Jerimaya 22:18 - FỊAFỊA BAỊBỤLỤ

¹⁸ Mie ḅụ KỊNỊNYANAḄỌ ḅe Josaya owiḅọtụḅọ Jehohakịmụ, Juda ḅẹ amadaḅọ ḅe gboloma ye ḅụ ḅẹẹarị: Gbọrụḅọ sọ ò ḍuu ḅịa ọ̀ fịị ḅụ, anịanịa ḅẹẹ: Anị ḅalafama ḅara ḍikii, ì ikiaḅọ, anị ḅalafama ḅara ḍikii! Gbọrụḅọ tọrụ sọ owu minji sara ọ̀ pịrị ḅịa, anịanịa owu, tẹ ḅẹẹ, yei ị̀ nyanaḅọ! Ị̀ amadaḅọ!

Jerimaya 22:18 Iomraidhean Croise

2 Samụẹlị 1:26

Ì iyimbere Jonatanị, à ḅioḅu ị́ pịrịm; ị́ ị̀ ḅụụ yela lamam; ị́ nyana ị̀ pịrị ḅẹlẹma ḅụụ-gbiripumam, anị eremịna ḅẹlẹma sọ ḅọrọm.

1 Amadapụ 13:30

Ọ̀ nwẹnị anị kẹ sime ọ̀ pịrị ḍuḅu ḅio ḍiḅi tẹ ịn nwẹnị ò gotẹ kururu, ḅẹẹarị “yei iyimbere!”

2 Amadapụ 23:36

Jehohakịmụ sịḅị si sọnọa kụra finji ḅọrọ tẹso ọ̀ saakị ama-dam, tẹ oyi gbọrụ kụra finji kẹ Jeruselemu ḅụ sime tẹ ama-dam. Ò iyingi ẹrẹ Zebida, Pedaya Ruma ḅẹ ḅọ ḅe ẹrẹḅọtụḅọ ma.

2 Amadapụ 23:6

Ọ̀ nwẹnị Asẹra fụḅara mẹ pakama-ḅo KỊNỊNYANAḄỌ ḅe warị ḅụ, tẹ Jeruselemu ḅụ anị pakama mu Kidirọnị kuroro ḅụ anị dọkịma tẹ anị dogi-ḅo fọọn sọ tẹ ini anị ḅẹ fọọn mẹ kẹ papaa atomi ma aḍuḅu ọgọnọ sara.

2 Amadapụ 24:6

Anieḅụ Jehohakịmụ fịịm, tẹ ori owiḅọtụḅọ Jehohakịnị nwẹnị ò kiri ḅụ ama-da.

1 Paka-aị 3:15

Josaya owiapụ-awọmẹ anie Johananị, mgbe ḅe na, Jehohakịmụ gbolo ḅe na, Zẹdẹkaya gbolo-palịḅọ ḅe na, Salumu ini karama ḅọ ḅẹ na.

2 Paka-aị 35:25

Jerimaya sọ kururu ẹkwẹn kọnm Josaya ḅụụ; anị sakị nume-suarị owiapụ na, ereme na mamgba ịna kururu ḅụ Josaya gbolomaye ḍuko ḅo mịmgbaa lam. Kụrọ ḅara-ḅio sime apụ ma nwẹnị tọn tẹ mịna aị ma kẹ mịẹ-mịẹ aị sọma Izirẹlị ḅụ; ḍikii, kururu ẹkwẹn ma ḅio ini arị kẹẹ wararị.

2 Paka-aị 36:5

Jehohakịmụ sịḅị si sọnọ akụra finji ḅọrọ tẹso, ọ̀ saakị ama-dam, tẹ oyi gbọrụ kụra finji kẹ Jeruselemu ḅụ ama-dam. Ọ̀ KỊNỊNYANAḄỌ ọ̀ Tamụnọ ḅe ḍiki-tọrụ ḅụ siye mịẹm.

Jerimaya 16:4

Ịn ḅalafama obi ḅụ ḅọrọtẹ fịị ḅa, tẹ gbọrụḅọ-sọ in ḍuu ḅịa, anịanịa ịn kẹ ḍiḅi. Ịna oju akpakpa ma tunduru sime ḅarị ḅara sara kịka ḅa kiri mẹ ọgọnọ. Ini ọmụ ḅio fịị ḅa anịanịa ḅuru-ḅa ḅụ fịị, ịna oju akpakpa ma fịye sọ feni amẹẹ na piri-ḅio-ḅẹ anama na pịrị ḅa.”

Jerimaya 16:6

Mị amakiri mẹ ḅụ igoin-apụ na alapụ na fịị ḅa, kụma in ḍiḅi ḅẹ ḅọ ofori anịanịa in ḍuu. Gbọrụḅọ-sọ amịna oju pẹlẹ anịanịa sịḅị sẹịn-siin tẹ kẹ mḅọ kururuarị ye ḍie-pakama ḅịa.

Jerimaya 21:11

Pịkị jen, ḍuko Juda ama-da warị mẹ pịrịị, “Ọ́ KỊNỊNYANAḄỌ ḅe ẹkwẹn mẹ naa.

Jerimaya 22:10

Juda ḅẹ apụ, ọmịnị Amadaḅọ Josaya gotẹ owu ma; ọmịnị ọ̀ fịị kẹ ò ḍuu ma. Kụma ọ́ tẹmẹ-akụ ḅara kẹ owu ọ̀ tụḅọọ Johazi ḅe pịrịị, ini ori ọkị-soarị, gbala-gbala pịkị-ḅo ḅịa ḅara, gbala-gbala, jen kẹ ini ori iyi amakiri mẹ ẹrị ḅịa ḅara.

Jerimaya 22:12

Ini ori ọkị-so mu sịẹ mẹ ḅụ ọ̀ fịị ḅa, tẹ ḅarị jen kẹ mị amakiri mẹ ẹrị ḅịa.”

Jerimaya 34:5

Í dein ḅụ fịị ḅa, tẹ í elemu aḍapụ fịị sakị ịn kụnụaị dọkịma ḅara, anie tarị ama-da tẹrẹmẹ da apụ ma, anị gbọrụ ḅara mẹ mie ịn kẹ kụnụaị dọkịma ị́ pịrị ḅarị ḅara. Ini í gotẹ kururu tẹ ḅẹẹ ḅa, ‘Wamịna amadaḅọ fịtẹ!’ Yẹrị, KỊNỊNYANAḄỌ ḅe ọkọ ḅẹẹm.”

Jerimaya 36:30

Mie ḅụ, mịọkụ yẹrị KỊNỊNYANAḄỌ ḅe, ị́ ḅẹẹarị, Ama-da Jehohakịmụ, mịnẹ í furo-ḅẹ-ḅọ Devidi ama-da yọ mẹ ḅụ ama-da ḅịa gbamasom. Ị́ fịtẹ oju-akpakpa mẹ ịn kẹ wakị nguma ḅa paụ ḅụ, tẹ ịrụa anị fọị ḅa eneḅaka ḅụ, tẹ oḅoku igirigi pịkị anị ọgọnọ sara ḅa ḍin ḅụ.