Jerimaya 22:16 - FỊAFỊA BAỊBỤLỤ

¹⁶ Ọ̀ karakara ḅẹrẹkọn igoin-apụ pịrịm, tẹ ye-mẹmgba ori na iḅim. Anie mie KỊNỊNYANAḄỌ ḅe nimi fiearị ye.

Jerimaya 22:16 Iomraidhean Croise

1 Paka-aị 28:9

“Anịsakị ị́yẹrị ị̀ owiḅọtụḅọ, Sọlọmọnị, ị́ aḍapụ Tamụnọ ḅe nimii, tẹ í bebe ḅioḅẹngbọ na mịẹ pọkọ-tarị kuroma kẹ fịrịmẹnjị ọ̀ pịrịị; kẹ gotẹ ọkọ ḅẹẹarị, KỊNỊNYANAḄỌ ḅe ḅioḅẹngbọ mamgba ḍọkị ḍikiarị, tẹ ḅioḅẹngbọ ḅụ tọn tẹ mịẹ ḅẹ ye goyegoye fie ye naarị. Ị́ ọ̀ sịkị-sịkị, ori ị́ kẹ gbin nguma gbamaso ḅa.

Devidi-Anume 109:31

ori igoinḅọ ḅe ḍụa tẹ ḅaa ḅẹrẹ-pẹlẹ ori ọgọnọ gbanarị apụ ma ḅara-ḅio ọ̀ ḅọrọmarị ẹrẹsị.

Devidi-Anume 36:10

Paa í nimi apụ ma ḅẹlẹma tọrọkọ, tọrọkọ muu: tẹ iḅi kẹ karakaraye-mịẹapụ mị.

Devidi-Anume 9:10

KỊNỊNYANAḄỌ, í nimi apụ ma ị́ kẹ ḅiokpọma ḅa: ị́ ḍọkụma-ḅo ḅọ ḅo ḅọ ị́ mḅọ kẹ gbin kuroma-so ḅịa.

Egberima-Ẹkwẹn 31:9

Ẹkwẹn ịn pịrị tẹ karakara ḅẹrẹkọnḅọ sọọ. Ḍụkụ tẹ sime igoin-apụ na mịẹḅẹ-ọkụ-ofori apụ na pịrị aị ịna aḅara so ma.”

Ayịzaya 1:17

tẹ ḍawọ tẹ kuraye mịẹẹ. Ọmịnị ẹrị mịnẹ ó tomḅọ la kiri kẹ mḅọ pịrịm, ḅarasụa ja apụ ponomarị apụ pịrị, sime ḍapụ na iyingiapụ na fịtẹ awọmẹ pịrị aị kẹ ịn pịrị, diapụ-fịtẹ-ereme ma ḍụa.”

Jerimaya 5:28

anie ẹrẹsị ịn ḍụḅa tẹ iḅi fịye fị apụ ḅara simearị. Ịna si amịẹaị ma daasịẹ anga nyana-a. In sime ḍapụ na iyingiapụ na fịtẹ awọmẹ karakara kẹ ịn pịrị-pịrị-a, anịanịa ja apụ ponomarị apụ ma la kiri ịgbanị ịn pịrị.

Jerimaya 9:16

Sịẹ-sịẹ tẹ ini anịanịa ịna elemu-aḍapụ amụ arị gboloma ye naa-a apụ ogboku ḅụ, arị ịn kẹ gala-galama ḅa, tẹ ọmụ-ogbo-ogbo kẹ ịn fịrịma nwenii tẹ àrị ịn ḅaa guluguluma fama ḅa.”

Jerimaya 9:24

Gbọrụḅọ nwẹnị ḅụụ-boma ḅarị ḅẹḅẹ, yee mḅọ ḅụụ-boma mịnẹ mḅọ ì nimi tẹ à fie ye naarị, gbala ị̀ ḅẹlẹma kuno-kuno-a ẹrẹsị, tẹ à pịkị inoma ofori ye na kuraye na mịẹarị. Mịna aị ma mie ì ḅio ḅẹlẹmarị. Yẹrị, KỊNỊNYANAḄỌ ḅe ọkọ ḅẹẹm.”

Jerimaya 9:3

Sakị mamgba ịn tẹlẹma wararị iruo aị ḍuko; karakara nakara kịnị mingirima mie ama kiri mẹ daarị. KỊNỊNYANAḄỌ ḅe mẹẹ, “Ị̀ atomi gbọrụ si mịẹ tẹ so jen si mịẹarị, tẹ yẹrị ịna Tamụnọ ḅara kẹ ị̀ ọkị-a.”

Mayịka 6:8

Mayịka nwẹnị ịn ḅẹ mịnẹ ọkọ-a, yei Izirẹlịapụ, KỊNỊNYANAḄỌ ḅe kọkọ wa mịẹ ḅẹ iḅiye mẹ kẹ wa ḍie, tẹ ọ̀ wamịna ḅara ḅii ye ḍuko wa pịrị tẹ; arị aị ma anie: karakara ḅẹrẹkọn na, iḅi-yemịẹ-ḅara na ḅẹlẹma na nyana jụmọ-jụmọ pịrị pịkị ḅụụ iderima ḅara kẹ wamịna Tamụnọ ḅe na gbọrụ ḅụụ sime.

Jọnị 16:3

Tomi gotẹ mịna aị ma kẹ ọ́ mịẹ ḅarịye ịn Ḍaḅọ ḅe nimi-a, pịkị yẹrị sọ.

Jọnị 17:3

Anịsakị sime gbamaso ḍumo fiearị ye anie karakara kpọkpọ gbọrụ Tamụnọ ḅe, na Jizọsị Kịrayịsị ị́ kẹ fịrịmaḅọ ḅe na nimi.

Jọnị 17:6

“Tomikiri mẹ ḅụ ị́ sẹlẹ pakama-ḅo ị̀ pịrị apụ ma à mịẹtẹ ini í nimi tẹ. In sime ị́ pịrịm, tẹ ịn kẹ ị̀ pịrịm. Ini ị́ ẹkwẹn ḍuko ḅara mịẹ tẹ,

Jọnị 8:19

Ịn nwẹnị ò gbela, “Ị́ ḍa ḅọrọ tọ-anga emi?” Jizọsị nwẹnị pakịrị, “Ọmịnị ì nimi-a, ị̀ Ḍa ḅe sọ ọmịnị ò nimi-a. Ọmịnị ì nimi namịna ọ́ pịkị ị̀ Ḍa ḅe sọ nimi tẹ.”

Tayịtọsị 1:16

Ini ọkịarị ịn Tamụnọ nimim, kụma ịna amịẹaị anị pikiarị. Ḍiki-ḅioḅu na ḅịḅịpoki-a na ịna ḅụ emi, ini inetẹ gbọrụ iḅiye sọ mịẹ ḅẹ ḅara sime-a.

1 Samụẹlị 2:2

KỊNỊNYANAḄỌ ḅe fịafịa ḅara fịafịa gbọrụḅọ-sọ ofori í sikima gbọrụḅọ-sọ ofori; wamịna Tamụnọ pembema ịkụ ofori.