Jerimaya 21:7 - FỊAFỊA BAỊBỤLỤ

⁷ Kụma ị́yẹrị na, í fịrịmẹnjị-opuapụ na, ama mẹ ḅio ọmụ ḅụ na ḅuru-kụrọ ḅụ na obi ḅụ na fịị-a so apụ ma na wẹrịso tẹ Ama-da Nebukadineza na si kẹ ọ́ tọn apụ tẹ ọ́ ḅaa ḅẹ ḍọkịarị apụ ma na ó kun-so ḅa. Ọmịna ḅụ ḅụụ ọ̀ wẹrịso ḅẹ ḅọ ofori, anịanịa ọkụrụkụrụ, anịanịa ḍiki-sịḅịjịrị nyana gbọrụḅọ kịngẹ sọ pịrị ḅịa. Yẹrị, KỊNỊNYANAḄỌ ḅe ọkọ ḅẹẹm.”

Jerimaya 21:7 Iomraidhean Croise

Ayịzaya 27:11

Sịn ma aḅara kpatụ tẹ anyị sara tẹ, tẹ ereme arị kolokolo tẹ kẹ fịnị sọmarị. Anị gotẹ ọkọ pakarị ye, tomi ma gberie-sọ fiearị ye naa-a, ịn Tẹmẹ Tamụnọ ḅe in ḍiki-sịḅịjịrị ḅịa, anịanịa ọkụrụkụrụ kalịye kẹ in ḍie.

Ayịzaya 47:6

Àrị ịganị ị̀ atomi pịrịm, à kẹ ịn mịẹ ḅara ịn ḅarị sime ị̀ pịrị-a ye ọkụ; àrị ịn kẹ ị̀ kụrọ suku-ḅio suum, tẹ ị́ ọkụrụkụrụ nyana ịn pịrị-a; omongitẹ apụ ma kịngẹ sọ ị́ guda-guda ḅara kẹ ịn mịẹm.

Jerimaya 13:14

Anịtẹso maa jongo kẹ jen-jen gbolo tẹ arị fịị kọsị-sara ḅara mie à kẹ ịn ḅaa kọsịma ḅarị ḅara, omongiapụ na ḍọkọḍọkọ-awọmẹ na gbọrụ ḅara mẹ. Ḍiki-ḅụụjịrị ofori ḅara, sịḅị-jịrị anịanịa ọkụrụkụrụ sọ ị̀ dasịẹma ḅịa ịn ḅaa ḅụ.”

Jerimaya 14:12

In ḅuru-ịmọ sọ, ịn ḅarasụa gotẹ kọn-arị owu mẹ à poki ḅịa; ịn dọkịma-agba na mgbọlị fịye agba na mịẹ-mịẹ ị̀ pịrịarị sọ, ịna mịẹ ye ị̀ ḅụụ-ḅẹlẹ ḅịa. Anie nakara, arị ịn ḅaa ḅa ọmụ ḅio na, ḅuru-ḅa na obi na ḅụ.”

Jerimaya 15:5

KỊNỊNYANAḄỌ ḅe mẹẹ: Jeruselemu ḅẹ apụ, tụḅọ sịḅị-kụrụkụrụ nyana ọ́ pịrị ḅẹ, tụḅọ ó gotẹ tẹ kururu ḅẹ? Tụḅọ daasịẹ tẹ sakị ọkị tẹ ye kẹ ọmịnị na sime-ḅara gbela ḅẹ?

Jerimaya 15:9

Amịna sọnọma owiapụ-awọmẹ fama ẹrẹḅọ ma naịn-ḅọrọ tẹ sịngị-ịnyọsararị. Árị eneḅaka bele mẹ pịkị-ḅo ḍin kanakana sọ tẹ; á tọrụ-tuu tẹ á ḅioḅẹngbọ ḅẹ obi kọn-arị. À wẹrịso tẹ si kẹ ọ́ tọn apụ ọmịna ḅụ paa ḍumo wararị apụ ma ḅaa ḅa. Yẹrị, KỊNỊNYANAḄỌ ḅe, ọkọ ḅẹẹm.

Jerimaya 19:7

Mịanga ḅụ à Juda na Jeruselemu na ḅẹ apụ ma tọn aị mamgba kẹ papaa aị mịẹ ḅa. À mịẹ tẹ si kẹ ịn tọn apụ ma ịn nẹngịma tẹ ọmụ kiri ḅụ ịn ḅaa ḅa. Àrị ịna oju-akpakpa ma kẹ fịye sọma So-tọrụ ḅẹ afeni na piri-ḅio-ḅẹ anama na pịrị ḅa.

Jerimaya 20:4

KỊNỊNYANAḄỌ ḅe ḅioju ḍuko tẹẹ, “Arị ị́ mịẹ tẹ ị́ ḅalafama ye sọ ị́ ḅụụ na í ikiapụ na pịrị ḅẹ-yearị, tẹ ị́ tọrụngbọ kẹ ẹrịarị ogbo ini inimgba ḅaa ḅa, si kẹ ịn tọn apụ ogie ḅịḅị ḅụ. À Juda ḅẹ apụ mamgba kẹ Babịlonịya ḅẹ amadaḅọ kụrọ suku-ḅio suu ḅẹ-yearị; ori ikoliapụ ḅara kẹ jen-apụ ọkị so ori ama iri mu ḅa tẹ osi apụ ḅaa ḅa.

Jerimaya 22:25

tẹ kẹ í gotẹ ḅalafaarị apụ ma pịrị ḅa, ị́ ḅaa ḅẹ ḍọkịarị apụ ma. Arị ị́ kẹ Nebukadineza, Babịlonịya ḅẹ Amadaḅọ ḅe na ori ọmụ apụ na pịrị ḅa.

Jerimaya 27:6

Yẹrị anie mịna asịẹ mamgba kẹ ị̀ fịrịmẹnjịḅọ, Ama-da Nebukadineza Babịlonịya ḅẹ ḅọ ḅe kụrọ suku-ḅio suu ye, tẹ à mịẹ tẹ piri-ḅio-ḅẹ anama sọ fịrịmẹnjị ọ̀ pịrị ḅa.

Jerimaya 32:4

tẹ Ama-da Zẹdẹkaya ọ̀ ḅara gbarị ḅịa. Ini ọ̀ saḅama Babịlonịya ḅẹ amadaḅọ ḅe pịrị ḅa; ori ori na tọrụ kẹ dama-dama tẹ ọ̀ ḅarana ẹkwẹn ọ̀ pịrị ḅa.

Jerimaya 34:3

Ị́ ọ̀ ḅara gbarị ḅịa; ini í kun tẹ ị́ saḅama ọ̀ pịrị ḅa. Ị́ tọrụ kẹ ori na dama-dama tẹ ḅarana ẹkwẹn ọ̀ pịrị ḅa; anịtẹso ị́ Babịlonịya mu ḅa.

Jerimaya 36:29

KỊNỊNYANAḄỌ ḅe ḍuko ị̀ pịrịm arị amadaḅọ ḅe ḅẹẹ, “Í in-ikoarị-abịlala mẹ dọkịma tẹẹ, pịkị Jerimaya gbela tẹ mịnẹ ò tiegotẹ kẹẹ koroma mịnẹ Babịlonịya ḅo mị amakiri mẹ guluguluma tẹ anị ḅẹ atomi ma na anị ḅẹ anama ma na ḅaa ḅa.

Jerimaya 37:17

Sakị ḅọrọ lama tẹso, Ama-da Zẹdẹkaya fịrịma ị̀ sịnm, tẹ anịanga Amada-Opu-warị mẹ ḅio jen-apụ ofori ogbo ì gbelam, “KỊNỊNYANAḄỌ ḅe ḅara ḅo oku emi?” À pakịrịm: “Emii”, tẹ nwẹnị kẹ sụa ḍuko, “Ini ị́ saḅama Babịlonịya ḅẹ amadaḅọ ḅe pịrị ḅa.”

Jerimaya 50:17

KỊNỊNYANAḄỌ ḅe mẹẹ, “Izirẹlịapụ ma ọkụkụ ḍuka tẹ dee gala-galamatẹ anana ogbo kịkarị. Tarị-tarị, Asiriya tomikiri mẹ daa sime ḅọ ḅe owu kẹ ịn pakam, anịtẹso Ama-da Nebukadineza, Babịlonịya da ḅọ ḅe, ịna mgbe ma kụngụrụm.

Kururu Owu-apọkọ 2:20

Yei KỊNỊNYANAḄỌ, ḍikii, tẹ ẹrịị! Ị́ ḅọrọ mịẹ ḅara mẹ kẹ tụḅọ na mịẹarị? Ereme ini iyi awọmẹ pẹị na-iḅi, ini ḍikiarị awọmẹ ma? Agbamịẹḅọ na, ịkịankoroḅọ na ḅaa na-iḅi KỊNỊNYANAḄỌ ḅe fịafịa yọ ḅụ?

Kururu Owu-apọkọ 2:22

Ị́ wẹrịtẹ alalị ene ḅụ kịnị sịn kobiri ḅara, mie pakịrị-pakịrị ḅụ í tẹmẹ-naịn-naịn sịn ì gbori ḅara tẹ KỊNỊNYANAḄỌ ḅe ịganị ene mẹ ḅụ, gbọrụḅọ-sọ mangị-soa, anịanịa ḍumo-sime; inima tẹ à bala tẹ ḍikiḍiki pakama-ḅo apụ ma, ị̀ na fịya-a ḅọ ịn ḅaa famam.

Izikẹlị 23:28

Mie Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe ḍukoarị ye: “Àrị ị́ saḅama í ḍiki-ḅioḅuarị tẹ pịkị ị́ ḅụụ-ngụngụmarị apụ pịrị ḅa.

Izikẹlị 7:9

À ḅara wẹrị ọ́ pịrị ḅịa, à pịkị ọkụrụkụrụ nyana ọ́ pịrị ḅịa. Ọ́ mịẹ tẹ sịḅị-ngụngụnmarị aị ma gotẹ à fomu-ḅara kẹ ọ́ pịrị ḅẹ-yearị, mịẹ tẹ ó nimi ḅarị ḅara mịnẹ yẹrị anie KỊNỊNYANAḄỌ ḅe, tẹ yẹrị ḅe anie ó fomuarị ḅọ ḅe.”

Izikẹlị 8:18

Ị̀ ịganị mẹ ḅẹ kụrọ mamgba ḅo ịn la tẹ ịna ḅụụ ịnọ ḅa. À ḅara-wẹrị ịn pịrị ḅịa anịanịa ọkụrụkụrụ nyana ịn pịrị. Ini oloku-oloku ị̀ tẹkẹ ḅa, ini inetẹ oloku pakama ḅẹ ḅara-ḅara, kụma arị ịn poki ḅịa.”

Izikẹlị 9:10

Kụma arị ọkụrụkụrụ nyana ịn pịrị ḅịa. Àrị ịn kẹ ja apụ mịẹ tẹ ye mẹ kẹ ịn mịẹ ḅa.”

Ditẹrọnọmị 28:50

Tọrụ-saka kpọma ye mịẹ ḅarị gbọrụ opu sịẹ, opu sịẹ tẹ omongiḅọ ḅe kẹ ye-sịn ḅịa, anịanịa ḍiki-ḅụụjịrị nyana awọmẹ pịrị ḅịa opu sịẹ,