Jerimaya 22:13 - FỊAFỊA BAỊBỤLỤ

¹³ Japụ inoma ḅọkọ ḅụ ḅọrọtẹ amịna warị namarị tomḅọ mẹ mḅọ fa tẹẹ, tẹ nwẹnị mingirima ḅụ anị mịẹ ḍụḅamarị, anie amịna sịẹ ḅẹ apụ mịẹ tẹ ịn papaa kọrịnama-kọrịarịḅọ mẹ tẹ ịna gbẹẹ-ye kẹ ịn gbẹẹ-gbẹẹ-a ḅọ mẹ.

Jerimaya 22:13 Iomraidhean Croise

2 Paka-aị 36:4

Ijiputi ḅẹ amadaḅọ ḅe nwẹnị ò iyimbere Ẹlịyakịmụ kẹ Juda na Jeruselemu na ḅụ amadaḅọ sọma, tẹ ori ẹrẹ ḍima tẹ Jehohakịmụ kẹ ọ̀ sịn; kụma Neko nwẹnị ò iyimbere Jehohahazị ọkị tẹ ò dogi-so Ijiputi mu.

2 Paka-aị 36:5

Jehohakịmụ sịḅị si sọnọ akụra finji ḅọrọ tẹso, ọ̀ saakị ama-dam, tẹ oyi gbọrụ kụra finji kẹ Jeruselemu ḅụ ama-dam. Ọ̀ KỊNỊNYANAḄỌ ọ̀ Tamụnọ ḅe ḍiki-tọrụ ḅụ siye mịẹm.

Jobu 31:39

àrị igbigi gbẹẹ-a ḅara kẹ anị ḅụ paka-ḅo ye fị tẹ, tẹ mịẹ tẹ anị nyana apụ fị-fịị;

Ayịzaya 5:8

Ọ́ fa tẹẹ! Ọmịnị ja warị, ja warị na ja ḍụọ ja ḍụọ na fẹ-fẹ tẹ kẹ ọ́ nyana wẹrịtẹ aị ḅụ sụarị apụ ma. Japụ anga ḅẹ gbọrụḅọ anga sọ ḅarị, tẹ ọmịnị ngẹrị amakiri mẹ ḅio angarị.

Jerimaya 17:11

Kịnị mingirima ḅọkọ kẹ igbigi nyanarị ḅọ mẹ, mḅọ kịkarị ye anie feni tẹ ori koroma-a anyị kẹngẹarị feni. Ori asambịrịma sakị ḅụ ori ngọ mamgba faa ḅa, anịsakị kunoma ḅụ ori ḅarị gbọrụḅọ-sọ gbọrụḅọ-a, kụma oḅori-ḅọ.

Jerimaya 22:18

Mie ḅụ KỊNỊNYANAḄỌ ḅe Josaya owiḅọtụḅọ Jehohakịmụ, Juda ḅẹ amadaḅọ ḅe gboloma ye ḅụ ḅẹẹarị: Gbọrụḅọ sọ ò ḍuu ḅịa ọ̀ fịị ḅụ, anịanịa ḅẹẹ: Anị ḅalafama ḅara ḍikii, ì ikiaḅọ, anị ḅalafama ḅara ḍikii! Gbọrụḅọ tọrụ sọ owu minji sara ọ̀ pịrị ḅịa, anịanịa owu, tẹ ḅẹẹ, yei ị̀ nyanaḅọ! Ị̀ amadaḅọ!

Lẹvitikọsị 19:13

“Ị́ ị́ na kpeki tẹ angarị ḅọ ponoma, anịanịa, kụrọ ḅara kẹ mḅọ nye ọkị ma. Ọkọ fịrịmẹnjịḅọ gbẹẹ-ye bebe ene kẹ ị́ ḅara ḅụ sime nwenii mu ene-ḅaa dede-ḅio lama.

Mayịka 3:10

Ọmịnị tẹ ọmbie kẹ sukutarị-ḍụḅarị sọma Zayọnị nama, tẹ ḅẹrẹ pịkị iḅo kẹ Jeruselemu, Tamụnọ opu ama mẹ namarị apụ.

Habakọkụ 2:12

Ị́ fa tẹẹ! Si amịẹaị mie ị́ kẹ opu ama pakama ye, tẹ kịnị ḅaa kẹ anị nama saakịm.

Malakayị 3:5

Kụrọmamgba nyana KỊNỊNYANAḄỌ ḅe ḅẹẹm, “À ḅẹrẹkọnḅọ ḅara kẹ ọmịna ogboku tolu-sịẹ ḅa, tẹ anị-gbọrụ-kirikiri ḅẹrẹ ḍuko majịkị-mịẹapụ na, sẹfị-apụ na, ḅẹrẹ-siri ḅụ iruoye ḍukoarị ogbo-sịẹapụ na, fịrị kẹ ọkọ-apụ inomarị apụ na, diapụ-fịtẹ-ereme na ḍapụ-na-iyingiapụ-na-fịtẹ-awọmẹ na igoniapụ na tọrụ-pọnjịarị apụ ọgọnọ gbana ḅa — inimgba tẹ ị̀ mangịma-a apụ ma.”

Ditẹrọnọmị 15:13

Anịsakị ọmịnị mḅọ wẹrịso tẹ mḅọ amịna sịḅị nyana sakị, ọ́ papaa ḅara kẹ mḅọ wẹrịso ḅịa.

Jemụsị 5:4

Gbọrụ gbẹẹ-ye sọ amụ ọ́ kẹ ọmịna apiri ḅio kọrịnama kọrị atomi ma gbẹẹ-a; ọmịnị ịn kọn-arị owu ma naa! Ọmịna afịaị ma soku kobiri warị suu apụ ma kọn-arị owu ma mu Tamụnọ ḅeri la tẹ, Kụrọmamgba Nyana KỊNỊNYANAḄỌ ḅe.