Jerimaya 20:1 - FỊAFỊA BAỊBỤLỤ

¹ Ịma tụḅọ Pasọ, Agbamịẹḅọ ḅe, tẹ Tamụnọ-warị mẹ ḅẹ fịrịmẹnjịapụ ma sịḅịdaḅọ ḅe mịna aị ma tẹ à ḍuko wasamarị aị ma naa sakị,

Jerimaya 20:1 Iomraidhean Croise

2 Amadapụ 25:18

Ḅụụ-ḍikiḍikiapụ ma ḅẹ ọmụ-alaḅọ ḅe nwẹnị Sẹraya Sịḅịda-Agbamịẹḅọ ḅe na, Zẹfanaya maaịn karama agbamịẹḅọ ḅe na, Tamụnọ tẹkẹ-warị mẹ ḍikiḍikiarị tẹra opu fịrịmẹnjịapụ ma na ọkị,

1 Paka-aị 24:14

Jei karama ye mẹ ọlọ ḅọ Biliga; ini fa si karama ye mẹ ọlọ ḅọ Ịma,

1 Paka-aị 9:11

Azaraya Hilikaya owiḅọtụḅọ ḅe, Mesulamu owiḅọtụḅọ ḅe, Zadọkụ owiḅọtụḅọ ḅe, Mẹrahọtị owiḅọtụḅọ ḅe, Ahitubu anie Tamụnọ Warị ḅio ḅẹ kọrịnama kọrị apụ ma ḅẹ sịḅịdaḅọ ḅe owiḅọtụḅọ ḅe na;

2 Paka-aị 35:8

Ori asịḅịdapụ ma kịnị tọn pịrị-a ḅara ḅụ ye kẹ ḅarasụa tomi ma na, agbamịẹapụ ma na, Livayị furo-ḅẹ-apụ ma na pịrịm. Tẹ Tamụnọ warị mẹ ḅẹ sịḅịda opu fịrịmẹnjịapụ ma — anie Hilikaya Sịḅịda-Agbamịẹḅọ ḅe na, Zẹkaraya na, Jaziyẹlị na — nwẹnị kẹ Saḅaḅọrọ-Alalị agba mịẹ gotẹ asambịrịma anana na oḅori na sonioa ẹndẹ oyia asi finji (2,600) na, owi-nambulo jeia si (300) na kẹ agbamịẹapụ ma pịrị.

Jerimaya 20:6

Ị́yẹrị kịngẹ kụma, Pasọ, na ị́ warị na sọ in kun tẹ ọ́ kẹ so Babịlonịya mu ḅa. Anị anga ị́ fịị tẹ ini í ḍiḅi ḅa, na í ikiapụ mamgba na, ị́ tọnwa iruo aị ḍuko pịrị tẹ apụ ma.”

Jerimaya 29:26

‘KỊNỊNYANAḄỌ ḅe ị́ kẹ agbamịẹḅọ sọma tẹ kẹ Jehohada kiri ḍima tẹẹ, anie mịọkụ sịḅịda fịrịmẹnjịḅọọ Tamụnọ-warị mẹ ḅio. Anị ị́ kọrịnama sọ tẹẹ, nọmụḅọ goḅọ-goḅọ tẹ amịna ḅụụ kẹ ịkịankoroḅọ sịn-arị ḅọ kọngọ ḅụ ikoli kẹ ịkasị koroma.

Jerimaya 37:15

Ini ịganị ị̀ pịrị ḅara ḅụram, tẹ tọnm mịnẹ ini ì fomu tẹ ì kẹ ịkasị wẹrị Jonatanị warị ḅio, ama-da ḅẹrẹ-siri mẹ ḅẹ ḍiri-kẹẹḅọ ḅe, ini ọ̀ warị mẹ kẹ ikoli-warị sọmam.

Fịrịmẹnjịapụ 4:1

Pita na Jọnị na paa ẹkwẹn tomi ma pịrịarị ogbo agbamịẹapụ ma ḅẹ ja apụ na, Tamụnọ-warị mẹ ḍikiḍikiarị apụ ma ḅẹ sịḅịdaḅọ na, Sadusiiapụ ma ḅẹ ja apụ na ḅo lam.

Fịrịmẹnjịapụ 5:24

Agbamịẹapụ ma na, Tamụnọ-warị mẹ ḍikiḍikiarị apụ ma sịḅịdaḅọ ḅe na miemẹ naa sakị, ịna aḅụụ-gbiripum, tiye ḅọrọ fịrịmẹnjịapụ ma ḅụ paka tẹ ḅoto.