Jerimaya 2:17 - FỊAFỊA BAỊBỤLỤ

¹⁷ Izirẹlị, ị́ ḅarana miemẹ dogi-ḅo ị́ ḅụụ pịrịm! Ị́ yẹrị KỊNỊNYANAḄỌ, ị́ Tamụnọ ḅe ḅụ mangị-som, yẹrị tọrọkọ tarị ị́ pịrị ma muarị ogbo.

Jerimaya 2:17 Iomraidhean Croise

1 Paka-aị 28:9

“Anịsakị ị́yẹrị ị̀ owiḅọtụḅọ, Sọlọmọnị, ị́ aḍapụ Tamụnọ ḅe nimii, tẹ í bebe ḅioḅẹngbọ na mịẹ pọkọ-tarị kuroma kẹ fịrịmẹnjị ọ̀ pịrịị; kẹ gotẹ ọkọ ḅẹẹarị, KỊNỊNYANAḄỌ ḅe ḅioḅẹngbọ mamgba ḍọkị ḍikiarị, tẹ ḅioḅẹngbọ ḅụ tọn tẹ mịẹ ḅẹ ye goyegoye fie ye naarị. Ị́ ọ̀ sịkị-sịkị, ori ị́ kẹ gbin nguma gbamaso ḅa.

2 Paka-aị 15:2

tẹ ọ̀ nwẹnị mẹnjị paka Asa na bịama ḅẹ mu, tẹ ọ̀ ḅẹẹ, “Asa na, Juda na, Benijamịnị na ọmịnị ì pokii: KỊNỊNYANAḄỌ ḅe ọmịnị na emi, ọmịnị ọ̀ ḅụụ ḅụ emi sakị goyegoye. Ọmịnị ọ̀ ḍọkị-ḍọkịị, ọmịnị akaka ḅụ ọmịnị ọ̀ ḍọkị-ẹrị ḅa, kụma ọmịnị ọ̀ sịkị-sịkị, ori ọ́ sịkị ḅa.

Jobu 34:27

gbala ini ò ḍukamẹnjị ḅụ pịkị jen anga dam, tẹ ori etela ma ḅẹ gberie-sọ kẹ ḅarị ye-sịn-a ẹrẹsị.

Jobu 4:8

Àrị ẹrị tẹ ḅara ḅụ, ini tẹ iri-amịẹaị tẹlẹma fịaị ḍiḅi pịrị apụ ma, tẹ ḅụụ-fụka ḍiḅi apụ ma, anị gberie mẹ sokum.

Devidi-Anume 107:7

Ò gono-gono etela ḅụ tọrọkọ-sụn ịn pịrị mu ini inetẹ anga ḅẹ ama lam.

Devidi-Anume 136:16

Ori ori atomi ma tọrọkọ-sụn tẹ ịn kẹ ịkpa mẹ ḅio mẹnjị ḅọrọ; ọ̀ ḅẹlẹma sime gbamasom.

Devidi-Anume 77:20

Ị́yẹrị anana-ḍikiḍikiḅọ ḅara kẹ ị́ atomi ma tọrọkọ-sụn, Mozizi na Erọnị na ịn kẹ sịḅịda ḅara ḅụ.

Egberima-Ẹkwẹn 15:10

Í kura-aye mịẹ kụma, í opu fomuye da ḅa; ị́ daa-karakarama ọkị ḍụkụ-a kụma, ị́ fịị ḅa.

Ayịzaya 1:4

Yei, si amịẹaị mịẹarị sịẹ, ọ́ fa tẹẹ! Ọmịnị anie ḅụrụ-kọsịtẹ si-mịẹapụ. Ọmịna asi ma ọ́ jịjịma tẹ iku ọ́ ḅaa ḅẹ-yearị! Ọ́ KỊNỊNYANAḄỌ, Izirẹlịapụ tẹkẹarị Fịafịa Tamụnọ ḅe sịkị tẹ ọḅụ kẹ ò gbin tẹ.

Ayịzaya 59:13

Wa kọngọ-kụrọma ị̀ pịrị tẹẹ, ị̀ sịkị tẹẹ, pịkị ḍụkụ tẹ ì ḍukamẹnjị-a. Wa jen-apụ ponoma tẹ ọḅụ kẹ ì gbin tẹ. Wamịna akuroma ma papaa aị; wamịna ẹkwẹn ma iruo aị.

Jerimaya 13:22

Ị́ nwẹnị gbelarị tiye ẹrẹsị mie-mẹmgba ị́ ḅụụ pakarị ḅẹḅẹ — in tiegotẹ ị́ ḅịtẹ kporima tẹ kụrọ-ḅara kẹ ị́ na ye mịẹ ye mẹ — anị gotẹ ọkọ mịẹ yee, í sii ḅalafamam.

Jerimaya 19:4

À gotẹ miemẹ mịẹ ḅẹ-yearị, ị̀ atomi ma ị̀ kẹ gbin koroma-so tẹ agba mịẹ-mịẹ oru-atamụnọ ma pịrị ḅụ mị yọ mẹ pilema tẹẹ — oru-atamụnọ ma tẹ ịna elemu aḍapụ-o, Juda ḅẹ amadapụ ma-o arị gboloma ye ḅụ ḅẹ gberie-sọ nimi-a aị ma. Ịn mịẹye-ofori apụ ọmbie kẹ mị yọ mẹ ḅinma tẹẹ,

Jerimaya 2:13

kẹ gotẹ ọkọ ḍukoarị ì atomi maa asi mịẹ tẹẹ: ini ị̀ ḅụ pịkị so tẹẹ, ḍumo-pịrịarị ngụngụḅa minji ḅe, tẹ minji koko olulu soku tẹ, paịn-paịn-sararị olulu ma tẹ gbala-gbala inetẹ minji ọlọ wẹrị-a aị ma.

Jerimaya 2:19

Ị́yẹrị ḅarana mịẹ si mie ị́ fomu ḅarịye, ị́ ị̀ ḅụụ pịkị-so ye mẹ ḅẹrẹ kọn ị́ ḅara sima ḅa. Ị́ ḍawọ ḅo ḅa anị akụ tẹ kura-a la ḅara ị́ KỊNỊNYANAḄỌ ị́ Tamụnọ ḅe koroma mangị-so ye mẹ tẹ ḅarị jen kẹ ḅioḅẹngbọ-kẹ-sịrẹrẹ-niḅi ḅara sime ị̀ pịrị-a. Yẹrị, Tẹịn-Ḅẹrẹtọn-Kụrọ-Nyana KỊNỊNYANAḄỌ, Kụrọmamgba Nyanaḅọ ḅe ọkọ ḅẹẹm.”

Jerimaya 4:18

Juda, í miemẹ ọkị-ḅo ị́ ọgọnọ gbanam, ị́ wẹrịtẹ ḍumo kọn ḅara na ị́ mịẹ tẹ aị na ḅụ. Í si mịẹ tọrụsiẹrị mẹ dogi-ḅom; anị gbala-ḅọrọ ogie sọ tẹ í ḅioḅẹngbọ temi tolu-ḅọrọtẹ.

Jerimaya 44:3

ịna atomi ma mịẹ asi tẹ ị̀ ịganịma ye mẹ ẹrẹsị. Ini agba mịẹ pịkị fịrịmẹnjị oru-atamụnọ pịrịm, oru-tamụnọ tẹ ini-o, ọmịnị-o, ọmịna elemu-aḍapụ-o jene-jene amụ sunsin pịrị-a aị.

Jerimaya 5:25

Anie nakara ọmịna asi mịna iḅi aị ma kiki ọ́ pịrị tẹẹ.”

Izikẹlị 39:24

Àrị ịn la kiri kẹ ịn pịrịm ịn mịẹ mọnị-mọnị aị na si-sịḅịḅio na ḅụ, tẹ arị ịna ḅụ pịkị-som.”

Hosiya 13:9

“Izirẹlịapụ, àrị ó guluguluma ḅa! Anịtẹso tụḅọ inetẹ ḅarasụa ọ́ pịrị ḅẹ?

Mayịka 1:5

Mie-mẹmgba Jekọbụ mịẹ-irima ḅụ ḅom, Izirẹlị warị mẹ ḅarị sịḅị-tuu Tamụnọ pịrị-a ḅụ mịẹ asi. Izirẹlị nyana mịẹ-irima mẹ, Sameriya ama mẹ ḅụ ḅo-a? Anịsakị Juda warị mẹ oru-atamụnọ tẹkẹ mẹ, Jeruselemu mẹ ḅioju ḅụ anị saakị paka-ḅo-a?

Kịẹn-aḅịḅị 32:23

Kụma ọmịnị ọkọ mịẹ ḅịa ḅẹḅẹ, ó si kẹ KỊNỊNYANAḄỌ ḅe mịẹ tẹ, anịsakị piki-pikiye-ofori ḅara ḅụ ó nimii, ọmịna si ọ́ ḍọkị pakama-ḅo ḅa.

Ditẹrọnọmị 32:10

Ịkpa ama ḅio ori ọ̀ ḍọkị-ẹrịm, pịkị ịkpa mẹ ḅẹ gulugulu kẹ olokuarị anga ḅụ; ori ori ikelema-korom, ori ò ḍikiḍikim, ọ̀ tọrụngbọ ḅẹ tụḅọ wẹrị ḅara kẹ ori ọ̀ wẹrịm.

Ditẹrọnọmị 32:19

KỊNỊNYANAḄỌ ḅe arị ẹrịm, tẹ ịn sịkị simam, ori owiapụ-awọmẹ na, ori eremịna-awọmẹ na kẹ ori ịganịma ye gotẹ.