Jerimaya 2:37 - FỊAFỊA BAỊBỤLỤ

³⁷ Í Ijiputi ḅụ pịkị-so ḅa, ḅụụ-jịrị kẹ sịḅị-tuu ḅụ. Yẹrị KỊNỊNYANAḄỌ ḅe ị́ kẹ ḅiokpọmarị apụ ma sịkị tẹẹ; ịna ḅụ ị́ nyana ḅẹ gbọrụ sọye sọ ofori.

Jerimaya 2:37 Iomraidhean Croise

2 Samụẹlị 11:12

Anịtẹso Devidi nwẹnị Yuraya ḅẹẹ, “Mịmgba mẹ sọ kẹ mịanga simee, anịsakị ḅaa ḅụ àrị ị́ wẹrịso tẹ í so ḅa.” Anieḅụ Yuraya anị ene mẹ na, anị palị ene mẹ na kẹ Jeruselemu ḅụ simem.

2 Samụẹlị 13:19

Tama nwẹnị fọọn ḍuu á sịḅị sara, tẹ vọrọrọ-kapa mẹ tẹ á sụa ye mẹ kaan-sara; tẹ á ḅara kẹ á sịḅị-ogbo gbana tẹ nwẹnị oloko oloku owu-ma mẹnjị so

2 Paka-aị 13:12

Ḍikii, Tamụnọ wamịna sịḅịkọ ḅụ wamịnị na emi, tẹ ori agbamịẹapụ ịna owu ọdụ ma ọlọ wararị, kẹ ofuro tẹ ọmịnị na sọ ḅarị owu mẹ sịn koroma. Yei Izirẹlị ḅẹ awọmẹ, ọ́ KỊNỊNYANAḄỌ ọmịna aḍapụ ma tẹkẹarị Tamụnọ ḅe na owu sọ ma, kẹ gotẹ ọkọ ḅẹẹarị, ọmịna aḅara iḅi ḅịa.”

Ayịzaya 10:4

Ọmụ ḅio ọ́ fịị-a ḅẹḅẹ, ini ọ́ fọnọ so ḅa ikoliapụ ḅara ḅụ. Anịsọ KỊNỊNYANAḄỌ ḅe ịganị mẹ kunoma ḅịa; ọ̀ ḅara paa sụụn-paka ḅa, kẹ fomu.

Ayịzaya 28:18

Ọ́ fị na ḅara pono wararị ḍiri mẹ kaan ḅa, tẹ ó ḍuḅu na nyana wararị ḅịḅị-kẹ-ogbosọ mẹ sọ sii ḅa. Opu ḅụụ-fụka ḅo ó ponoma sakị anị ọ́ nẹngịma ḅa.

Jerimaya 14:3

Ngọ-kọnapụ ma minji gotẹ tẹ ịna afịrịmẹnjịapụ fịrịma-pakamarị; ini ama minji koko ayọ ma muarị, kụma in minji ẹrị-a; ini ịna ye ofori ajongo ma kẹ pịkị-ḅoarị. Ḅioḅẹngbọ-ḅịkị na pikiri na ḅụ ini ịna atọrụ ḅọịarị.

Jerimaya 14:4

Anị gotẹ ọkọ sime ye eene koro-a, tẹ kiri mẹ pịkị samụnọ-kpakịkị tẹẹ, ḍụọ-kọrịapụ ma ḅioḅẹngbọ si tẹẹ; ini ịna atọrụ ḅọịarị.

Jerimaya 17:5

KỊNỊNYANAḄỌ ḅe mẹẹ: À ḅẹrẹ-ḅarasii pẹlẹ anị apụ ma pịrị ḅa anie ị̀ ḅụ pịkị-so tẹ ḅioḅẹngbọ kẹ tomi ọgọnọ gbanarị apụ ma, fị-fị atomi nyana wararị ịnyọ kẹ ḅiokpọmarị apụ ma.

Jerimaya 2:36

Ị́ ị́ ḅụụ mịẹ iderima tẹẹ, pịkị jen asịẹ ḅẹ atamụnọ da ḅụ. Ijiputi í pikirima ḅa, Asiriya kẹ ị́ mịẹ gbọrụ ḅara mẹ.

Jerimaya 22:20

Jeruselemu ḅẹ apụ, ó so Lẹbanọnị mu tẹ olokuu, ó so Basani mu tẹ owuu, Mohabụ tụndụ ma ọgọnọ ó sime tẹ gele-pọkọ kẹ sịịn, ọmịna jụ ḅẹ apụ mamgba owu ịna ḅara-si tẹẹ ẹrẹsị.

Jerimaya 22:30

“Ḅị tomḅọ ḅe ịn ḅẹrẹ-pẹlẹ ori ọgọnọ gbana tẹ mịnẹ ori awọmẹ fịị Ọ̀ mịẹ ye mịẹ ye gbala-gbala ḅara ḅẹ sọ ma gboo pịrị tomḅọ sọ ḅa. Ò furo-ḅẹ-apụ paka ḅịa Juda ḅụ ama-da ḅẹ apụ, Devidi tọrụ ḍima ḅẹ apụ ḅara ḅụ. Yẹrị, KỊNỊNYANAḄỌ ḅe ọkọ ḅẹẹm.”

Jerimaya 32:5

Ịn Zẹdẹkaya ọkị-so Babịlonịya mu ḅa, tẹ ori anị anga sime nwenii tẹ arị ori na à mịẹ ḅẹ ye mịẹ ḅa. Ọ̀ nwẹnị Babịlonịya na owu sọ-sọ, owu ọ̀ ḅara iḅi ḅịa. Yẹrị KỊNỊNYANAḄỌ ọkọ ḅẹẹm.”

Kururu Owu-apọkọ 4:17

Wa ḅarasụa gotẹ papaa ḍiki-ḍiki-siḅiya, wamịna atọrụngbọ kọrị-kọrịm, wamịna ḍiki mẹ, opu sịẹ tẹ kịnị ḅọrọma ḅịa sịẹ, mie wa ḍiki ye.

Kịẹn-aḅịḅị 14:41

Kụma Mozizi nwẹnị ḅẹẹ, “Ó tiegotẹ mịọkụ KỊNỊNYANAḄỌ ḅe tọn ye mẹ kan-arị? Kẹ gotẹ ọkọ ḅẹẹarị, aniemẹ iḅi ḅịa.