Jerimaya 20:9 - FỊAFỊA BAỊBỤLỤ

⁹ Kụma à ḅẹẹarị sakị, “À KỊNỊNYANAḄỌ ḅe kẹ ḅioḅọrọma ḅa tẹ ḅarị jen kẹ ori ẹrẹ ḅụ ẹkwẹn ḅịa,” anịtẹso í oku mẹ fịnị kịka tẹ ị̀ ḅụụ ḅio kọrịarị. À ḅụụkụrọma tẹ anị ọlọ-sịẹmarị ị̀ ḅụụ ḅio, kụma à ḅarị inetẹ jen kẹ anị da ọḅụ pịrị-a.

Jerimaya 20:9 Iomraidhean Croise

Devidi-Anume 39:3

tẹ ḅụụ-ḅalaḅala nwẹnị ị̀ nẹngịma, à kuroma mu laa anga laa anga, ị̀ ḅụụ-fụka mẹ pịkị owi ọkọ lam; à ḅarị inetẹ inema-a tẹ gbelam:

Jerimaya 23:29

Ì oku mẹ kọrị-fịnị na kịkarị, anị pịkị kẹ ịkụ ḅakụ-ḅakụ pakịrị-pakịrị puuarị amana sọ na kịkarị.

Jerimaya 23:9

Ì ḅioḅẹngbọ kọsị-sara tẹẹ, ì oju sẹkịarị. KỊNỊNYANAḄỌ ḅe gotẹ, Ọ̀ fịafịa ẹkwẹn ma gotẹ, Arị iru ḅuu tọrụ-ḅaamatẹ tomḅọ kịkarị, iru ḅuu ḅụlụ-ḅụlụmatẹ tomḅọ.

Jerimaya 4:19

Akụ mẹ! Arị inetẹ akụ mẹ da-a! Ì ḅioḅẹngbọ kịrị ḅara kẹ kpim-kpimarị! Àrị inetẹ yaụ-sime-a; Àrị ọdụ ma fiearị ye naarị, pịkị ọmụ oloku ma sọ.

Jerimaya 6:11

KỊNỊNYANAḄỌ, ị́ ịganị tẹ sime ịn pịrị ye mẹ, ị̀ ḅụụ ḅio sọ fịnị kọrị ḅara kọrịarị, tẹ à ḅarị inetẹ jen kẹ anị ọlọ-sịẹma-a.” Anịtẹso KỊNỊNYANAḄỌ ḅe ị̀ ḅẹẹm, “Ị̀ ịganị mẹ ọsụma etela ogbo ma ḅụ simearị awọmẹ ma ọgọnọ sara-a, pịkị asawọ ma tẹ kobiri wararị apụ ma ọgọnọ sọ. In diapụ na sime-ereme na ọkị-so ḅa, tẹ omongi lamatẹ apụ kịngẹ sọ ịn wẹrịso ḅịa.

Izikẹlị 3:14

KỊNỊNYANAḄỌ ḅe kụrọ mẹ ḅo opuma ị̀ ọgọnọ gbana tẹ ọ̀ tẹmẹ ì dogi-som, anị ị̀ ḅụụ akụ tẹ àrị ịganịm.

Izikẹlị 3:3

Ori mẹẹ, “Fịị-fịị tomḅọ, mị in-ikoarị-abịlala mẹ tẹ à kẹ ị̀ pịrịarị ye mẹ fịị, anị fị í furo ḅinmaa.” À fị tẹ anị ḅẹm ḅẹlẹ ḅara ḅẹlẹm.

Emọsị 3:8

Idum ekirearị sakị ḅụ tụḅọ inetẹ ḅalafaa ḅịa? Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe ẹkwẹn-arị sakị tụḅọ inetẹ ori oku ḍuko wasama kọkọrọ ḅẹ?

Jona 1:2

Ori mẹẹ, “Saakịị! Fọnya Ninive opu ama mẹ muu, tẹ ḍuko ịn pịrị in si mịẹ tẹẹ. Ịna si-sịḅịḅio la ḅara mẹ à nimi wararị.”

Jona 1:3

Anị sime-ḅara sime-ḅara sọ, Jona saakị tẹ anị na dama pakịrị anga mum, ọ̀ KỊNỊNYANAḄỌ ḅe ḅụụ ḅụ mẹnjị so ḅẹ ḅara. Ò Jọpa mu tẹ anịanga paka-so Sipeni mu ḅẹ-yearị arụ ẹrịm. Ọ̀ nwẹnị ọ̀ gbẹ tẹ ḅụkụlọ ḅẹ igbigi gbẹ tẹ arụ mẹ ḅio ye-muapụ ma na so Sipeni mu, anie ọ̀ KỊNỊNYANAḄỌ ḅe ḅụụ ḅụ ḅele ḅẹ ḅara.

Luku 9:62

Jizọsị ọ̀ ḅẹẹm, “Ọgụ ọlọ tẹ kẹ ḍụọ kọrịarịḅọ tẹ tọrụ pịkị ọḅụ ḍikiarị tomḅọ mẹ, mḅọ Tamụnọ Ama-da mẹ na mịẹye nyana-a.”

Fịrịmẹnjịapụ 17:16

Pọlụ Atẹnịsị ḅụ Sayịlasị na Timoti na koru sime sakị ori oru-afụḅara ama mẹ ḅio ḅin ḅara ẹrị ye mẹ nwẹnị kpọma ọ̀ ḅioḅẹngbọ sima.

Fịrịmẹnjịapụ 18:5

Sayịlasị na Timoti na Masidoniya ḅụ sime tẹ ḅo la tẹso, Pọlụ nwẹnị gbọrsịḅị ọ̀ sakị mamgba kẹ oku mẹ ḍuko Juu-ḅẹ-apụ ma pịrị mẹ pịrị, mịnẹ Jizọsị anie Mẹsaya ḅe.

Fịrịmẹnjịapụ 4:20

Kẹ gotẹ ọkọ ḅẹẹarị wamịnị ḅarana tọrụngbọ kẹ ẹrị tẹ pịkị ḅeri kẹ naa tẹ ye mẹ wa inetẹ ḍuko-a so ḅịa.”