Jerimaya 2:8 - FỊAFỊA BAỊBỤLỤ

⁸ Agbamịẹapụ ma gbela-a: KỊNỊNYANAḄỌ ḅe ọ̀ tọ-anga emi? Ị̀ agbamịẹapụ ma í nimi-a. Ḅẹrẹtọn-apụ ma kọngọ-kụrọma ị̀ pịrịm; ịkịankoroapụ ma Balị ẹrẹ ḅụ ẹkwẹn tẹ sunsin ye-ḅụ-sọ-a oru-afụḅara pịrịm.

Jerimaya 2:8 Iomraidhean Croise

1 Amadapụ 18:22

Anịtẹso ọ̀ nwẹnị tomi ma ḅẹẹ, “Yẹrị ngẹrị kpọkpọ gbọrụ sịḅị anie KỊNỊNYANAḄỌ ḅe ịkịankoroḅọ tẹ kọn ḅọ, kụma Balị ịkịankoroapụ kịnị ẹndẹ amesi finji na oyi apụ na emi.

1 Amadapụ 18:29

Ene-ogbo ḅọrọ tẹso, ini oloku-oloku tẹ ịna oju ma pẹlẹ nwenii anị ḅo ḅoḅiri agbamịẹ sakị lam, kụma gbọrụ pọkọọ in naa-a, gbọrụḅọ-sọ pakịrị-a, gbọrụḅọ-sọ pịkị poki-a.

1 Amadapụ 18:40

Ịlayịja nwẹnị ịn ḅẹẹ, “Ọ́ Balị ịkịankoroapụ ma ọlọọ, ọ́ ḍụkụ tẹ ịna ḅụụ gbọrụḅọ-sọ mangị-so ma.” Ịn nwẹnị ini ọlọọ, tẹ Ịlayịja nwẹnị ịna kẹ ideri Kisọnị tọrụ mẹ ḅo, tẹ nwẹnị anịanga ḅụ in ḅaa.

Jobu 35:10

Kụma gbọrụḅọ-sọ ḅẹẹ-a: Ndẹẹ ị̀ Tẹmẹ wararị Tamụnọ ḅe mọ, ori ḅe tẹ ḍin ḅụ mịẹ tẹ ḅioḅẹlẹ nume paka-ḅoarị ḅọ ḅe;

Ayịzaya 28:7

Ịkịankoroapụ ma agbamịẹapụ na kịngẹ sọ iru ḅuu nwenii tẹ pụmbụma-pụmbụmarị. Ịn waịnị na kụrọ iru na pikiri ḅuu ḅụrama tẹ pụmbụ tẹ. Ịkịankoroapụ ma iru ḅuu ḅaka tẹ ḅarị Tamụnọ kẹ fịrịmarị ịkịan ma fiearị ye naa-a, tẹ agbamịẹapụ ma sọ iru ḅuu ḅaka tẹ ḅarị inetẹ ịn kẹ ịna tọrọkọ ḅo aḅẹrẹ kọn-pẹlẹa.

Ayịzaya 29:10

KỊNỊNYANAḄỌ ḅe mịẹ tẹ í mono ḅụụ-lọkọ nyana tẹẹ, ị́ tẹlẹma fama tẹ mono ḅọrọ-so. Ịkịankoroapụ ma anie tomi ma tọrụngbọ sọ ḅẹ apụ, kụma Tamụnọ ịna tọrụ fịna tẹẹ.

Ayịzaya 30:5

Juda ḅẹ apụ tiye-ì-gbo ḅẹẹ ḅa, mịnẹ in ḅioḅẹngbọ-kẹ-sịrẹrẹ-niḅi-a sịẹ ḅụ sịrẹrẹ tẹ, sịẹ tẹ ịn ḅarasụa nyana ḅẹ tẹ kẹ ḅiotọn-arị sakị ḅụ in pikirimarị apụ.”

Jerimaya 10:21

À nwẹnị pakịrị, “Wamịna sịḅịdapụ ma apantu atomii; ịn datụkụma gotẹ ye kẹ KỊNỊNYANAḄỌ ḅe gbela-gbela-a. Mie in gotẹ gbarị-a nyana ye ịna mịẹ ḅụ, tẹ wamịna atomi gala-galatẹ.

Jerimaya 12:10

Tọnwa jen asịẹ ḅẹ ḅẹrẹtọn apụ ị̀ kụrọ-aḍụọ ma guluguluma tẹ; ini à ḍiḅi aị ma nanga ḅọrọtẹ; ì iḅi amakiri mẹ kẹ ḅo ịkpa mịẹ tẹ.

Jerimaya 16:19

KỊNỊNYANAḄỌ, ị́yẹrị anie ị̀ gbaịn tẹ pịkị ịnyọ kẹ ị̀ pịrịarị ḅọ; ị́ ḅarasụa ị̀ pịrịarị ḅụụ-fụka sakị ḅụ. Sịẹ-sịẹ ma tomikiri ḅẹ ịkọlị ma ḅụ sime tẹ ḅo tẹ ḅẹẹ ḅa, “Wamịna elemu-aḍapụ ma jen gberie-sọ nyana-a, kụma iruo atamụnọ, gberie-sọ gberie-a kụma ye-ḅụ-sọ-a oru-afụḅara.

Jerimaya 18:18

Anịtẹso tomi ma ḅẹẹm, “Ó yee wa gberie mịẹ Jerimaya gboloma ye ḅụ. Sakị mamgba ye kẹ wa toluma ḅẹ agbamịẹapụ paka ḅa; ḅẹrẹ tọrụ kẹ wa ḍie ḅẹ Ye-nimiapụ na Tamụnọ oku ḍuko wasama ḅẹ ịkịankoroapụ na sọ. Ó yee wa ḅẹrẹ ọkị-ḅo ọ̀ sịḅị gbana, tẹ ò ḍukoarị ye poki mẹ dasịẹma.”

Jerimaya 2:11

Jen gbọrụ sịẹ sọ amụ amịna atamụnọ ḍima-a, karakaramatẹ arị aị ma tamụnọ-a ḅẹ sọ. Kụma ì atomi tamụnọ nwẹn ḅẹẹ aị tẹ inetẹ gberie-sọ mịẹ ịn pịrị ḅịa aị ma kẹ Tamụnọ tẹ kụn ọkị-ḅo ịn pịrị tẹ ḅọ ḅe kiri ḍima tẹẹ.

Jerimaya 2:6

Ini ì gbolomaye kẹ ye-sịn-a, karakaraye yẹrị Ijiputi ḅara-ḅio ịn pụkọ-pakamaḅom sọ tẹ tọrọkọ tarị tẹ si piri-ḅio na ịkpa aḅio na onwin ịgwa-ịgwa ḅara sime kiri na, samụnọ tẹ ḍumo fama ḅara sime amakiri na tẹ gbọrụḅọ-sọ anga-a, tẹ gbọrụḅọ-sọ jene-jene ḅọrọ ye mu-mu-a yọ na ḅụ ịn kẹ tolu-ḅọrọ ye.

Jerimaya 4:22

KỊNỊNYANAḄỌ ḅe mẹẹ, “Ị̀ atomi apantu sọ tẹẹ; ini ì nimi-a. Oḅori sọarị ḍọkọḍọkọ-awọmẹ mie ịn kịkarị; in yefieye naa nyana-a. Siye mịẹ ḅụ ịna ḅara gbana tẹẹ; kụma iḅiye mịẹ ḅụ ini papaa apụ.”

Jerimaya 5:31

ịkịankoroapụ ḅarị jen ḍuko-a, iruo aị sikima tẹ agbamịẹapụ ma ịkịankoroapụ tọn ḅara tọn ḅara mie ịn kẹ ḅẹrẹtọn-arị, tẹ ì atomi ma ini na tụḅụrụ-aị ḍuko-a. Kụma anịmgba ḅo kunoma la sakị ịn mịẹ ḅẹ ye tiye?

Jerimaya 7:8

Ḍikii, ọmịnị oḅori-kẹ-kịnịsịn ẹkwẹn ma kẹ ḅiokpọmarị.

Jerimaya 9:14

Anie nakara, ịn kọngọ kụrọma tẹ sunsin Balị oru-afụḅara pịrịtẹ, anie ịna aḍapụ ma kẹ in tolumam ịn mịẹ ḅẹ ḅara mẹ.

Izikẹlị 22:26

Agbamịẹapụ ma ì oloko kan-arị, tẹ kụn nyana fịafịa ye nwẹn-sịn ye pịrị-a. Ịn kịrị mịẹ-a tọn-tọnye na tọn-tọn-a ye na ogboku. Fịafịa ye na fịafịa-a ye na ḅẹ kịrị in toluma-a, ịn pịkị Ịnyọsara-Ene mẹ ḍiki-tọrụsin-arị. Ma ma dogi-ḅo ye anie Izirẹlịapụ ma ḅarị ị̀ mangịma-a.

Izikẹlị 34:2

Ori mẹẹ, “Fịị-fịị tomḅọ, Izirẹlị daarị apụ ma sime si ḅara mẹ ḍuko. Ịkịankoro ịn pịrị, tẹ yẹrị Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe kẹ ịn ḅẹẹarị ye ḍuko ịn pịrịị. Ọmịnị Izirẹlị ḅẹ anana-ḍikiḍikiapụ ọ́ fa tẹẹ! Ọmịna aḅụụ mie ọ́ balarị, kụma gbala-gbala ọmịnị anana ma koko-a.

Hosiya 4:6

Ị̀ atomi ma ịn fa tẹẹ ini ị̀ kẹ ye-sịn-a ẹrẹsị. Ọmịnị agbamịẹapụ ma ḍụkụ tẹ ị̀ kẹ ye-sịn-a tẹ ì tolumaye sịkịtẹ, tẹ mie ḅụ àrị ọ́ sịkị tẹ ọmịna owiapụ-awọmẹ kẹ ị̀ agbamịẹapụ ḅara ọkị ḅịa.”

Habakọkụ 2:18

Oru-fụḅara kẹ mịẹ-mịẹ ye tiye? Anị jen-a, tomḅọ ḅara kẹ mịẹ ye kịngẹ, tẹ anị ḍuko ị́ pịrịarị gberie-sọ ofori, iruo sikima. Anị tẹ iḅiye mịẹarị tẹ anị mịẹ ḅọ gotẹ anị kẹ ḅiokpọma ḅẹ tamụnọ tẹ inetẹ ẹkwẹn sọ ẹkwẹn ḅịa ye!

Matiyo 16:26

Yee à paa ó gbela, tomḅọ bebe tomikiri mẹ nyana ọkị ḅẹ tẹ amịna ḍumo fama kụma ndẹẹ mḅọ nyana ḅarị sọye? Karakara-ḅara-ḅụ gbọrụ sọye sọ ofori! Ori inetẹ pịrị pakama tẹ kẹ ò ḍumo pakịrị ọkị ḅẹ gberie-sọ ofori.

Luku 11:52

“Ọmịnị Oloko toluma apụ, ọ́ tẹkẹlẹ tẹẹ! Kẹ ḅọkọ finji tẹ nimi warị mẹ sọ ḅẹ sambị mẹ ọ́ ḅọị tẹ, ọmịnị ḅioju sọ sọ-mu ḅịa, ọ́ pịkị ḅụụkụrọma tẹ sọ-mu ḅẹ apụ kikiarị!”

Jọnị 16:3

Tomi gotẹ mịna aị ma kẹ ọ́ mịẹ ḅarịye ịn Ḍaḅọ ḅe nimi-a, pịkị yẹrị sọ.

Jọnị 8:55

Jene-jene amụ ọmịnị ò nimi-a, kụma yẹrị àrị ò nimi wararị. À ḅẹẹm àrị ò nimi-a ḅẹḅẹ àrị ọ́ kịka tẹ iruoḅọ sọ tẹ. Kụma àrị ò nimi wararị tẹ pịkị ọ̀ ḅịḅị pokiarị.

2 Kọrịntị 4:2

Wa ḅọị tẹ ḅụụ-jịrịma amịẹaị mamgba saakị anga pịrị tẹ; wa oḅori-kẹ-kịnịsịn amịẹaị mịẹ-a; wa pịkị Tamụnọ ẹkwẹn mẹ ḅẹẹ-a ḅara kẹ anị ḍuko-a; wa Tamụnọ tọrọkọ ḅụ ḅintẹ ḅara kẹ karakara mẹ ḅẹ bele mẹ ḅio angarị, tẹ ḅụụkụrọma tẹ mịẹtẹ ḅẹḅọ-ḅẹḅọ iḅi tẹmẹ ḅioḅẹngbọ kẹ wamịna karakara mẹ nimi ḅẹ ḅara.

Ditẹrọnọmị 33:10

Ini ị́ sụa oloko ma kẹ Jekọbụ toluma ḅa, tẹ í tọn-aị ma ḍuko Izirẹlị ḅa; ịn kụnụaị dọkịma ḅa ị́ tọrọkọ, na bebe dọkịma agba na, ị́ agbamịẹ-anga ọgọnọ ḅụ.

1 Samụẹlị 12:21

tẹ tọrụ pịkị akaka ḅio papaa aị ma tẹ sọye mịẹ ọ́ pịrị, anịanịa ọ́ ḅọrọma ḅịa aị ma ḍiki ma, kẹ gotẹ ọkọ ḅẹẹarị, arị aị ma anie papaa aị.

1 Samụẹlị 2:12

Mịọkụ Ịlayị owiapụ-awọmẹ ma anie papaa owiapụ; ịn KỊNỊNYANAḄỌ ḅe kẹ ye-sịn-a.