Jerimaya 2:15 - FỊAFỊA BAỊBỤLỤ

¹⁵ Ini oloku ọ̀ pịrịarị ḅara ọkụkụ ekirearị ye ọkụ; ịn mịẹ tẹ ori amakiri mẹ ịkpa sọ tẹ; tẹ ori ama ma kan-sara tẹ ayọ sọ tẹ ini arị kẹ gbin koroma mangị-so fama tẹẹ.

Jerimaya 2:15 Iomraidhean Croise

Jobu 4:10

Ọkụkụ ḅe ekire mẹ na, ḅalafama ọkụkụ ḅe pọkọ mẹ na, asambịrịma ọkụkụ ma aka ma na, anyị tẹ.

Devidi-Anume 57:4

Si kẹ kịnị tọn-arị apụ ma ì gbori-ikelema tẹ, anie tomi pẹị, pẹị ọkụkụ ma kịkarị apụ ma. Ịna aka ma ḅẹkẹrẹ ma na ḍịn ma na kịkarị ịna aḅẹlẹ ma okologie ma oḅu ḅara oḅuarị.

Ayịzaya 1:7

Ị́ amakiri mẹ papaa gberere simearị, tẹ ini í opu ama na dọkịma kiri lama tẹ. Ị́ tọrụ, tọrụ kẹ ḍikiarị ogbo jen asịẹ ḅẹ apụ ḅo ị́ ḍụọ-akiri ọkị tẹ ye mamgba guluguluma tẹ.

Ayịzaya 24:1

KỊNỊNYANAḄỌ ḅe tomikiri mẹ sima fama tẹ gbọrụ tomḅọ sọ ofori ḅara kẹ anị kẹ gbin koroma ḅa. Ori anị kẹ pikiri, pikiri ḅara wẹrị tẹ anị ḅẹ atomi ma gala-galama ḅa.

Ayịzaya 5:29

Ọmụapụ ma, nama ḅaa tẹ ọkụkụ ma ekire ḅara ekirearị, anie in dogi-so kịnị inetẹ ịna ḅara ọkị ḅịa anga muarị ye.

Ayịzaya 5:9

À naa tẹ Kụrọmamgba Nyana KỊNỊNYANAḄỌ ḅe ḅẹẹarị, “Mịna ḍụḅa tẹ iḅi awarị mamgba papaa koro-sime ḅa.

Ayịzaya 6:11

À nwẹnị gbela, “KỊNỊNYANAḄỌ, ọkị mu tọ-sakị la ye anị nwẹn kẹ mị-ḅara sime ḅẹ?” Ọ̀ nwẹnị pakịrị, “Nwenii ama ma fa tẹ gbin koro-sime; nwenii warị ma kịnị ḅarị anga-a tẹ koro-sime; nwenii amakiri mẹ ḅioju papaa koro-sime.

Jerimaya 10:22

Ó poki-ye! Ḅịḅị ḅo tẹẹ! Tomikiri mẹ ọgọnọ-jụ ḅụ gbọrụ sịẹ ḅụ opu gbiri-gbiri-gbiri paka tẹẹ; anị ḅẹ ọmụ-ogbo mẹ Juda ḅẹ opu ama ma kẹ ịkpa mịẹ ḅa, piri-obiri angarị anga.”

Jerimaya 25:30

Ị́yẹrị, Jerimaya, àrị ị́ ḅẹẹ ye ḅẹẹ ye, í ḍuko ịn pịrị nyanam. Gbarịma-a ḅara ḅụ ḍuko mịna apụ ma pịrịị, KỊNỊNYANAḄỌ ḅe So-ḅio sime tẹ ekire ḅa, tẹ So mẹ ọgọnọ-jụ ḅio so-alagba tẹịn ḅa. Ori ekire ori atomi pịrị ḅa; ori oloku ḅarị ḅara anie kẹ iru mịẹ ḅẹ girepu-asịnmgbọlụ nangarị ḅọ oloku ḅara. Tomikiri sime-ḅọ sime-ḅọ ọ̀ pọkọ naa ḅa.

Jerimaya 25:9

“Arị ó gotẹ ḅịḅị kẹ tomikiri mẹ ḅẹ ọgọnọ-jụ simearị apụ mamgba na ị̀ fịrịmẹnjịḅọ, Babịlonịya ḅẹ amadaḅọ Nebukadineza na fịrịma ḅoarị. Àrị ini ọkị-ḅo tẹ ini owu kẹ Juda na anị ḅio angarị apụ na anị na kpeki wararị asịẹ mamgba na paka ḅẹ-yearị. À mị sịẹ mẹ na anị na kpeki wararị si na guluguluma ḅẹ-yearị, tẹ arị wẹrịso tẹ arị fa gbamaso ḅa, ḍiki-tọrụ ḅụ kpọma ḅalafama tẹ ḅụụ-ịnọ ḅarịye. Yẹrị, KỊNỊNYANAḄỌ ḅe ọkọ ḅẹẹm.

Jerimaya 26:9

Tiye ẹrẹsị ị́ KỊNỊNYANAḄỌ ḅe ẹrẹ ḅụ ḍuko mịnẹ mị Tamụnọ-warị mẹ ḅo Silo na kịka ḅa, anịsakị mịẹ opu ama mẹ ini anị guluguluma tẹ gbọrụḅọ-sọ ḅarị anị ḅio anga ḅịa.” Anịtẹso tomi ma ḅo ì ikelema-korom.

Jerimaya 33:10

Mie KỊNỊNYANAḄỌ ḅe ḅẹẹ ḅara: Tomi ḅẹẹarị mịnẹ mị yọ mẹ ịkpa kịkarị, anie tomi anịanịa nama sọ anị ḅio anga-a. Ịn karakaraye ḍukoarị; Juda ḅẹ ama ma na Jeruselemu ḅẹ etela ma na papaa kịnị ofori ḅara kẹ emi; tomi anịanịa nama sọ arị ayọ anga-a. Kụma mịna anga ma ḅụ ó siin naa ḅa

Jerimaya 34:22

À tọn tẹ ịn pịkị mịẹ opu ama mẹ ḅo ḅa. Ini owu kẹ anị paka tẹ anị ọkị tẹ dọkịma kiri lama ḅa. À mịẹ tẹ Juda ḅẹ ama ma ịkpa kịka ḅa, gbọrụḅọ-sọ anga-a yọ. Yẹrị, KỊNỊNYANAḄỌ ḅe, ọkọ ḅẹẹm.’ ”

Jerimaya 4:7

Ori ọkụkụ ḅara kẹ ọ̀ ḅọị sime yọ ḅụ Saakị paka sịẹ-sịẹ ma ḅaa-guluguluma ḅẹ ḅara kẹ ḅoarị. Ò Juda ḅaa-guluguluma ḅẹ ḅoarị. Juda ḅẹ opu ama ma kan-sara sime ḅa, tẹ gbọrụḅọ-sọ arị aḅio anga ḅịa.

Jerimaya 44:22

Mịmgba ḅẹ eneḅaka mẹ ḅụ ọmịna amakiri mẹ si kọsị-sara wararị, tẹ gbọrụḅọ-sọ anị ḅio anga-a. Anị ḅo sịḅị-kanakanama ye sọ tẹ ḍiki-tọrụ ḅụ, tẹ tomi pịkị anị ẹrẹ kẹ ye karịarị KỊNỊNYANAḄỌ ḅe ḅarị jen kẹ ọmịna si-sịḅịḅio mẹ na si amịẹaị ma na inema-a ẹrẹsị.

Jerimaya 5:6

Anie ẹrẹsị opu piri-ḅio paka-ḅo ọkụkụ ịn ḅaa ḅa; anana kun pẹị-pẹị anama ịkpa ḅio sime tẹ ḅo ịn kanị-kọsịma ḅa, tẹ sịrị amẹẹ ịna ama ḅio mẹnjị-mẹnjị ḅọrọ ḅa Arị atomi ma mẹnjị paka-paka, ini ịn kẹ maaịn-maaịn puu ḅa, ịna asi ma ḅaka tẹẹ ẹrẹsị; tẹ sakị-sakị ḅụ ini ọḅụ kẹ Tamụnọ gbin tẹẹ.

Jerimaya 50:17

KỊNỊNYANAḄỌ ḅe mẹẹ, “Izirẹlịapụ ma ọkụkụ ḍuka tẹ dee gala-galamatẹ anana ogbo kịkarị. Tarị-tarị, Asiriya tomikiri mẹ daa sime ḅọ ḅe owu kẹ ịn pakam, anịtẹso Ama-da Nebukadineza, Babịlonịya da ḅọ ḅe, ịna mgbe ma kụngụrụm.

Jerimaya 51:38

Babịlonịya ḅẹ apụ mamgba ọkụkụ ekire ḅara ekirearị, pịkị ọkụkụ ḍọkọḍọkọ-awọmẹ ḅio-fiema ḅara kẹ ḅio-fiemarị.

Jerimaya 6:8

Jeruselemu ḅẹ apụ, yee mịna ḅụụ-fụka ma ḅeri nụnụ ye sọ ọ́ pịrị, ọkọ-a kụma arị ọ́ kẹ gbin koroma tẹ so ḅa; arị ọmịna opu ama mẹ pịkịma-ḅo ịkpa sọma ḅa, gbọrụḅọ-sọ anga-a yọ.”

Jerimaya 9:10

À ḅẹẹm, “À tụndụ ma gotẹ kururu ḅa tẹ owu iḅi-osuka-akiri ma pịrị ḅa, arị samụnọ-kpakịkịtẹ ẹrẹsị, tẹ gbọrụḅọ-sọ ye-muarị tẹ arị ḅụ mẹnjị tolu ḅọrọ-a. Kịnị ḅarị jen kẹ opu anama olokuarị ye naa-a; feni amẹẹ na piri-ḅio-ḅẹ anama na sọ mangị-so fama tẹẹ.”

Jerimaya 9:11

KỊNỊNYANAḄỌ ḅe mẹẹ, “À Jeruselemu kẹ sara sọma ḅa, piri-obiri amẹẹ angarị yọ; Juda ḅẹ opu ama ma ḅo ịkpa sọ ḅa, gbọrụḅọ-sọ anga-anga-a anga.”

Izikẹlị 36:3

“Ọkọ ẹrẹsị, ịkịan koro tẹ ḍuko wasamaa, yẹrị Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe ḍuko ḅẹ-yearị ye mẹ. Kpeki wararị asịẹ ma Izirẹlị ḅẹ tụndụ ma ọkị tẹ arị fọịn sakị mẹ, inimgba Izirẹlị mịẹ simam.

Izikẹlị 5:14

Í ikelema-koro wararị asịẹ ma ḅẹ ḅọ tẹ mẹnjị-ḅọrọarịḅọ-ḅọrọarịḅọ nini-suku sụa ị́ pịrị tẹ ḅele tẹ ḅọrọ-so ḅa.

Hosiya 11:10

“Ị̀ atomi ị̀ ḍukamẹnjị ḅa àrị ọkụkụ kịka tẹ oloku si kẹ ịn tọn apụ pịrịarị sakị. Ini ịrụa-ideriarị-anga sime tẹ sarama ị̀ ḍọkụma-ḅo ḅa.

Hosiya 5:14

Àrị ọkụkụ kịka tẹ owu kẹ Izirẹlị na Juda ḅẹ apụ ma paka ḅa. Yẹrị ḅarana ịn kanị-kọsịma ḅa, anịtẹso àrị ịn kẹ gbin koroma ḅa. Àrị ịn fọnọ so sakị, gbọrụḅọ-sọ inetẹ ịn ḅọrọma ḅịa.

Emọsị 3:12

KỊNỊNYANAḄỌ ḅe ḍukoarị, “Anana-ḍikiḍikiḅọ ọkụkụ pẹị tẹ anana ḅẹ maa ḅụọ anịanịa gbọrụ ḅeri kịngẹ nyana ḅo gbọrụ ḅara mẹ, anie Sameriya ḅẹ apụ ma tẹ mịọkụ opu igbigi la ḅẹtẹ-ḅẹtẹ sịrẹrẹ ngada ma ọgọnọ ịnyọsararị apụ ma ḅụ boowa kala-apụ kịngẹ kiri kọn ḅarị ḅara.”

Emọsị 3:4

Idum opu-piri ḅio ekire-ekire, ò kuun pẹị ḅẹ ye ẹrị-a ḅara ḅụ? Asambịrịma ọkụkụ ò fukuru ḅio sime tẹ ḅio-fiema-fiema, ò ye kun tẹ sikima?

Emọsị 3:8

Idum ekirearị sakị ḅụ tụḅọ inetẹ ḅalafaa ḅịa? Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe ẹkwẹn-arị sakị tụḅọ inetẹ ori oku ḍuko wasama kọkọrọ ḅẹ?

Nahọmụ 2:11

Ọkụkụ ma ịḅụkụ mẹ tọ-anga emi, asambịrịma ọkụkụ ma fukuru mẹ, ọkụkụ ḅe ọ̀ pẹị ḅẹ nama mẹ ḍọkị ḅo-ḅo anga mẹ, ori ịwọma iyi aị ma sime tẹ gberie-sọ ịna aḅụụ fụkama-a anga mẹ?

Zẹfanaya 1:18

Anị ene mẹ ḅụ, KỊNỊNYANAḄỌ ḅe ori owi-ịganị ḍie-pakama ḅarị sakị mẹ ḅụ, ịna seleḅa na golu na kịngẹ sọ ịn ḅọrọma ḅịa. Ori ịganị ḅụ fịnị bebe tomikiri mẹ guluguluma ḅa. Ò tomikiri ḍumo simearị ḅọ goḅọ-goḅọ ḍumo kẹ ḅo kunoma lama ḅaa-a bẹkẹ kunoma.

Zẹfanaya 2:5

Filisiteniapụ ọ́ fa tẹẹ, ọmịnị tọrụ akaka angarị apụ. KỊNỊNYANAḄỌ ḅe ḅẹrẹ-pẹlẹ ọmịna ọgọnọ gbana tẹẹ. Ori ọ́ ḅaa guluguluma ḅa, tẹ ọmịna ḅụ gbọrụḅọ-sọ kiri kọn ḅịa.

Zẹfanaya 3:6

KỊNỊNYANAḄỌ ḅe ḅẹẹarị, “À sịẹ-sịẹ ḅaa fama tẹẹ; àrị ịna opu ama ma kan guluguluma tẹẹ, onu ma na tawa ma na tẹ kirikọn-aị ma sii kọsịtẹ simearị. Opu ama ma ini arị koroma mangị-so tẹẹ; etela ma kịnị ofori ḅara kẹ emi — kiri kọn gbọrụḅọ-sọ ofori.

Zẹkaraya 11:3

Ḅẹrẹtọn-apụ ma kururu kẹ oloku pakamarị; ịna ebube so tẹẹ! Idum ma olokuarị ye poki; Ịna opu piri sime-yọ Jodanị akaka mẹ ḅụ in guluguluma tẹẹ!

Ḅẹrẹkọn-apụ 14:5

Anịtẹso Samụsịnị nwẹnị ọ̀ ḍa na, ò iyingi na ḅụụ sọ tẹ ideri Timina mu, tẹ ọ̀ nwẹnị ḅo Timina ḅẹ kụrọ aḍụọ ma la. Tẹ gbọrụ asambịrịma ọkụkụ nwẹnị ọ̀ da-paka tẹ ekire.