Jerimaya 2:9 - FỊAFỊA BAỊBỤLỤ

⁹ Tẹ anie ḅụ yẹrị KỊNỊNYANAḄỌ ḅe siin ị̀ ḅẹrẹ ḍuko-ḍuko ịna furo-furo ma ọgọnọ gbana ḅa.

Jerimaya 2:9 Iomraidhean Croise

Devidi-Anume 50:4

Ò So na Kiri na sịn-arị in ḅo ḅẹrẹ-kiri sime apụ sọ, tẹ ḍikii ori ori atomi ma kọn-arị sakị.

Paka-so 20:5

Ọ́ sunsin anịanịa fịrịmẹnjị arị pịrị ma, gbala yẹrị KỊNỊNYANAḄỌ ọmịna Tamụnọ ḅe anie afana Tamụnọ ẹrẹsị. À fomu-ḅara kẹ inima tẹ ị̀ ḍiki-ḅioḅuarị apụ ma pịrịarị, pịkị anị kẹ ịna awọmẹ ma ọgọnọ gbana mu tẹrẹị karama ḅụọ-ḅẹ-apụ na, ini karama ḅụọ-ḅẹ-apụ na laarị.

Ayịzaya 3:13

KỊNỊNYANAḄỌ ḅe tẹlẹma tẹ ọ̀ ḅịḅị ḍuko ḅẹ tẹ; ọ̀ tẹlẹma tẹ ori atomi kọn ḅẹ tẹ.

Ayịzaya 43:26

Ḅo wa ḅẹrẹkọn mu, ị́ kẹ ị̀ sịḅị sịn ḅẹ aị kẹ ḅoo! ị́ ḅịḅị ḍuko tẹ ị́ karakara paka-ḅo

Jerimaya 2:29

Ị́ ḅụụ-fụka tẹ í ḍuko-sụa ḅẹ ye tiye? Í tiye gotẹ kọngọ-kụrọma ị̀ pịrị?

Jerimaya 2:35

ọ́ ḅẹẹarị: Yẹrị à mịẹ si ofori; piki-pikiye-ofori ḅara ḅụ KỊNỊNYANAḄỌ ḅe ọ̀ ḅarị ì ḍiki-ịganị-a. Yẹrị KỊNỊNYANAḄỌ ḅe ó fomu ḅa ọmịnị ó si mịẹ ye pịkị tẹ ẹrẹsị.

Hosiya 12:3

Ịna elemu ḍaḅọ Jekọbụ ḅe ori iyimbere Ịsọ maa apụ awọmẹ ḅe na nụnụam ini ịna iyingiḅọ furo ḅio ḅụ ịn paa emi ogbo; Jekọbụ ḍụḅa paka-ḅo sakị, ọ̀ Tamụnọ na owu-sọm —

Hosiya 2:2

Ị̀ awọmẹ, ọmịnị ọmịna iyingiḅọ na ẹkwẹnmaa — karakaraye árị ḅarị jen kẹ ị̀ ta-a, tẹ yẹrị pịkị ḅarị jen kẹ á di-a sọ. Ọmịnị árị na ẹkwẹnma tẹ árị á sẹfị na ama-mẹnjị na ḅụ ḅara-siin.

Hosiya 4:1

KỊNỊNYANAḄỌ ḅe kẹ amakiri mẹ ḅụ angarị apụ ma sịḅị sẹịn ḅẹ ḅẹrẹ nyana wararị. Izirẹlị, ọmịnị ò ḍukoarị ye pokii: “Amakiri mẹ ḅụ mininiye-mịẹ na ḅẹlẹma na ofori, tẹ tomi ma pịkị ị̀ kẹ ịna Tamụnọ ḅara ọkị-a.

Lẹvitikọsị 20:5

anịrẹ arị ị̀ tọrụ kẹ anị tomḅọ mẹ na, mḅọ furo na ḅụ tụḅụrụ ḅara wẹrị tẹ ịna atomi ogbo-ḅio ḅụ ịn pẹlẹ-siin ḅa; mḅọ tẹ sẹfị tẹ Molẹkị nwẹn-sịn oru-tamụnọ ḅẹ ḍukamẹnjị ḅọ mẹ na, mḅọ ḍuka-mu atomi mamgba na.”

Mayịka 6:2

Ọmịnị tụndụ, ọmịnị tomikiri mẹ ḅẹ sime gbamaso sukutarị-aḍụḅarị, ọ́ KỊNỊNYANAḄỌ ḅe ḅẹrẹ mẹ pokii! KỊNỊNYANAḄỌ ḅe ḅẹrẹ nyana ori atomi pịrị wararị, ori ọ̀ kẹ Izirẹlị ọgọnọ gbana ye mẹ ḍuko ḅẹ tẹẹ.