Jerimaya 2:4 - FỊAFỊA BAỊBỤLỤ

⁴ Ọmịnị Jekọbụ ọrụ ḅụ iyi apụ, ọmịnị Izirẹlị ḅẹ furo, ọ́ KỊNỊNYANAḄỌ ḅe oku mẹ pokii.

Jerimaya 2:4 Iomraidhean Croise

Jerimaya 10:1

Izirẹlịapụ, ọ́ KỊNỊNYANAḄỌ ḅe nyana ọ́ pịrị oku pokii,

Jerimaya 13:15

Izirẹlịapụ, KỊNỊNYANAḄỌ ḅe ẹkwẹn tẹẹ! Ọ́ ḅụụ-lẹgịma tẹ ò pokii.

Jerimaya 19:3

KỊNỊNYANAḄỌ ḅe ḍuko ị̀ pịrịm à ḅẹẹ, “Juda ḅẹ amadapụ na Jeruselemu ḅẹ apụ na, ọmịnị Yẹrị Kụrọmamgba nyana KỊNỊNYANAḄỌ, Izirẹlịapụ tẹkẹarị Tamụnọ ḅe, nyana tẹ ḍukoarị ye pokii. Arị ọkị-ḅo mị yọ mẹ ọgọnọ gbana ḅẹ-yearị opu ḅụụ-fụka mẹ gboloma ye naa ḅọ naa ḅọ naịn-ḅọrọ ḅa.

Jerimaya 2:3

Izirẹlị, í sime yẹrị ngẹrị pịrịm; ị́ tọn-tọn ḅara sime ị̀ pịrịm. Ye kẹ ị́ lama ḅọ lama ḅọ, à tọrụsiẹrị na opu ḅụụ-fụka na kẹ mḅọ fịrịmam. Yẹrị, KỊNỊNYANAḄỌ ḅe ọkọ ḅẹẹm.

Jerimaya 2:5

KỊNỊNYANAḄỌ ḅe mẹẹ: Ọmịna elemu aḍapụ ma tọ ḅẹrẹ ḍuko ị̀ ọgọnọ gbana? Tiye ịn mịẹ tẹ ini ọḅụ kẹ ì gbin tẹ mẹnjị-so? Ịn sunsin ye-ḅụ-sọ-a oru-afụḅara pịrịm tẹ ini ma ḅioju sọ nwẹnị ḅo papaa ḅara sime.

Jerimaya 31:1

KỊNỊNYANAḄỌ ḅe mẹẹ, “Sakị mẹ ḅoarị anie yẹrị Izirẹlị kịrị-kịrị afuro mamgba Tamụnọ sọ ḅẹ sakị mẹ, tẹ ini nwẹnị ị̀ atomi sọ ḅa.

Jerimaya 33:24

“Tomi ḍukoarị ye ị́ kẹ elekima sụa tẹ, mịnẹ yẹrị Izirẹlị na Juda na sịkị tẹ, maa afuro ma tẹ à sẹlẹ ọkị apụ ma? Tẹ anie ḅụ ini ị̀ atomi ma ḍiki-iderima tẹ ḅarị jen kẹ sịẹ ḅara kẹ ini ọkị-a.

Jerimaya 34:4

Zẹdẹkaya í gboloma ye tẹ à ḍuko ị́ pịrịarị ye pokii. Ini ọmụ ḅio ị́ ḅaa ḅịa.

Jerimaya 5:21

Ọ̀ kẹ ye-sịn, ọmịnị oḅori-sọarị apantu amẹẹ tọrụngbọ nyana wararị, kụma inetẹ ye ẹrị-a apụ; tẹ ḅeri nyana wararị, kụma inetẹ ye naa apụ.

Jerimaya 7:2

Mie KỊNỊNYANAḄỌ warị mẹ ḅẹ ogigo-ḅọkọ sịẹ tẹ mịẹ oku mẹ ḍuko-wasamaa. Ọmịnị Juda ḅẹ apụ mamgba tẹ mịna ogigo-aḅọkọ ma ḅụ ḅọrọ ḅo sunsin KỊNỊNYANAḄỌ ḅe pịrị apụ, ọ́ KỊNỊNYANAḄỌ ḅẹ ẹkwẹn mẹ naa.

Hosiya 4:1

KỊNỊNYANAḄỌ ḅe kẹ amakiri mẹ ḅụ angarị apụ ma sịḅị sẹịn ḅẹ ḅẹrẹ nyana wararị. Izirẹlị, ọmịnị ò ḍukoarị ye pokii: “Amakiri mẹ ḅụ mininiye-mịẹ na ḅẹlẹma na ofori, tẹ tomi ma pịkị ị̀ kẹ ịna Tamụnọ ḅara ọkị-a.

Mayịka 6:1

Mayịka nwẹnị Izirẹlịapụ ma ḅẹẹ, “Ọ́ KỊNỊNYANAḄỌ ḅe nyana ọ́ pịrị ḅẹrẹ mẹ pokii!” “Saakịị, Yei KỊNỊNYANAḄỌ, tẹ ị́ nyana Izirẹlị pịrị ḅẹrẹ mẹ ḍukoo; tụndụ ma tọrọkọ anị ḍukoo, tẹ yee tụndụ ma sọ ị́ pọkọ naa.”