Jerimaya 2:5 - FỊAFỊA BAỊBỤLỤ

⁵ KỊNỊNYANAḄỌ ḅe mẹẹ: Ọmịna elemu aḍapụ ma tọ ḅẹrẹ ḍuko ị̀ ọgọnọ gbana? Tiye ịn mịẹ tẹ ini ọḅụ kẹ ì gbin tẹ mẹnjị-so? Ịn sunsin ye-ḅụ-sọ-a oru-afụḅara pịrịm tẹ ini ma ḅioju sọ nwẹnị ḅo papaa ḅara sime.

Jerimaya 2:5 Iomraidhean Croise

2 Amadapụ 17:15

Ịn kẹẹ wararị ori Oloko ma na, ori ọḅọkụ tẹ ori ịna aḍapụ na fị ye mẹ na, ọ̀ kẹ ịna aḅeri nụnụ aị ma ḍiki-simam. Ini iruo oru ma ḍukamẹnjị tẹ iruom, tẹ ini ikelema-koro wararị opu asịẹ ma ḍukamẹnjịm, inima tẹ KỊNỊNYANAḄỌ ḅe tọn ịn pịrịm mịnẹ ini ịn ḍikima ye mịẹ ma kẹ ḅẹẹ apụ ma.

Devidi-Anume 115:8

Yee arị mịẹ tẹ arị kẹ ḅiokpọmarị apụ mamgba ḅo ịn tẹmẹ mḅudu ma sọ tẹ ịn kịka.

Ayịzaya 29:13

KỊNỊNYANAḄỌ ḅe ḅẹẹm, “Mịna apụ ma ọkịarị in sunsin ị̀ pịrịarị, kụma ịna ẹkwẹn ma ye fie-a, tẹ ịna aḅioḅẹngbọ ma pịkị jen yọ ḅụ emi. Ịna Tamụnọ nimi mẹ gberie-sọ gberie-a, tomina oloko na ama-anganga-ḅara na kịngẹ, tẹ ịn papaa ḍawọ sịḅị ḅio suu aị.

Ayịzaya 44:9

Oru-afụḅara mịẹarị apụ mamgba papaa apụ, tẹ ịn kẹ ye sịn lamarị atamụnọ ma mịẹ ḅụ sọ-a ḅara ḅakam. Mịna atamụnọ ma tẹkẹarị apụ ma tọrụngbọ-pụụntẹ, gberie-sọ nimi-a apụ ịna atọrụ-tuu ḅa.

Ayịzaya 46:12

“Ọmịnị ì pokii, kọngọ kụrọma atomi tẹ kuromarị apụ mịnẹ owu-ḅara-iḅi ala-jụ emi.

Jerimaya 10:8

Inimgba oḅori atomi famam. Sịn kẹ kara oru-afụḅara ḅụ ịn ḍawọ ḅo ḅẹ ye tiye?

Jerimaya 12:2

Ị́yẹrị ịn kẹ ḍiḅi tẹ in kuno-sụarị; in so-paka tẹ mgbọlụ sụarị. Sakị mamgba ini ị́ ḅụụ iḅiye ḍukoarị, anịsọ ini ị́ bala ḅaka-a.

Jerimaya 14:22

Tomikiri ḅẹ asịẹ ma oru-afụḅara ma ḅẹ gberie tẹ inetẹ eene koroma ḅẹ ye ofori; so tọrụ mẹ ḅioju sọ inetẹ nwẹịn-nwẹịn eene sọ koroma ḅịa. Ị́yẹrị mie wa kẹ ḅiokpọmarị ḅọ, yei KỊNỊNYANAḄỌ, wamịna Tamụnọ, ị́yẹrị anie mịna aị ma mịẹ-mịẹ ḅọ ẹrẹsị.

Jerimaya 2:31

Izirẹlịapụ, ọmịnị à ḍukoarị ye pokii. Ọmịna ḅụ arị ịkpa kịka tẹ, kanakana tẹ siye dogi-ḅo ḅẹ amakiri kịka tẹ? Ọkọ-a kụma, tiye ẹrẹsị ọ́ ḅẹẹarị mịnẹ ọmịnị ọmịna ḅụụ-ḅẹlẹ ḅẹ ḅara mịẹ ḅa, mịnẹ ọ́ ḅarị jen kẹ pịkị ị̀ dama-ḅo ḅịa?

Jerimaya 2:4

Ọmịnị Jekọbụ ọrụ ḅụ iyi apụ, ọmịnị Izirẹlị ḅẹ furo, ọ́ KỊNỊNYANAḄỌ ḅe oku mẹ pokii.

Jerimaya 8:19

Pokii! Bebe amakiri mẹ ikelema-koro à naarị ì atomi owu pakamarị, KỊNỊNYANAḄỌ ḅe ọ̀ ḅarị jen kẹ Zayọnị ḅụ ofori? Zayọnị amadaḅọ ḅe ọ̀ ḅarị jen kẹ anị anga ofori? KỊNỊNYANAḄỌ, ịna amadaḅọ ḅe, pakịrịarị, “Ó tiegotẹ ị̀ ịganịma, anie sunsin ọmịna oru-afụḅara ma pịrị, pịkị iḅo ọmịna ofori-ofori ja asịẹ ḅẹ atamụnọ ma pịrị ḅụ?”

Izikẹlị 11:15

Ori mẹẹ, “Fịị-fịị tomḅọ, Jeruselemu ḅụ simearị apụ ma na í pembema Izirẹlịapụ ma na tẹ Kun-ḅara ḅio sime apụ ma gboloma ye kẹ ẹkwẹn-arị. Ịn ḅẹẹarị, ‘Kun-soapụ ma in simearị jụ iḅerea, KỊNỊNYANAḄỌ ḅe tẹkẹ ḅụ. Ori amakiri mẹ nyana kụrọ mẹ kẹ wa pịrịtẹ!’ ”

Izikẹlị 14:5

Arị oru-afụḅara mamgba Izirẹlịapụ ma tọrụ da sikima ḅelema tẹẹ ị̀ ḅụ, kụma ị̀ pakịrị-ḅịḅị ḅụ à ḅiokpọ wararị à siin ịn nyana ọkị tẹ ịn sịḅị-tuu ị̀ pịrị ḅa.”

Jona 2:8

Sunsin gberie-sọ ḅụ ofori oru-afụḅara pịrịarị apụ ma ini ị́ sịkị tẹẹ, ị́yẹrị ọkụrụkụrụ nyana in pịrị ḅọ ḅe.

Matiyo 15:8

Tamụnọ ḅẹẹm, “mịna atomi ma, ḅịḅị apara ngẹrị mie ịn kẹ ị̀ kụn-arị, kụma ịna aḅioḅẹngbọ ị̀ ḅụụ ḅele la jụ iḅerea.

Fịrịmẹnjịapụ 14:15

“Ó tiegotẹ nwẹn sime ye mịẹarị? Wamịnị kọkọ ọmịna pembema tomi! Wa gotẹ mịanga ḅo ye Iḅi Oku mẹ ḍuko ọ́ pịrị tẹ ọ́ mịna papaa aị ma ḅụ pịkị ḍumo wararị tẹ So na Kiri na, tọrụ na, arị ḅio sime aị mamgba tẹmẹ Tamụnọ ḅe da ḅẹ ḅara.

Romu 1:21

Ịn Tamụnọ nimi wararị kụma sime ọ̀ pịrị kụn mẹ ịn kẹ ọ̀ pịrị-a, ịn pịkị ịmịẹtẹ kẹ ọ̀ ḅẹẹ-a. Anie nakara ịna akuroma papaa ye sọ fama tẹ, kanakana pịkị ịna oḅori aḅioḅẹngbọ ma sọ ḅin tẹ.

Ditẹrọnọmị 32:21

In ì jikema tẹ arị aniemẹ tẹ tamụnọ-a ye na afana sọ tẹ, ini ịna akpokobịa ma kẹ ị̀ ịganịma tẹẹ. Anị ḅara mie à kẹ ịn jikema tẹ ini inima tẹ tomi-a tomi ma na afana sọ ḅarị ḅara; à ye-nimia gbọrụ opu sịẹ ḅụụ sọ tẹ ini ịganịma ḅa.

1 Samụẹlị 12:21

tẹ tọrụ pịkị akaka ḅio papaa aị ma tẹ sọye mịẹ ọ́ pịrị, anịanịa ọ́ ḅọrọma ḅịa aị ma ḍiki ma, kẹ gotẹ ọkọ ḅẹẹarị, arị aị ma anie papaa aị.