Jerimaya 20:7 - FỊAFỊA BAỊBỤLỤ

⁷ KỊNỊNYANAḄỌ, í oḅori kẹ ị̀ sịn tẹẹ, àrị oḅori-sọ tẹẹ Ị́yẹrị kụrọ ị̀ nẹngị wararị tẹ ị́ kụrọ kẹ ị̀ nẹngịma tẹẹ. Ḅẹḅọ-ḅẹḅọ ì sulearị; Bebe ene mẹ ḅụ ini ì komboarị.

Jerimaya 20:7 Iomraidhean Croise

2 Amadapụ 2:23

Ò Jeriko ḅụ so Bẹtẹlị muarị ogbo ḅụ, etela mẹ ḅụ ḍọkọḍọkọ tẹ owiapụ-awọmẹ nwẹnị opu ama mẹ ḅio paka-ḅo tẹ ò sule-sule tẹ ḅẹẹ, “ị́yẹrị ḅie sịḅị-firi tẹ ḅọ, soo; ị́yẹrị ḅie sịḅị-firi tẹ ḅọ, soo.”

Jobu 12:4

À kịnị-ḍẹrịmaḅọ sọ ị̀ ikiapụ pịrị tẹẹ; yẹrị ḅe tẹ Tamụnọ sịn tẹ ori ị̀ naarị ḅọ ḅe, karakara tẹ ḅịḅị ḅụụ la-a ḅọ ḅe, à kịnị-ḍẹrịmaḅọ sọ tẹ.

Jobu 30:9

Tẹ mịọkụ à ḅo ịna nume sọ tẹ yẹrị anie ịn kẹ egberi gbaa ḅẹrẹ ḍukoarị.

Devidi-Anume 119:51

Opu amịẹaị mịẹ apụ ma sakị mamgba ì ḍiki iderimarị, kụma amụ àrị í Oloko ḅụ ḅụụ-ḅelema-a.

Ayịzaya 8:11

Ori opu kụrọ ḅụ KỊNỊNYANAḄỌ ḅe ị̀ ḅeri nụnụm, mịnẹ à mịna apụ muarị etela mẹ ḍuka mu ma. Ori mẹẹ,

Jerimaya 15:10

À kpọma ḅioḅẹlẹ nyana-a tomḅọ sọ la ḅara ḍikii! Tiye ẹrẹsị ì iyingi ì iyi pakama-ḅo tomikiri ḅụ? À sime kamụ-sọ na ḅẹḅọ-ḅẹḅọ na ye-nụnụa na pịrịm amakiri mẹ ḅio. Amụ arị igbigi kẹ kịnị ḅọlọ-a, tẹ kịnị pịkị amụ ị̀ ḅara ḅọlọ-a; anịsọ ḅẹḅọ-ḅẹḅọ ị̀ kẹ gboarị.

Jerimaya 15:18

Tiye ẹrẹsị à paa tọrụsiẹrị-siẹrị-siẹrịarị? Tiye ẹrẹsị ị̀ ịnọ ma ḅarị gwọ ḅịa ḅara simearị? Arị tiegotẹ gwọ ḅịa? Í ì pikirima ḅẹ ḅiiarị ḅoto, tẹ àrị ịrụa kụra ḅẹ ḍaḅa kịka tẹ samụnọ-kpakịkịarị?

Jerimaya 17:16

Kụma, KỊNỊNYANAḄỌ, gbala-gbala arị ịgbanị kụrọma-a mịnẹ í opu ḅụụ-fụka ọkị-ḅo ịna ọgọnọ gbana; à ḅụụ-fụka sakị ịgbanị ịn pịrị-a. KỊNỊNYANAḄỌ, miemẹ í nimi wararị; à ḍuko ye í nimi wararị.

Jerimaya 20:9

Kụma à ḅẹẹarị sakị, “À KỊNỊNYANAḄỌ ḅe kẹ ḅioḅọrọma ḅa tẹ ḅarị jen kẹ ori ẹrẹ ḅụ ẹkwẹn ḅịa,” anịtẹso í oku mẹ fịnị kịka tẹ ị̀ ḅụụ ḅio kọrịarị. À ḅụụkụrọma tẹ anị ọlọ-sịẹmarị ị̀ ḅụụ ḅio, kụma à ḅarị inetẹ jen kẹ anị da ọḅụ pịrị-a.

Jerimaya 29:26

‘KỊNỊNYANAḄỌ ḅe ị́ kẹ agbamịẹḅọ sọma tẹ kẹ Jehohada kiri ḍima tẹẹ, anie mịọkụ sịḅịda fịrịmẹnjịḅọọ Tamụnọ-warị mẹ ḅio. Anị ị́ kọrịnama sọ tẹẹ, nọmụḅọ goḅọ-goḅọ tẹ amịna ḅụụ kẹ ịkịankoroḅọ sịn-arị ḅọ kọngọ ḅụ ikoli kẹ ịkasị koroma.

Jerimaya 38:19

Kụma amadaḅọ ḅe pakịrịm, “À wamịna ama ḅẹ apụ ma tẹ mangị mu Babịlonịya ḅẹ apụ ma jụ sọ tẹ apụ ma ḍiki-ḅalafarị. Ẹbịsịya ini ị̀ saḅama ịn pịrị tẹ ini ì meni-oju mẹ kẹ tọrụsiẹrịma ḅa.”

Kururu Owu-apọkọ 3:14

À ḅo kịnị-ḍẹrịmaḅọ sọ tomi-kụlọkụlọ mamgba pịrị tẹẹ, pịkị ene-ḅaaene-ḅaaene ịna gbaịnma kombo anume sịḅị na.

Izikẹlị 3:14

KỊNỊNYANAḄỌ ḅe kụrọ mẹ ḅo opuma ị̀ ọgọnọ gbana tẹ ọ̀ tẹmẹ ì dogi-som, anị ị̀ ḅụụ akụ tẹ àrị ịganịm.

Hosiya 9:7

Fomu-ḅara sakị ḅo tẹẹ, tomi sime ịn pịrị gbẹẹ-ye ọkị ḅẹ sakị mẹ. Anie mẹ pakarị sakị, Izirẹlị anị nimi ḅa! Ọ́ ḅẹẹarị, “Ḅị ịkịankoroḅọ ḅe oḅori ḅọ. Ḅie tẹmẹ-jikematẹ tomḅọ ḅe ọ̀ sịḅịḅio-kuḅua.” Ọmịna si ḍụḅa ḅaka ḅara ẹrẹsị ọmịnị tomi ma ì ḍiki-ḅioḅuarị.

Jona 4:2

Tẹ ọ̀ nwẹnị tẹkẹ: “KỊNỊNYANAḄỌ, à paa ị̀ amakiri ḅio simearị sakị, à ḅẹẹ-a mịnẹ mị gbọrụ ḅara mẹ mie ị́ mịẹ ḅarị ḅara? Anị ẹrẹsị mie à mangị-so Sipeni mu sime yee. À nimim mịnẹ ị́yẹrị anie ḅẹlẹma na ọkụrụkụrụ na nyana kịnị pịrịarị Tamụnọ, sakị-mamgba ye-inema, sakị-mamgba bala ḅara kẹ kịnị na mịẹ, sakị-mamgba í kuroma ḍima tẹ ḅarị fomu-fomu-a ḅọ.

Mayịka 3:8

Kụma yẹrị ọkụma, KỊNỊNYANAḄỌ ḅe ọ̀ Tẹmẹ kẹ, kụrọ na, karakara ḅẹrẹkọn na, ịnyọ na kẹ ị̀ ḅụụ ḅio ḅinma wararị; à kẹ ḅiokpọ tẹ, Izirẹlịapụ oloko kan na, ịn mịẹ asi na mịẹfinji ịn pịrịị.

Luku 16:14

Farịsiiapụ ma miemẹ naa fama sakị in Jizọsị mịẹ sima ḅara kẹ ye mịẹm, ini igbigi ḅẹlẹmam ẹrẹsị.

Luku 23:11

Ẹrọdị na ori ọmụapụ na nwẹnị Jizọsị ḍiki iderima tẹ ọ̀ kẹ kpọọtii. Anịtẹso ịn nwẹnị iḅi kapa kẹ ọ̀ sụa tẹ ọ̀ kẹ pịkị Payịleti fịrịma.

Fịrịmẹnjịapụ 17:18

Ja ye-tolumapụ tẹ ịn kẹ Ẹpikuria apụ na Sịtọyịkị apụ na sịn apụ na sọ Pọlụ na ḅẹrẹ nụnụam. Ini ḅẹ ja apụ gbelam, “Ḅie ḍiri sọ ẹrị-a ḅọ ḅe ḅọrọ tiye ḍuko ḅẹ ḍọkịarị?” Anga mẹẹ, “Kịnị nimi-a apụ oru aḅẹrẹ mie ó ḍukoarị.” Pọlụ ḅe Jizọsị na fị-ḅụ-saakị mẹ na gboloma ye ḍuko ye mie in gotẹ ọkọ ḅẹẹ ye.

Fịrịmẹnjịapụ 17:32

Ịn Pọlụ ḅịḅị fị-ḅụ-saakị mẹ naa sakị, ja apụ anị kẹ tii tii ye sọmam, osi apụ pịkị ḅẹẹm, “Wa ḅiiarị ị́ pịkị jen sakị kẹ miemẹ ḍuko wa pịrị.”

1 Kọrịntị 9:6

Anịanịa, ini oloko sụa mịnẹ Banabasị na ị̀ na kịngẹ wa ḅarana ḍọkị ḅo ye kẹ anga?

Hiburu 11:36

Ja apụ ini in kombo tẹ in fomum, osi apụ ini ikoli kẹ ini ịkasị tẹ ịn fọnọ mu ikoli-warị ḅio koromam.