Jerimaya 2:28 - FỊAFỊA BAỊBỤLỤ

²⁸ Ọ́ ḅarana mịẹ ḅụụ pịrị atamụnọ ma ịn tọ-anga emi? Ọ́ ḅụụ-fụka ḅio sọ sakị yee ini ọ́ ḅọrọma — ini inetẹ ḅarị ḅẹḅẹ. Juda, ì opu ama ma kịẹn-ḅịḅị la ḅara mie pịkị ị́ nyana atamụnọ ma la ḅara.

Jerimaya 2:28 Iomraidhean Croise

2 Amadapụ 3:13

Ịlayịsa nwẹnị Izirẹlị ḅẹ amadaḅọ ḅe ḅẹẹ, “Àrị ị́nịna tọ mịẹye nyana gboloma ḅẹ? Ị́ ḍa na í iyingi na ịkịankoroapụ ma ḍọkụma-mu.” Kụma Izirẹlị ḅẹ amadaḅọ ḅe nwẹnị pakịrị, “Ẹn-ẹn KỊNỊNYANAḄỌ ḅe mie mịna tẹra amadapụ ma sịn tẹ ịn kẹ Mohabụ ḅẹ amadaḅọ ḅe ḅara-ḅio suu ḅẹ tẹ ye.”

Ayịzaya 45:20

KỊNỊNYANAḄỌ ḅe mẹẹ: Ó ḅo kobirii, sịẹ-sịẹ ma ḅẹ atomi; tẹ tomikiri mẹ daarị kụrọ mẹ ḅịkị ye ḅụ fịị-a so apụ, ọ́ ḅẹrẹkọn mẹ ḅoo! Tomi ma ịn sịn kẹ kịra oru-afụḅara ma dogi mẹnjịma-mẹnjịmarị tẹ inetẹ ịn ḅọrọma ḅịa atamụnọ ma tẹkẹarị arị atomi ma in nimi gberie-sọ ofori!

Ayịzaya 46:2

Oru-afụḅara ma inetẹ ịn ḅọrọma ḅịa; ini in kuun-ọkị so tẹẹ. Mie Babịlọnị atamụnọ ma kunoma mẹ!

Ayịzaya 46:7

Ini anị kẹ apana ḅaa tẹ dogiarị; ini anị kẹ gbọrụ yọ koromarị, tẹ anị yọ anị koro-simearị. Gbọrụḅọ nwẹnị anị tẹkẹ-tẹkẹ, anị inetẹ pakịrị-a, anịanịa mḅọ ḅọrọma opu ḅụụ-fụka ḅụ.

Ayịzaya 57:13

Ọ́ ḅarasụa gotẹ owu sakị, yee arị ọmịna oru-afụḅara ma ọ́ ḅọrọma! Tomḅọ gbọrụ-ḅịḅị ḅụ sara-pakama-ḅo ọwụ ḅara kẹ in dogi-so ḅa! Kụma ini ma tẹ ị́ kẹ ḅiokpọmarị apụ ma ini amakiri mẹ anga tẹ sunsin ị̀ pịrị ḅa ị̀ warị mẹ ḅio.”

Jerimaya 1:16

À fomu-ḅara kẹ ị̀ atomi pịrị ḅa, in si mịẹ tẹ ẹrẹsị; ini ị̀ sịkị tẹ agba mịẹ-mịẹ oru-atamụnọ pịrị tẹ ẹrẹsị, pịkị oru-afụḅara tẹmẹ tẹ sunsin arị pịrị tẹ.”

Jerimaya 11:12

Anịtẹso Juda na Jeruselemu na ḅẹ apụ ma ini agbamịẹ pịrịarị atamụnọ ma dama-mu tẹ ḅarasụa gotẹ ịn sịn oloku ḅa. Kụma arị atamụnọ ma inetẹ ịna ḅọrọma ḅịa mịẹ ḅaa-guluguluma mẹ ḅoarị sakị.

Jerimaya 11:13

Juda ḅẹ opu ama ma kịẹn-ḅịḅị la ḅara mie ịna atamụnọ kịẹn-ḅịḅị sọ la ḅara, tẹ Jeruselemu ḅio angarị apụ ma opu ama mẹ etela mamgba ḅụ agbamịẹ-anga nama sịḅị-ngụngụnmarị Balị nwẹn-sịn tamụnọ ḅe pịrị tẹ.

Jerimaya 30:7

Tẹmẹ-naịn-naịnma ene ḅoarị; kẹ anị na tọnma ḅẹ jen ene ofori ḅụụ-ḅalaḅala sakị sọ ị̀ atomi pịrị ḅẹ ene, kụma ịn fịị-a so ḅa.”

Jerimaya 37:19

Ọmịna ịkịankoroapụ ma tẹ ḍuko ọ́ pịrịm mịnẹ Babịlonịya ḅẹ amadaḅọ owu kẹ ọ́ paka ḅịa, anịanịa mị sịẹ mẹ paka ḅịa ḅẹ apụ ma, tiye ịna ḅụ paka?

Hosiya 10:1

Izirẹlịapụ ma kịkaye girepu mgbọlụ sụarị vaịnị sịn tẹ girepu sụa ḅinma wararị ye. Ịn lọkọlọkọ la ḅara anie ịn pịkị agbamịẹ-anga nama la ḅara. Ịna amakiri fịaị pakama sara la ḅara anie ịn pịkị kẹ ịn sunsin pịrịarị tọn-tọn ḍụḅarị ḅeriaị ma mịẹ iḅima la ḅara.

Habakọkụ 2:18

Oru-fụḅara kẹ mịẹ-mịẹ ye tiye? Anị jen-a, tomḅọ ḅara kẹ mịẹ ye kịngẹ, tẹ anị ḍuko ị́ pịrịarị gberie-sọ ofori, iruo sikima. Anị tẹ iḅiye mịẹarị tẹ anị mịẹ ḅọ gotẹ anị kẹ ḅiokpọma ḅẹ tamụnọ tẹ inetẹ ẹkwẹn sọ ẹkwẹn ḅịa ye!

Habakọkụ 2:19

Ị́ fa tẹẹ! Ị́ sịn-ikiḅa ḅẹẹarị, “Naa saakị!” anịanịa ḍụḅarị kpoo, “Saakị sịẹ!” Oru-fụḅara inetẹ mịẹfinji ị́ pịrị ḅẹ ye emi? Ẹbịsịya ini inetẹ seleḅa na golu na kẹ anị sara-gbaịn ḅa, kụma anị ḅio ḍumo ofori.

Ditẹrọnọmị 32:37

Anịtẹrẹmẹ ọ̀ ḅẹẹ ḅa, ndẹẹ ịna oru-atamụnọ ma, ịkụ mẹ tẹ ịn ḅio ḅụ ḅụụ ḅọị anga mẹ,

Ḅẹrẹkọn-apụ 10:14

Ó mu owu oru-atamụnọ ma tẹ ọ́ sẹlẹ-ọkị tẹ aị ma pịrịị; yee ini ọmịna ḅụụ-ḅalaḅala sakị ḅụ ọ́ ḍụa-ḅọrọma.”