Jerimaya 2:26 - FỊAFỊA BAỊBỤLỤ

²⁶ KỊNỊNYANAḄỌ ḅe mẹẹ: In furuḅọ kun tẹ ọ̀ tọrụ-tuu gbọrụ ḅara mẹ mie ọmịnị Izirẹlịapụ mamgba tọrụ-tuu ḅarị ḅara, ọmịna amadapụ na opu fịrịmẹnjịapụ na, ọmịna agbamịẹapụ na ịkịankoroapụ na.

Jerimaya 2:26 Iomraidhean Croise

Ẹzịra 9:7

Wamịna aḍapụ ma ene ma ḅụ ḅo mịmgba la, wa gburo-gburo ḅara kẹ mịẹ gbẹẹ-a aị ḅio sime tẹẹ, anịsakị wamịna mịẹ-irima ma gotẹ, wamịnị na, wamịna amadapụ na, wamịna agbamịẹapụ na, mu ama mẹ ḅẹ amadapụ ma ḅara na, okologie na, kun-ḅara na, kụrọ-ḅara kẹ ye fọịn-ọkị na, mịẹḅẹ-ọkụ-ofori ḅẹ ḅụụ-jịrị na ḅio sọm, mịmgba ḅụ sọ wa paa simearị ḅara.

Devidi-Anume 97:7

Sunsin oru-afụḅara pịrịarị-ḅọ pịrịarị-ḅọ ḅụụ-jịrị ḅa; papaa atamụnọ mamgba KỊNỊNYANAḄỌ ḅe tọrọkọ iḅoarị.

Ayịzaya 1:29

Ó tiye-ì-gbo ḅẹẹ ḅa mịnẹ ọ́ sịn ma kẹ tamụnọ sọma tẹ tẹkẹm, pịkị ọ́ kẹ Tamụnọ-tẹkẹ-yọ mịẹ ḅẹ aḍụọ ḍiḅim mẹ.

Ayịzaya 44:11

Sunsin arị pịrịarị-ḅọ pịrịarị-ḅọ iderima ḅa. Oru-afụḅara mịẹarị apụ ma tomi nwẹn ḅẹẹ sakị, ịn mịẹ ḅaka ḅẹ jen ye ofori. Yee ịn ḅẹrẹkọn ḅo — ịn tẹmẹ-naịn-naịn ḅa tẹ pịkị tọrụ-tuu ḅa.

Ayịzaya 44:9

Oru-afụḅara mịẹarị apụ mamgba papaa apụ, tẹ ịn kẹ ye sịn lamarị atamụnọ ma mịẹ ḅụ sọ-a ḅara ḅakam. Mịna atamụnọ ma tẹkẹarị apụ ma tọrụngbọ-pụụntẹ, gberie-sọ nimi-a apụ ịna atọrụ-tuu ḅa.

Jerimaya 2:36

Ị́ ị́ ḅụụ mịẹ iderima tẹẹ, pịkị jen asịẹ ḅẹ atamụnọ da ḅụ. Ijiputi í pikirima ḅa, Asiriya kẹ ị́ mịẹ gbọrụ ḅara mẹ.

Jerimaya 22:22

Fẹrụ ọmịna sịḅịdapụ ma ofuro so ḅa, Tẹ ọmịna jụ ḅẹ apụ ma ini ikoliapụ ḅara kẹ ini ọkị so ḅa ọmụ ḅio, ini ọmịna opu ama mẹ tọrụ-tuu tẹ anị ḅụụ-jịrịma ḅa ọ́ mịẹ tẹ asi-aị mamgba ẹrẹsị.

Jerimaya 32:32

anie Juda na Jeruselemu ḅẹ apụ ma na, ịna amadapụ na sịḅịdapụ na ịna agbamịẹapụ na ịkịankoroapụ na mịẹ tẹ si-aị mamgba gotẹ.

Jerimaya 4:9

KỊNỊNYANAḄỌ ḅe ḍukom, “Anị ene mẹ ḅụ, amadapụ na opu fịrịmẹnjịapụ na ịna ḅiokpọ fama ḅa agbamịẹapụ ḅụụ-gbiripu tẹ ịkịankoroapụ ḅụụ-bua ḅa.”

Jerimaya 48:27

Mohabụ, kẹ ḅiokoroma ọ́ kẹ Izirẹlịapụ mịẹ sime-ḅara. Ọ́ kẹ ịn mịẹ ḅara gbala ini ịn kẹ furuapụ opu ogbo ḅụ sụa kunm.”

Izikẹlị 16:54

Ị́ ị́ ḅụụ ḍiki ḅụụ-jịrị ḅa, tẹ ị́ tọrụ-tuu mẹ nwẹnị kẹ ị́ amịnapụ ereme ma ḍie ḅa ye ini na-iḅi fama wararị ḅara.

Izikẹlị 22:26

Agbamịẹapụ ma ì oloko kan-arị, tẹ kụn nyana fịafịa ye nwẹn-sịn ye pịrị-a. Ịn kịrị mịẹ-a tọn-tọnye na tọn-tọn-a ye na ogboku. Fịafịa ye na fịafịa-a ye na ḅẹ kịrị in toluma-a, ịn pịkị Ịnyọsara-Ene mẹ ḍiki-tọrụsin-arị. Ma ma dogi-ḅo ye anie Izirẹlịapụ ma ḅarị ị̀ mangịma-a.

Zẹkaraya 5:4

Kụrọmamgba nyana KỊNỊNYANAḄỌ ḅe ḍukoarị mịnẹ ọ̀ mị wori-nume mẹ fịrịma pakama ḅa, tẹ anị furuḅọ sime warị goyegoye na ye karị tẹrẹmẹ iruo ye ḍukoarị ḅọ sime warị goyegoye na so ḅa. Anị ịna awarị ḅio sime tẹ warị ma fama ḅa.”

Romu 6:21

Ọmịnị arị ḅụụ-jịrịma-aị ma mịẹ sime sakị ọ́ tọ sọye nyana? Arị aị ma dogi-ḅoarị ye anie fịị.