Jerimaya 22:10 - FỊAFỊA BAỊBỤLỤ

¹⁰ Juda ḅẹ apụ, ọmịnị Amadaḅọ Josaya gotẹ owu ma; ọmịnị ọ̀ fịị kẹ ò ḍuu ma. Kụma ọ́ tẹmẹ-akụ ḅara kẹ owu ọ̀ tụḅọọ Johazi ḅe pịrịị, ini ori ọkị-soarị, gbala-gbala pịkị-ḅo ḅịa ḅara, gbala-gbala, jen kẹ ini ori iyi amakiri mẹ ẹrị ḅịa ḅara.

Jerimaya 22:10 Iomraidhean Croise

2 Amadapụ 22:20

Anịẹrẹsị, ḍikii àrị í kobiri tẹ kẹ ị́ aḍapụ ma sime anga mu ḅa, anịsakị dein ḅụ arị í kobiri í ḍuḅu ḅio su ḅa, tẹ ị́ atọrụngbọ mịna si aị mamgba tẹ arị ọkị-ḅo mị yọ mẹ ọgọnọ gbana ḅẹ aị ma ẹrị ḅịa.” Ịn nwẹnị ma ẹkwẹn-aḅịḅị ma da ḅo amadaḅọ ḅe pịrị.

2 Amadapụ 23:29

Ori ama-daarị eneḅaka ḅụ Ijiputi ḅẹ amadaḅọ Fero Neko Asiriya ḅẹ amadaḅọ na owu sọ ḅẹ Yuferetisi tọrụ mu tẹso, Amadaḅọ Josaya nwẹnị ọ̀ dasịẹma ḅẹ mu; Fero Neko ori ẹrị tẹso, ọ̀ nwẹnị ọ̀ ḅaa Mẹgido ḅụ.

2 Paka-aị 36:4

Ijiputi ḅẹ amadaḅọ ḅe nwẹnị ò iyimbere Ẹlịyakịmụ kẹ Juda na Jeruselemu na ḅụ amadaḅọ sọma, tẹ ori ẹrẹ ḍima tẹ Jehohakịmụ kẹ ọ̀ sịn; kụma Neko nwẹnị ò iyimbere Jehohahazị ọkị tẹ ò dogi-so Ijiputi mu.

Nimi Tolumaḅọ 4:2

À nwẹnị kuroma mịnẹ fịị ḅọrọtẹ apụ ma iḅi-fụḅara sụa paa ḍumo-sime wararị apụ ma nẹngịm;

Ayịzaya 57:1

Iḅi atomi fịịarị, tẹ gbọrụḅọ-sọ anị ḅio sime ye nimi-a, anịanịa anị kẹ ye sịn. Kụma ịn fịịarị sakị, inetẹ ye kẹ ịn lama ḅarị gbọrụ siye sọ ofori.

Jerimaya 16:7

Gbọrụḅọ-sọ jụmọ na fịye fị anịanịa ḅuu gboloma ma, mḅọ ḅẹlẹmarịḅọ fịị ye kẹ mḅọ dedema ḅụ. Gbọrụḅọ-sọ ọkụrụkụrụ nyana jụmọ pịrị ma, fịịḅọ mẹ nwẹnị mḅọ ḍaḅọ anịanịa mḅọ iyingiḅọ sọ.”

Jerimaya 22:11

KỊNỊNYANAḄỌ ḅe Josaya owiḅọtụḅọ Johazi ḍaḅọ tọrụ ḍima tẹ Juda da ḅọ ḅe ḅẹẹarị, “Mị angaa ò so tẹẹ, gbala-gbala ọ̀ ḅarị pịkị-ḅo ḅịa.

Jerimaya 22:18

Mie ḅụ KỊNỊNYANAḄỌ ḅe Josaya owiḅọtụḅọ Jehohakịmụ, Juda ḅẹ amadaḅọ ḅe gboloma ye ḅụ ḅẹẹarị: Gbọrụḅọ sọ ò ḍuu ḅịa ọ̀ fịị ḅụ, anịanịa ḅẹẹ: Anị ḅalafama ḅara ḍikii, ì ikiaḅọ, anị ḅalafama ḅara ḍikii! Gbọrụḅọ tọrụ sọ owu minji sara ọ̀ pịrị ḅịa, anịanịa owu, tẹ ḅẹẹ, yei ị̀ nyanaḅọ! Ị̀ amadaḅọ!

Jerimaya 22:27

Ó jen kẹ mị sịẹ mẹ ḅẹ amakiri mẹ ẹrị ḅẹ ḅii lama ḅa, kụma gbala-gbala ọ́ pịkị-ḅo ḅịa.”

Jerimaya 25:27

Anịtẹso KỊNỊNYANAḄỌ ḅe ị̀ ḅẹẹm, “ḍuko tomi ma pịrịị mịnẹ yẹrị Kụrọmamgba nyana KỊNỊNYANAḄỌ ḅe, Izirẹlịapụ tẹkẹarị Tamụnọ ḅe, tọn in pịrịarị ini iru mẹ ḅuu nwenii anị ịna tọrụ-ḅaa tẹ ini ọsụ nwenii in ḅịkị koro tẹ ḅarị inetẹ saakị-so, anie à kẹ in fịrịmarị okologie mẹ gotẹ.”

Jerimaya 28:4

Jehohakịnị, Juda ḅẹ amadaḅọ, Jehohakịmụ tụḅọ ḅe na Juda ḅẹ apụ mamgba tẹ ịn kẹ ọ̀ ḅụ sụa kun-so Babịlonịya mu apụ ma sọ. Inn, à Babịlonịya amadaḅọ ḅe kụrọ mẹ ḅịkịma ḅa. Yẹrị KỊNỊNYANAḄỌ ḅe ọkọ ḅẹẹm.”

Jerimaya 42:18

“KỊNỊNYANAḄỌ ḅe, Izirẹlịapụ tẹkẹarị Tamụnọ ḅe mẹẹ, ‘Ị̀ ịganị na ì owi-ịganị na ọsụma Jeruselemu ḅẹ apụ ma ọgọnọ sara gbọrụ ḅara mẹ, mie ì owi-ịganị ọsụma ọmịnị Ijiputi muarị apụ ma ọgọnọ sara ḅarị ḅara. Ọ́ sịḅị-kanakanama ye sọ ọmịnị ẹrịḅọ-ẹrịḅọ pịrị ḅa, tomi ḍiki-iderima ḅara kẹ ọmịnị na mịẹ ḅa, tẹ ọmịna ẹrẹ kẹ ye karị ḅa. Ọ́ ḅarị jen kẹ mị yọ ẹrị ḅịa.’ ”

Jerimaya 44:14

Juda koroma so tẹ Ijiputi mu atomi ma ḅụ gbọrụḅọ-sọ ḍumo tẹ fịị-a so ḅịa. Ini ḅẹ gbọrụḅọ-sọ pịkịma Juda mu ḅịa, in ḅiiarị ịn pịkị mu siin anga nwẹn ḅẹẹ anga mẹ. Gbọrụḅọ sọ pịkị so ḅịa, ọmụ mangị kọn boowa apụ sikima.”

Kururu Owu-apọkọ 4:9

Okologie fịị kọn apụ ma ḅioḅẹlẹ inima tẹ fịye pọkọ-tarị tẹ ịn ḍụọ mẹ ḅio ḅẹ sịnmgbọlụ kẹ pịrị fị-a, tẹ ḅuru-pọkọtarị ḅụ fịị apụ ma nẹngịm.

Izikẹlị 24:16

Ori mẹẹ, “Fịị-fịị tomḅọ, gbọrụ ḅịḅị ḅụ arị ị́ ḅẹlẹma-tẹịn ḅọ mẹ ọkị-so ḅa. Ị́ mbụrụmbụrụ ḅịa, anịanịa owu, anịanịa owu-minji kịngẹ sọ ị́ atọrụngbọ sara.

Luku 23:28

Jizọsị nwẹnị pịkị ịn da tẹ ịn ḅẹẹ, “Jeruselemu ḅẹ ereme! Ọmịnị ì gotẹ owu ma, ọmịnị ọmịna aḅụụ na, ọmịna awọmẹ na gotẹ owuu.