Jerimaya 21:2 - FỊAFỊA BAỊBỤLỤ

² “Sisi ḍuko KỊNỊNYANAḄỌ ḅe pịrị wa pịrịị, Babịlonịya ḅẹ Ama-da Nebukadineza ori ọmụ-ogbo kẹ opu ama mẹ ikelema-koro tẹ anị ọkị ḅẹ ẹrẹsị. Ẹbịsịya KỊNỊNYANAḄỌ ḅe ọ̀ ḅụụ-buama-aị ma ḅẹ gberie mịẹ wa pịrị tẹ kụrọ-ḅara kẹ ọ̀ mịẹ tẹ ọ̀ pịkị-so ḅa.”

Jerimaya 21:2 Iomraidhean Croise

Suku-saakị 10:10

Ori ama-da ye-yọ suku-saakị anga anie: Babẹlị na, Ẹrẹkị na, Akadị na — arịmgba Sina (anie Babịlonịya) ḅụ simem.

2 Amadapụ 1:3

Kụma KỊNỊNYANAḄỌ ḅe enjẹlị nwẹnị Tisibi ḅẹ Ịlayịja ḅe ḅẹẹ, “Saakị, mu Sameriya ḅẹ amadaḅọ ḅe afịrịmẹnjịapụ ma na bịama tẹ ịn ḅẹẹ, ‘Í gotẹ mu Balị-zibọbụ Ẹkịrọnị ḅẹ oru-tamụnọ ḅe gbela ḅẹ muarị ye anie Izirẹlị ḅụ Tamụnọ ḅarị ofori ẹrẹsị, ọkọ-a?’

2 Amadapụ 17:24

Asiriya ḅẹ amadaḅọ nwẹnị Babịlọnị na, Kuta na, Ava na, Hamatị na, Sẹfavemu na ḅụ kịnị ọkị-ḅo tẹ kẹ Izirẹlịapụ ma kiri ḅụ Sameriya ḅẹ opu ama ma ḅio kuroma, tẹ ini arịḅẹ opu ama ma ḅio kuro anga.

2 Paka-aị 32:21

KỊNỊNYANAḄỌ ḅe nwẹnị gbọrụ enjẹlị fịrịma tẹ ọ̀ nwẹnị ọmụ-ogbo mẹ na, ḅẹrẹtọn-apụ ma na, fịrịmẹnjị-opuapụ mamgba na pẹlẹ-ḅaa fama. Anieḅụ ọ̀ nwẹnị ḅụụ-jịrị tọrụ kẹ so ò soku-ḅẹ ama mu. Ò ḅo ọ̀ tamụnọ warị mẹ ḅio sọ tẹso, ori ḅara na iyi owiapụ-awọmẹ ma ḅe ja apụ nwẹnị okologie kẹ ọ̀ pẹlẹ-ḅaa anị jụ.

Paka-so 9:28

Ọ́ KỊNỊNYANAḄỌ ḅe tẹkẹẹ; kẹ gotẹ ọkọ ḅẹẹarị, mị so-alagba mẹ tẹ tẹịn-arị ye mẹ na, sararị so-aḍụḅarị ma na iḅi tẹẹ; à wẹrịso tẹ ó so ḅa, ọ́ ḅarị jen kẹ mịanga sime ḅịa.”

Ayịzaya 48:2

Anịsọ ọ́ paa ḅụụ-boma-boma tẹ ḅarị mịnẹ ọmịnị fịafịa opu ama mẹ ḅẹ apụ tẹ ọ́ pịkị Izirẹlị Tamụnọ ḅụ sịrẹrẹarị, anie Kụrọmamgba nyana KỊNỊNYANAḄỌ kẹ ẹrẹ fị wararị ḅọ ḅe.

Jerimaya 15:11

KỊNỊNYANAḄỌ, yee ma gbo-aị mamgba ị̀ ḅụụ paka, amụ arị iḅi-oku fịrịmẹnjị ị́ pịrị-a ḅẹḅẹ, amụ à si kẹ ị̀ tọn-arị apụ ma sịḅị ẹrẹsị ị́ na ẹkwẹnma-a ḅẹḅẹ, ịn ḅụụ-fụka na ḅụụ-ḅalaḅala na ḅio sọ sakị.

Jerimaya 21:3

Anịtẹso KỊNỊNYANAḄỌ ḅe ẹkwẹn ị̀ pịrị tẹ à ḍuko ịn kẹ ị̀ fịrịma atomi ma pịrịm

Jerimaya 32:17

“Ḍụḅa Tẹịn-Ḅẹrẹtọn-Kụrọ-Nyana KỊNỊNYANAḄỌ, ị́yẹrị So mẹ na Kiri mẹ na tẹmẹm í opu kụrọ ḅụ; ị́ ḅụụ ḅụụ-fụkama ḅaka gberie sọ ofori.

Jerimaya 32:24

“Babịlonịya ḅẹ apụ ma in sime tẹ owu-sọ ḅẹ ayọ nama ama mẹ ikelema tẹ ama mẹ ọkị ḅẹ ḅara gotẹ owu kẹ anị pakarị. Ọmụ na, ḅuru-ḅa na, obi na mịẹ tẹ ama ḅịkị ịna aḅara-ḅio sọ ḅa. Í inetẹ ẹrị ḅa mịnẹ í ḍuko aị mamgba ḅo karakaraye sọ tẹẹ.

Jerimaya 34:1

Ama-da Nebukadineza, Babịlonịya daarịḅọ ḅe, na ori ọmụ-ogbo na, pịkị sịẹ-sịẹ ma na kịrị-kịrị apụ tẹ ò suku-ḅio emi apụ na kẹ ḅarasụa ọ̀ pịrị ḅẹ ḅo ọmụapụ na, owu kẹ Jeruselemu na anị kpeki ama ma na pakarị sakị KỊNỊNYANAḄỌ ḅe ẹkwẹn ị̀ pịrịm.

Jerimaya 37:17

Sakị ḅọrọ lama tẹso, Ama-da Zẹdẹkaya fịrịma ị̀ sịnm, tẹ anịanga Amada-Opu-warị mẹ ḅio jen-apụ ofori ogbo ì gbelam, “KỊNỊNYANAḄỌ ḅe ḅara ḅo oku emi?” À pakịrịm: “Emii”, tẹ nwẹnị kẹ sụa ḍuko, “Ini ị́ saḅama Babịlonịya ḅẹ amadaḅọ ḅe pịrị ḅa.”

Jerimaya 37:3

Ama-da Zẹdẹkaya nwẹnị Jehukalị, Selemaya tụḅọ ḅe na, Agbamịẹḅọ Zẹfanaya, Masẹya tụḅọ ḅe na kẹ fịrịma tẹ ḅii mịnẹ à KỊNỊNYANAḄỌ, wamịna Tamụnọ ḅe tẹkẹẹ wamịna sịẹ mẹ gotẹ.

Jerimaya 37:7

à Zẹdẹkaya ḅẹẹ, “Amadaḅọ Fero ọmụ-ogbo mẹ tẹ ḅarasụa ị́ pịrị ḅẹ ḅoarị apụ ma, ịn pịkịma-so ịna ama Ijiputi mu ḅa.

Izikẹlị 7:26

Gbọrụ opu ḅụụ-fụka jen pono ḅo ḅa, tẹ sịkọpẹlẹ-a ḅara mie si-oku ḅịḅị kẹ ḅo-ḅo sara ḅarịye. Ọmịnị ịkịankoroapụ ma tẹkẹ ḅa ịn tọrọkọ-jụ ḅo ḅẹ tẹ ini ẹrị ye mịẹfinji ọ́ pịrị. Agbamịẹapụ ma nyana tẹ kẹ tomi ma toluma ḅẹ ye paka ḅịa, tẹ omongiapụ ma in ḍuko tomi ma toluma ḅẹ ye nyana ḅịa.

Ḅẹrẹkọn-apụ 20:27

Izirẹlịapụ ma nwẹnị KỊNỊNYANAḄỌ ḅe ḅụụ ḅụ gbela, gbala arị ene ma ḅụ Tamụnọ Ọḅọkụ Igbe mẹ anịjụ emi ẹrẹsị,

1 Samụẹlị 10:22

Anieḅụ in nwẹnị siin KỊNỊNYANAḄỌ ḅe gbela, “Tomḅọ ḅe mịanga mẹ ò ḅo?” KỊNỊNYANAḄỌ ḅe nwẹnị pakịrị, “ḍikii, ori ọ̀ ḅụụ ḅọị tẹẹ, ọ́ kẹ ḅo aị ma ogbo-ḅio ḅụ.”

1 Samụẹlị 28:15

Anịtẹso Samụwẹlị nwẹnị Sọlụ ḅẹẹ, “Í tiegotẹ ị̀ ḅụụ-fụkama ị̀ ọkị-ḅo ḅụ?” Sọlụ nwẹnị pakịrị, “À gburo-gburotẹ ḅụụ-ḅalaḅala ḅụ emi; kẹ gotẹ ọkọ ḅẹẹarị, Filisiteniapụ ma ị̀ na ọmụgbin-arị, tẹ Tamụnọ ị̀ ḅụụ tọrụ pịkị siin tẹ ḅarị jen-maaịn kẹ ḅịḅị-fie ị̀ pịrị-a, ịkịankoroapụ ḅụ-o, ḍawọ ḅụ sọ, anịẹrẹsị ị́ à mịẹ ḅẹ ye ḍuko ị̀ pịrị ḅẹ, arị ị́ sịn ḅom.”

1 Samụẹlị 28:6

Tẹ Sọlụ KỊNỊNYANAḄỌ ḅe ḅịḅị ḅii tẹso, KỊNỊNYANAḄỌ ọ̀ pakịrị-a ḍawọ ḅụ-o, anịanịa ye ḅii ḍụḅarị ịn kẹ Yurimu sịn ye mẹ ḅụ-o, anịanịa ịkịankoroapụ ḅụ so.