Jerimaya 22:17 - FỊAFỊA BAỊBỤLỤ

¹⁷ Kụma í inetẹ ye iḅi ngẹrị pịrị ḅẹ ḅara ḍikiarị; ị́ mịẹye-ofori apụ ma ḅaarị tẹ kụrọ ḅara kẹ ị́ atomi ponomarị. KỊNỊNYANAḄỌ ḅe ọkọ ḅẹẹm.

Jerimaya 22:17 Iomraidhean Croise

1 Amadapụ 21:19

Anịsakị ị́ ọ̀ ḅẹẹ ḅa mie yẹrị KỊNỊNYANAḄỌ ḅe ò gbela ḅara, ‘í Nebọtị ḅaa tẹ pịkị ò nye ọkị nyana ḅẹ tẹ mọ?’ Ị́ pịkị ọ̀ ḅẹẹ ḅa, ‘obiri Nebọtị ọmbie mẹ mẹnị anga mẹ ḅụ, mie obiri ị́ ọmbie sọ mẹnị ḅarị anga!’ ”

2 Amadapụ 23:37

Ọ̀ KỊNỊNYANAḄỌ ḅe ḍiki-tọrụ ḅụ siye mịẹm, ori aḍapụ ma wẹrịtẹ mịẹ ḅara mamgba.

2 Amadapụ 24:4

na pịkị mịẹye-ofori apụ tẹ ọ̀ ḅaa ye mẹ. KỊNỊNYANAḄỌ ḅe mị si mẹ wẹrịso ọ̀ pịrị ḍụkụ-a.

2 Paka-aị 36:8

Mịọkụ Jehohakịmụ amịẹaị ḅụ kiri kọn aị ma na, tọn-tọn-aị ma tẹ ọ̀ mịẹ aị ma na, ọ̀ ḅụụ in ḍọkị-ẹrị tụḅụrụ amịẹaị na, ḍikii, Izirẹlị na Juda na Amadapụ ma ḍiri mẹ ḅio arị kẹẹ wararị; tẹ ori owiḅọtụḅọ Jehohakịnị nwẹnị ò kiri ḅụ ama mẹ da.

Jobu 31:7

Ị̀ mẹnjị ḅụọ etela mẹ ḅụ pịkị jen anga da tẹ, tẹ ì ḅioḅẹngbọ ị̀ atọrụngbọ ma ḍuka mu tẹ tẹ ye ị̀ aḅara oḅolo tẹ arị fị tẹ ḅẹḅẹ;

Devidi-Anume 10:3

Si-sịḅịḅio-sụa tomḅọ ḅe ọ̀ mịẹ ḅẹ tẹ kuromarị siye mẹ kẹ ḅụụ bomarị: Opu pọkọ-ḅẹngbọ sụa tomḅọ ḅe Tamụnọ wori-wori tẹ ọ̀ sịkịarị.

Paka-so 18:21

Anie sikima, owiapụ mamgba ḅụ, ịnyọ nyana tẹ Tamụnọ ḍiki-ḅalafarị owiapụ ḅara, owiapụ tẹ kịnị ḅioḅẹngbọ-kẹ-sịrẹrẹ-niḅi apụ, tẹ ọḅụ-fị ḍiki-ḅioḅuarị apụ sẹlẹẹ; tẹ ọkọ sime apụ kẹ ḅẹrẹtọn-apụ sọma kịnị maa ẹndẹ oyia asi finji-finji na; kịnị sọnọa si, sọnọa si na; kịnị amesi oyi finji-finji na; oyi apụ, oyi apụ na pịrịị.

Egberima-Ẹkwẹn 24:2

In kuromarị aị mamgba ḅụụ-fụka dogi-ḅo aị famam ịn ḅịḅị finji sakị goyegoye ye gbọrụḅọ laarị.

Ayịzaya 56:11

Fị ye fị ye pọkọ-ta-a obiri amẹẹ mie ịn kịkarị, anie kẹ ịn pịrị tẹ gbala-gbala ini na iḅi-iḅi ye ofori apụ. Mịna sịḅịdapụ ma in yefieye naa-a. Ịna ḅụ ọrụḅọ-ọrụḅọ amịna ḅụụ-ḅẹlẹ ye mịẹarị tẹ mḅọ na iḅi ḅẹ ye ḍọkịarị.

Jerimaya 17:11

Kịnị mingirima ḅọkọ kẹ igbigi nyanarị ḅọ mẹ, mḅọ kịkarị ye anie feni tẹ ori koroma-a anyị kẹngẹarị feni. Ori asambịrịma sakị ḅụ ori ngọ mamgba faa ḅa, anịsakị kunoma ḅụ ori ḅarị gbọrụḅọ-sọ gbọrụḅọ-a, kụma oḅori-ḅọ.

Jerimaya 19:4

À gotẹ miemẹ mịẹ ḅẹ-yearị, ị̀ atomi ma ị̀ kẹ gbin koroma-so tẹ agba mịẹ-mịẹ oru-atamụnọ ma pịrị ḅụ mị yọ mẹ pilema tẹẹ — oru-atamụnọ ma tẹ ịna elemu aḍapụ-o, Juda ḅẹ amadapụ ma-o arị gboloma ye ḅụ ḅẹ gberie-sọ nimi-a aị ma. Ịn mịẹye-ofori apụ ọmbie kẹ mị yọ mẹ ḅinma tẹẹ,

Jerimaya 22:3

Yẹrị, KỊNỊNYANAḄỌ ḅe oloko-sụa ọ́ pịrịarị mịnẹ ọ́ jụmọ inoma ofori ye na kuraye na mịẹẹ. Ọ́ kịnị inomarị ḅọ mẹ gbaịn ḅọrọma mḅọ inomarị ḅọ mẹ ḅụ. Ó si ḅara anịanịa ponoma ḅara kẹ jen asịẹ ḅẹ apụ na, ḍapụ-na-iyingiapụ-na fịtẹ awọmẹ na, diapụ-fịtẹ-ereme na mịẹ ma, pịkị in ponoma ma. Mị fịafịa yọ mẹ ḅụ ọ́ mịẹye-ofori apụ ḅaa ma.

Jerimaya 6:13

Ḅẹḅọ-ḅẹḅọ, opu na kala na kura-a ḅọkọ kẹ ngọ kọn ḅẹ ḍọkịarị; ịkịankoroapụ na agbamịẹapụ ma sọ tomi ma inomarị.

Jerimaya 6:6

Kụrọmamgba nyana KỊNỊNYANAḄỌ ḅe tọn tẹẹ, mịnẹ mịna amadapụ ma sịn pẹlẹ-pẹlẹ-gbin tẹ kiri kpolima-kpolima Jeruselemu ikelema ḅa, kẹ ama mẹ ọkị ḅẹ ḅara. Ò ḍuko tẹẹ, “À fomu-ḅara kẹ mị opu ama mẹ pịrị ḅa, kịnị ponoma anị ḅio ḅin wararị ẹrẹsị.

Jerimaya 7:6

Ọ́ jen asịẹ ḅẹ apụ na, ḍapụ-na-iyingiapụ-na-fịtẹ-awọmẹ na, diapụ-fịtẹ-ereme na inoma dasịẹmaa. Ọ́ mịẹye-ofori apụ ḅaa dasịẹmaa, mị amakiri mẹ ḅụ. Ó sunsin oru-atamụnọ pịrị dasịẹmaa, kẹ gotẹ ọkọ ḍukoarị, anị ọ́ ḅaa guluguluma ḅa.

Jerimaya 8:10

Mie ḅụ àrị ịna aḍụọ ma kẹ ịwọ apụ pịrị nyana ḅa, tẹ ịna sime-ereme kẹ ja owiapụ pịrị ḅa. Ḅẹḅọ-ḅẹḅọ, opu na kala na, mingirima ḅọkọ ḅụ ḅọrọ tẹ igbigi mịẹ ḅẹ ḍọkịarị. Ịkịankoroapụ na agbamịẹapụ na kịngẹ sọ tomi ma inomarị.

Izikẹlị 18:12

Ori igoin-apụ ma inomarị, ọ̀ kụrọ-ḅara kẹ ye furuarị, kẹ ọ̀ ḅarasụa tẹ igbigi ḅọlọ ye ọ̀ gbọrsịḅị ọkịarị. Ori oru-awarị mu-mu tẹ sunsin sịḅị-ngụngụnmarị oru-afụḅara pịrịarị,

Izikẹlị 19:6

Ò ḅo ḍụḅa famatẹ opu ye sọ sakị, ori osi ọkụkụ ma ḅụ sọ tẹ mẹnjịma-mẹnjịmam tẹ kun pẹị ḅẹ ye ḍọkịarị ḅara ḅụ. Ori sọ ḍawọ tẹ piri-dee tẹ pịkị tomḅọ pẹị ye sọm.

Izikẹlị 19:7

Ọ̀ kụrọnị-ayọ sima kọsịmam, ori ama-ama ma famam. Ori ekire sakị-sakị, amakiri mẹ ḅẹ apụ ma tẹmẹ-naịn-naịnm.

Izikẹlị 19:9

Ini ọ̀ kẹ feni-warị pembe ye ḅio sunm, tẹ ori ọkị mu Babịlonịya ḅẹ amadaḅọ pịrịm. Ini ọ̀ kẹ ọ̀ pụkọ-so ḅịa ḅara wẹrịm, mịẹ tẹ kịnị ḅarị jen kẹ ori ekirearị ye naa ḅịa ḅara Izirẹlị ḅẹ atụndụ ma ọgọnọ ḅụ.

Izikẹlị 22:6

Izirẹlị sịḅịdapụ mamgba ịna soku-ḅẹ ịnyọ kẹ ḅiokpọmarị tẹ kura-a ḅara kẹ kịnị ḅaarị.

Izikẹlị 33:31

“Mie ḅụ ị̀ atomi gbii-gbiima paịn sọ-ḅoarị ị́ nyana tẹ ḍuko ḅẹ ye naa ḅẹ ḅara, kụma ị́ ịn ḅẹẹm mịẹ ḅẹ ḅara ịn mịẹ-a. Ini ị́ ẹkwẹn ma kẹ ye ḅụ sọ-a anume ḅara ọkị tẹ paa ịna pọkọ-sịkịrịtẹ etela ma ḅụ mẹnjịarị.

Mayịka 2:2

Ḍụọ ịna aḅụụ ḅẹlẹ-ḅẹlẹ, ini arị kọrị ọkịm; warị ịna aḅụụ ḅẹlẹ-ḅẹlẹ, ini arị ọkịm; gberie-sọ kpaịn sime tomḅọ mẹ pịrị-a mḅọ ere-furo-o, mḅọ nyana aị-o.

Mayịka 3:10

Ọmịnị tẹ ọmbie kẹ sukutarị-ḍụḅarị sọma Zayọnị nama, tẹ ḅẹrẹ pịkị iḅo kẹ Jeruselemu, Tamụnọ opu ama mẹ namarị apụ.

Zẹfanaya 3:3

Anị ḅẹ fịrịmẹnjị-opuapụ ma oloku ma ḅọrọarị ọkụkụ kịkarị; anị ḅẹ ḅẹrẹkọn-apụ ma ḅuru-pọkọtarịarị anamakiri kịkarị, pẹịye-pẹịye pọkọ-ta-a ḅụra ḅara ḅụ ḅo dede la ḅẹ mgbe gbọrụmgbọ-sọ ịn kọnma-kọnma-a.

Romu 1:29

Si-sịḅịḅio-sụa ḅara na, si-amịẹaị na, opu-pọkọḅẹngbọ na, ngoro-ngoro-amịẹaị na, ịna ḅụụ ḅin wararị; afana na, kịnị-ḅa na, owu kẹ kịnị paka na, oḅori-kẹ-kịnịsịn na, ḍiki-ḅioḅu na sọ ịna ḅụụ sọ ḅin wararị. Ịn kịnị kẹ ọḅụ mẹnjị

1 Kọrịntị 6:10

anịanịa furuarị ḅọ, anịanịa opu pọkọ-ḅẹngbọ sụa ḅọ, anịanịa iru ḅuu ḅụramarị apụ anịanịa ja apụ ḍuko-simarị apụ, anịanịa furuapụ mịna aị ma mịẹarị apụ ma ḅẹ gbọrụḅọ-sọ Tamụnọ ama-da tẹ ḅẹrẹtọn-arị anga mẹ ḅụ sime ḅịa.

Kọlọsị 3:5

Ọkọẹrẹsị, ó tomikiri ḅẹ aị tẹ oju ḅio ọmịnị ịgbanịarị aị ma ḅaa siin, anie mịna aị ma kịka aị: kura-a ḅara ḅụ owiḅọ na ẹrẹḅọ na gboloma na, ḅụụ gbẹẹ-a ye-mịẹ-ḅara na, lẹlẹ ye pịrị na, si ḅara kẹ tẹmẹ-lokoloko ye pịrị na, opu pọkọ-ḅẹngbọ na (miemẹ oru tẹkẹ na anị na gbọrụ ḅara).

Jọsụwa 7:21

Ọmụ ḅio ọkị aị ma ogbo-ḅio à Sina ḅụ ḅo gbọrụ iḅitẹ ḅara ofori ọgọnọ gbana opu kapa na, seleḅa pakịrị oyia asi na, golu kpoo mesi oyi finji iku kọn golu gbọrụ kpo na ẹrịm, tẹ nwẹnị arị mọnị tẹ arị ọkị; anịsakị ḍikii, arị ị̀ akpụrụ-warị ḅio arị kẹ kiri-ḅio ḍiḅi tẹ seleḅa mẹ kẹ arị suku-ḅio suu wararị.”

2 Pita 2:14

Sakị mamgba ịna atọrụngbọ jen anga ofori, si mẹnjị kọn-arị ereme ọgọnọ sikima tẹ; si mịẹ ịna apọkọ tata-a. In minini kụrọ-a apụ dogi-mu ḍiein ḅio koromarị. Ini ịna aḅioḅẹngbọ tẹlẹma tẹ kẹ opu pọkọ-ḅẹngbọ sụa ḅara wẹrịarị. Ini ma Tamụnọ wori-nume ịna ọgọnọ emi!

2 Pita 2:3

Ịna opu pọkọ-ḅẹngbọ ḅụ mịna iruo ye-tolumapụ ma, ini ḅarana kuroma ḅo ịlụkụ ma gbaa-gbaa ọ́ pịrị tẹ ọmịna ḅụ sọye fị ḅa. Alatẹ sakị kụra-ḅio ịn kọn ḅarị Ḅẹrẹkọnḅọ ḅe tẹlẹma tẹ emi, tẹ ịn Ḅaa guluguluma ḅarị ḅọ ḅe sọ mono-a tẹ ẹbịarị.

1 Samụẹlị 8:3

Anịsọ ori owiapụ-awọmẹ ma ori etela ma ḅụ mẹnjị-a, kụma tọrụ pịkị akaka-ḅio sọye fị ḍọkịm; ini ọḅụ-fịm, tẹ karakara ḅẹrẹ pịkị iḅom.