Jerimaya 21:1 - FỊAFỊA BAỊBỤLỤ

¹ Zẹdẹkaya, Juda ḅẹ amadaḅọ ḅe, Malikịja tụḅọ Pasọ na Masẹya tụḅọ Zẹfanaya na kẹ ị̀ fịrịma tẹ ị̀ ḅara miemẹ ḅiim,

Jerimaya 21:1 Iomraidhean Croise

2 Amadapụ 22:13

“Ó mu KỊNỊNYANAḄỌ ḅe ḅịḅị ḅii kẹ yẹrị na, tomi ma na, bebe Juda mẹmgba na pịrị, mị ḍiri mẹ tẹ ịn ḍọkị-ẹrị ye mẹ ḅio ḅẹ ẹkwẹn-aḅịḅị ma gboloma ye; kẹ gotẹ ọkọ ḅẹẹarị, wamịna aḍapụ ma mị ḍiri mẹ ḅio ḅẹ ẹkwẹn-aḅịḅị ma poki tẹ anị wẹrịtẹ wa gboloma ḅara ḅụ kẹẹ ḅara mamgba ḍiki mịẹ-a ẹrẹsị KỊNỊNYANAḄỌ ḅe gburo-gburotẹ ịganị ḅo wamịna ọgọnọ gbana tẹ.”

1 Paka-aị 3:15

Josaya owiapụ-awọmẹ anie Johananị, mgbe ḅe na, Jehohakịmụ gbolo ḅe na, Zẹdẹkaya gbolo-palịḅọ ḅe na, Salumu ini karama ḅọ ḅẹ na.

1 Paka-aị 9:12

Adaya Jerohamụ owiḅọtụḅọ ḅe, Pasọ owiḅọtụḅọ ḅe, Malikịja owiḅọtụḅọ ḅe, na Masayị Adiyẹlị owiḅọtụḅọ, Jazẹra owiḅọtụḅọ, Mesulamu owiḅọtụḅọ, Mẹsịlẹmiti owiḅọtụḅọ, Ịma owiḅọtụḅọ ḅe na,

2 Paka-aị 36:17

Ọkọẹrẹsị ọ̀ nwẹnị Babịlọnị ḅẹ apụ ma amadaḅọ ḅe tẹ ịna fịafịa yọ mẹ ḅẹ warị ḅio ḅụ okologie kẹ ịna asambịrịma owiapụ ma ḅaa ḅọ ḅe ọkị-ḅo in da-paka, tẹ sịḅị-kụrụkụrụ nyana asatụḅọ, anịanịa ḅụụ-gboloa iriawọ, omongi tẹ owiḅọ anịanịa kpọọtẹ ḅọ pịrị-a; ori inimgba kẹ ọ̀ ḅara-ḅio sunm.

Nehimaya 11:12

na ịna mịnapụ tẹ warị mẹ ḅẹ kọrịnama-kọrịapụ kịnị maa ẹndẹ na si maa apụ finji na (822). Adahaya, Jerohamụ owiḅọtụḅọ, pịkị Pelaliya taa-owiḅọtụḅọ, pịkị Amizị ile-owiḅọtụḅọ, pịkị Zẹkaraya ọsịkịsịkị-owiḅọtụḅọ. Zẹkaraya ḍa anie Pasọ; Pasọ ḍa anie Malikịja.

Jerimaya 29:25

“Miemẹ anie Kụrọmamgba nyana KỊNỊNYANAḄỌ, Izirẹlịapụ tẹkẹarị Tamụnọ ḅe ḅẹẹ ye: Ị́ ị́ soku ḅẹ ẹrẹ kẹ ḍiri kẹẹ-kẹẹ tẹ kẹ Jeruselemu ḅụ sime apụ mamgba na Zẹfanaya, Masẹya tụḅọ Agbamịẹḅọ ḅe, na osi agbamịẹapụ mamgba na fịrịmam. Ị́ Zẹfanaya ḅẹm,

Jerimaya 29:29

Zẹfanaya agbamịẹḅọ ḅe nwẹnị ị̀ tọrọkọ ḍiri mẹ go ị̀ pịrị.

Jerimaya 35:4

tẹ ịn kẹ Tamụnọ warị mẹ ḅom. À nwẹnị ịn kẹ ịkịankoro Hanani, Igidalaya tụḅọ ḅe ḍukamẹnjịapụ ma ḅio mẹ mu. Mị ḅio mẹ Masẹya, anie Salumu tụḅọ ḅe tẹ Tamụnọ-warị mẹ ḅẹ opu fịrịmẹnjịḅọ ḅe ḅio mẹ ḅẹ ọgọnọ-jụ ḅụ anị simem, tẹ anị osi opu fịrịmẹnjịapụ ma aḅio na kpekim.

Jerimaya 37:1

Ama-da Nebukadineza, Babịlonịya da ḅọ ḅe, Zẹdẹkaya, Josaya tụḅọ ḅe kẹ Juda ḅẹ amadaḅọ mịẹm, Jehohakịnị, Jehohakịmụ tụḅọ ḅe kiri ḅụ.

Jerimaya 37:17

Sakị ḅọrọ lama tẹso, Ama-da Zẹdẹkaya fịrịma ị̀ sịnm, tẹ anịanga Amada-Opu-warị mẹ ḅio jen-apụ ofori ogbo ì gbelam, “KỊNỊNYANAḄỌ ḅe ḅara ḅo oku emi?” À pakịrịm: “Emii”, tẹ nwẹnị kẹ sụa ḍuko, “Ini ị́ saḅama Babịlonịya ḅẹ amadaḅọ ḅe pịrị ḅa.”

Jerimaya 37:3

Ama-da Zẹdẹkaya nwẹnị Jehukalị, Selemaya tụḅọ ḅe na, Agbamịẹḅọ Zẹfanaya, Masẹya tụḅọ ḅe na kẹ fịrịma tẹ ḅii mịnẹ à KỊNỊNYANAḄỌ, wamịna Tamụnọ ḅe tẹkẹẹ wamịna sịẹ mẹ gotẹ.

Jerimaya 37:7

à Zẹdẹkaya ḅẹẹ, “Amadaḅọ Fero ọmụ-ogbo mẹ tẹ ḅarasụa ị́ pịrị ḅẹ ḅoarị apụ ma, ịn pịkịma-so ịna ama Ijiputi mu ḅa.

Jerimaya 38:1

Sẹfataya, Matani tụḅọ na, Gedalaya, Pasọ tụḅọ na, Jehukalị, Selemaya tụḅọ, na Pasọ, Malikịja tụḅọ ḅe na nwẹnị naa mịnẹ à ḍuko tomi ma pịrị simem mịnẹ

Jerimaya 38:14

Jen gbọrụ sakị ḅụ Ama-da Zẹdẹkaya ị̀ kẹ ò sime anga ḅom Tamụnọ-warị mẹ ḅẹ tẹrẹị karama ḅọkọ mẹ ḅụ, tẹ ori ị̀ ḅẹẹm, “À ye kẹ í gbela ḅẹ ḅiiarị, tẹ à ḅiiarị í bebe karakara mẹ ḍuko ị̀ pịrị.”

Jerimaya 52:24

Nebuzaradanị, anị ḅẹrẹtọn Babịlonịya ọmụ-ogbo mẹ pịrị fịrịmẹnjị-opuḅọ ḅe, nwẹnị pịkị ikoliapụ ḅara kẹ Sẹraya Sịḅịda-Agbamịẹḅọ ḅe na, Zẹfanaya ọ̀ palị agbamịẹḅọ ḅe na, fịrịmẹnjị ọrụ ḅụ Tamụnọ-warị mẹ ḅẹ tẹra fịrịmẹnjị-opuapụ na ọkị-so.