Jerimaya 2:14 - FỊAFỊA BAỊBỤLỤ

¹⁴ “Izirẹlị omoniḅọ-a, Omoniḅọ pịkị ori iyi-a. Ọkọ kụma tiye ẹrẹsị si kẹ ọ̀ tọn apụ ma ò ḍuka-ḍuka tẹ ò kun-arị?

Jerimaya 2:14 Iomraidhean Croise

Suku-saakị 15:3

Ebiramụ nwẹnị pịkị ḅẹẹ, “Amụ ị́ gbọrụ tụḅọ sọ kẹ ị̀ pịrị-a, anịẹrẹsị ị̀ warị ḅio iyi wararị omoniḅọ anie ì ḍuu fị ḅarị ḅọ.”

Paka-so 12:49

Gbọrụ oloko mẹ sime ama mẹ ḅẹ furo-tụḅọ na, igoniḅọ tẹ ọmịna ogboku angarị ḅọ ḅe na pịrị ḅa.”

Paka-so 4:22

Anịsakị í Fero ḅẹẹ ḅa, mie KỊNỊNYANAḄỌ ḅe ḍuko yee, ‘Izirẹlị anie ị̀ tarị owiḅọtụḅọ.

Nimi Tolumaḅọ 2:7

À tọnwa omoniapụ fẹm, owiapụ na ereme na; anịsakị ị̀ warị-kuḅu ḅụ iyi omoniapụ sọ à nwẹn nyanam. Jeruselemu ḅụ tarị anga tẹ so tẹ ḅọ tẹ à nyana anambulo ogbo na, anana na oḅori na ogbo-ogbo na la kịẹn-ḅịḅị la ye nyana ḅọ ofori.

Ayịzaya 50:1

KỊNỊNYANAḄỌ ḅe mẹẹ, Í kuromarị à diḅọ na siya tẹ ẹrẹḅọ ḅara kẹ ị̀ atomi ḅẹẹ tẹ in so? Nwẹnị ọkọ kụma ndẹẹ ḅọrọ siya aḍiri ma? Ó kuromarị arị ọ́ kẹ dẹrị tẹ ini tomḅọ amịna awọmẹ kẹ omoni ḅara dẹrị ḅara? Ẹn-ẹn, ọmịna asi mie ó gotẹ kun ḅio sọ yee; ọmịna asi mịẹ-aị ẹrẹsị ini ọ́ kẹ ala-jụ fịrịmam.

Jerimaya 17:4

Ọmịnị à kẹ ọ́ pịrị amakiri mẹ ḅụ ḅara-siin nyanam, tẹ àrị ọ́ mịẹ tẹ ọ́ fịrịmẹnjị si kẹ ọ́ tọn apụ ma pịrị ḅa, ọmịnị anị gboloma gberie sọ nimi-a amakiri ḅụ, ị̀ ịganị ẹrẹsị, anị fịnị kịkarị, tẹ kọrị gbamaso ḅa.”

Jerimaya 5:19

Ini à gotẹ mịna aị ma mịẹ ye gbela sakị, Jerimaya, ịn ḅẹẹ mịnẹ ini ị̀ ḅụụ pịkị-so tẹ fịrịmẹnjị jen asịẹ ḅẹ atamụnọ pịrị ḅara mẹ ịna ḅara kuḅu ḅẹ amakiri ḅụ, anie ịn pịkị fịrịmẹnjị jen asịẹ ḅẹ apụ pịrị ḅarị ḅara ịna nye-a amakiri ḅụ.”