Jerimaya 2:32 - FỊAFỊA BAỊBỤLỤ

³² Iriawọ-tụḅọ á pọkọsụa ḅiriaị kẹ ḅioḅọrọma-ḅụrama, anịanịa ịya ḅẹ ẹrẹḅọ arị ịya ḅẹ ene ḅẹ ḅiriaị? Kụma ị̀ atomi ị̀ kẹ ḅioḅọrọma tẹ kịẹnkịẹn-ọkụ-ofori ene ma ḅụ.

Jerimaya 2:32 Iomraidhean Croise

Suku-saakị 24:22

Ike-sụa-anama ma minji mẹ ḅuu furo ḅinma fama tẹso, owiḅọ ḅe nwẹnị golu iku-tọn-ye mẹ ḅẹ gbọrụ ye kẹ maa anga ḍiya ḅẹ gbọrụ pakịrị kẹ á nini sụa, pịkị golu iku-tọn-ye mẹ ḅẹ golu oyia akpo kẹ mịẹ maa ḅara sụa aị kẹ arị maa ḅara-kọngọ sụa,

Suku-saakị 24:30

Ori ori mbịra oju nini-sụaye mẹ na ḅara-kọngọ ḅirima-aị ma na ẹrịm, tẹ ori mbịra Ribeka ẹkwẹn-aḅịḅị ma naam, “Mị-ḅara mie owiḅọ ḅe ẹkwẹn ị̀ pịrị ḅara” naa tẹso, ọ̀ mẹnjị owiḅọ ḅe dama-mum tẹ ẹrịm ori ike-sụa-anama ma akaka sịẹsime wararị ngụngụḅa mẹ suku.

Suku-saakị 24:53

Tẹ fịrịmẹnjịḅọ ḅe nwẹnị seleḅa na golu na kẹ mịẹ ḅiriaị na, ḅịtẹ na pakama-ḅo tẹ arị kẹ Ribeka pịrị; ọ̀ pịkị yela ḅiriaị kẹ arị iyimbere na, á iyingi na sọ pịrịm.

2 Samụẹlị 1:24

Ọmịnị Izirẹlị ḅẹ eremịna-awọmẹ, ọmịnị owu Sọlụ pịrịị oriḅe tẹ pọpụlụ nwẹn-sịn tọrụ sụa ḅịtẹ kẹ ó ḅirima ḅọ ḅe, oriḅe tẹ golu ḅụụ-ḅirima aị kẹ ọmịna ḅiriaị ḅụ sụa ḅọ ḅe.

Devidi-Anume 106:21

Ini ịn ḅọrọma Tamụnọ ḅe kẹ ḅioḅọrọmam, kụrọ akọrịnama kẹ Ijiputi ḅụ ịn ḅọrọma ḅọ ḅe.

Devidi-Anume 9:17

Fị sime si-sịḅịḅio-sụapụ mamgba pịrịm, pịkị Tamụnọ sịkị tẹ apụ mamgba sọ.

Ayịzaya 17:10

Izirẹlị, ị́ ị́ pụkọ-pakamaḅo tẹ opu ḍụḅarị kịka tẹ ị́ gbaịn-arị Tamụnọ ḅe kẹ ḅioḅọrọma tẹ. Anie nakara í oru aḍụọ ḍiḅiarị, ị́ ja asịẹ ḅẹ tamụnọ tẹkẹ ḅẹ ḅara.

Ayịzaya 57:11

KỊNỊNYANAḄỌ ḅe mẹẹ, “Ọ́ mịẹ tẹ ọ́ ḅalafaarị atamụnọ ma tọ apụ, mịẹ tẹ ọmịnị iruo-aị ḍuko ị̀ pịrị tẹ gbọrsịḅị ị̀ kẹ ḅioḅọrọmarị aị ma? Ọ́ kụn kẹ ị̀ pịrị mẹ dasịẹma ye mẹ anie à gbọsime tẹ ḅarị jen kẹ ḅịḅị fie-a alama ye mẹ ẹrẹsị mụnọọ?

Ayịzaya 61:10

Jeruselemu ḍerekuarị KỊNỊNYANAḄỌ ḅe kọrị tẹ ye mẹ ẹrẹsị. Á kịkarị ye owiḅọ sime ḅẹ tẹ ḅirima ẹrẹḅọ. Tamụnọ ḅọrọma na owu-ḅara-iḅi na kẹ kapa sọma tẹ kẹ á sụa tẹẹ.

Jerimaya 13:10

Mịna si-mịẹapụ ma ḍụkụ tẹ ị̀ ḅịḅịpoki-a. Anịngẹ-kụraḅio ini ma anie kọngọ kụrọma-kụrọma tẹ pịkị si-sịḅịḅio-sụa-sụa apụ, tẹ in sunsin oru-atamụnọ pịrị tẹ fịrịmẹnjị ịn pịrịm. Ọkọ ẹrẹsị ịn mị okolo-kapa mẹ kịka ḅa, anie ḅarị gbọrụ iḅiye ḅụ sọ-sọ ḅịa ye mẹ.

Jerimaya 13:25

Ó ḍuko tẹẹ mịnẹ miemẹ anie ị́ ḅụ paka ḅẹ tẹ sime ị́ pịrị ye. Miemẹ anie ọ̀ kẹ ị́ mịẹ ḅẹ tẹ tọn-pẹlẹ ḅara, ị́ ọ̀ kẹ ḅioḅọrọma tẹ iruo atamụnọ minini tẹ ẹrẹsị.

Jerimaya 18:15

Anịsọ ị̀ atomi ị̀ kẹ ḅioḅọrọma tẹẹ; ịn kụnụaị dọkịma-dọkịma oru-afụḅara pịrịarị. Ịn mẹnjị ḅii etela mẹ ḅụ ịn pụmbụ tẹ; elemu etela ma ḅụ ịn ḅarị mẹnjị-a; elekima ofori mẹnjị-ḅọrọ-anga ma mie ịn mẹnjịarị.

Jerimaya 2:11

Jen gbọrụ sịẹ sọ amụ amịna atamụnọ ḍima-a, karakaramatẹ arị aị ma tamụnọ-a ḅẹ sọ. Kụma ì atomi tamụnọ nwẹn ḅẹẹ aị tẹ inetẹ gberie-sọ mịẹ ịn pịrị ḅịa aị ma kẹ Tamụnọ tẹ kụn ọkị-ḅo ịn pịrị tẹ ḅọ ḅe kiri ḍima tẹẹ.

Jerimaya 2:33

Ọ́ kpọma ḅẹlẹmapụ ḍuka-mu-mu aḅọkọ nimi wararị. Si tẹịn ẹrẹḅọ sọ ọmịna ḅara ye ḍawọ ḅa.

Jerimaya 23:27

In kuromarị mịnẹ ịn ḍawọ tẹ ḍukoarị aị ma ḅụ ịn ḅọrọtẹ ị̀ atomi mịẹ tẹ ini ị̀ kẹ ḅioḅọrọma ḅa, ịna aḍapụ ị̀ kẹ ḅioḅọrọma tẹ pịkị Balị dama-mu gbọrụ ḅara mẹ.

Jerimaya 3:21

Tụndụ ma ọgọnọ-jụ ḅio ḅịḅị yoko-yokoma fiearị; Izirẹlịapụ owu pọkọ na tẹkẹarị ḅịḅị na, in si ḍumo kọn tẹ ẹrẹsị pịkị KỊNỊNYANAḄỌ ịna Tamụnọ ḅe kẹ ḅioḅọrọma tẹẹ.

Izikẹlị 22:12

Ị́ atomi ma ḅẹ jen-apụ igbigi da ọkị-ọkị tẹ kịnị ḅaarị. Japụ ye gbanama tẹ igbigi kẹ kịnị ḅọlọarị tẹ ịna pembema Izirẹlịapụ kẹ ngọ kọn-arị. Ini ị̀ kẹ ḅioḅọrọma tẹẹ.” Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe ọkọ ḅẹẹm.

Hosiya 8:14

“Izirẹlịapụ ma ama-da opu awarị nama tẹẹ, kụma ini ịn Tẹmẹḅọ kẹ ḅioḅọrọma tẹẹ. Juda ḅẹ apụ kụrọnị opu ama ma nama tẹẹ. Kụma à fịnị fịrịma mu ịna ama-da opu awarị ma na opu ama ma na dọkịma kiri lama ḅa.”

Ditẹrọnọmị 32:15

Kụma Jẹsurun ḅẹlẹkị sụam, tẹ ḅụọ tẹịnm; ị́yẹrị ḅẹlẹkị sụam, ị́ kpokorom, í ḅo welewelem; anịtẹso ori ọ̀ Tamụnọ ḅe tẹ ọ̀ tẹmẹḅọ ḅe sịkịm, tẹ ọ̀ ḅọrọma mẹ ḅẹ Ịkụ ḅe kombom.

Mịẹfinji 21:2

Tẹ à nwẹnị Fịafịa Opu Ama mẹ, anie Ịwọ Jeruselemu mẹ, ẹrị, Tamụnọ So-ḅio anị kẹ fịrịmarị, tẹ ịn kẹ diḅọ pịrị ḅẹ-muarị ịwọ ẹrẹḅọ tẹlẹma kẹrẹịnma ḅara kẹ anị tẹlẹma kẹrẹịnma wararị.

Ḅẹrẹkọn-apụ 8:34

Tẹ Izirẹlịapụ ma KỊNỊNYANAḄỌ ịna Tamụnọ ḅe tẹ inina fịya-a apụ mamgba ḅara ḅụ pakịrị goyegoye ḅụ ịn ḍụa ḅọrọma ḅo ḅe kẹ ḅiokoroma-a;