Jerimaya 21:12 - FỊAFỊA BAỊBỤLỤ

¹² Yei Devidi warị, mie KỊNỊNYANAḄỌ ḅe ḅẹẹ ye: ‘Ọmịnị aḍụa ofori ḅẹrẹ kọọn, ene mamgba; ọ́ jụmọ ponomarị ḅọ mẹ pụkọ-pakamaḅo mḅọ inomarị ḅọ ḅara-ḅio ḅụ. Ọkọ-a kụma ì opu ịganị fịnị kịka tẹ kọrị paka ḅa ọ́ mịẹ tẹ siye mẹ ẹrẹsị — anị kọrị tẹ biinma ḅẹ ḅọ paka ḅịa.

Jerimaya 21:12 Iomraidhean Croise

2 Samụẹlị 8:15

Anieḅụ Devidi ama-da Izirẹlị mẹmgba pịrịm; tẹ Devidi karakara ḅẹrẹtọn na, kịnị na-iḅi ḅẹ ḅara kẹ ḅẹrẹtọn tomi mamgba pịrịm.

Jobu 29:17

À karakara mịẹ-a ḅọ ḅe ye tokuru aka ma anyịmam, tẹ ọ̀ mịẹ tẹ ori ori aka ḅụ ò kun nama mẹ kẹ koromam.

Devidi-Anume 101:8

Ene-ḅaaene-ḅaaene wamịna amakiri mẹ ḅụ simearị si-sịḅịḅio-sụapụ ma arị ịn ḅaa ḅa; KỊNỊNYANAḄỌ ḅe opu ama mẹ ḅio simearị si-mịẹapụ mamgba arị in dee pakama ḅa.

Paka-so 18:13

Anị ḅẹ ene-ḅaa ḅụ Mozizi tomi ma kọn ḅẹ ẹrẹsị lẹgị-simem, tẹ tomi ma dede-ḅio ḅụ sịẹsime ori ikelema nwenii ḅoḅiri-so lam.

Ayịzaya 1:17

tẹ ḍawọ tẹ kuraye mịẹẹ. Ọmịnị ẹrị mịnẹ ó tomḅọ la kiri kẹ mḅọ pịrịm, ḅarasụa ja apụ ponomarị apụ pịrị, sime ḍapụ na iyingiapụ na fịtẹ awọmẹ pịrị aị kẹ ịn pịrị, diapụ-fịtẹ-ereme ma ḍụa.”

Ayịzaya 1:31

Fịnị osuka ḅụ sọ tẹ anị veremuma kọrị paka ḅara, anie kụrọ atomi ma fịị gulugulu ḅarị ḅara ịna si amịẹaị ma ḅụ; gbọrụḅọ-sọ inetẹ ịna fịị guluguluma mẹ kiki ḅịa.

Ayịzaya 7:13

Anị ẹkwẹn mẹ Ayịzaya pakịrịm, “Pokii, mịọkụ, Ama-da Devidi furo paka-ḅo, ịnyọ kẹ tomi tama tẹ ịn ḅarị inetẹ inema ḅịa si mẹ la ḅara mẹ paa boowa tẹ ị́ pịkị ịnyọ kẹ Tamụnọ sọ tama-a so ḅịa wararị ya?

Ayịzaya 7:2

Ḅịḅị mu Juda ḅẹ amadaḅọ ḅe la sakị, mịnẹ Siriya ḅẹ ọmụ-ogbo-ogbo ḅo Izirẹlị kiri kụrọ-sịẹ tẹ ḅẹ sakị, ori na ori atomi na oju sẹkịm, sịn ma fẹrụ ḅio jike ḅara.

Jerimaya 17:4

Ọmịnị à kẹ ọ́ pịrị amakiri mẹ ḅụ ḅara-siin nyanam, tẹ àrị ọ́ mịẹ tẹ ọ́ fịrịmẹnjị si kẹ ọ́ tọn apụ ma pịrị ḅa, ọmịnị anị gboloma gberie sọ nimi-a amakiri ḅụ, ị̀ ịganị ẹrẹsị, anị fịnị kịkarị, tẹ kọrị gbamaso ḅa.”

Jerimaya 21:5

Arị owu kẹ ị́ paka ḅa ì opu kụrọ mẹmgba ḅụ, ị̀ ịganị ḅụ, ì opu ịganị ḅụ, ì owi ịganị ḅụ.

Jerimaya 23:19

Ori ịganị mẹ anie erisee, opu ḅara fiearị fẹrụ tẹ fie mu si-sịḅịḅio-sụapụ ma asịḅị sara ḅa,

Jerimaya 23:2

Mie KỊNỊNYANAḄỌ, Izirẹlịapụ tẹkẹarị Tamụnọ ḅe ḅẹẹ ye, anie ọkịarị mịnẹ ini anie sịḅịdapụ tẹ ị̀ atomi ma ḍikiḍikiarị nwẹn ḅẹẹ apụ ma gboloma ye ḅụ: “Ọmịnị ị̀ atomi ḍikiḍiki-a: ọmịnị ịn gala-gala tẹ in dee fama tẹẹ. Mịọkụ arị ọ́ mịẹ tẹ siye mẹ ḅẹ fomu-ḅara kẹ ọ́ pịrị ḅẹ-yearị.

Jerimaya 23:5

KỊNỊNYANAḄỌ ḅe mẹẹ, “Sakị mẹ ḅoarị, à karakara mịẹarị ḅọ sẹlẹ pakama-ḅo ḅarị sakị mẹ Devidi furo ḅụ, ama-da ḅẹ ḅọ ḅara ḅụ. Anị amadaḅọ ḅe nimi ḅara kẹ ḅẹrẹtọn ḅa, tẹ kura ḅara na inoma ofori ḅara kẹ ye mịẹ ḅa bebe amakiri mẹ ḅụ.

Jerimaya 36:7

Ẹbịsịya ịn KỊNỊNYANAḄỌ ḅe tẹkẹ tẹ ịna si etela ma ḅụ pịkị ḅa, gbala KỊNỊNYANAḄỌ ḅe ọ̀ ḅalafama owi ịganị ḅụ ma atomi ma ẹrẹma tẹ ẹrẹsị.”

Jerimaya 4:4

Ọmịnị ị̀ na fị ọḅọkụ mẹ kokoo, ọ́ Nyanaḅọ ḅara ḅụ, tẹ ọmịna aḅụụ wẹrị kpaịnma ị̀ pịrịị, ọmịnị Juda na Jeruselemu na ḅẹ apụ. Ọmịnị ọkọ mịẹ-a ḅẹḅẹ, ị̀ ịganị fịnị kọrị ḅara kọrị ḅa, ọ́ mịẹ tẹ asi-aị ma ẹrẹsị. Anị kọrị ḅa, tẹ anị biinma ḅẹ gbọrụḅọ-sọ paka ḅịa.”

Jerimaya 44:22

Mịmgba ḅẹ eneḅaka mẹ ḅụ ọmịna amakiri mẹ si kọsị-sara wararị, tẹ gbọrụḅọ-sọ anị ḅio anga-a. Anị ḅo sịḅị-kanakanama ye sọ tẹ ḍiki-tọrụ ḅụ, tẹ tomi pịkị anị ẹrẹ kẹ ye karịarị KỊNỊNYANAḄỌ ḅe ḅarị jen kẹ ọmịna si-sịḅịḅio mẹ na si amịẹaị ma na inema-a ẹrẹsị.

Jerimaya 5:14

Ọkọ ẹrẹsị mie KỊNỊNYANAḄỌ, Kụrọmamgba nyana Tamụnọ ḅe ḅẹẹ yee: Tomi ma mịna ẹkwẹn ma kọn tẹ ẹrẹsị, à mịẹ tẹ ị̀ ẹkwẹn tẹ ị̀ ḅịḅị-ḅio simearị ye mẹ kọrị-fịnị sọ ḅa, tẹ mịna atomi ma nwẹnị anị dọkịmarị apakịrị sọ ḅa.

Jerimaya 5:28

anie ẹrẹsị ịn ḍụḅa tẹ iḅi fịye fị apụ ḅara simearị. Ịna si amịẹaị ma daasịẹ anga nyana-a. In sime ḍapụ na iyingiapụ na fịtẹ awọmẹ karakara kẹ ịn pịrị-pịrị-a, anịanịa ja apụ ponomarị apụ ma la kiri ịgbanị ịn pịrị.

Jerimaya 7:20

Tẹ mie ḅụ, yẹrị Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe ì owi ịganị ọsụma mị Tamụnọ-warị mẹ ọgọnọ sara ḅa. Àrị anị kẹ tomi na nama amẹẹ na ọgọnọ sọ sara ḅa, kịrị ofori ḅara ḅụ, pịkị sịn ma na ḍụọ ḅio soku la tẹ ḍiḅi-aị ma kịngẹ ọgọnọ sọ. Ị̀ ịganị gbọrụḅọ sọ inetẹ biinma ḅịa orumo kịka ḅa.”

Jerimaya 7:5

Ọmịnị ó ḍumo kọn-arị ḅara ḍimaa, pịkị ọ́ mịẹarị aị ma dasịẹmaa. Ọmịnị inoma ofori ḅara kẹ Jụmọ-jụmọ na mị.

Kururu Owu-apọkọ 4:11

KỊNỊNYANAḄỌ ḅe ọ̀ kụrọ ịganị ịḅụkụ mẹ finji koromam, ori ori ọfịrị ịganị mẹ sara pakamam; Tẹ ọ̀ Zayọnị ḅụ fịnị kẹngẹma saram, aniemẹ tẹ anị ḅẹ sukutarị-ḍụḅarị dọkịma ye mẹ.

Izikẹlị 22:31

Mie ḅụ à kiki ofori ḅara kẹ ị̀ ịganị pịkị ịna ọgọnọ sara ḅa, tẹ fịnị kịka tẹ ịn dọkịma guluguluma ḅa.” Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe ọkọ ḅẹẹm.

Lẹvitikọsị 26:28

anịrẹ owi ịganị ḅụ arị ọmịnị na tụḅụrụ ḅara mẹnjị ḅa, tẹ ọmịna asi gotẹ ḅarana arịḅẹ sọnọma akiri kẹ ó fomu ḅa.

Nahọmụ 1:6

Tụḅọ inetẹ ye ọ̀ ḅụụ-ḅẹsọ tẹ ọ̀ tọrọkọ sịẹsime ḅẹ? Tụḅọ inetẹ ori ịganị mẹ ḅẹ ọfịrị mẹ inema ḅẹ? Ọ̀ kụrọ ịganị fịnị ọsụma paka ḅara pakam, tẹ ori ịkụ ma kẹ pakịrị-pakịrị puu-puu saram.

Zẹfanaya 1:18

Anị ene mẹ ḅụ, KỊNỊNYANAḄỌ ḅe ori owi-ịganị ḍie-pakama ḅarị sakị mẹ ḅụ, ịna seleḅa na golu na kịngẹ sọ ịn ḅọrọma ḅịa. Ori ịganị ḅụ fịnị bebe tomikiri mẹ guluguluma ḅa. Ò tomikiri ḍumo simearị ḅọ goḅọ-goḅọ ḍumo kẹ ḅo kunoma lama ḅaa-a bẹkẹ kunoma.

Zẹfanaya 3:5

Kụma KỊNỊNYANAḄỌ ḅe paa opu ama mẹ ḅio emi; kuraye, anie ọ̀ mịẹarị tẹ gbala-gbala iri-ye mịẹ-mịẹ-a. Dede goyegoye gbarị-a ḅara ḅụ, ori inoma ofori ye ọkị-ḅo ori atomi pịrịarị. Tẹ anịsọ anịanga ḅụ karakara mịẹ-a apụ ma paa iri-ye mịẹ tọrọkọ-tọrọkọ muarị tẹ ḅụụ-jịrị-a.

Luku 1:69

Ori opu Ḅọrọmaḅọ kẹ wa pịrị tẹ, ọ̀ fịrịmẹnjịḅọ Devidi furo mẹ ḅụ paka-ḅo.

Romu 13:4

ori Tamụnọ fịrịmẹnjịḅọ tẹ í iḅi gotẹ kọrịnama kọrịarị ḅọ ẹrẹsị. Í si amịẹaị mịẹarị ḅẹḅẹ, ò gotẹ ḅalafaa, gbala Tamụnọ kẹ ọ̀ pịrị kụrọ ḅụ ori inetẹ fomu-ḅara kẹ ị́ pịrị ḅa, ori Tamụnọ fịrịmẹnjịḅọ tẹ fomu-ḅara kẹ si mịẹ ḅọ, mịẹ ḅọ pịrịarị.

Ditẹrọnọmị 32:22

Gbala ị̀ ịganị ḅụ fịnị kẹngẹmarị, tẹ dọkịma ma-mu ḍuḅu mẹ ḅẹ pokolo ayọ laarị. Tomikiri mẹ na, anị ḅụ sọ aị na gulugulumarị, tẹ fịnị kẹ tụndụ ma ḅẹ sukutarị-aḍụḅarị ma ḅụụ sụarị.