Jerimaya 2:6 - FỊAFỊA BAỊBỤLỤ

⁶ Ini ì gbolomaye kẹ ye-sịn-a, karakaraye yẹrị Ijiputi ḅara-ḅio ịn pụkọ-pakamaḅom sọ tẹ tọrọkọ tarị tẹ si piri-ḅio na ịkpa aḅio na onwin ịgwa-ịgwa ḅara sime kiri na, samụnọ tẹ ḍumo fama ḅara sime amakiri na tẹ gbọrụḅọ-sọ anga-a, tẹ gbọrụḅọ-sọ jene-jene ḅọrọ ye mu-mu-a yọ na ḅụ ịn kẹ tolu-ḅọrọ ye.

Jerimaya 2:6 Iomraidhean Croise

2 Amadapụ 2:14

Anịtẹso ọ̀ nwẹnị Ịlayịja opu kapa mẹ tẹ ọ̀ ḅara ḅụ siin-koro ye mẹ ọkị tẹ kẹ minji mẹ fomu, tẹ ḅẹẹm, “Ndẹẹ KỊNỊNYANAḄỌ, Ịlayịja Tamụnọ ḅe mọ?” Tẹ ọ̀ pịkị kapa mẹ kẹ minji mẹ fomu tẹso, minji mẹ nwẹnị maa anga ḍie tẹ Ịlayịsa nwẹnị mẹnjị saḅa.

Jobu 3:5

Yee ḅụụ-oḅoku na furu-kịtịpụtẹ kanakana na anị nyana. Yee kpiti So-tọrụ anị ḅụ anga; Yee ene mẹ ḅẹ kurukuru anị tẹmẹ naịn-naịnma.

Jobu 35:10

Kụma gbọrụḅọ-sọ ḅẹẹ-a: Ndẹẹ ị̀ Tẹmẹ wararị Tamụnọ ḅe mọ, ori ḅe tẹ ḍin ḅụ mịẹ tẹ ḅioḅẹlẹ nume paka-ḅoarị ḅọ ḅe;

Devidi-Anume 23:4

KỊNỊNYANAḄỌ, tụkụmaye à fị ḅalafama ḅara kẹ ḅalafamarị ḅụụ-fụka ḅio sọ ḅẹsọ, à ḅalafa ḅịa, gbala ị́yẹrị ị̀nịna emi ẹrẹsị. Ị́ anana-fomuye mẹ na mkpara mẹ na ḅiokpọ na kpaịn-sakị kẹ ị̀ pịrịarị.

Devidi-Anume 77:5

À ḅọrọ tẹ ene ma kẹ kuroma ḅụ suuarị, tẹ ala lamatẹ akụra ma ḅẹ aị sọ à kẹ ḅiokoromarị.

Paka-so 20:2

Yẹrị anie KỊNỊNYANAḄỌ ọmịna Tamụnọ ḅee, tẹ Ijiputi ḅẹ ama mẹ ḅio ọ́ pakama-ḅo ḅọ ḅee, ọmịnị omoni-sọ anga mẹ ḅio.

Ayịzaya 63:9

ịna tọrụsiẹrị mamgba ḅụ. Enjẹlị-a, kụma KỊNỊNYANAḄỌ ḅe ḅioju mie ịn ḅọrọma ye. Ọ̀ ḅẹlẹma na sịḅị-kụrụkụrụ na ḅụ ori ịn pụkọ-pakamaḅom. Sakị mamgba ori ịn balarị ḅọrọtẹ sakị ḅụ sọ,

Ayịzaya 64:7

Gbọrụḅọ sọ pịkị ị́ da-a tẹkẹ ḅụ, ḅarasụa gotẹ ị́ dama-ḅoarị gbọrụḅọ-sọ ofori. Ị́ ị́ ḅụụ ḅọị wa pịrị tẹẹ, tẹ wa kẹ gbin koroma-so tẹ wamịna asi gotẹ.

Jerimaya 13:16

Ọ́ kụn kẹ KỊNỊNYANAḄỌ ọmịna Tamụnọ ḅe pịrị, tẹrẹmẹ ọ̀ kanakana ọkị-ḅo sakị la, tẹ ọmịnị tụndụ ma ọgọnọ ḅụ pụmbụma-pụmbụma; tẹrẹmẹ ori ọ́ tọrụ kẹ ḍikiarị bele mẹ pịkị-ḅo kpọma kpititẹ kanakana sọma.

Jerimaya 2:2

à mị oku mẹ ḍuko wasama ḅẹḅọ-ḅẹḅọ pịrịị Jeruselemu ḅụ: Ị́ ịwọ sakị ḅụ í ḅioḅẹngbọ-kẹ-sịrẹrẹ-niḅi ḅara simem mẹ, à kẹ ḅiokoromarị, wa tarị simearị simearị ị́ kẹ ị̀ ḅẹlẹma ḅara mẹ, í ì ḍuka ịkpa mẹ ḅio mẹnjị ḅọrọ ḅara mẹ, kịnị amụ ye ḍiḅi-a kiri mẹ ḅụ tolu-ḅọrọ.

Jerimaya 2:8

Agbamịẹapụ ma gbela-a: KỊNỊNYANAḄỌ ḅe ọ̀ tọ-anga emi? Ị̀ agbamịẹapụ ma í nimi-a. Ḅẹrẹtọn-apụ ma kọngọ-kụrọma ị̀ pịrịm; ịkịankoroapụ ma Balị ẹrẹ ḅụ ẹkwẹn tẹ sunsin ye-ḅụ-sọ-a oru-afụḅara pịrịm.

Jerimaya 5:12

KỊNỊNYANAḄỌ atomi ma ò pịkị tẹ ḅẹẹ tẹẹ, “Karakaramatẹ ọ̀ mịẹ ḅẹ ye ofori. Wa kụrọ-kụrọ sakị nyana ḅịa. Wa ọmụ, anịanịa ḅuru-ḅa sakị nyana ḅịa”

Jerimaya 5:2

Ọmịnị ọkịarị ó sunsin KỊNỊNYANAḄỌ ḅe pịrịarị sọ, ó ḍukoarị ye na ó fiearị ye na gberie-a.

Jerimaya 51:43

Ama ma sịḅị-kanakanama ayeyọ sọ tẹ ḍiki-tọrụ ḅụ, tẹ minji ofori ịkpa kịkarị, kịnị anga-a yọ, mẹnjị sọ ịn mẹnjị-ḅọrọ ye mu-a.

Hosiya 12:13

KỊNỊNYANAḄỌ ḅe ịkịankoroḅọ fịrịma mu ori atomi Izirẹlịapụ ma pụkọ-pakamaḅom ikoli ḅara-ḅio Ijiputi ḅụ, ori in koko ḅẹ ḅara.

Hosiya 13:4

KỊNỊNYANAḄỌ ḅe ḅẹẹarị, “Yẹrị anie KỊNỊNYANAḄỌ ọmịna Tamụnọ ḅe, anie Ijiputi ḅụ ọmịna tọrọkọ-sụn tẹ ọ́ pakama-ḅo ḅọ ḅe. Ì sikima ó jen Tamụnọ nyana-a. Yẹrị kịngẹ anie ọmịna ḅọrọmaḅọọ.

Emọsị 2:10

Àrị Ijiputi ḅụ ọ́ pakama-ḅom, ọmịna tọrọkọ-sụn tẹ ọ́ kẹ ịkpa ḅio mẹnjị-tolum kụra amesi ḅụ, tẹ Amọnị apụ amakiri mẹ kẹ ọ́ pịrị tẹ anị ọmịna nye sọm.

Matiyo 4:16

Kanakana ḅio anga apụ ma opu bele ẹrị ḅa, fịị kanakana ye-yọ ḅụ anga apụ ma, bele ḅịya ịn sarama ḅa.”

Ditẹrọnọmị 1:19

KỊNỊNYANAḄỌ wamịna Tamụnọ ḅe tọn wa pịrị ḅara ḅụ wa Orẹbụ ḅụ saakị pakam, tẹ mẹnjị anị gburo-gburotẹ tẹmẹ-naịn-naịnma ịkpa mẹ tẹ mẹnjị Amọrayịtị apụ tụndụ ọgọnọ ḅẹ opu sịẹ mẹ muarị etela mẹ ḅụ ọmịnị ẹrị ye mẹ tolum tẹ wa ḅo Kadẹsị-Baniya lam.

Ditẹrọnọmị 32:10

Ịkpa ama ḅio ori ọ̀ ḍọkị-ẹrịm, pịkị ịkpa mẹ ḅẹ gulugulu kẹ olokuarị anga ḅụ; ori ori ikelema-korom, ori ò ḍikiḍikim, ọ̀ tọrụngbọ ḅẹ tụḅọ wẹrị ḅara kẹ ori ọ̀ wẹrịm.

Ditẹrọnọmị 8:2

Ọmịnị etela mẹmgba tẹ KỊNỊNYANAḄỌ ọmịna Tamụnọ ḅe mịna kụra amesi ma ḅụ ịkpa mẹ ḅio, mịẹtẹ ọ́ ḅụụ-kpoo ḅẹ ḅara, kẹ ọ́ daaḍiki tẹ ọmịna ḅioḅẹngbọ ḅụ sime ye nimi, ọmịnị ori oloko ma koko ḅarị ḅoto, anịanịa ó koko ḅịa, tẹ ori tọrọkọ tarị ọ́ pịrị etela ma kẹ ḅiokoroma ḅa.

Ḅẹrẹkọn-apụ 6:13

Gidiyọnị nwẹnị ọ̀ ḅẹẹ, “Àrị ị́ tẹkẹm, sịḅịdaḅọ, KỊNỊNYANAḄỌ ḅe wamịnị na emi nwẹn ḅẹẹ kụma, mie mẹmgba tiegotẹ ḅo wamịna ḅụụ pakaarị. Ndẹẹ ọ̀ ḅụụ-gbiripuma amịẹaị ma tẹ wamịna ḍapụ ma ḍuko wa pịrị-pịrị aị ma, tẹ ḅẹẹm, Ijiputi ḅụ wa ọkị-ḅo ḅọ ḅe KỊNỊNYANAḄỌ ḅe ori-a? Kụma mịọkụ KỊNỊNYANAḄỌ ḅe wa kẹ wakị nguma tẹ, wa kẹ Midiyanị ḅara-ḅio suu tẹ.”