Jerimaya 2:2 - FỊAFỊA BAỊBỤLỤ

² à mị oku mẹ ḍuko wasama ḅẹḅọ-ḅẹḅọ pịrịị Jeruselemu ḅụ: Ị́ ịwọ sakị ḅụ í ḅioḅẹngbọ-kẹ-sịrẹrẹ-niḅi ḅara simem mẹ, à kẹ ḅiokoromarị, wa tarị simearị simearị ị́ kẹ ị̀ ḅẹlẹma ḅara mẹ, í ì ḍuka ịkpa mẹ ḅio mẹnjị ḅọrọ ḅara mẹ, kịnị amụ ye ḍiḅi-a kiri mẹ ḅụ tolu-ḅọrọ.

Jerimaya 2:2 Iomraidhean Croise

Devidi-Anume 129:1

Izirẹlị, ḍuko wa pịrị, si kẹ ị́ tọn apụ ma wẹrịtẹ ḅaa-ḅọkọ kẹ ị́ ḍọkị tẹ ḅara, ị́ asambịrịma sakị kụra-ḅio.

Paka-so 14:31

Izirẹlịapụ ma gburo-gburotẹ kọrịnama tẹ KỊNỊNYANAḄỌ ḅe kẹ Ijiputi-ḅẹ-apụ ma ẹngbẹsẹ ye mẹ ẹrị tẹso, tomi ma KỊNỊNYANAḄỌ ḅe ḍiki-ḅalafaam; tẹ KỊNỊNYANAḄỌ ḅe na, ọ̀ fịrịmẹnjịḅọ Mozizi na ḅụụ minini nyanam.

Paka-so 16:8

Anịtẹso Mozizi nwẹnị ḅẹẹ, “KỊNỊNYANAḄỌ ḅe ḅoḅiri-so ḅụ ọ́ pẹị ḅẹ nama kẹ ọ́ pịrị sakị, dede-ḅio ori ọ́ fị furo ḅinma ḅẹ fịye kẹ ọ́ pịrị ḅa, gbala KỊNỊNYANAḄỌ ḅe ọmịna mbụrụmbụrụ ma tẹ ọ́ kọn ọ̀ pịrị aị ma naa tẹ ẹrẹsị wamịnị ma anie tiye mịẹ apụ? Ọmịna mbụrụmbụrụ ma ọ́ kọn wa pịrị-a, KỊNỊNYANAḄỌ ḅe mie ọmịnị mbụrụmbụrụ pịrịarị ḅọ.”

Egberima-Ẹkwẹn 1:20

Pokii! Nimi kịnị sịn olokuarị etela-ogbo na ogumaḅiri na ḅụ,

Sọlọmọnị Ḅẹlẹtẹịn Nume 3:11

Zayọnị ḅẹ ereme, ó ḅo Ama-da Sọlọmọnị ẹrị. Ori ò iyingi kẹ ọ̀ sịḅị gbana kịranị mẹ sure wararị, ori ẹrẹḅọ ịya ene ḅaka ḅụ, ò ḅioḅẹlẹ na ḍereku na ene ḅaka mẹ ḅụ.

Sọlọmọnị Ḅẹlẹtẹịn Nume 3:6

Miemẹ ḅọrọ tiye tẹ onwin turee-tureema ḅo ḅara kẹ ḅoarị, kụnụaị na maha na kụnụ ma ḅoarị, tuḅoniapụ ma dẹrị-dẹrị kụnụaị ma?

Ayịzaya 58:1

KỊNỊNYANAḄỌ ḅe mẹẹ, “Ị́ ine-ḅara ine-ḅara kẹ oloku pakamaa! Ị̀ atomi Izirẹlị asi ma gboloma ye ḍuko ịn pịrịị!

Jerimaya 11:6

Anịtẹso KỊNỊNYANAḄỌ ḅe nwẹnị ị̀ ḅẹẹ, “Juda ḅẹ opu ama ma na Jeruselemu etela-ogbo ma na muu. Ì oku mẹ ḍuko wasama arị anga ḅụ, tẹ ḍuko tomi ma pịrị tẹ ini ọḅọkụ mẹ sịẹ pịrị aị ma poki.

Jerimaya 19:2

tẹ Ẹkẹkẹ-apakịrị Ogigo-Ḅọkọ mẹ ḅụ mẹnjị-toluḅọrọ mu Hinọmụ Tụndụ-suku mẹ la. Anị anga àrị ọ̀ kẹ ị́ pịrị ḅarị oku mẹ ḍuko wasama ḅẹm.

Jerimaya 2:1

KỊNỊNYANAḄỌ ḅe ị̀ ḅẹẹm,

Jerimaya 2:6

Ini ì gbolomaye kẹ ye-sịn-a, karakaraye yẹrị Ijiputi ḅara-ḅio ịn pụkọ-pakamaḅom sọ tẹ tọrọkọ tarị tẹ si piri-ḅio na ịkpa aḅio na onwin ịgwa-ịgwa ḅara sime kiri na, samụnọ tẹ ḍumo fama ḅara sime amakiri na tẹ gbọrụḅọ-sọ anga-a, tẹ gbọrụḅọ-sọ jene-jene ḅọrọ ye mu-mu-a yọ na ḅụ ịn kẹ tolu-ḅọrọ ye.

Jerimaya 3:4

Tẹ mịọkụ ị́ ị̀ ḅẹẹarị: Ị́yẹrị ị̀ ḍa, ị̀ kala-sakị kụra ḅio ị́ sakị ị̀ ḅẹlẹmam.

Jerimaya 7:2

Mie KỊNỊNYANAḄỌ warị mẹ ḅẹ ogigo-ḅọkọ sịẹ tẹ mịẹ oku mẹ ḍuko-wasamaa. Ọmịnị Juda ḅẹ apụ mamgba tẹ mịna ogigo-aḅọkọ ma ḅụ ḅọrọ ḅo sunsin KỊNỊNYANAḄỌ ḅe pịrị apụ, ọ́ KỊNỊNYANAḄỌ ḅẹ ẹkwẹn mẹ naa.

Izikẹlị 16:22

Ị́ ama-mẹnjị eremịna sịḅị-ngụngụnma ḍumo mẹ kọn sime sakị, ị́ kala-sakị mẹ gbala-gbala ị́ kẹ ḅiokoroma-a ị́ paụtẹ ị́ ḅụ ḅẹ ọmbie ḅio kpeleki sime saakị mẹ.”

Izikẹlị 16:60

Yẹrị kụma àrị àrị ị́nịna fị ọḅọkụ mẹ kụn ḅa, anie ị́ asambịrịma sakị ḅụ, tẹ à sime mu ḅẹẹ-sakị ḅẹẹ-sakị la ḅara ọḅọkụ kẹ ị́nịna na fị ḅa.

Izikẹlị 16:8

“À siin mẹnjị-ḅọrọarị ogbo, àrị ẹrịm mịnẹ ị́ na ḅẹlẹma ḅẹ sakị mẹ ḅo laa tẹẹ. À nwẹnị ì opu kapa kẹ ị́ paụtẹ oju gbaịn tẹ minini mịnẹ àrị ị́ ḅẹlẹma ḅa. Inn, àrị ị́ na sime ḅẹ ọḅọkụ kẹ ị́ na fịm, tẹ í ḅo ì nye sọm.” Mie Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe ḅẹẹ ye.

Izikẹlị 23:19

Á ḅo ama-mẹnjị-ẹrẹḅọ sọ la ḅara mẹ jene-jene amụ arị ọkọ la-a, á kala-sakị á mịẹ-mịẹ ḅara mẹ famam, árị Ijiputi ḅụ ama-mẹnjị eremịna ḍumo kọn-kọn sakị mẹ ḅụ.

Izikẹlị 23:3

Ịna iriawọ sakị ḅụ, ini Ijiputi ḅụ angarị ogbo ini owiapụ nimi tẹ ḅo ama-mẹnjị-ereme sọm.

Izikẹlị 23:8

Ijiputi ḅụ á kọn sime ama-mẹnjị eremịna ḍumo mẹ á paa kọn tọrọkọ-tọrọkọ mum, anie árị árị owiḅọ nimi-a ḍumo mẹ ḅụ so anga mẹ. Árị ẹrẹḅọtụḅọ sakị kụra ḅio á saakị owiapụ na tii-tii-tiim, tẹ ini ama-mẹnjị-ẹrẹḅọ ḅara kẹ á mịẹm.

Hosiya 11:1

KỊNỊNYANAḄỌ ḅe ḅẹẹarị, “Izirẹlị kala-sakị, àrị ọ̀ ḅẹlẹmam, tẹ ị̀ tụḅọ ḅara ḅụ ọ̀ sịn pakama-ḅom.

Hosiya 2:15

Àrị á nyana sime girepu-aḍụọ ma kẹ siin á pịrị ḅa, tẹ Ḅụụ-fụkamarị Tụndụ-suku mẹ kẹ Ḅiokpọmarị Ḅọkọ sọma ḅa. Á minini ị̀ pịrị ḅa anịanga ḅụ, anie árị iriawọ sakị á mịẹ ḅara mẹ, árị Ijiputi ḅụ paka-ḅo sakị.

Hosiya 2:17

À ḍụkụ tẹ á ḅarị jen kẹ ḅịḅị kẹ Balị ẹrẹ go ḅịa.

Hosiya 2:7

Á mangị á ḅẹlẹmapụ ma ḍuka-mu ḅa, kụma árị inetẹ ịn la ḅịa. Árị ịn ḍọkị ḅa, kụma árị ịn ḍọkị ẹrị ḅịa. Anịtẹso á ḅẹẹ ḅa, “À pịkịma-so ị̀ tarị diḅọ ḍọkụma-mu ḅa — anị sakị ḅụ ye ị̀nịna iḅi mịọkụ nẹngịm.”

Hosiya 8:1

KỊNỊNYANAḄỌ ḅe ḍukoarị, “Akusa farị ama sịn! Wamịnị na fịya-a apụ igo amẹẹ kịka tẹ gbiima fiin ḅo ị̀ amakiri ḅụ sara tẹẹ! Ị̀ atomi àrị ini na mị ọḅọkụ mẹ sima tẹ pịkị kọngọ-kụrọma ị̀ tolumaye pịrị tẹẹ.

Hosiya 9:10

KỊNỊNYANAḄỌ ḅe ḅẹẹarị, “Àrị Izirẹlị ḍọkị ẹrị sakị, anị kịkaye ịkpa ḅio so-pakarị girepu mgbọlụ sịn ḍọkị ye ọkụ. Àrị ọmịna elemu aḍapụ ma ẹrị sakị, anị kịkaye kụra mẹ ḅẹ tarị figi asịnmgbọlụ ẹrị ye ọkụ. Kụma in ḅo Pẹyọ Tụndụ la sakị, ịn saakị sunsin Balị pịrịm, tẹ ala-a in ḅo ịn ḅẹlẹmarị oru-atamụnọ ma sịḅị-ngụngụnma ḅara kẹ sịḅị-ngụngụmam.

Jona 1:2

Ori mẹẹ, “Saakịị! Fọnya Ninive opu ama mẹ muu, tẹ ḍuko ịn pịrị in si mịẹ tẹẹ. Ịna si-sịḅịḅio la ḅara mẹ à nimi wararị.”

Matiyo 11:15

Ọkọẹrẹsị, ọ́ nwẹnị naa ḅẹ ḅii ḅẹḅẹ, ó pokii!

Luku 12:13

Gbọrụ tomḅọ nwẹnị tomina-ogbo mẹ ḅio Jizọsị ḅẹẹ, “Ye-tolumaḅọ, ḍuko ì iyimbere pịrị tẹ ọ̀ wamịna ḍaḅọ koroma-so wa pịrị ye mẹ kẹ ị́ na ḍie.”

Ditẹrọnọmị 2:7

Kẹ gotẹ ọkọ ḅẹẹarị, KỊNỊNYANAḄỌ ọmịna Tamụnọ ḅe ọmịna aḅara ḅẹ kọrịnama mamgba ḅụ ó boma tẹ, ọ́ mị gburo-gburotẹ ịkpa mẹ mẹnjị-toluḅọrọarị ye mẹ ò nimim; mịna akụra amesi ma ḅụ KỊNỊNYANAḄỌ ọmịna Tamụnọ ḅe ọmịnị na simem, ó ḅii tẹ ọ́ nyana-a gberie-sọ ofori.

Ditẹrọnọmị 33:3

Karakara-ḅara-ḅụ ori ori atomi ḅẹlẹmam; ịn mịẹ-fịafịama ọ̀ pịrị apụ mamgba ọ̀ ḅara ḅio emi; anị ḅara mie ini ị́ mẹnjị-aḅụọ ḍukamẹnjị ḅịa, ị́ ḅụụ datụkụma ọkịarị,

Ditẹrọnọmị 8:2

Ọmịnị etela mẹmgba tẹ KỊNỊNYANAḄỌ ọmịna Tamụnọ ḅe mịna kụra amesi ma ḅụ ịkpa mẹ ḅio, mịẹtẹ ọ́ ḅụụ-kpoo ḅẹ ḅara, kẹ ọ́ daaḍiki tẹ ọmịna ḅioḅẹngbọ ḅụ sime ye nimi, ọmịnị ori oloko ma koko ḅarị ḅoto, anịanịa ó koko ḅịa, tẹ ori tọrọkọ tarị ọ́ pịrị etela ma kẹ ḅiokoroma ḅa.

Jemụsị 4:4

Ọmịnị sunsin Tamụnọ pịrị sịkịtẹ atomi! Ó nimi-a mịnẹ ḅẹlẹma nyana tomikiri ḅẹ si-aị pịrị anie Tamụnọ na fịya-a? Tomikiri ḅẹ si-aị ḅẹlẹmaḅọ ḅẹlẹmaḅọ, mḅọ Tamụnọ na fịya-a ḅọ sọ tẹẹ.

Mịẹfinji 2:4

Kụma à kẹ ị́ ọgọnọ gbanarị ye anie, tarị ị́ kẹ ị̀ ḅẹlẹma-ḅẹlẹma ḅara mẹ mịọkụ ị́ ḅarị ọkọ mịẹ-a.