Jerimaya 22:14 - FỊAFỊA BAỊBỤLỤ

¹⁴ Amịna ḅụụ ḅẹẹarị tomḅọ mẹ, anie ḅẹẹarị: “À wulalatẹ iḅi warị nama ị̀ ḅụụ pịrị ḅa, ḅio-ḅio-ḅio tẹ ọgọnọ warị nyana ye,” mḅọ fa tẹẹ. Mie ḅụ ori ikiḅa-ḅọkọ-ḅọkọ sụarị ọ̀ warị, sida ḍụḅọ kẹ anị pono-pono ḅọrọmarị, tẹ awụ agba kẹ ọmbịarị.

Jerimaya 22:14 Iomraidhean Croise

2 Samụẹlị 7:2

Amadaḅọ ḅe nwẹnị Netanị, ịkịankoroḅọ ḅe ḅẹẹ, “Mịọkụ ḍikii, yẹrị ịn kẹ sida sịn-arị sịn warị ḅio angarị, kụma Tamụnọ ọḅọkụ Igbe mẹ akpụrụ-warị ḅio angarị.”

2 Paka-aị 3:5

Ori ịn kẹ Sayịpẹrẹsị sịn ḍụḅọ kẹ opu ḅio mẹ ḅụ warị-akaka ma ḅakụ gbaịn tẹ iḅi tẹ golu kẹ anị sara gbaịn tẹ anị ḅụ eneme-kọrọ na, ikoli na kịkama aị mịẹ koroma.

Egberima-Ẹkwẹn 17:19

Si mịẹ na ḅụụ-fụka dogi-ḅo na kịkarị. Ị́ sakị mamgba opu ma ḅụụ-bomarị ḅẹḅẹ, ị́ ḅụụ-fụka sịn ḅụụ pịrịarị.

Egberima-Ẹkwẹn 24:27

Tarị ị́ ḍụọ tẹlẹmaa, tẹ ye ḍiḅii, tẹrẹmẹ ẹrẹḅọ sime tẹ warị pakamaa; anịsakị í nimi tẹ mịnẹ ị́ ḅọrọ tẹ ị́ fị ḅẹ ye nyana ḅẹ ḅọkọ paka tẹẹ.

Sọlọmọnị Ḅẹlẹtẹịn Nume 1:17

sida asịn wamịna warị mẹ ḅẹ ḅeriaị sọ ḅa, Sayịpẹrẹsị asịn isun-suku mẹ mịẹ ḅa.

Ayịzaya 9:9

Izirẹlịapụ mamgba, Sameriya ama mẹ ḅio angarị ḅọ goḅọ-goḅọ, nimi ḅa mịnẹ ò miemẹ mịẹ tẹẹ. Mịọkụ ịn ḅụụ-gelemarị pịkị opu ẹkwẹn kọn-arị. Ini mẹ,

Izikẹlị 23:14

Kụma árị ama-mẹnjị eremịna ḍumo mẹ ḍọkị-mẹnjị tọrọkọ-tọrọkọ mum. Á Babịlonịya ḅẹ owiapụ sime-ḅara kịkaye tẹ ịn kẹ warị akaka ḅụ awụ kẹ kẹẹ wararị aị ẹrịm,

Danẹlị 4:30

nwẹnị ḅẹẹ, “Ḍikii, Babịlọnị gburo-gburo la ḅara mẹ! Àrị anị namam, anị sịḅịda ama sọ kẹ ị̀ pịrị, tẹ ị̀ kụrọ na, ị̀ ịnyọ na, ì ebube na pịkị ì opu na ḍie pakama.”

Emọsị 6:8

Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe mị tẹmẹ-la ḅeri nụnụ ẹkwẹn mẹ kọn tẹẹ: “Arị Izirẹlị ḅẹ apụ ma ḅụụ-gelema mẹ ḍiki-ḅioḅuarị; ịna igbigi la ḅụratẹ iḅi awarị ma, ị̀ ḅụ gberie sọ la-a. Ịna sịḅịda opu ama mẹ na anị ḅio sime-ye sime-ye na à kẹ ini na fịya-a apụ pịrị ḅa.”

Hegayị 1:4

“Ị̀ atomi, tiye ẹrẹsị ọmịnị iḅiọkụ nama tẹ awarị ḅio angarị tẹ ị̀ Warị mẹ kaan-sara simearị?

Malakayị 1:4

Ịsọ furo-ḅẹ-apụ, anie Idọmụ ḅẹ apụ ma ḅẹẹm, “Ịn wamịna ama ma guluguluma tẹẹ, kụma wa siin arị nama ḅa.” KỊNỊNYANAḄỌ ḅe nwẹnị pakịrị, “Yee ịn nama — à pịkị arị kan sara ḅa nwenii tomi ịn sịn ḅa, ‘Si amakiri mẹ tẹ KỊNỊNYANAḄỌ ḅe ịganị nyana pịrị gbamaso wararị sịẹ mẹ.’”