Jerimaya 2:21 - FỊAFỊA BAỊBỤLỤ

²¹ Iḅi tẹịn kụrọ-sịn mgbọlị ḅara ḅụ mie à kẹ ị́ sẹlẹ pakama-ḅo tẹ ị́ kẹ ḍiḅi ye. Kụma í ḅo sime tẹ ḅara ḍikii! Í ḅo ḅụrụ tẹ kẹ mịẹ-mịẹ ye ofori kụrọ kịka tẹẹ.

Jerimaya 2:21 Iomraidhean Croise

Suku-saakị 18:19

Àrị ọ̀ sẹlẹ-ọkị tẹẹ, mịẹtẹ ọ̀ tọn ori awọmẹ na ọ̀ warị-suku na pịrị ịn ò ḍikimatẹ karakara na kura ḅẹrẹkọn na ḅụ ì etela mẹ mẹnjị ḅẹ ḅara. Ịn ọkọ mịẹm ḅẹḅẹ, à kẹ Ebira-amụ karịma aị mamgba à mịẹ ọ̀ pịrị ḅa.”

Suku-saakị 32:28

Anịtẹso owiḅọ ḅe nwẹnị ḅẹẹ, “Jekọbụ ḅarị jen-maaịn kẹ ị́ ẹrẹ sọ ḅịa, kụma Izirẹlị; gbala ị́ Tamụnọ na tomi na owu sọ tẹ ịn nẹngịma tẹ ẹrẹsị.”

Devidi-Anume 105:6

Yei ọ̀ fịrịmẹnjịḅọ Ebira-amụ furo-ḅẹ-apụ, Yei Jekọbụ ọ̀ sẹlẹ ọkị tẹ ḅọ ḅe awọmẹ.

Devidi-Anume 44:2

Ị́ wẹrịtẹ ḅarana oru nimi apụ ma dee-pakama tẹ ị́ atomi ma kẹ ịna kiri ḅụ kuroma ḅara mẹ; ị́ wẹrịtẹ fomu-ḅara kẹ osi asịẹ ma pịrị tẹ mịẹ tẹ sime ị́ pịrị apụ ma lolo ḅara mẹ.

Devidi-Anume 80:8

Ijiputi ḅụ ị́ gbọrụ girepu sịn soku ḅom; í osi asịẹ ma dee-pakama tẹ anị kẹ ịna amakiri ḅụ ḍiḅim.

Devidi-Anume 80:9

Í pịrị pẹlẹ ḅelema anị pịrị tẹ anị so-pakam; anị ḅẹ akuno ma kiri ḅio sọ ḍiḅim, tẹ anị wasama kiri mẹ ikelema-korom.

Paka-so 15:17

Ị́yẹrị ini ọkị-ḅo suu ḅa, tẹ í soku-ḅẹ tụndụ mẹ ọgọnọ ịn ḍiḅi ḅa, Yei KỊNỊNYANAḄỌ, ye-yọ mẹ tẹ ị́ tẹlẹma tẹ kẹ í sime-yọ mịẹ tẹ anga mẹ ḅụ, Yei KỊNỊNYANAḄỌ, fịafịa yọ mẹ tẹ ị́ aḅara mịẹ-pakama tẹ yọ mẹ.

Ayịzaya 1:21

Gbọrụ sakị ḅụ ḅioḅẹngbọ-kẹ-sịrẹrẹ-niḅi ḅara sime ama mẹ mịọkụ ḅo sẹfị-ẹrẹḅọ kịka tẹ á mịẹarị ḅara mịẹarị. Gbọrụ sakị ḅụ anị ḅio karakara atomi-atomi ḅinm, kụma mịọkụ kịnị-ḅaapụ ngẹrị kọn tẹ.

Ayịzaya 27:2

Anị ene mẹ ḅụ, KỊNỊNYANAḄỌ ḅe ori iḅitẹ girepu-ḍụọ mẹ gboloma ye ḅụ ḅẹẹ ḅa,

Ayịzaya 41:8

Kụma, Izirẹlị, ị̀ fịrịmẹnjịḅọ, ọmịnị mie à sẹlẹ ọkị tẹ apụ ma, Ebira-amụ, ì ikiaḅọ ḅe furo-ḅẹ-apụ ma.

Ayịzaya 5:4

Anị ḅio mịẹ na-iḅi aị mamgba à mịẹ tẹẹ. Anịtẹso tiye ẹrẹsị anị aka-ḅumarị mgbọlụ sụa tẹ ḅarị yẹrị ḅiiarị iḅi mgbọlụ ma sụa-a?”

Ayịzaya 60:21

Ị́ atomi mamgba kuraye mịẹ ḅa Tẹ ini amakiri mẹ nyana mu ḅẹẹ-sakị ḅẹẹ-sakị la ḅa. Yẹrị ịn kẹ ḍiḅim, yẹrị ịn tẹmẹm, Ì opu mịẹfinji tomi mamgba ḍie ḅẹ ḅara.

Ayịzaya 61:3

Kẹ Zayọnị ḅụ kururuarị apụ ma pịrị Ḍereku na ḅioḅẹlẹ na, ḅioḅẹngbọ-si nakara, Tokini nume-su, kururu nakara. Ini opu asịn kịka ḅa Anie KỊNỊNYANAḄỌ ḅe ḅarana ḍiḅi aị. Inimgba kuraye mịẹ ḅa, Tẹ Tamụnọ tokini ḅa ọ̀ kọrị tẹ ye gotẹ.

Jerimaya 11:16

Gbọrụ sakị ḅụ àrị ịnyịnya sụa sara wararị olivu-sịn kẹ ịn sịnm, iḅi tẹ mgbọlụ sụa ḅinma wararị ye; kụma mịọkụ so-alagba ḍụrụkụ ḅara, àrị anị ḅẹ ịnyịnya ma ḅụ fịnị sụa tẹ anị ḅe aḅara ma anyịma ḅa.”

Jerimaya 11:17

“Yẹrị Kụrọmamgba nyana KỊNỊNYANAḄỌ ḅe anie Izirẹlị na Juda kẹ sịn ḍiḅi ḅara ḍiḅi ye, kụma mịọkụ àrị opu ḅụụ-fụka kẹ ini ẹrẹmarị. Ini mie ḅarana miemẹ ọkị-ḅo ịna ọgọnọ gbana ye, in kura-aye mịẹ tẹ ẹrẹsị; ini agba mịẹ Balị pịrị ye ḅụ ịn ḅọrọ tẹ ị̀ ịganịma tẹẹ.”

Jerimaya 5:10

Arị ini na fịya-a apụ kẹ fịrịma tẹ ini ịna kụrọ-asịn ma pẹlẹ-gbin ḅa, kụma ịn gbọrsịḅị arịmgba guluguluma fama ḅịa. Arị ịn ḅẹ tẹ ịn ḅara ma kọlị-kọlị siin ḅa, arị aḅara ma ìnye-a ẹrẹsị.

Kururu Owu-apọkọ 4:1

Ndẹẹ golu mẹ ḅo ḅutuḅutu tẹ ḅara, ndẹẹ karakara golu mẹ ḍima ḅara! Fịafịa aḍụḅarị ma gala-gala mu etela goyegoye sịḅị ḅụ sara wararị.

Izikẹlị 15:2

Ori mẹẹ, “Fịị-fịị tomḅọ, ndẹẹ ịn kẹ kụrọ na opu sịn na kẹ tọnma ḅẹ ḅara? Iru mị mgbọlụ, girepu nwẹn-sịn ye mẹ ịkpangị kẹ opu piri-ḅio-ḅẹ sịn amẹẹ sime anga tọ iḅi nyana, kẹ tọnma ḅụ?

Matiyo 21:33

Jizọsị ḅẹẹm, “Ó jen egberi pokii. Gbọrụ kiri nyanaḅọ girepu-ḍụọ ḍiḅi tẹ, onu gbori anị ikelema, iru mịẹ otolo soku, tẹ pịkị geletẹ warị nama anị pịrịm. Anịtẹso ori anị kẹ ọkọ-apụ pịrị tẹ so ye mum.

Makị 12:1

Anịtẹso Jizọsị egberi, egberi kẹ ẹkwẹn ịn pịrịm. Ori mẹẹ: “Gbọrụ sakị ḅụ gbọrụ owiḅọ kụrọ ḍụọ ḍiḅi tẹ onu gbori anị ikelemam. Ọ̀ pịkị iru pọnjị pakama-ḅo otolo soku, tẹ tọpịma iwo so sọ kala warị namam, sime tẹ ḍụọ mẹ koru ḅẹ anga. Anịtẹso ọ̀ nwẹnị girepu-ḍụọ mẹ kẹ ọkọ-apụ pịrị tẹ ama koroma so ye mu.

Luku 20:9

Anịtẹso Jizọsị mị egberi mẹ gbaa tomi ma pịrịm, “Gbọrụ sakị gbọrụḅọ girepu-ḍụọ ḍiḅim. Ọ̀ nwẹnị anị kẹ ọkọ-apụ pịrị, tẹ ama koroma so alama.

Jọnị 15:1

“Yẹrị anie karakara kụrọ sịn mẹ, anịsakị ị̀ Ḍa ḅe anie ḍụọ-kọrịḅọ ḅee.

Ditẹrọnọmị 32:32

Gbala Sọdọmụ na Gomora ḅẹ girepu-ḍụọ mẹ ḅio mie ịna girepu-aḍụọ ma ḅo yee; ịna girepu asịnmgbọlụ ma anie, kịnị-ḅaaḅa girepu asịnmgbọlụ. Arịḅẹ alikali ma akụarị.

Ditẹrọnọmị 4:37

Gbala ori ọmịna aḍapụ ḅẹlẹma tẹ ịn ḅọrọ tẹso, ịna aḅụụ ḅụ paka-ḅo apụ sẹlẹ-ọkịm ẹrẹsị, tẹ ò gburo-gburotẹ opu kụrọ ḅụ ḅarana sime tẹ Ijiputi ḅụ ọ́ pakama-ḅom,

Jọsụwa 24:31

Jọsụwa ene mamgba ḅụ na, omongiapụ ma tẹ kpọọ Jọsụwa nẹngị tẹ kọrịnama mẹ tẹ KỊNỊNYANAḄỌ ḅe kọrị Izirẹlị pịrị ye mẹmgba nimi tẹ apụ ma ene mamgba ḅụ Izirẹlị fịrịmẹnjị KỊNỊNYANAḄỌ ḅe pịrịm.