owu kẹ ọ̀ sọ ḅẹm; anga mamgba kịnị ḅom. Ini ịna piri-dee ịgbọ ma sụam tẹ ori ịna ọnya ḅio korom.

Izikẹlị 39:5

Wulalatẹ simearị ḍụọ kọrị kiri mẹ ọgọnọ ịn fịị sara ḅa, yẹrị Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe ọkọ ḅẹẹm.