Jerimaya 2:16 - FỊAFỊA BAỊBỤLỤ

¹⁶ Inn, Mẹmụfịsị na Tafanisi na ḅẹ apụ ọ̀ sịḅị fomu-puu tẹẹ.

Jerimaya 2:16 Iomraidhean Croise

2 Amadapụ 18:21

Ḍikii, mịọkụ Ijiputi ḅụ mie ị́ sịrẹrẹ wararị ye, anị kpọ-a sịn mkpara tẹ anyị tẹ anị kẹ ḅụụ daa ḅọ daa ḅọ ḅara temi ḅarịye mẹ. Anị ḅara mie Fero Ijiputi ḅẹ amadaḅọ ḅe kẹ ọ̀ ḅụụ ḅụ sịrẹrẹ apụ mamgba na sime-ḅara.’ ”

2 Amadapụ 23:33

Fero Neko nwẹnị ọ̀ kẹ ikoli ḅio su Ribula ḅụ Hamatị ama ḅio, mịẹtẹ ọ̀ ḅarị inetẹ Jeruselemu ḅụ ama-da ḅịa ḅara, tẹ nwẹnị ama-oso-igbigi seleḅa tẹra puku fa puku amesi na pakịrị oyia ẹndẹ na (300,000), golu kpo sọnọma ẹndẹ oyia asi finji (3,000) kẹ ama ọgọnọ gbana.

Ayịzaya 19:13

Zohanị na Mẹmụfịsị na ḅẹ ḅẹrẹtọn-apụ ma oḅori atomi. Ini mie sịẹ mẹ tọrọkọ tarị ḅẹ apụ, kụma ịn mịẹtẹ anị etela-iri tẹ.

Ayịzaya 59:13

Wa kọngọ-kụrọma ị̀ pịrị tẹẹ, ị̀ sịkị tẹẹ, pịkị ḍụkụ tẹ ì ḍukamẹnjị-a. Wa jen-apụ ponoma tẹ ọḅụ kẹ ì gbin tẹ. Wamịna akuroma ma papaa aị; wamịna ẹkwẹn ma iruo aị.

Ayịzaya 8:8

Ẹgẹnẹ-minji ḅara mẹ mịẹ ịn kẹ Juda gbaịn koro ḅarịye, sun nwenii sịẹ wararị tomḅọ apana la, ye goyegoye gbaịn fama.” Tamụnọ na wamịnị na emi! Ò finji sara wararị apamba ma amakiri mẹ gbaịn ḅọrọmarị.

Jerimaya 44:1

KỊNỊNYANAḄỌ ḅe ẹkwẹn ị̀ pịrịm Izirẹlịapụ tẹ Ijiputi sịẹ ḅio angarị apụ ma gboloma ye, mịna opu ama ma ḅio — Migidọlị na, Tafanisi na, Mẹmụfịsị na, pịkị sịẹ mẹ ḅẹ suku-jụ da pakịrị anga na.

Jerimaya 46:14

Ijiputi ḅẹ ama ma ḅio ḍuko wasama, Migidọlị na, Mẹmụfịsị na, Tafanisi na ḅụ, ọ́ tẹlẹma tẹ ọmịna aḅụụ ḍụa; ọmịnị-mgba ọmụ ḅio ini ọ́ ḅaa-guluguluma ḅa!

Jerimaya 46:19

Ọmịnị Ijiputi-ḅẹ-apụ, Ọ́ tẹlẹma tẹ ini ikoliapụ ḅara kẹ ọmịnị ọkị so! Ịn Mẹmụfịsị kẹ ịkpa sọma ḅa, si fama tẹ gbọrụḅọ-sọ anga-a yọ.

Jerimaya 48:45

Ọmụ ḅio mangị paka tẹ ḅarasụa nyana-a apụ, ḅụụkụrọma tẹ Hẹsịbọnị, Ama-da Siyọnị ḅẹrẹtọn sime opu ama mẹ ḅio sịḅị ḅọị ḅẹ ḍọkịarị, kụma anị kọrịarị fịnị ḅio. Fịnị Mohabụ ọmụ gbin ḅẹlẹma apụ ma na jen-apụ na bịama-bịama ọmụ atọrọkọ ma na gele-tụndụ ayọ ma na ịn dọkịma tẹẹ.

Izikẹlị 30:13

Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe ḍukoarị, “Arị oru-afụḅara ma na tamụnọ-a atamụnọ ma na guluguluma ḅa Mẹmụfịsị ḅụ. Ijiputi da ḅẹ ḅọ paka ḅịa, tẹ à tomi ma tẹmẹ-naịn-naịnma ḅa.

Izikẹlị 30:16

À fịnị kẹ Ijiputi ḅụ sụa tẹ Pẹlusiyọmụ opu akụye ḅio sọ ḅa. Tibesi onu ma ini arị kan-sara ḅa, tẹ ẹgẹnẹ-minji opu ama mẹ gbaịn ḅa.

Hosiya 9:6

Opu ḅụụ-fụka ḅoarị sakị ḅụ, tẹ tomi ma gala-galama sakị, Ijiputi-ḅẹ-apụ in kobiri kpoo ḅụ wẹrị ḅa — in kobiri tẹ ịn kẹ ḍiḅi ḅẹ ḅara anịanga Mẹmụfịsị ḅụ! Ịna seleḅa ngọ ma na ịna sime-ayọ ma tẹ gbọrụ sakị ḅụ sime-sime anga mẹ ḅụ osuka paka ḅa pịkị nangị asịn na.

Ditẹrọnọmị 33:20

Gadi gbolomaye ḅụ ori mẹẹ: Boma sime oriḅe tẹ Gadi mịẹ ḍụḅama ḅọ, ḍụḅama ḅọ pịrịị! Gadi ọkụkụ ẹbị ḅara ẹbịm, tẹ ḅara-kọngọ mẹ na, sịḅị ẹkẹkẹ mẹ na kanị-saram.