Jerimaya 2:3 - FỊAFỊA BAỊBỤLỤ

³ Izirẹlị, í sime yẹrị ngẹrị pịrịm; ị́ tọn-tọn ḅara sime ị̀ pịrịm. Ye kẹ ị́ lama ḅọ lama ḅọ, à tọrụsiẹrị na opu ḅụụ-fụka na kẹ mḅọ fịrịmam. Yẹrị, KỊNỊNYANAḄỌ ḅe ọkọ ḅẹẹm.

Jerimaya 2:3 Iomraidhean Croise

Paka-so 22:29

“Ọmịnị ọmịna fịye soku fama gbọrụ sakị ọ́ sakị fama ma tẹ anị ḅụ fịye na, ọmịna iru pọnjị aị ḅio paka-ḅo iru na kẹ agba mịẹ ị̀ pịrị ḅa.” “Ọ́ tarị iyi owiapụ-awọmẹ ma ọ́ nwẹn kẹ ị̀ pịrị ḅa.

Paka-so 23:16

“Ó Fịye Soku Alalị fị ḅa ó ḍiḅi ḍụọ mẹ ḅẹ kọrịnama mẹ ḅụ ḅẹ tarị asịnmgbọlụ ḅụ.” “Kụra mẹ ḅẹ kunoma ọ́ ḍụọ ḅio ọ́ kọrị kọrịnama mẹ ḅẹ sịnmgbọlụ mẹ kobiri warị suu ḅarị sakị ḅụ ó Kobiri Warị Suu Alalị fị ḅa.

Ayịzaya 41:11

“Ịganị nyana ị́ pịrị wararị apụ ma owu-ḅara-sii ḅẹ ḅụụ-jịrị nimi ḅa. Owu kẹ ị́ pakarị apụ ma fịị ḅa,

Ayịzaya 47:6

Àrị ịganị ị̀ atomi pịrịm, à kẹ ịn mịẹ ḅara ịn ḅarị sime ị̀ pịrị-a ye ọkụ; àrị ịn kẹ ị̀ kụrọ suku-ḅio suum, tẹ ị́ ọkụrụkụrụ nyana ịn pịrị-a; omongitẹ apụ ma kịngẹ sọ ị́ guda-guda ḅara kẹ ịn mịẹm.

Jerimaya 12:14

KỊNỊNYANAḄỌ ḅe mẹẹ, “Izirẹlị na kpekitẹ anga apụ tẹ à kẹ ị̀ atomi Izirẹlị pịrị amakiri mẹ guluguluma apụ ma ḅụ à ḍuko ḅẹ ye emi. Àrị arị si-sịḅịḅio-sụapụ ma ọkị-so ḅa ịna sime-yọ ḅụ, suku-na-suku-na kẹ kiri ḅio ḍiḅi wararị sịn nụnụ pakama-ḅo ḅara, tẹ Juda pụkọ-pakamaḅo ḅa ịna aḅara-ḅio.

Jerimaya 2:4

Ọmịnị Jekọbụ ọrụ ḅụ iyi apụ, ọmịnị Izirẹlị ḅẹ furo, ọ́ KỊNỊNYANAḄỌ ḅe oku mẹ pokii.

Jerimaya 30:16

Kụma mịọkụ, ó kuun-pẹịarị apụ mamgba ini in kuun-pẹị ḅa, tẹ si kẹ ọ́ tọn-arị apụ mamgba ini ikoliapụ ḅara kẹ ini ọkị so ḅa. Ó ponomarị apụ mamgba ini in ponoma ḅa, tẹ ọmịna aị fọịn soarị apụ mamgba ini ịna aị fọịn so ḅa.

Jerimaya 50:7

Ini ẹrịapụ-ẹrịapụ owu kẹ ịn pakam. Si kẹ ịn tọn apụ ma ḅẹẹarị, ‘In si kẹ KỊNỊNYANAḄỌ ḅe mịẹ tẹẹ, tẹ anie ḅụ wa mịẹ ye kura-aye-a. Ịna atẹngịapụ ma KỊNỊNYANAḄỌ ḅe kẹ ḅiokpọmam, tẹ ini ma ḅioju sọ ḅioḅẹngbọ-kẹ-sịrẹrẹ-niḅi ḅara sime ọ̀ pịrị na-iḅim.’ ”

Jowẹlị 1:3

Ọmịnị anị gbolomaye ḍuko ọmịna awọmẹ pịrịị, yee ini sọ ḍuko ịna awọmẹ pịrị, yee ịna awọmẹ pịkị ḍuko ḅo ḅarị apụ ma pịrị.

Emọsị 6:1

Anị kpọma ḅalafama ye sọ ọ́ pịrị ḅarị ḅara ḍikii, ọmịnị Zayọnị ḅụ ye ḅụụ-fụkama-a ḅara kẹ angarị apụ na ọmịnị Sameriya ḅụ sime tẹ wa la-la ye ofori ḅẹ ḅara kẹ simearị apụ na — ọmịnị mị opu sịẹ Izirẹlị mẹ ḅẹ opu atomi ọmịnị tẹ ḅarasụa gotẹ tomi ma dama-muarị apụ!

Habakọkụ 1:11

Anịtẹso ịn fẹrụ kịka tẹ fie ḅo la tẹ pịkị so tẹẹ, mịna atomi ma ịna kụrọ anie ịna tamụnọ.”

Zẹkaraya 1:15

tẹ àrị ịganị nyana sịẹ-sịẹ ma tẹ gbene na dein na tọrụ-ḅẹlẹ nyanarị apụ ma pịrị lama wararị. Kẹ gotẹ ọkọ ḍukoarị àrị ị̀ atomi ḅụ ị̀ ịganị dasịẹmarị sakị arị asịẹ ma ịna ḅụụ-fụka mịẹ tẹ arị sii ḅakarị.

Zẹkaraya 2:8

Ó fomu ḅọ fomu ḅọ, ị̀ ḅụụ yelatẹịn ye fomu tẹẹ.” Mie ḅụ Kụrọmamgba nyana KỊNỊNYANAḄỌ ḅe mịẹ oku mẹ kẹ ị̀ kẹ sịẹ ma tẹ ori atomi fọịn apụ ma fịrịmam:

Kịẹn-aḅịḅị 18:12

“Olivu pulo mẹ ḅẹ iḅitẹịn aị mamgba na, iru mẹ ḅẹ, iḅitẹịn aị mamgba na, iḅitẹịn asịnmgbọlị ma na, kụra mẹ ḅụ tarị asịnmgbọlụ ma tẹ Izirẹlịapụ ma kẹ KỊNỊNYANAḄỌ ḅe piri aị mamgba à kẹ ị́ pịrịm.

Romu 11:16

Ḅuru ẹfẹrẹ ḅụ í ḅuru gbọrụ mgbọlị kẹ Tamụnọ karịma, karịma ḅuru ẹfẹrẹ mẹ ḅo Tamụnọ nye sọ tẹ; tẹ ịn sịn mẹ akuno karị Tamụnọ pịrị, pịrị sịn mẹ aḅara ma sọ ò nye sọ tẹ.

Romu 16:5

Ọ́ pịkị ḅii-ḅịḅị kẹ ịna warị kobiri, kobiri sọsị mẹ sọ pịrịị. Ó ḅii-ḅịḅị kẹ ì iḅi ikiaḅọ Epinẹtusi pịrịị. Ori anie Esiya ibe ḅụ tarị Kịrayịsị minini ḅọ.

Ẹfisọsị 1:4

Tomikiri mẹ amụ tẹmẹ-a kụra-ḅio Tamụnọ wa sẹlẹ-ọkịm, mịnẹ wa ḅo Kịrayịsị na gbọrụ ḅụ sime ḅụ ḅọrọ tẹ ori atomi sọ, mịẹtẹ wa fịafịa tẹ ḅịḅị ḅụụ la-a ḅara sime ḅẹ ḅara, ọ̀ tọrọkọ ḅụ. Ọ̀ ḅẹlẹma ḅụ,

Ditẹrọnọmị 14:2

Kẹ gotẹ ọkọ ḅẹẹarị, ọmịnị anie fịafịa sime KỊNỊNYANAḄỌ ọmịna Tamụnọ ḅe pịrị gbọrụ atomi, anịsakị KỊNỊNYANAḄỌ ḅe ọ́ sẹlẹ-ọkị tẹ kẹ ó soku ḅụ ọ̀ nyana gbọrụ atomi sọma tẹ tomi-kụlọkụlọ ma tẹ tomikiri tọrụ mẹ ḅụ simearị apụ ma ḅụụ ḅụ.

Ditẹrọnọmị 26:19

mịẹtẹ ori ọ́ saakị sịẹma gelema opu asịẹ mamgba tẹ ọ̀ mịẹ tẹ aị ma nẹngị ḅẹ ḅara, tokini ḅụ na, ereso ḅụ na, kụn na ḅụ, anieḅụ ọ́ ḅụụ fịafịama sime KỊNỊNYANAḄỌ ọmịna Tamụnọ ḅe pịrị ḅẹ ḅara, ọ̀ wẹrịtẹ ḍuko tẹ ḅara.

Ditẹrọnọmị 7:6

Gbala ọmịnị anie fịafịa tẹ sime KỊNỊNYANAḄỌ ọmịna Tamụnọ ḅe pịrị gbọrụ atomi ẹrẹsị. KỊNỊNYANAḄỌ ọmịna Tamụnọ ḅe ọ́ sẹlẹ-ọkị tẹ kẹ gbọrsịḅị ori atomi tẹ sime ọ̀ pịrị apụ sọma tẹẹ, bebe tomikiri mẹmgba ḅụ.

Jemụsị 1:18

Ọ̀ ḅụụ-ḅẹlẹ ḅara ḅụ ori ḅarana wa kẹ ḅo ḍumo wararị atomi mịẹm, ọ̀ karakara ẹkwẹn mẹ ḅụ, mịẹtẹ ọ̀ tẹmẹ aị mamgba ḅụ wamịnị tarị kiri ọkị ḅẹ ḅara.

1 Pita 2:9

Kụma ọmịnị ma anie Tamụnọ sẹlẹ-ọkị tẹ furo, Amadaḅọ agbamịẹapụ, fịafịa sịẹ, sime Tamụnọ pịrị atomi, sẹlẹ pakama-ḅo tẹ Tamụnọ ḅụụ-buama amịẹaị ma ḍuko wasama ḅẹ apụ, anie kanakana ḅio ọ́ sịn pakama-ḅo ḅalafama bele ḅio suu Tamụnọ ḅe.

Mịẹfinji 14:4

Ini ma anie owiapụ tẹ amụ ereme na gboloma-a, tẹ amịna ḅụụ wẹrị kpaịnma wararị apụ; ini anie fịafịa apụ. Anana Tụḅọ ḅe mu anga, mu anga ini ò ḍuka-muarị. Ini ma anie tomikiri ḅẹ atomi ma ḅụ kirikọn-apụ ma ogboku ḅụ ịn pakịrị ḅo tẹ kẹ tarị agba mịẹ Tamụnọ na Anana Tụḅọ ḅe na pịrị tẹ apụ.