Jerimaya 21:9 - FỊAFỊA BAỊBỤLỤ

⁹ Opu ama mẹ ḅio sime-ḅọ sime-ḅọ, mḅọ ọmụ ḅio fịị ḅa, anịanịa ḅuru-ḅa ḅụ, anịanịa obi ḅụ. Ḅẹḅọ-ḅẹḅọ tẹ paka mu ḅara sakị Babịlonịya ḅẹ apụ ma tẹ owu kẹ opu ama mẹ pakarị apụ ma pịrị-ḅọ pịrị-ḅọ, ini mḅọ ḅaa ḅịa, jen-a jen-a sọ mḅọ amịna ḍumo mẹ pụkọ-paka-so ḅa.

Jerimaya 21:9 Iomraidhean Croise

Jerimaya 14:12

In ḅuru-ịmọ sọ, ịn ḅarasụa gotẹ kọn-arị owu mẹ à poki ḅịa; ịn dọkịma-agba na mgbọlị fịye agba na mịẹ-mịẹ ị̀ pịrịarị sọ, ịna mịẹ ye ị̀ ḅụụ-ḅẹlẹ ḅịa. Anie nakara, arị ịn ḅaa ḅa ọmụ ḅio na, ḅuru-ḅa na obi na ḅụ.”

Jerimaya 21:7

Kụma ị́yẹrị na, í fịrịmẹnjị-opuapụ na, ama mẹ ḅio ọmụ ḅụ na ḅuru-kụrọ ḅụ na obi ḅụ na fịị-a so apụ ma na wẹrịso tẹ Ama-da Nebukadineza na si kẹ ọ́ tọn apụ tẹ ọ́ ḅaa ḅẹ ḍọkịarị apụ ma na ó kun-so ḅa. Ọmịna ḅụ ḅụụ ọ̀ wẹrịso ḅẹ ḅọ ofori, anịanịa ọkụrụkụrụ, anịanịa ḍiki-sịḅịjịrị nyana gbọrụḅọ kịngẹ sọ pịrị ḅịa. Yẹrị, KỊNỊNYANAḄỌ ḅe ọkọ ḅẹẹm.”

Jerimaya 24:10

Arị ọmụ na, ḅuru-ḅa na, obi na ọkị-ḅo ịna ọgọnọ gbana ḅa, nwenii ịna ḅụ gbọrụḅọ sọ kirikọn ḅịa à kẹ ini na ịna elemu aḍapụ na pịrị amakiri mẹ ḅụ.”

Jerimaya 27:11

Kụma gbọrụ sịẹ sịḅị-tuu Babịlonịya ḅẹ amadaḅọ ḅe pịrị tẹ fịrịmẹnjị ọ̀ pịrịarị ḅẹḅẹ, anịsakị à mịẹ tẹ anị amịna ḅara kuḅu ḅẹ amakiri ḅụ sime tẹ ḍụọ ḍiḅi-ḍiḅi tẹ anị yọ anga ḅa. Yẹrị KỊNỊNYANAḄỌ ḅe ọkọ ḅẹẹm.”

Jerimaya 27:12

Anị gbọrụ ye mẹ mie à ḍuko Juda ḅẹ amadaḅọ Zẹdẹkaya pịrị ye, “Sịḅị-tuu Babịlonịya ḅẹ amadaḅọ ḅe pịrịị. Fịrịmẹnjị ori na ori atomi na pịrịị, anịsakị í ḍumo ḅa.

Jerimaya 27:13

Tiye ẹrẹsị ị́yẹrị na ị́ atomi na fịị ḅẹ ọmụ ḅio, anịanịa ḅuru-ḅa ḅụ, anịanịa obi ḅụ? Anie KỊNỊNYANAḄỌ ḅe ọkọ ḅẹẹm ye mịnẹ sịḅị-tuu Babịlonịya ḅẹ amadaḅọ ḅe pịrị-a ḅọ pịrị-a ḅọ ḅụ paka ḅarị ye.

Jerimaya 38:2

KỊNỊNYANAḄỌ ḅe ḅẹẹ tẹẹ, “Mị opu ama mẹ ḅio sime-ḅọ sime-ḅọ fịị ḅa ọmụ ḅio, anịanịa ḅuru-ḅa ḅụ, anịanịa obi ḅụ, Kụma mẹnjị paka mu tẹ amịna ḅụụ sịkị Babịlonịya ḅẹ apụ ma pịrị-ḅọ pịrị-ḅọ ini mḅọ ḅaa ḅịa, ḅarị jen-a sọ mḅọ amịna ḍumo mẹ kịngẹ kẹ paka-ḅo ḅa.”

Jerimaya 38:3

À pịkị ḍuko ịn pịrị simem mịnẹ KỊNỊNYANAḄỌ ḅe ḅẹẹ tẹẹ, “À mị opu ama mẹ kẹ Babịlonịya ḅẹ ọmụ-ogbo mẹ pịrị ḅẹ-yearị, tẹ ini anị ọkị ḅa.”

Jerimaya 39:18

Arị í koko kpaịnma ḅa, tẹ kịnị ị́ ḅaa ḅịa. Í í ḍumo kẹ mangị-so ḅa, ị́ ị̀ kẹ ḅiokpọma ye ẹrẹsị. Yẹrị, KỊNỊNYANAḄỌ ḅe, ọkọ ḅẹẹm.”

Jerimaya 45:5

Í ḅiiarị in sikima ị́ na mị? Ọkọ mịẹ ma. Arị opu ḅụụ-fụka ọkị-ḅo tomḅọ nwẹn sịnḅọ-sịnḅọ pịrịarị, kụma anị sime-ḅara sime-ḅara sọ, kunoma í í ḍumo kẹ pụkọ-so ḅa í mu yọ mu yọ sọ. Yẹrị, KỊNỊNYANAḄỌ ḅe ọkọ ḅẹẹm.”

Izikẹlị 5:12

Ị́ atomi ma kẹ tẹra akiri ḍiya ḅẹ gbọrụ kiri opu ama mẹ ḅio sime tẹ fịị ḅa obi na ḅuru-ḅa na ḅụ kẹ tẹra akiri ḍiya ḅẹ gbọrụ kiri ịn nwẹn kẹ okologie kẹ pẹlẹ sara ḅa opu ama mẹ ḅio ḅụ paka ḅụ; tẹ kunoma gbọrụ kiri mẹ arị ịn gala-galama ḅa fẹrụ ḅio tẹ okologie kẹ in ḍuka ḅa.”