Jerimaya 20:11 - FỊAFỊA BAỊBỤLỤ

¹¹ Kụma, KỊNỊNYANAḄỌ, ị̀ jụ emi, ị́ kụrọ tẹ opu kụrọ nyana wararị, tẹ ḅaa-ḅọkọ kẹ ị̀ ḍọkịarị apụ ma ḅịkị ḅa. Ịna tọrụ-tuu gbamaso ḅa, in ḅiiarị ye ini inetẹ nyana ḅịa ẹrẹsị. Ịna tọrụ-tuu mẹ gbala-gbala ḅioḅọrọ ḅịa.

Jerimaya 20:11 Iomraidhean Croise

Devidi-Anume 129:2

“Ị̀ asambịrịma sakị kụra-ḅio, si kẹ ị̀ tọn apụ ma kụrọ-ḅara kẹ ḅaa-ḅọkọ kẹ ị̀ ḍọkị tẹ, kụma amụ ini ị̀ nẹngịma-a.

Devidi-Anume 35:26

Yee ị̀ tọrụsiẹrị mẹ ḍikiḍiki tẹ ḅioḅẹlẹarị apụ ma gbọrsịḅị owu-ḅara-sii fama tẹ pikiri-pikiri mẹnjị kọn: yee ọkịarị ini iḅi ị̀ nẹngịm nwẹn ḅẹẹ apụ ma, gbọrsịḅị ḅụụ-jịrị fama.

Devidi-Anume 40:14

Yee owu gbọrsịḅị ị̀ ḅaa ḅẹ ḍọkịarị apụ ma ḅara si fama, tẹ in pikiri-pikiri. Yee à ḅụụ-fụka daarị mẹ gotẹ ḅioḅẹlẹarị apụ ma pịkị ọḅụ da tẹ ḅụụ-jịrị.

Devidi-Anume 47:2

KỊNỊNYANAḄỌ, Gele Tẹịnḅọ ḅe, ò mangịma na-iḅim; ori opu amadaḅọ, tẹ tomikiri mẹ kana-koro ḅụ ḅẹrẹtọn-arị.

Devidi-Anume 6:10

Si kẹ ị̀ tọn apụ ma owu ịna ḅara si tẹ ini opuma ḅụụ-jịrị ḅa: ḅiotọn-a ḅara ḅụ in pikiri-pikiri tẹ ini in dee siin ḅa.

Devidi-Anume 65:5

Ị́ owu-ḅara-iḅi kẹ wa pịrị ḅụ ḅọrọ tẹ wa pakịrịarị, tẹ ị́ ḅụụ-buama-aị mịẹ-mịẹ tẹ kẹ wa ḅọrọmarị. Tomikiri ḅẹ apụ mamgba, pịkị iḅere-iḅerea anga tẹ abajị saḅa ḅụ simearị apụ sọ, ị́ kẹ ḅiokpọmarị

Devidi-Anume 66:5

Ó ḅo Tamụnọ mịẹ tẹ ye ḍikii, ọ̀ ḅụụ-buama-aị ma tomina ogboku ḅụ.

Ayịzaya 41:10

Ḅalafa ma — àrị ị́nịna emii! Yẹrị ị́ Tamụnọọ, ḍụkụ tẹ gberie-sọ ị́ tẹmẹ-naịn-naịnma ma! Àrị ị́ mịẹ tẹ ị́ kụrọ ḅa, pịkị ḅarasụa ị́ pịrị ḅa Àrị ị́ gbaịn tẹ ị́ ḅọrọma ḅa.

Ayịzaya 41:14

KỊNỊNYANAḄỌ ḅe ḅẹẹm: Izirẹlị, ị́ ịrụ wararị, pịkị ịnyọ nyana-a sọ, ḅalafa ma, à ḅarasụa ị́ pịrị ḅa. Yẹrị Izirẹlị tẹkẹarị Fịafịa Ḅọ ḅe, anie ị́ ḅọrọmarị ḅọ ḅe.

Ayịzaya 45:16

Oru-afụḅara mịẹarị apụ mamgba ḅụụ-jịrị ḅa; inimgba tọrụ-tuu ḅa.

Jerimaya 1:18

Mịmgba arị ị́ kẹ mịẹ kụrọma tẹ opu ama sọma tẹẹ, ikulele ḅeriye, pịkị ojo onu akaka, tẹ í bebe amakiri mẹ kuḅu da ḅa — Juda ḅẹ amadapụ ma na, anị ḅẹ opu fịrịmẹnjịapụ ma na, anị ḅẹ agbamịẹapụ ma na, pịkị amakiri mẹ ḅẹ apụ ma na.

Jerimaya 1:19

Ini owu kẹ ị́ paka ḅa, kụma ini ị́ nẹngịma ḅịa, kẹ gotẹ ọkọ ḍukoarị arị ị́ na sime tẹ ị́ pụkọ-pakamaḅo ḅa. Yẹrị, KỊNỊNYANAḄỌ ḅe ọkọ ḅẹẹm.”

Jerimaya 1:8

In gotẹ ḅalafa ma, kẹ gotẹ ọkọ ḍukoarị, yẹrị ị́ na sime tẹ ị́ gbaịn-ḅọrọma ḅa. Yẹrị, KỊNỊNYANAḄỌ ḅe ọkọ ḅẹẹm!”

Jerimaya 15:15

Anịtẹso à ḅẹẹm, KỊNỊNYANAḄỌ, ị́yẹrị ye sime-ḅara nimi wararị. Ị̀ kẹ ḅiokoroma tẹ ḅarasụa ị̀ pịrị. Minini ị̀ pịrị tẹ à ḅaa-ḅọkọ kẹ ị̀ ḍọkịarị apụ ma gbẹẹfị ḅii. Gbọsime ịn pịrị nwenii tẹ ini ị̀ ḅaa ma. Kẹ ḅiokoroma mịnẹ ị́ sịḅị mie in gotẹ ị̀ mịẹ-simarị.

Jerimaya 15:20

Àrị ị́ kẹ kụrọtẹ ojo warị-akaka mịẹ ḅa ịna ḅụụ ḅụ. Ini owu kẹ ị́ na sọ ḅa, kụma ini ị́ nẹngịma ḅịa. Àrị ị́ na sime tẹ ị́ gbaịn wẹrị tẹ ye ị́ la ḅịa.

Jerimaya 17:18

Tọrụ-tuu ọkị-ḅo ḅaa-ḅọkọ kẹ ị̀ ḍọkịarị apụ ma pịrịị, kụma ḅara-wẹrị ị̀ pịrị, KỊNỊNYANAḄỌ. Tẹmẹ-naịn-naịn kẹ ịna ḅụụ ḅio suu ḅinma, kụma yẹrị ị̀ tẹmẹ-naịn-naịnma ma. Opu ḅụụ-fụka ọkị-ḅo ịna ọgọnọ gbana tẹ ịn gbẹẹ-kọsịmaa.

Jerimaya 22:22

Fẹrụ ọmịna sịḅịdapụ ma ofuro so ḅa, Tẹ ọmịna jụ ḅẹ apụ ma ini ikoliapụ ḅara kẹ ini ọkị so ḅa ọmụ ḅio, ini ọmịna opu ama mẹ tọrụ-tuu tẹ anị ḅụụ-jịrịma ḅa ọ́ mịẹ tẹ asi-aị mamgba ẹrẹsị.

Jerimaya 23:40

À sime mu ḅẹẹ-sakị ḅẹẹ-sakị la ḅarị ḅụụ-jịrị na tọrụ-tuu na ọkị-ḅo ịna ọgọnọ gbana ḅa, gbala-gbala kịnị kẹ ḅioḅọrọma ḅịa ye.”

Jerimaya 32:18

Í kuno-kuno-a ḅẹlẹma nyana kịnị ẹndẹ-ẹndẹ pịrịarị, kụma ị́ pịkị fomu-ḅara kẹ tomi pịrịarị ịna ḍapụ-na-iyingiapụ-na asi gotẹ. Ị́yẹrị anie opu na kụrọ na nyana Tamụnọ; ị́yẹrị anie Kụrọmamgba nyana KỊNỊNYANAḄỌ ḅee.

Danẹlị 12:2

Ini ḅẹ tọnwa-apụ tẹ fịị tẹrẹmẹ sakị mẹ laa apụ fị-ḅụ-saakị tẹ ḍumo ḅa: jen-apụ sime gbamaso ḍumo tọrụ-ḅẹlẹ nyana ḅa, tẹ jen-apụ sime gbamaso tọrụ-tuu ḅụụ-fụka da ḅa.

Romu 8:31

Ma mamgba ḅụ wa tiye ḍuko ḅẹ? Tamụnọ wamịnị na emi ogbo tụḅọ inetẹ wamịnị na tụḅụrụ ḅẹ?

2 Timoti 4:17

Kụma KỊNỊNYANAḄỌ ḅe ị̀ na sime tẹ ịnyọ kẹ ị̀ pịrịm, anie mịẹtẹ àrị inetẹ bebe oku mẹ ḍuko wasama Ja asịẹ ḅẹ apụ mamgba pịrị tẹ ịn naam; tẹ Tamụnọ ịn ḅaa-ḅẹrẹ-pẹlẹ ị̀ pịrị ḅẹ ye mẹ ḅio ị̀ pụkọ-pakamaḅom.