Jerimaya 21:10 - FỊAFỊA BAỊBỤLỤ

¹⁰ À tọn-pẹlẹ tẹ mịnẹ à mị opu ama mẹ wẹrịso tẹ so ḅịa, kụma àrị anị guluguluma ḅa. Ini anị saḅama Babịlonịya ḅẹ amadaḅọ ḅe pịrị tẹẹ, ori anị dọkịma kiri lama ḅa. Yẹrị, KỊNỊNYANAḄỌ ḅe ọkọ ḅẹẹm.”

Jerimaya 21:10 Iomraidhean Croise

2 Paka-aị 36:19

In nwẹnị Tamụnọ warị mẹ dọkịma, tẹ Jeruselemu onu mẹ kan sara, tẹ fịnị kẹ anị ḅẹ amadapụ opu awarị ma dọkịma, tẹ anị ḅẹ yela ẹfẹrẹ mamgba ḅaa sara.

Devidi-Anume 34:16

kụma ò siye-mịẹapụ ma na tụḅụrụarị: mịẹ tẹ ịn fịị sakị kịnị sarasarama ịn kẹ ḅioḅọrọma ḅarị ḅara.

Jerimaya 17:27

Kụma ini ị̀ ḅịḅịpoki nyanam, tẹ Ịnyọsara-Ene mẹ kẹ fịafịa ene ḅara wẹrị. Gbọrụ ikuye sọ in dogi Jeruselemu ogigo-aḅọkọ ma sọ mu nyana-a anị ene mẹ ḅụ, kẹ gotẹ ọkọ ḍukoarị, ịn mịẹ-mịẹ à fịnị kẹ Jeruselemu ogigo-aḅọkọ ma ḅụ sụa ḅa. Fịnị Jeruselemu ḅẹ amada-awarị ma dọkịma kiri gbin ḅa, tẹ gbọrụḅọ-sọ inetẹ anị biinma ḅịa.”

Jerimaya 26:6

Ọ́ paa poki-a tọrọkọ-tọrọkọ muarị ḅẹḅẹ, anịsakị à mị Tamụnọ-warị mẹ kẹ à kẹ Silo mịẹ ḅara mịẹ ḅa, tẹ tomikiri ḅẹ asịẹ mamgba mị opu ama mẹ ẹrẹ kẹ ye karị ye sọma ḅa.”

Jerimaya 33:5

ịn Babịlonịya ḅẹ apụ na sọ sime ye mẹ ḅụ. Ị̀ owi ịganị ḅụ à ḅaa ḅẹ apụ ma aḍụẹịn ma arị ḅio ḅin ḅa. Àrị ị̀ tọrụ ḅọị ḅa mị opu ama mẹ ḅụ, anị ḅẹ si-sịḅịḅio mamgba gotẹ.

Jerimaya 34:2

KỊNỊNYANAḄỌ ḅe, Izirẹlịapụ tẹkẹarị Tamụnọ ḅe, ḍuko ị̀ pịrịm à mu Ama-da Zẹdẹkaya Juda daarịḅọ ḅe ḅẹ, “Yẹrị KỊNỊNYANAḄỌ ḅe, ḅarana mịẹ opu ama mẹ kẹ Babịlonịya ḅẹ amadaḅọ pịrịtẹ ori anị dọkịma kiri lama ḅa.

Jerimaya 34:22

À tọn tẹ ịn pịkị mịẹ opu ama mẹ ḅo ḅa. Ini owu kẹ anị paka tẹ anị ọkị tẹ dọkịma kiri lama ḅa. À mịẹ tẹ Juda ḅẹ ama ma ịkpa kịka ḅa, gbọrụḅọ-sọ anga-a yọ. Yẹrị, KỊNỊNYANAḄỌ ḅe, ọkọ ḅẹẹm.’ ”

Jerimaya 38:17

Anịtẹso à ḍuko Zẹdẹkaya pịrịm mịnẹ Kụrọmamgba nyana KỊNỊNYANAḄỌ ḅe, Izirẹlịapụ tẹkẹarị Tamụnọ ḅe, ḍuko tẹẹ, “Ị́ ḅara sakị Babịlonịya ḅẹ amadaḅọ ḅe ọmụ-alapụ ma pịrị ḅẹḅẹ, ini í ḍumo wẹrị kpaịnma ḅa, tẹ mị opu ama mẹ ḅarị dọkị ḅo kiri la ḅịa. Ị́yẹrị-o, ị́ warị suku-o, ịn wẹrị kpaịnma ḅa.

Jerimaya 38:18

Kụma ị́ ḅara saakị-a ḅẹḅẹ, anị sakị rẹ mie ịn mị opu ama mẹ saḅama Babịlonịya ḅẹ apụ ma pịrị ḅarịye, anie anị dọkịma kiri lama ḅẹ apụ ma, tẹso, ị́ ịna ḅara gbarị ḅịa.”

Jerimaya 38:23

Anịtẹso à pịkị kẹ sụa ḍukom, “Í eremịna-awọmẹ mamgba ini ịn kẹ so mu Babịlonịya ḅẹ apụ ma pịrị ḅa, tẹ í ḅioju sọ ịna ḅara gbarị ḅịa. Ini ikoliḅọ ḅara kẹ ị́ kẹ so mu Babịlonịya ḅẹ amadaḅọ ḅe pịrị ḅa, tẹ ịn mịẹ opu ama mẹ dọkịma kiri lama ḅa.”

Jerimaya 38:3

À pịkị ḍuko ịn pịrị simem mịnẹ KỊNỊNYANAḄỌ ḅe ḅẹẹ tẹẹ, “À mị opu ama mẹ kẹ Babịlonịya ḅẹ ọmụ-ogbo mẹ pịrị ḅẹ-yearị, tẹ ini anị ọkị ḅa.”

Jerimaya 39:16

à ḍuko Ẹbẹdị-mẹlẹkị, Sudanị ḅẹ ḅọ ḅe, pịrị mịnẹ Kụrọmamgba nyana KỊNỊNYANAḄỌ ḅe, Izirẹlịapụ tẹkẹarị Tamụnọ ḅe, ḍuko tẹẹ, “À ḍukom à mịẹ ḅa nwẹn ḅẹẹ gbọrụ ḅara mẹ, à gulugulu ọkị-ḅo mị opu ama mẹ ọgọnọ gbana ḅẹ-yearị, lọkọlọkọ-a. Tẹ miemẹ pakarị sakị, ị́ anịanga sime tẹ tọrụngbọ kẹ ẹrị ḅa.

Jerimaya 39:8

Ma ma mịẹarị sakị Babịlonịya ḅẹ apụ ma ama-da opu warị mẹ na, tomi ma awarị ma na dọkịmarị, pịkị Jeruselemu onu mẹ kan-arị.

Jerimaya 44:11

“Mie ḅụ, Yẹrị, Kụrọmamgba nyana KỊNỊNYANAḄỌ ḅe, Izirẹlịapụ tẹkẹarị Tamụnọ ḅe, tọrụ pịkị ọ́ da tẹ Juda mamgba ḅaa guluguluma ḅa.

Jerimaya 44:27

‘Àrị ẹrị ḅa mịnẹ ó lolo ḅịa, kụma ó gulugulu ḅa. Ọmịnị-mgba fịị ḅa, anị ḅọrọ ọmụ ḅio-o, obi ḅụ-o, nwenii ọmịna ḅụ ḅẹ gbọrụḅọ-sọ ḅarị kọọn ḅịa.

Jerimaya 52:13

Ọ̀ Tamụnọ-warị mẹ dọkịma kiri lamam, Amada-Opu-warị mẹ na Jeruselemu ḅẹ opu atomi mamgba awarị na.

Izikẹlị 15:7

tẹ in fomu ḅarị ḅara. Ịn gbọrụ fịnị gbarị tẹẹ, kụma mịọkụ fịnị ịn dọkịma siin ḅa. Àrị in fomuarị sakị mie í nimi ḅarịye mịnẹ yẹrị anie KỊNỊNYANAḄỌ ḅe.

Izikẹlị 24:11

Mịọkụ ojo kẹ mịẹ ḅẹlẹ mẹ kẹ ye anị ḅio ofori ḅara kẹ kọrịarị anyịmgbọ ma ọgọnọ sịẹma tẹ anị wẹrịso tẹ anị ọfịrị nwenii tẹ anyịmgbọ ḅịya ḅara ḅịya. Anịtẹso ḅẹlẹ mẹ ḅo kẹ Tamụnọ mịẹ-mịẹ ḅẹ ḅara kẹ kpaịn ḅa anị ḅẹ asarị mẹ dọkị so fama sakị,

Lẹvitikọsị 17:10

“Izirẹlị warị mẹ ḅụ ḅẹḅọ-ḅẹḅọ, anịanịa igoniḅọ tẹ ịna ogbo-ḅio angarị igoniapụ ma ḅẹ ḅọ, ọmbie ḅuu, anịanịa ọmbie pẹị, pẹị, àrị ị̀ tọrụ kẹ anị ḅọ tẹ ọmbie mẹ ḅuu anịanịa, pẹị ḅọ mẹ ọgọnọ gbana tụḅụrụma tẹ mḅọ atomi ogbo-ḅio ḅụ mḅọ pẹlẹ-siin ḅa.

Lẹvitikọsị 26:17

Àrị ị̀ tọrụkuḅu kẹ ọmịna si anga ḅụ wẹrị ḅa, tẹ ọmịnị na fịya-a apụ tọrọkọ ḅụ ọ́ fịị sara ḅa; ó ḍiki-ḅioḅẹlẹ-a apụ ḅẹrẹtọn ọ́ pịrị ḅa, gbọrụḅọ-sọ ó ḍuka-a ogbo ó ḍumo-mangị kọn ḅa.”

Emọsị 2:5

Mie ḅụ à fịnị kẹ Juda ḅụ sụa tẹ Jeruselemu ḅẹ kụrọnị-ayọ ma dọkịma kiri lama ḅa.”

Emọsị 9:4

Ini na fịya-a apụ in kun so-so à tọn ịn pịrị tẹ ini ịn ḅaa ḅa. À tọn pẹlẹ tẹ àrị ịn ḅaa guluguluma ḅa, à ḅarasụa ịn pịrị ḅịa.”

Zẹkaraya 1:6

Ị̀ afịrịmẹnjịapụ ịkịankoroapụ ma ḅụ à ḅọrọ tẹ oloko sụa-sụa ịn pịrị tẹ ịna aḅeri nụnụm, kụma ini arị kẹ ye-sịn-a tẹ anị dogi-ḅo ḅụụ-fụka dam. Anịtẹso in si-ḅụ-pịkị tẹ nimim mịnẹ yẹrị Kụrọmamgba nyana KỊNỊNYANAḄỌ ḅe mie in fomu ye ịn da na-iḅi ḅara ḅụ, à pịkị tọn pẹlẹm à mịẹ ḅẹ ḅara.’ ”