Jerimaya 21:6 - FỊAFỊA BAỊBỤLỤ

⁶ Mị opu ama mẹ ḅio angarị ḅọ goḅọ-goḅọ à ḅaa ḅa; tomi na nama amẹẹ na gbọrụ ḅara kẹ fịị ḅa ḅalafama obi ḅụ.

Jerimaya 21:6 Iomraidhean Croise

Suku-saakị 6:7

Mie ḅụ KỊNỊNYANAḄỌ ḅe nwẹnị ḅẹẹ, “Tomi ma tẹ à tẹmẹ tẹ apụ ma, tomikiri mẹ ḅụ arị ịn ọfịn siin ḅa, anị tomḅọ-o, piri-ḅio-ḅẹ nama-o, ikiriarị aị-o, So-tọrụ fiin-arị afeni-o, à gbala ịn tẹmẹ ye mẹ ḅụ tiye-ì-gbo ḅẹẹ tẹ ẹrẹsị.”

Ayịzaya 6:11

À nwẹnị gbela, “KỊNỊNYANAḄỌ, ọkị mu tọ-sakị la ye anị nwẹn kẹ mị-ḅara sime ḅẹ?” Ọ̀ nwẹnị pakịrị, “Nwenii ama ma fa tẹ gbin koro-sime; nwenii warị ma kịnị ḅarị anga-a tẹ koro-sime; nwenii amakiri mẹ ḅioju papaa koro-sime.

Jerimaya 14:12

In ḅuru-ịmọ sọ, ịn ḅarasụa gotẹ kọn-arị owu mẹ à poki ḅịa; ịn dọkịma-agba na mgbọlị fịye agba na mịẹ-mịẹ ị̀ pịrịarị sọ, ịna mịẹ ye ị̀ ḅụụ-ḅẹlẹ ḅịa. Anie nakara, arị ịn ḅaa ḅa ọmụ ḅio na, ḅuru-ḅa na obi na ḅụ.”

Jerimaya 16:4

Ịn ḅalafama obi ḅụ ḅọrọtẹ fịị ḅa, tẹ gbọrụḅọ-sọ in ḍuu ḅịa, anịanịa ịn kẹ ḍiḅi. Ịna oju akpakpa ma tunduru sime ḅarị ḅara sara kịka ḅa kiri mẹ ọgọnọ. Ini ọmụ ḅio fịị ḅa anịanịa ḅuru-ḅa ḅụ fịị, ịna oju akpakpa ma fịye sọ feni amẹẹ na piri-ḅio-ḅẹ anama na pịrị ḅa.”

Jerimaya 20:4

KỊNỊNYANAḄỌ ḅe ḅioju ḍuko tẹẹ, “Arị ị́ mịẹ tẹ ị́ ḅalafama ye sọ ị́ ḅụụ na í ikiapụ na pịrị ḅẹ-yearị, tẹ ị́ tọrụngbọ kẹ ẹrịarị ogbo ini inimgba ḅaa ḅa, si kẹ ịn tọn apụ ogie ḅịḅị ḅụ. À Juda ḅẹ apụ mamgba kẹ Babịlonịya ḅẹ amadaḅọ kụrọ suku-ḅio suu ḅẹ-yearị; ori ikoliapụ ḅara kẹ jen-apụ ọkị so ori ama iri mu ḅa tẹ osi apụ ḅaa ḅa.

Jerimaya 32:24

“Babịlonịya ḅẹ apụ ma in sime tẹ owu-sọ ḅẹ ayọ nama ama mẹ ikelema tẹ ama mẹ ọkị ḅẹ ḅara gotẹ owu kẹ anị pakarị. Ọmụ na, ḅuru-ḅa na, obi na mịẹ tẹ ama ḅịkị ịna aḅara-ḅio sọ ḅa. Í inetẹ ẹrị ḅa mịnẹ í ḍuko aị mamgba ḅo karakaraye sọ tẹẹ.

Jerimaya 33:12

Kụrọmamgba nyana KỊNỊNYANAḄỌ ḅe mẹẹ, “Amakiri mẹ tẹ ịkpa kịkarị tẹ tomi anịanịa nama sọ anga-a yọ mẹ ḅio nama fị-fị osuka siin paka tẹ anana-ḍikiḍikiapụ ịna anana ma kẹ mu ḅa.

Jerimaya 34:17

Mịẹ ḅụ mịọkụ, yẹrị, KỊNỊNYANAḄỌ ḅe, ḍukoarị mịnẹ ọmịnị ị̀ ḅịḅị-kan tẹ: amụ ḅarana-sịḅị-nyana kẹ ọmịna pembema Izirẹlịapụ ma pịrị-a. Ọkọ ḅẹḅẹ, iḅi lamam, yẹrị ḅarana-sịḅị-nyana kẹ ọ́ pịrị ḅa: ọmụ ḅio fịị ḅarana-sịḅị-nyana, obi na ḅuru-ḅa na. À kẹ ọ́ mịẹ ḅarịye mẹ, kpọma tomikiri ḅẹ sịẹ goyegoye ḅụụ koro ḅa.

Jerimaya 36:29

KỊNỊNYANAḄỌ ḅe ḍuko ị̀ pịrịm arị amadaḅọ ḅe ḅẹẹ, “Í in-ikoarị-abịlala mẹ dọkịma tẹẹ, pịkị Jerimaya gbela tẹ mịnẹ ò tiegotẹ kẹẹ koroma mịnẹ Babịlonịya ḅo mị amakiri mẹ guluguluma tẹ anị ḅẹ atomi ma na anị ḅẹ anama ma na ḅaa ḅa.

Jerimaya 42:22

Mie ḅụ, ọkọ ḅẹḅẹ, ó miemẹ kẹ ḅiokoroma: ọmịnị ọmụ ḅio fịị ḅa, anịanịa ḅuru-ḅa ḅụ, anịanịa obi ḅụ, ó mu anga ḅẹ-ḅiiarị amakiri mẹ ḅụ.”

Jerimaya 7:20

Tẹ mie ḅụ, yẹrị Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe ì owi ịganị ọsụma mị Tamụnọ-warị mẹ ọgọnọ sara ḅa. Àrị anị kẹ tomi na nama amẹẹ na ọgọnọ sọ sara ḅa, kịrị ofori ḅara ḅụ, pịkị sịn ma na ḍụọ ḅio soku la tẹ ḍiḅi-aị ma kịngẹ ọgọnọ sọ. Ị̀ ịganị gbọrụḅọ sọ inetẹ biinma ḅịa orumo kịka ḅa.”

Izikẹlị 12:16

À mịẹ tẹ ịna ḅụ boowa apụ ọmụ mẹ ḅio na ḅuru-ḅa mẹ ḅio na, kịrị-kịrị obi ma na ḅio na fịị-a so ḅa, mịẹ tẹ anịanga sịẹ-sịẹ ma ogboku ḅụ in lekiri ḅẹ ḅara ịna amịẹaị ma ḅụụ-ngụngụma la ḅara, tẹ minini ḅa mịnẹ yẹrị anie KỊNỊNYANAḄỌ ḅe.”

Izikẹlị 14:13

Ori mẹẹ, “Fịị-fịị tomḅọ, gbọrụ sịẹ nwẹnị si mịẹarị tẹ ḅioḅẹngbọ kẹ ḅụụ ḅụ gbana na-iḅi ḅara sime ị̀ pịrị-a ḅẹḅẹ, àrị ị̀ ḅara sụn-pakama tẹ anị ḅẹ fịye ḅọkọ pụnma ḅa. À ḅuru-kụrọ kẹ anị fịrịma tẹ gbọrụ ḅara kẹ tomi na nama amẹẹ na ḅaa ḅa.

Izikẹlị 14:17

Anịanịa kẹ ọkị mịnẹ àrị ọmụ ọkị-ḅom anị bebe amakiri mẹ ḅụ, tẹ ḅaa-guluguluma owuna-aị kẹ tomi na nama ma na fama, gbọrụ ḅara mẹ ḅụ

Izikẹlị 14:19

“Àrị ama-fama obi kẹ anị bebe amakiri mẹ fịrịma tẹ ị̀ ịganị ḅụ tọnwa aḍumo famarị ḅẹḅẹ, tomi na nama na ḅaa ḅụ,

Izikẹlị 14:21

Mie anie Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe ḅẹẹ ye, “À si-tẹịn inia fomu-ḅara ma fịrịma mu Jeruselemu ọgọnọ gbana ḅa — ọmụ, ḅuru-ḅa, piri-ḅio-ḅẹ si anama, na obi na — kẹ gbọrụ ḅara kẹ tomi na nama ma na ḅaa.

Izikẹlị 33:27

“Ḍuko ịn pịrị mịnẹ yẹrị Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe ịna ḅeri nụnụarị mịnẹ yẹrị ḍumo wararị Tamụnọ ḅee ẹrẹsị, kaan-saratẹ opu ama ma ḅio angarị apụ ma ini ịn ḅaa ḅa. Piri ọgọnọ-jụ angarị apụ ma piri-ḅio-ḅẹ si anama ịn pẹị ḅa. Tụndụ ma ḅio na fukuru ma ḅio na ḅọị wararị apụ ma, obi ḅụ fịị ḅa.

Izikẹlị 33:29

À tomi ma asi gotẹ fomu-ḅara kẹ ịn pịrịtẹ bebe amakiri mẹ fa tẹẹ koro-sime sakị mie in nimi ḅarịye mịnẹ yẹrị mie KỊNỊNYANAḄỌ ḅe.”

Izikẹlị 7:15

Etela ma ḅụ ini owu-sọarị, tẹ warị aḅio ma ḅụ obi na ḅuru-ḅa na emi. Bebe amakiri mẹ ḅụ sime-ḅọ sime-ḅọ owu mẹ ḅio fịị ḅa, tẹ ḅẹḅọ-ḅẹḅọ tẹ opu ama mẹ ḅio sime-ḅọ sime-ḅọ sime obi na ḅuru-ḅa na pịrị ḅa.

Hosiya 4:3

Tẹ mie ḅụ amakiri mẹ samụnọ-kpakịkị ḅa, tẹ anị ḅụ angarị ye goyegoye fịị ḅa. Nama mamgba na feni ma na pịkị inji sọ fịị ḅa.”

Mayịka 3:12

Anịẹrẹsị ó gotẹ, ịn ḍụọ ḍiḅi ḅẹ kiri soku ḅara kẹ Zayọnị soku ḅa, Jeruselemu si-aị nguma kpoli sara sọ ḅa, tẹ Tamụnọ warị mẹ nama tụndụ mẹ ḅo opu piri sọ ḅa.

Zẹfanaya 1:3

tomi mamgba na nama amẹẹ na, feni ma na inji na. À mịẹ tẹ si-sịḅịḅio-sụapụ ma ḅịkị ḅa. À tomi mamgba ḅaa guluguluma ḅa, tẹ fịị-a so ḅẹ ḅọ paka ḅịa. Yẹrị KỊNỊNYANAḄỌ ḅe ọkọ ḅẹẹm.”

Luku 21:24

Ini okologie kẹ ja apụ ḅaa ḅa; ini ikoliapụ ḅara kẹ osi apụ kun so ja asịẹ mu ḅa; tẹ oru nimi apụ Jeruselemu mẹ ḅio anga tẹ mẹnjịma, mẹnjịma nwenii ịna sakị kara ḅa.