Jerimaya 21:4 - FỊAFỊA BAỊBỤLỤ

⁴ in ḍuko Zẹdẹkaya pịrị, mịnẹ KỊNỊNYANAḄỌ ḅe, Izirẹlịapụ tẹkẹarị Tamụnọ ḅe ḍuko tẹẹ, “Zẹdẹkaya, àrị ị́ ọmụ-ogbo mẹ tẹ Babịlonịya ḅẹ amadaḅọ ḅe na ori ọmụ-ogbo mẹ na sọarị ye mẹ mịẹ tẹ owu anị ḅara sii ḅa. Arị ị́ ọmụapụ owuna-aị ma kobiri ḅo kpolima ḅa opu ama mẹ karakara ogbo ḅụ.

Jerimaya 21:4 Iomraidhean Croise

Ayịzaya 10:4

Ọmụ ḅio ọ́ fịị-a ḅẹḅẹ, ini ọ́ fọnọ so ḅa ikoliapụ ḅara ḅụ. Anịsọ KỊNỊNYANAḄỌ ḅe ịganị mẹ kunoma ḅịa; ọ̀ ḅara paa sụụn-paka ḅa, kẹ fomu.

Ayịzaya 13:4

Tụndụ ma ọgọnọ ḍụrụkụarị ye mẹ pokii — opu tomi ogbo yeke-yekearị, sịẹ, sịẹ na ama, ama na kobiri tẹ yeke-yekearị. Ọmụ ogbo-ogbo Nyanaḅọ ḅe ori ọmụapụ ma tẹlẹma ọmụ gbin pịrịarị.

Ayịzaya 5:5

“Mie à kẹ ị̀ girepu-ḍụọ mẹ mịẹ ḅarị ḅara: àrị à ḍiḅi anị ikelema wararị asịn ma soku sin ḅa, anị wẹrị kpaịnmarị onu mẹ à sukuruma-gbin ḅa, tẹ piri-ḅio-ḅẹ anama anị ḅio ḍiḅi wararị aị ma fị tẹ nanga kiri pịrị ḅa.

Jerimaya 20:4

KỊNỊNYANAḄỌ ḅe ḅioju ḍuko tẹẹ, “Arị ị́ mịẹ tẹ ị́ ḅalafama ye sọ ị́ ḅụụ na í ikiapụ na pịrị ḅẹ-yearị, tẹ ị́ tọrụngbọ kẹ ẹrịarị ogbo ini inimgba ḅaa ḅa, si kẹ ịn tọn apụ ogie ḅịḅị ḅụ. À Juda ḅẹ apụ mamgba kẹ Babịlonịya ḅẹ amadaḅọ kụrọ suku-ḅio suu ḅẹ-yearị; ori ikoliapụ ḅara kẹ jen-apụ ọkị so ori ama iri mu ḅa tẹ osi apụ ḅaa ḅa.

Jerimaya 21:3

Anịtẹso KỊNỊNYANAḄỌ ḅe ẹkwẹn ị̀ pịrị tẹ à ḍuko ịn kẹ ị̀ fịrịma atomi ma pịrịm

Jerimaya 32:24

“Babịlonịya ḅẹ apụ ma in sime tẹ owu-sọ ḅẹ ayọ nama ama mẹ ikelema tẹ ama mẹ ọkị ḅẹ ḅara gotẹ owu kẹ anị pakarị. Ọmụ na, ḅuru-ḅa na, obi na mịẹ tẹ ama ḅịkị ịna aḅara-ḅio sọ ḅa. Í inetẹ ẹrị ḅa mịnẹ í ḍuko aị mamgba ḅo karakaraye sọ tẹẹ.

Jerimaya 32:3

Ịn kẹ ị̀ sịḅị-sẹịn tẹ Ama-da Zẹdẹkaya ị̀ kẹ ikoli suu ye anie, à ḍukom mịnẹ KỊNỊNYANAḄỌ ḅe ḅẹẹm, “À mịẹ tẹ Babịlonịya ḅẹ amadaḅọ ḅe mị opu ama mẹ ọkị ḅa,

Jerimaya 32:5

Ịn Zẹdẹkaya ọkị-so Babịlonịya mu ḅa, tẹ ori anị anga sime nwenii tẹ arị ori na à mịẹ ḅẹ ye mịẹ ḅa. Ọ̀ nwẹnị Babịlonịya na owu sọ-sọ, owu ọ̀ ḅara iḅi ḅịa. Yẹrị KỊNỊNYANAḄỌ ọkọ ḅẹẹm.”

Jerimaya 33:5

ịn Babịlonịya ḅẹ apụ na sọ sime ye mẹ ḅụ. Ị̀ owi ịganị ḅụ à ḅaa ḅẹ apụ ma aḍụẹịn ma arị ḅio ḅin ḅa. Àrị ị̀ tọrụ ḅọị ḅa mị opu ama mẹ ḅụ, anị ḅẹ si-sịḅịḅio mamgba gotẹ.

Jerimaya 35:17

Mịọkụ mie ḅụ, yẹrị, Kụrọmamgba nyana KỊNỊNYANAḄỌ ḅe, Izirẹlịapụ tẹkẹarị Tamụnọ ḅẹ, à minini guluguluma mamgba ọkị-ḅo ọmịnị Juda na Jeruselemu na ḅẹ apụ ma ọgọnọ gbana ḅa. À miemẹ mịẹ ḅa arị ẹkwẹn ọ́ pịrị sakị ó poki ḍụkụ-a ẹrẹsị, tẹ à pịkị ọ́ sịn sakị sọ ọ́ pakịrị ḍụkụ-a.”

Jerimaya 39:3

(Ịn Jeruselemu ọkị tẹso, Babịlonịya ḅẹ geletẹ fịrịmẹnjị-opuapụ mamgba ḅo ogboku ḅẹ Onu-ḅọkọ mẹ ḅụ ịna akiri ọkịm, ịna ḅụ Nagalị-sareza na, Samuga-nebo na, Sasẹkimu na jen Nagalị-sareza nwẹn-sịn gbọrụḅọ na.)

Jerimaya 52:18

Ịn pịkị ọkị-so aị anie maa sọpụrụ ma na kẹ agbamịẹ-anga mẹ sịkịrị fịafịamarị fọọn mẹ kẹ sụa-sụa wẹrị-wẹrị ye mẹ na, kẹ tọnjọ ma tẹlẹma-tẹlẹma aị ma na, agbamịẹ-anga ḅụ kẹ ọmbie da sụa-sụa abọlị ma na, kẹ kụnụaị dọkịma-dọkịma abọlị ma na, ja kịrị-kịrị aị tẹ ojo kẹ tẹmẹ-aị tẹ kẹ Tamụnọ-warị mẹ ḅio ye mịẹ-mịẹ aị mamgba na.

Kururu Owu-apọkọ 2:3

Ḅalafama ịganị ḅụ, ori Izirẹlị nyana kụrọ mamgba pẹlẹ-siin tẹ; kịnị-na-fịya-a ḅọ ḅe tọrụ-ogbo ḅụ, ori ịna ḅụụ ori ama-ḅara nụnụ-ọkị tẹ; ò vuru-vuruma kọrịarị fịnị kọrị ḅara kọrị tẹ Jekọbụ ḅio ḅụ, tẹ kiri mamgba dọkịmam.

Kururu Owu-apọkọ 2:5

KỊNỊNYANAḄỌ ḅe ḅo gbala kịnị na fịya-a ḅọ sọ tẹ, ori Izirẹlị fama tẹ; ori anị ḅẹ amadapụ awarị mamgba kan-sara tẹ anị ḅẹ kụrọtẹ ḅọị anga ma kan-sara sara mịẹ tẹ, tẹ Juda ḅe ẹrẹḅọtụḅọ ma ḅio ḅụ, ḍụẹịn-ḍuu na, owu na, kururu na serima tẹẹ.

Kururu Owu-apọkọ 2:7

KỊNỊNYANAḄỌ ḅe ori agbamịẹ-anga ḍiki-sima, tẹ ọ̀ fịafịa yọ mẹ sịkị tẹ; arị amadapụ awarị ḅẹ onu ma, ọ̀ ḅọrọma kịnị-na-fịya-a ḅọ ḅe ḅara-ḅio suu tẹ; owu-ḅara-iḅi oloku KỊNỊNYANAḄỌ ḅe warị ḅio fiem, gbala ene pẹlẹ tẹ fịarị kopini alalị ọkụ.

Izikẹlị 39:3

Anịtẹso àrị ori iboli ḅakụ siin ḅa ori ere-ḅara ḅụ, pịkị ori aḍịẹịn ma ori ama-ḅara ḅụ.

Hosiya 9:12

Kụma ịn nwẹnị paa ḍụkụ-a tẹ awọ iyim ḅẹsọ, àrị ini ọkị so ḅa, tẹ mịẹ tẹ gbọrụḅọ sọ ḍumo sime ḅịa. À mịna atomi ma kẹ gbin-koroma-so sakị, opu ḅalafama aị ịna aḅụụ paka ḅa.”

Zẹkaraya 14:2

KỊNỊNYANAḄỌ ḅe sịẹ-sịẹ mamgba kobiri ḅo tẹ in Jeruselemu kẹ ọmụ kiri sọma ḅa. Ini opu ama mẹ ọkị ḅa, warị-warị ma fọịn, tẹ nwẹnị kụrọ ḅara kẹ ereme ma na tii. In tomi ma kẹ maa anga ḍie ḅa, gbọrụ anga kun-so mu jen sịẹ ḅụ angama ḅa, kụma ịna ḅụ kirikọn-apụ ma opu ama mẹ ḅio ini ini ọkị so ḅịa.

Matiyo 22:7

Amadaḅọ ḅe nwẹnị ịganị lama; mie ḅụ ori ori ọmụapụ fịrịma mu arị kịnị-ḅaapụ ma ḅaa tẹ ịna ama dọkịmam.