Jerimaya 2:36 - FỊAFỊA BAỊBỤLỤ

³⁶ Ị́ ị́ ḅụụ mịẹ iderima tẹẹ, pịkị jen asịẹ ḅẹ atamụnọ da ḅụ. Ijiputi í pikirima ḅa, Asiriya kẹ ị́ mịẹ gbọrụ ḅara mẹ.

Jerimaya 2:36 Iomraidhean Croise

2 Paka-aị 28:16

Anị sakị mẹ ḅụ Ahazi fịrịma mu Asiriya ḅẹ amadaḅọ ḅe ḅara ḅarasụa ḅiim.

Ayịzaya 20:5

Sudanị kẹ ḅiokpọmatẹ apụ ma, pịkị Ijiputi kẹ ḅịḅịkpọ sime apụ ma sọ ye ḅarị in ḅiotọn ḅara paka ḅịa, ịna ḅiokpọma aị mamgba kan-saratẹ.”

Jerimaya 2:18

Í kuromarị ị́ nyana ḅẹ sọye tiye í Ijiputi muarị ye mẹ ḅụ, Nayịlị tọrụ ḅẹ minji mẹ ḅuu mụnọọ? Í kuromarị ị́ nyana ḅẹ sọye tiye ị́ Asiriya muarị ye mẹ ḅụ, Yuferetisi tọrụ mẹ ḅẹ minji ḅuu mụnọọ?

Jerimaya 2:23

Ndẹẹ í inetẹ ị́ ị́ ḅụụ pilema-a ḅẹẹ ḅẹ ḅara, mịnẹ jene-jene amụ í Balị tẹkẹ-a? Tụndụ suku mẹ ḅụ ị́ mịẹ siye ḍikii; ị́ mịẹ tẹ ye ẹrịị, Ọfịrị ḅụụ-ḅalaḅalamarị piri-ḅio-ḅẹ ike-sụa-nama ḅe mie ị́ kịkarị, kpọọ-a tẹ mangị ikele-ikelearị,

Jerimaya 2:33

Ọ́ kpọma ḅẹlẹmapụ ḍuka-mu-mu aḅọkọ nimi wararị. Si tẹịn ẹrẹḅọ sọ ọmịna ḅara ye ḍawọ ḅa.

Jerimaya 22:20

Jeruselemu ḅẹ apụ, ó so Lẹbanọnị mu tẹ olokuu, ó so Basani mu tẹ owuu, Mohabụ tụndụ ma ọgọnọ ó sime tẹ gele-pọkọ kẹ sịịn, ọmịna jụ ḅẹ apụ mamgba owu ịna ḅara-si tẹẹ ẹrẹsị.

Jerimaya 22:22

Fẹrụ ọmịna sịḅịdapụ ma ofuro so ḅa, Tẹ ọmịna jụ ḅẹ apụ ma ini ikoliapụ ḅara kẹ ini ọkị so ḅa ọmụ ḅio, ini ọmịna opu ama mẹ tọrụ-tuu tẹ anị ḅụụ-jịrịma ḅa ọ́ mịẹ tẹ asi-aị mamgba ẹrẹsị.

Jerimaya 31:22

Ó ḅio-maaịn-tọn mu tọ-sakị la ḅẹ, minini nyana-a apụ? Arị ịwọ kịrị ye tẹmẹ tẹ, anị kịrị ḅara ẹrẹḅọ ẹrẹ owiḅọ gbaịn ḅọrọmarị ọkụ.”

Jerimaya 37:7

à Zẹdẹkaya ḅẹẹ, “Amadaḅọ Fero ọmụ-ogbo mẹ tẹ ḅarasụa ị́ pịrị ḅẹ ḅoarị apụ ma, ịn pịkịma-so ịna ama Ijiputi mu ḅa.

Jerimaya 46:12

Sịẹ-sịẹ ma ọmịna ḅụụ-jịrị gboloma ye naa tẹ ḅẹḅọ-ḅẹḅọ ọmịnị owuarị ye naa tẹ. Gbọrụ ọmụḅọ osi-ḅọ ḅụọ tala tẹ, tẹ ini maa apụ ḅịkị kiri koro tẹ.

Kururu Owu-apọkọ 4:17

Wa ḅarasụa gotẹ papaa ḍiki-ḍiki-siḅiya, wamịna atọrụngbọ kọrị-kọrịm, wamịna ḍiki mẹ, opu sịẹ tẹ kịnị ḅọrọma ḅịa sịẹ, mie wa ḍiki ye.

Kururu Owu-apọkọ 5:6

Mịẹtẹ wa iḅiọkụ fịye nyana ḅẹ ḅara gotẹ, wa Ijiputi na Asiriya ḅẹ apụ na ḅara ye ḅiim.

Izikẹlị 16:28

“Osi apụ ma ị́ na iḅi-a ẹrẹsị, ị́ mangị-mangị Asiriya ḅẹ apụ ma dama-mum. Ị́ ịna ama-mẹnjị-ẹrẹḅọ sọm, kụma ini sọ ini ị́ pọkọ-ta-a.

Izikẹlị 29:7

Ini ọmịna ḅụụ sịrẹrẹ sakị ọmịnị anyị tẹ ịna atonuḅio temi kọsịmam, tẹ ịn mịẹ tẹ ini ikem.

Hosiya 10:6

Ini mḅudu mẹ dogi-so Asiriya mu ḅa, kẹ opu kẹ tomikiri mẹ daarị opuḅọ ḅe pịrị. Izirẹlị tọrụ-tuu tẹ á ḅụụ-jịrị ḅa árị in ḍuko á toluma ye ḍukamẹnjị ye ẹrẹsị.

Hosiya 12:1

Izirẹlịapụ ma mịẹ arị ye goyegoye, dee-dee ḅụ ọkị mu ḍin la, kẹ mịẹ ye ḅụụ sun-suu ye ofori pịkị ye guluguluma ye. Mbasị na gbiri-gbiri-gbiri na ịna ogboku ḅaka tẹẹ. Ini Asiriya na ọḅọkụ fị tẹ Ijiputi na ọḅụ mẹnjịarị.

Hosiya 14:3

Gbala-gbala Asiriya inetẹ wa ḅọrọma ḅịa, tẹ ọmụgbin-asụ inetẹ wa gbaịn ḅọrọma ḅịa. Wa ḅarị jen kẹ wamịna oru-afụḅara ma ḅẹẹ ḅịa mịnẹ arị wamịna Tamụnọọ. Yei KỊNỊNYANAḄỌ, ọkụrụkụrụ nyana jen ịn dama-mu tẹ ḅarasụa nyana ḅẹ anga ofori apụ pịrịarị ḅọ.”

Hosiya 5:13

“Izirẹlị árị obi la ḅara ẹrị sakị, tẹ Juda á la aị ḅẹ ịnọ ma ẹrị sakị, Izirẹlị nwẹnị Asiriya mu tẹ tomikiri mẹ daarị opuḅọ ḅe ḅara ḅarasụa ḅii, kụma ori inetẹ ịn gwọ-a anịanịa ịna ịnọ ma mịẹ ḅịyama.

Hosiya 7:11

Izirẹlị gberie-sọ nimi-a wẹẹrẹsị kịka tẹ fiin ikelekelearị; árị atomi tarị mu Ijiputi laarị ḅarasụa gotẹ, anị tẹso, ịn mangị Asiriya muarị!