Jerimaya 22:11 - FỊAFỊA BAỊBỤLỤ

¹¹ KỊNỊNYANAḄỌ ḅe Josaya owiḅọtụḅọ Johazi ḍaḅọ tọrụ ḍima tẹ Juda da ḅọ ḅe ḅẹẹarị, “Mị angaa ò so tẹẹ, gbala-gbala ọ̀ ḅarị pịkị-ḅo ḅịa.

Jerimaya 22:11 Iomraidhean Croise

2 Amadapụ 23:29

Ori ama-daarị eneḅaka ḅụ Ijiputi ḅẹ amadaḅọ Fero Neko Asiriya ḅẹ amadaḅọ na owu sọ ḅẹ Yuferetisi tọrụ mu tẹso, Amadaḅọ Josaya nwẹnị ọ̀ dasịẹma ḅẹ mu; Fero Neko ori ẹrị tẹso, ọ̀ nwẹnị ọ̀ ḅaa Mẹgido ḅụ.

2 Amadapụ 23:30

Ori afịrịmẹnjịapụ nwẹnị Mẹgido ḅụ kirimẹnjị-ọmụarụ kẹ ori oju-akpakpa sẹịn tẹ kẹ Jeruselemu ḅo, tẹ ọ̀ kẹ ò soku-ḅẹ ḍuḅu ḅio ḍiḅi. Ama mẹ ḅio ḅẹ apụ nwẹnị Jehohazị, Josaya owiḅọtụḅọ ḅe ọkị tẹ pulo kẹ ọ̀ sịḅị sara tẹ ọ̀ ḍa kiri ḅụ ọ̀ kẹ amadaḅọ mịẹm.

2 Amadapụ 23:31

Jehohazị sịḅị si tẹra kụra finji ḅọrọ tẹso, ọ̀ saakị Jeruselemu ḅụ ama-dam; tẹra kụra ọ̀ nwẹn kẹ ama-dam. Ò iyingi ẹrẹ Amutalị, Libina ḅẹ Jerimaya ẹrẹḅọtụḅọ ma.

2 Amadapụ 23:34

Fero Neko nwẹnị Ẹlịyakịmụ Josaya owiḅọtụḅọ ḅe kẹ ama-dama ọ̀ ḍa kiri mẹ ḅụ, tẹ ori ẹrẹ ḍima tẹ kẹ Jehohakịmụ mịẹ. Kụma ò Jehohazị kẹ so Ijiputi ḅom, tẹ ori anịanga ḅụ sime tẹ fịịm.

1 Paka-aị 3:15

Josaya owiapụ-awọmẹ anie Johananị, mgbe ḅe na, Jehohakịmụ gbolo ḅe na, Zẹdẹkaya gbolo-palịḅọ ḅe na, Salumu ini karama ḅọ ḅẹ na.

2 Paka-aị 28:12

Iferemu ḅẹ apụ ma ḅẹ ja alapụ Azaraya, Johananị owiḅọtụḅọ ḅe na, Bẹrẹkaya, Mẹsịlẹmọtị owiḅọtụḅọ ḅe na, Jehizikaya, Salumu owiḅọtụḅọ ḅe na, Amasa, Hadilayị owiḅọtụḅọ ḅe na so ọmụ mẹ ḅio ḅoarị apụ ma ẹngbẹsẹ,

2 Paka-aị 34:22

Anieḅụ Hilikaya na, inima tẹ amadaḅọ ḅe fịrịma apụ ma na nwẹnị Huluda ịkịankoro-ẹrẹḅọ ma ḍọkụma-mu. Árị anie Salumu ta — oriḅe anie Tikiva owiḅọtụḅọ, pịkị Hahasi taa-owiḅọtụḅọ tẹ kapa koko igbe mẹ ḍikiḍikiarị ḅọ ḅe. (Jeruselemu ḅụ Ịwọma Pakama Anga mẹ ḅụ árị angam). Ịn nwẹnị árị na ẹkwẹn.

Jerimaya 22:27

Ó jen kẹ mị sịẹ mẹ ḅẹ amakiri mẹ ẹrị ḅẹ ḅii lama ḅa, kụma gbala-gbala ọ́ pịkị-ḅo ḅịa.”

Zẹfanaya 1:1

Mie KỊNỊNYANAḄỌ ḅe kẹ Zẹfanaya pịrị oku mẹ Josaya, Amọnị tụḅọ, ḅe Juda ḅụ ama-da sime sakị mẹ ḅụ. (Zẹfanaya ḅe Ama-da Hẹzịkaya furo ọ̀ pakamam Amaraya, Gedalaya na Kusi na ḅụ ḅọrọ ḅụ.)