Jerimaya 2:34 - FỊAFỊA BAỊBỤLỤ

³⁴ Ọmịna akapa ma igoin-apụ na mịẹ si ofori apụ na ọmbie arị ọmbịma wararị, warị kan sọ-sọ tẹ ye furuarị apụ ọmbie-a. Kụma ma mamgba ọgọnọ ḅụ sọ,

Jerimaya 2:34 Iomraidhean Croise

2 Amadapụ 21:16

Anie sikima, Manasẹ kpọma mịẹye-ofori apụ ḅaam Jeruselemu ḅụ, gbọrụ kunoma ḅụ saakị mu jen kunoma la; ò miemẹ mịẹm, ò Juda ḅẹ apụ toluma mu sunsin oru-afụḅara pịrị tẹ KỊNỊNYANAḄỌ ḅe ḍiki-tọrụ ḅụ siye mịẹ ye mẹ sikima.

2 Amadapụ 24:4

na pịkị mịẹye-ofori apụ tẹ ọ̀ ḅaa ye mẹ. KỊNỊNYANAḄỌ ḅe mị si mẹ wẹrịso ọ̀ pịrị ḍụkụ-a.

Paka-so 22:1

“Gbọrụḅọ gbọrụ pootẹ-nambulo, anịanịa, gbọrụ anana furu, tẹ anị ḅaa, anịanịa anị dẹrị-dẹrị, gbọrụ pootẹ-nambulo ḅe sịḅị mḅọ sọnọa pootẹ-anambulo gbẹẹ ḅa; anịsakị gbọrụ anana ḅe sịḅị mḅọ inia anana gbẹẹ ḅa.

Paka-so 22:2

Furuḅọ warị kan tẹ sọ-muarị ḍin ḅụ tẹ ini ò kun tẹ ò fomu tẹ ọ̀ fị-fịị, amịna ḅụụ ḍụa ḅọ ḅe ọmbie ọsụma ḅẹrẹ-ḅarasii nyana-a;

Ayịzaya 57:5

Ó fịye pakama oru ma tẹkẹ-tẹkẹ tẹ ọ́ kẹ tọn-tọn ḅara wẹrị wararị asịn suku-ḅio owiapụ na ereme na gboloma mịẹ mịẹarị. Ọmịnị ọmịna ḍọkọḍọkọ-awọmẹ kẹ mẹnjịarị minji akaka ḅẹ ịkụ fukuru ḅio agba mịẹarị.

Ayịzaya 59:3

Ọmịnị iruo tẹẹ, kụrọ-kụrọ amịẹaị mịẹ tẹ pịkị kịnị ḅaa tẹẹ.

Ayịzaya 59:7

Sakị mamgba ọ́ gbọrụ siye tọn-arị, tẹ ḅụụ-fụkamam ó koru tẹ anị mị. Mịẹye-ofori apụ ma ḅaa ḅụ gbala-gbala ó ḅio-maaịn-tọn nyana-nyana-a. Ó mu anga mu anga sima na guluguluma na mie ọ́ mịẹ koroma tẹ soarị,

Jerimaya 19:4

À gotẹ miemẹ mịẹ ḅẹ-yearị, ị̀ atomi ma ị̀ kẹ gbin koroma-so tẹ agba mịẹ-mịẹ oru-atamụnọ ma pịrị ḅụ mị yọ mẹ pilema tẹẹ — oru-atamụnọ ma tẹ ịna elemu aḍapụ-o, Juda ḅẹ amadapụ ma-o arị gboloma ye ḅụ ḅẹ gberie-sọ nimi-a aị ma. Ịn mịẹye-ofori apụ ọmbie kẹ mị yọ mẹ ḅinma tẹẹ,

Jerimaya 2:33

Ọ́ kpọma ḅẹlẹmapụ ḍuka-mu-mu aḅọkọ nimi wararị. Si tẹịn ẹrẹḅọ sọ ọmịna ḅara ye ḍawọ ḅa.

Jerimaya 6:15

Ịn nwẹn kẹ ḅụụ ḅụ si ḅụra tẹ aị ma mị ye mẹ ịna ḅụụ-jịrị-a aro? Ẹn-ẹn, gbala-gbala ịna ḅụụ-jịrị-a; ịna aḅụụ kịngẹ sọ ḅa. Tẹ mie ḅụ ini sọ osi-apụ ḅịkị tẹ ḅara ḅịkị ḅa; à fomu-ḅara kẹ ịn pịrị sakị, anie ịna kunoma sọ ḅa. Yẹrị, KỊNỊNYANAḄỌ ḅe ọkọ ḅẹẹm.”

Jerimaya 7:31

Hinọnị Tụndụ suku-ḅio ini ịn kẹ Tofẹti sịn-arị agbamịẹ-anga nama tẹẹ, tẹ ịna owiapụ-awọmẹ na eremịna-awọmẹ na kẹ fịnị ḅio agbamịẹ ḅẹ ḅara. Yẹrị tọn ịn pịrị-a ịn miemẹ mịẹẹ — ì kuroma kịngẹ ḅụ sọ anị sọ-a.

Jerimaya 7:6

Ọ́ jen asịẹ ḅẹ apụ na, ḍapụ-na-iyingiapụ-na-fịtẹ-awọmẹ na, diapụ-fịtẹ-ereme na inoma dasịẹmaa. Ọ́ mịẹye-ofori apụ ḅaa dasịẹmaa, mị amakiri mẹ ḅụ. Ó sunsin oru-atamụnọ pịrị dasịẹmaa, kẹ gotẹ ọkọ ḍukoarị, anị ọ́ ḅaa guluguluma ḅa.

Jerimaya 8:12

Ị̀ atomi, ọ́ ḅụụ-jịrịm aro, ọ́ mịna kịnị-ḅụụ-siarị aị ma mịẹ ye ẹrẹsị? Ẹn-ẹn, gbala-gbala ọ́ ḅụụ-jịrị-a, tọrụ-fụrụma kịngẹ sọ ọ́ mịẹ-a! Tẹ anie ḅụ ọmịnị osi apụ ma ḅịkị ḅara ḅịkị ḅa; à fomu-ḅara kẹ ọ́ pịrị sakị anie ọmịna kunoma sọ ḅa. Yẹrị, KỊNỊNYANAḄỌ ḅe ọkọ ḅẹẹm.

Kururu Owu-apọkọ 1:9

Á sọ muno mẹ á kẹ konju ḅụ sụa iderima kapa ḅụ simem, árị á kọọn ḅẹ fịị kẹ ḅiokoroma-a; anịẹrẹsị á ḅịkị mẹ tẹmẹ-naịn-naịnmam, á dedema ḅọ nyana-a. “Yei KỊNỊNYANAḄỌ, ị̀ ḅụụ-fụka mẹ ḍikii, gbala kịnị-na-fịya-a ḅọ ḅe owu-ḅara-iḅi nyana tẹ ẹrẹsị!”

Kururu Owu-apọkọ 4:14

Etela ma ḅụ ịn tọrụngbọ pụụn ḅara kẹ mẹnjị ikele-ikelem, ọmbie gbọrụ sịḅị ịn pilema fama wararị, tẹ gbọrụḅọ-sọ inetẹ ḅara kẹ ịna opu akapa lama ḅịa.

Izikẹlị 20:31

Mịmgba mẹ sọ ọ́ paa gbọrụ ḍiepịrị-aị ma pịrịarị tẹ ọmịna aḅụụ pilemarị ọmịnị ọmịna awọmẹ kẹ fịnị ḅio dọkịmarị agbamịẹ mẹ ḅụ. Anị tẹso, ọmịnị Izirẹlịapụ ma tọrụ-gelegele ḅo à tọn ye tiye mọ gbelarị! Piki-pikiye-ofori ḅara ḅụ, yẹrị Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe anie ḍumo wararị Tamụnọ ḅee ẹrẹsị, à ḍụkụ tẹ ó gberie-sọ gbela ḅịa.

Izikẹlị 22:25

Sịḅịdapụ ma ọkụkụ amẹẹ kịkarị, anie ịn ḅaa tẹ anama gotẹ ekirearị aị. In tomi ma ḅaarị, ini inetẹ ọkị igbigi mamgba na ịn nyana jaị na, tẹ ịna kịnị-ḅa mẹ ḅụ tọnwa ereme kẹ diapụ-fịtẹ-ereme ḅara wẹrịarị.

Izikẹlị 23:45

Karakara mịẹarị owiapụ sẹfị na kịnị ḅaa na asi ḍuko ini ọgọnọ gbana ḅa ịn sẹfị mẹnjị kọn tẹ ọmbie pịkị ịna aḅara ọmbịma tẹ ẹrẹsị.”

Izikẹlị 24:7

Kịnị-ḅa opu ama mẹ ḅio simem, kụma ọmbie mẹ ịn lịka kiri ọgọnọ ọsụma-a, anie fọọn inetẹ anị gbaịn ḅẹ anga; papaa ịkụ ọgọnọ mie anị sara ye.

Izikẹlị 9:9

Tamụnọ pakịrịm, “Izirẹlị na Juda na ḅẹ apụ ma ḅalafama asi mịẹ tẹ. Bebe amakiri mẹ ikelema-koro ḅụ ịn kịnị ḅaa si mịẹ tẹ, pịkị kịrị-kịrị si-amịẹaị kẹ Jeruselemu ḅinma tẹ. Ini mẹẹ, yẹrị KỊNỊNYANAḄỌ ḅe ịna bebe amakiri mẹ kẹ gbin-koroma-so tẹ ḅarị ini ẹrị-a.