Jerimaya 2:33 - FỊAFỊA BAỊBỤLỤ

³³ Ọ́ kpọma ḅẹlẹmapụ ḍuka-mu-mu aḅọkọ nimi wararị. Si tẹịn ẹrẹḅọ sọ ọmịna ḅara ye ḍawọ ḅa.

Jerimaya 2:33 Iomraidhean Croise

2 Paka-aị 33:9

Manasẹ Juda na, Jeruselemu na ḅụ simearị apụ ma toluma tẹ mịẹ tẹ in si-aị si-aị mịẹ kẹ arị opu asịẹ ma tẹ KỊNỊNYANAḄỌ ḅe Izirẹlịapụ ma tọrọkọ ḅaa fama opu asịẹ ma nẹngịm.

Jerimaya 2:23

Ndẹẹ í inetẹ ị́ ị́ ḅụụ pilema-a ḅẹẹ ḅẹ ḅara, mịnẹ jene-jene amụ í Balị tẹkẹ-a? Tụndụ suku mẹ ḅụ ị́ mịẹ siye ḍikii; ị́ mịẹ tẹ ye ẹrịị, Ọfịrị ḅụụ-ḅalaḅalamarị piri-ḅio-ḅẹ ike-sụa-nama ḅe mie ị́ kịkarị, kpọọ-a tẹ mangị ikele-ikelearị,

Jerimaya 2:32

Iriawọ-tụḅọ á pọkọsụa ḅiriaị kẹ ḅioḅọrọma-ḅụrama, anịanịa ịya ḅẹ ẹrẹḅọ arị ịya ḅẹ ene ḅẹ ḅiriaị? Kụma ị̀ atomi ị̀ kẹ ḅioḅọrọma tẹ kịẹnkịẹn-ọkụ-ofori ene ma ḅụ.

Jerimaya 2:34

Ọmịna akapa ma igoin-apụ na mịẹ si ofori apụ na ọmbie arị ọmbịma wararị, warị kan sọ-sọ tẹ ye furuarị apụ ọmbie-a. Kụma ma mamgba ọgọnọ ḅụ sọ,

Jerimaya 2:36

Ị́ ị́ ḅụụ mịẹ iderima tẹẹ, pịkị jen asịẹ ḅẹ atamụnọ da ḅụ. Ijiputi í pikirima ḅa, Asiriya kẹ ị́ mịẹ gbọrụ ḅara mẹ.

Izikẹlị 16:27

“Mịọkụ à fomu-ḅara kẹ ị́ pịrị ḅẹ tẹ ị̀ ḅara saakị-gelema tẹ, ì boma ḅụ ị́ la kiri sọ àrị ọkị so tẹẹ. Àrị ị́ saakị saḅama Filisiteniapụ ma pịrị tẹẹ, anie í ḍiki-ḅioḅuarị tẹ í si-amịẹaị ma ḅụụ-ngụngụmarị apụ ma.

Izikẹlị 16:47

Ịna aḅụọ ḍiki-mẹnjị tẹ ịna sịḅị-ngụngụnma amịẹaị ma ḍiki mịẹ ị́ na iḅi? Gbala-gbala, boowa kala sakị kịngẹ, kụma ị́ mịẹ ye goyegoye ḅụ í sii ịn nẹngị tẹẹ.”

Hosiya 2:13

À fomu-ḅara kẹ á pịrị ḅa árị ị̀ kẹ ḅioḅọrọma asakị ma gotẹ, anie á dọkịma-kụnụaị dọkịma Balị pịrị tẹ ye-ḅiri bụlụ-bụlụma tẹ mangị á ḅẹlẹmapụ ḍuka-ḍuka-mu asakị ma. Yẹrị, KỊNỊNYANAḄỌ ḅe, ọkọ ḍukom.