Jerimaya 2:7 - FỊAFỊA BAỊBỤLỤ

⁷ Arị ini ọkị-ḅo fie-pakamarị kiri lam, anị ḅẹ fịye-soku sakị ḅẹ iḅi fịye, pịkị ja iḅi aị na. Kụma anie nakara ini ì kiri mẹ sima guluguluma tẹ; ini à kẹ ịn pịrị bebe yọ mẹ pilema tẹẹ.

Jerimaya 2:7 Iomraidhean Croise

Nehimaya 9:25

Ini in mịẹ kụrọma tẹ opu ama na iḅi kiri na ọkịm tẹ iḅi aị mamgba ḅin wararị awarị na, sokutẹ asuḅe na, kụrọ aḍụọ na, olivu aḍụọ na ḅin wararị mgbọlụ sụa asịn na ọkị nyanam. Anieḅụ in fị tẹ ịna afuro ḅinm, tẹ in ḍụḅam, tẹ í gburo-gburotẹ iḅi mẹ ḅụ tọrụ-ḅẹlẹm.”

Nehimaya 9:26

“Anịsọ in ḅịḅị poki-a, tẹ sịḅị kụrọma ị́ pịrịm, tẹ ị́ oloko kẹ ịna ọḅụ gbin koromam. Ini ịkịankoroapụ ma tẹ ịn pịkị-ḅo ị́ pịrị ḅẹ apụ ma ḅaam tẹ gburo-gburoma ḅịḅị kẹ ị́ lamam.

Ayịzaya 19:25

Kụrọmamgba nyana KỊNỊNYANAḄỌ ḅe in boma tẹ ḅẹẹ ḅa, “Ijiputi, arị ì boma ḅa, ọmịnị ị̀ atomii; Asiriya, yẹrị ị́ tẹmẹm; anịsakị Izirẹlị, anie à sẹlẹ-ọkị apụ.”

Jerimaya 16:18

Àrị ịn mịẹ tẹ ịn maa kiri kẹ ịna si na si-sịḅịḅio na gbẹẹ ḅa, ịn fịtẹ tomḅọ oju akpakpa ḍumo nyana-a ḅara kẹ ḍumo nyana-a oru-afụḅara kẹ ị̀ amakiri mẹ pilema tẹ ẹrẹsị, tẹ ịn pịkị iruo atamụnọ kẹ anị ḅio ḅinma tẹ.”

Jerimaya 3:1

KỊNỊNYANAḄỌ ḅe mẹẹ, “Tomḅọ nwẹnị ọ̀ ta na siya tẹ á jụmọ sime kụma ọ̀ ḅarị inetẹ jen kẹ árị ọkị sime ḅịa. Miemẹ gbọrụ sịḅị amakiri mẹ pilema fama ḅa. Kụma, Izirẹlị, mịọkụ ị́ tọnwa oloapụ nyana tẹrẹmẹ pịkịma ị̀ ḍọkụma-ḅo ḅẹ-ḅiiarị!

Jerimaya 3:2

Tọrụ sakị tẹ kẹ tụndụ ma ọgọnọ-jụ ḍikii. Gbọrụ anga tẹ amụ ị́ ama-mẹnjị-ẹrẹḅọ ḅara kẹ ḍumo kọn-a anga emi? Etela anga ḅụ sọ í sime tẹ oloapụ korum, anie Arabụ apụ ịkpa ḅio sime tẹ ịn ḅaa ḅẹ ḅara. Ị́ ị́ ama-mẹnjị mịẹ kẹ amakiri mẹ pilema tẹẹ.

Jerimaya 3:9

tẹ gbala-gbala ḅụụ-jịrị-a. Árị amakiri mẹ pilema tẹ sẹfị ḅụ sunsin ḍụḅarị na sịn na pịrịm.

Jerimaya 32:23

Kụma in ḅo mị amakiri mẹ anga tẹ anị kẹ ịna nye sọma sakị ini ị́ tọn koroma aị ma poki tẹ mịẹ-a, anịanịa í tolumaye ḍiki anga. Ị́yẹrị tọn ịn pịrịm ịn mịẹ nwẹn ḅẹẹ aị ma ḅẹ gberie-sọ ịn mịẹ-a. Tẹ mie ḅụ ị́ fịị-gulugulu ọkị-ḅo ịna ọgọnọ gbanam.”

Jerimaya 32:30

Izirẹlị na Juda na ḅẹ apụ ma ḅẹ tarị suku ḅụ saakị kụra ḅio ini ì ḅioḅẹngbọ sima tẹ ị̀ ịganịma tẹ ịn mịẹ tẹ aị ḅụ.

Izikẹlị 20:24

À mie mịẹm ini à tọn-koroma-aị ma sịkịm ẹrẹsị, ì oloko ma kan, Ịnyọsara-Ene mẹ sima, pịkị sunsin ịna elemu-aḍapụ ma fịrịmẹnjị pịrị sime oru-afụḅara ma pịrị.

Izikẹlị 20:28

Àrị ini ọkị-ḅo à minini ịn pịrị amakiri mẹ lamam. In gele atụndụ ma na ịwọ asịn ma na ẹrị sakị ini arịmgba ḅụ agba mịẹm. Ini ị̀ ịganịmam ịn mịẹ dọkịma-agba na iru ḍiepịrị-aị agba na tẹ ini ọkị-ḅo aị na ḅụ.

Izikẹlị 20:6

Anị ene mẹ ḅụ, à minini mịnẹ àrị ịn ọkị paka-so ḅa Ijiputi ḅụ, tẹ ịna tọrọkọ-sụn tẹ ịn kẹ mu à sẹlẹ ịn pịrịtẹ amakiri mẹ la ḅa, ḅụụ-ḅẹlẹmatẹ iḅiọkụma fịye so-pakamarị amakiri mẹ — kiri mamgba ḅụ iḅitẹịn amakiri mẹ.

Izikẹlị 23:35

Mịọkụ mie Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe ḅẹẹ ye: “ị́ ị̀ kẹ ḅioḅọrọma tẹ ọḅụ kẹ ì gbin ye ẹrẹsị, ị́ ị́ lẹlẹ na ị́ ama-mẹnjị eremịna ḍumo na gotẹ tọrụsiẹrị ḅa.”

Izikẹlị 36:17

Ori mẹẹ, “Fịị-fịị tomḅọ, Izirẹlị ḅẹ apụ ma ịna amakiri ḅụ anga sime sakị, ini anị pilemam ịn ḍumo kọn ḅara na ịn mịẹ aị na ḅụ. À kẹ ịna amịẹye mẹ ọkị ḅara gbala ẹrẹḅọ sakị-ẹrịarị tẹ anị á kẹ fịafịa-a kiri ḅụ wẹrị ḅara anie in sime ḅara.

Hosiya 9:3

Izirẹlịapụ ma ḅarị Tamụnọ amakiri mẹ ḅụ sime ḅịa, kụma pịkị-so Ijiputi mu sime ịn pịrịm, tẹ Asiriya ḅụ ịn fị-fịa fịye fị nyanam.

Mayịka 2:10

Ọ́ saakị tẹ soo; mịanga ọ́ ḅarị jen ḅụụ-dein nyana-a. Ọmịnị asi mịanga mẹ kẹ ḅaa fama yọ mịẹ tẹ.

Kịẹn-aḅịḅị 13:27

Ịn nwẹnị ḍuko Mozizi pịrị, “Ama mẹ tẹ ị́ wa kẹ fịrịma ama mẹ wa mum, tẹ ẹrịm ye-yọ mẹ anie ḅụụ-ḅẹlẹmatẹ iḅiọkụma fịye so-pakamarị amakiri, anịsakị mie anị ḅẹ asịnmgbọlụ.

Ditẹrọnọmị 21:23

ori oju mẹ bebe ḍin mẹmgba kẹ opu sịn mẹ ọgọnọ sime ma, kẹ gotẹ ọkọ ḅẹẹarị, kpọọ ḅaa fịị kọn ḅọ ḅe anie Tamụnọ woritẹ tomḅọ; ọmịnị anị ama mẹ tẹ KỊNỊNYANAḄỌ ọmịna Tamụnọ ḅe kẹ sime anga gotẹ ọ́ pịrị ama mẹ pilema ma.

Ditẹrọnọmị 32:9

Gbala KỊNỊNYANAḄỌ ḅe ḍiekiri, anie ori atomi, Jekọbụ anie ò ḍie ọkị ḍuu.

Ditẹrọnọmị 6:18

Anịsakị ọ́ KỊNỊNYANAḄỌ ḅe ḍiki-tọrụ ḅụ kura-aị na, iḅi aị na mịẹ ḅa mịẹtẹ anị ọmịnị na iḅi ma mu ḅẹ ḅara, mịẹtẹ ọ́ sọ-mu iḅi ama mẹ tẹ KỊNỊNYANAḄỌ ḅe ye karị ḅara kẹ minini ọmịna aḍapụ ma pịrị ama mẹ ọkị nyana ḅẹ ḅara,