Jerimaya 2:13 - FỊAFỊA BAỊBỤLỤ

¹³ kẹ gotẹ ọkọ ḍukoarị ì atomi maa asi mịẹ tẹẹ: ini ị̀ ḅụ pịkị so tẹẹ, ḍumo-pịrịarị ngụngụḅa minji ḅe, tẹ minji koko olulu soku tẹ, paịn-paịn-sararị olulu ma tẹ gbala-gbala inetẹ minji ọlọ wẹrị-a aị ma.

Jerimaya 2:13 Iomraidhean Croise

2 Amadapụ 22:17

Kẹ gotẹ ọkọ ḅẹẹarị, ini ị̀ sịkị tẹ kụnụaị dọkịma tẹ kẹ oru-atamụnọ pịrị tẹẹ, mịẹtẹ ịn ḅara kẹ mịẹ aị ḅụ ini ị̀ ḅụụ ịganị saakị ḅẹ ḅara, ọkọẹrẹsị ị̀ ịganị mị yọ mẹ ḅụ saakị ḅa, tẹ biin ḅịa.’

Devidi-Anume 36:9

Ị́ ḅụ mie ḍumo mẹmgba saakị paka-ḅoarị: tẹ í bele ḅụ mie wa ḅọrọ tẹ bele ẹrịarị.

Nimi Tolumaḅọ 1:14

Tomikiri mẹ ḅụ mịẹarị ye goyegoye àrị ẹrị tẹẹ; anịmgba ḅintẹ ḅara kẹ anị fieye nimi-a ye, gbala fẹrụ ḍukarịbọ ọkụ.

Nimi Tolumaḅọ 1:2

Ḅintẹ ḅara kẹ anị fieye nimi gberie sọ oforii! Nimi Tolumaḅọ ḅe ọkọ ḅẹẹm, Ḅintẹ ḅara kẹ anị fieye nimi gberie sọ oforii! Inn, ọkọ mie ye-goyegoye sime-ḅara!

Nimi Tolumaḅọ 12:8

Ḅintẹ ḅara kẹ anị fieye nimi gberie sọ oforii! Nimi Tolumaḅọ ḅe ọkọ ḅẹẹm, Ḅintẹ ḅara kẹ anị fieye nimi gberie sọ oforii! Inn, ọkọ mie ye-goyegoye sime-ḅara!

Nimi Tolumaḅọ 2:11

Anịtẹso à nwẹnị à kọrị tẹ aị mamgba na, à lịlị tẹ anị kọrị ḅụ fama ye kẹ ḅiokoroma sakị, ḍikii! — arịmgba ḅintẹ ḅara kẹ arị fieye nimi-a aị; mḅọ gbala fẹrụ ḍukarị ọkụ, anịsakị tomikiri mẹ ḅụ nyana tẹ kẹ sọye mịẹ-mịẹ ye ofori.

Nimi Tolumaḅọ 2:21

kẹ gotẹ ọkọ ḅẹẹarị, ja asakị, tomḅọ amịna nimi na, ḍawọ ḍịn ye na, ḅara kẹ mịẹ ḍin ye na, kẹ lịlị fama ḅọ arị ḅụ paka-ḅo aị mamgba koroma so kẹ arị gotẹ ḅụụ ḅaa-a ḅọ pịrị ḅa. Miemẹ sọ ḅintẹ ḅara kẹ anị fieye nimi-a ye, tẹ pịkị gburo-gburotẹ opu siye.

Nimi Tolumaḅọ 2:26

Gbala ọ̀ ḅụụ-ḅẹlẹ ye mịẹarị ḅọ mie Tamụnọ nimi na, ye ḍawọ ḍin na, ḅioḅẹlẹ na kẹ pịrịarị ḅọ ẹrẹsị; kụma kobiri tunduruma kpoli kọrịnama mie ọ̀ kẹ si-mịẹḅọ ḅe pịrị ye, kẹ oriḅe tẹ Tamụnọ ḅụụ-ḅẹlẹ ye mịẹarị gbọrụḅọ pịrị ḅẹm ngẹrị gotẹ. Miemẹ sọ ḅintẹ ḅara kẹ anị fieye nimi-a ye, tẹ fẹrụ ḍukarị ye ọkụ.

Nimi Tolumaḅọ 4:4

Anịtẹso arị ẹrịm mịnẹ tomḅọ mḅọ na kpeki tẹ angarị ḅọ mọnị ḅụ mie lịlị mẹmgba na, kọrịnama kọrị ḍin mẹmgba na ḅo yee. Miemẹ sọ ḅintẹ ḅara kẹ anị fieye nimi-a ye, tẹ fẹrụ ḍukarị ḅọ ọkụ.

Ayịzaya 1:3

Nambulo ma sọ amịna nyanaḅọ nimi wararị, yedogi-anama sọ ịn nyanaḅọ fịye kẹ ịn pịrị fị-fị yọ nimi wararị. Kụma ị̀ atomi, Izirẹlịapụ ma nimi-a mịnẹsẹ yẹrị ịna Tamụnọ. Gbala-gbala ini aniemẹ fieye naa-a.”

Ayịzaya 1:4

Yei, si amịẹaị mịẹarị sịẹ, ọ́ fa tẹẹ! Ọmịnị anie ḅụrụ-kọsịtẹ si-mịẹapụ. Ọmịna asi ma ọ́ jịjịma tẹ iku ọ́ ḅaa ḅẹ-yearị! Ọ́ KỊNỊNYANAḄỌ, Izirẹlịapụ tẹkẹarị Fịafịa Tamụnọ ḅe sịkị tẹ ọḅụ kẹ ò gbin tẹ.

Ayịzaya 12:3

Ḅuu-minji minji pọkọ-tarịarị ḅọ ḅioḅẹlẹma ḅara, anị ḅara mie Tamụnọ atomi ma ḍerekuarị ḅara ori ịn ḅọrọmarị sakị.

Ayịzaya 5:13

tẹ mie ḅụ ịn ó kun so ḅa. Ọmịna sịḅịdapụ fịye ẹrị fị-a ḅụ fịị ḅa, tẹ ama ḅẹ atomi ma minji pọkọ-tarị ḅụ fịị ḅa.

Ayịzaya 55:2

Tiye ẹrẹsị ó furo ḅin ḅịa ye gotẹ igbigi famarị? Tiye ẹrẹsị ọmịnị ọ́ kọrị ḅo igbigi kẹ papaa fama tẹ ḅuru paa ọ́ tarịarị? Ọmịnị ì poki tẹ à ḍukoarị ye mịẹ; anịsakị ó ḅioḅẹlẹ ḅara kẹ fịye mamgba ḅụ iḅitẹịn fịye fị ḅa.

Ayịzaya 63:8

KỊNỊNYANAḄỌ ḅe ḅẹẹm, “Ini ma ị̀ atomii; ini oḅori kẹ ị̀ sịn ḅịa.” Tẹ mie ḅụ ori ịn ḅọrọmam,

Jerimaya 1:16

À fomu-ḅara kẹ ị̀ atomi pịrị ḅa, in si mịẹ tẹ ẹrẹsị; ini ị̀ sịkị tẹ agba mịẹ-mịẹ oru-atamụnọ pịrị tẹ ẹrẹsị, pịkị oru-afụḅara tẹmẹ tẹ sunsin arị pịrị tẹ.”

Jerimaya 14:3

Ngọ-kọnapụ ma minji gotẹ tẹ ịna afịrịmẹnjịapụ fịrịma-pakamarị; ini ama minji koko ayọ ma muarị, kụma in minji ẹrị-a; ini ịna ye ofori ajongo ma kẹ pịkị-ḅoarị. Ḅioḅẹngbọ-ḅịkị na pikiri na ḅụ ini ịna atọrụ ḅọịarị.

Jerimaya 15:6

Ọmịnị ma ị̀ sịkị tẹẹ, Ọmịnị ọḅụ pịkị ì gbin tẹẹ. Anie ḅụ àrị ị̀ ḅara sụn-pakama tẹ kẹ ọ́ kọsịma tẹẹ ị̀ ịganị ọlọ-sịẹma ịnyọ kẹ ị̀ tama tẹẹ ẹrẹsị.

Jerimaya 17:13

KỊNỊNYANAḄỌ, anie Izirẹlị ḅiokpọ; í koroma tẹ so apụ mamgba ịna tọrụ-tuu ḅa. Ini ịmaịn-faa ḅarị ḅara fọọn ọgọnọ kẹ ẹrẹ kịka ḅa, ini, KỊNỊNYANAḄỌ ḅe, sịkị tẹ ẹrẹsị, ḍumo-pịrịarị ngụngụḅa minji ḅe.

Jerimaya 18:14

Lẹbanọnị ḅẹ geletẹ ịkụ ma ọgọnọ jen sakị kpootẹ igirigi sara-a so tẹ? Jen sakị anị ḅẹ tụndụ mẹ ḅẹ dein minji, arị ḅẹ okolo ma ḅio minji fa kụlụkụlụ tẹ?

Jerimaya 19:4

À gotẹ miemẹ mịẹ ḅẹ-yearị, ị̀ atomi ma ị̀ kẹ gbin koroma-so tẹ agba mịẹ-mịẹ oru-atamụnọ ma pịrị ḅụ mị yọ mẹ pilema tẹẹ — oru-atamụnọ ma tẹ ịna elemu aḍapụ-o, Juda ḅẹ amadapụ ma-o arị gboloma ye ḅụ ḅẹ gberie-sọ nimi-a aị ma. Ịn mịẹye-ofori apụ ọmbie kẹ mị yọ mẹ ḅinma tẹẹ,

Jerimaya 2:11

Jen gbọrụ sịẹ sọ amụ amịna atamụnọ ḍima-a, karakaramatẹ arị aị ma tamụnọ-a ḅẹ sọ. Kụma ì atomi tamụnọ nwẹn ḅẹẹ aị tẹ inetẹ gberie-sọ mịẹ ịn pịrị ḅịa aị ma kẹ Tamụnọ tẹ kụn ọkị-ḅo ịn pịrị tẹ ḅọ ḅe kiri ḍima tẹẹ.

Jerimaya 2:17

Izirẹlị, ị́ ḅarana miemẹ dogi-ḅo ị́ ḅụụ pịrịm! Ị́ yẹrị KỊNỊNYANAḄỌ, ị́ Tamụnọ ḅe ḅụ mangị-som, yẹrị tọrọkọ tarị ị́ pịrị ma muarị ogbo.

Jerimaya 2:26

KỊNỊNYANAḄỌ ḅe mẹẹ: In furuḅọ kun tẹ ọ̀ tọrụ-tuu gbọrụ ḅara mẹ mie ọmịnị Izirẹlịapụ mamgba tọrụ-tuu ḅarị ḅara, ọmịna amadapụ na opu fịrịmẹnjịapụ na, ọmịna agbamịẹapụ na ịkịankoroapụ na.

Jerimaya 4:22

KỊNỊNYANAḄỌ ḅe mẹẹ, “Ị̀ atomi apantu sọ tẹẹ; ini ì nimi-a. Oḅori sọarị ḍọkọḍọkọ-awọmẹ mie ịn kịkarị; in yefieye naa nyana-a. Siye mịẹ ḅụ ịna ḅara gbana tẹẹ; kụma iḅiye mịẹ ḅụ ini papaa apụ.”

Jerimaya 5:26

Si atomi ì atomi ogboku angarị, ịn ḅọị tẹ koruarị ḅara ịgbọ kẹ feni tuu apụ ẹbị ḅara, kụma in tuu ḍiein mẹ tomi mie ịn kẹ kun ḅẹ ye.

Jerimaya 5:31

ịkịankoroapụ ḅarị jen ḍuko-a, iruo aị sikima tẹ agbamịẹapụ ma ịkịankoroapụ tọn ḅara tọn ḅara mie ịn kẹ ḅẹrẹtọn-arị, tẹ ì atomi ma ini na tụḅụrụ-aị ḍuko-a. Kụma anịmgba ḅo kunoma la sakị ịn mịẹ ḅẹ ye tiye?

Izikẹlị 14:5

Arị oru-afụḅara mamgba Izirẹlịapụ ma tọrụ da sikima ḅelema tẹẹ ị̀ ḅụ, kụma ị̀ pakịrị-ḅịḅị ḅụ à ḅiokpọ wararị à siin ịn nyana ọkị tẹ ịn sịḅị-tuu ị̀ pịrị ḅa.”

Izikẹlị 47:1

Tomḅọ ḅe ị̀ tọrọkọ-sụn tẹ ị̀ kẹ pịkịma-mu Tamụnọ-warị mẹ ḅẹ mẹnjị-ḅọrọ-sọ-anga mẹ lam. Minji mẹ mẹnjị sọ mu anga mẹ suku-ḅio mẹnjị-mẹnjị paka-ḅo ịrụa-saakịarị-anga anga mẹ da-mum, Tamụnọ-warị mẹ tọrụ kẹ da pakịrị mẹ. Tamụnọ-warị mẹ ḅẹ suku-jụ da pakịrị mẹ suku-ḅio mie minji mẹ pakịrị mẹ ḅụ ḅọrọ ye.

Mayịka 2:8

KỊNỊNYANAḄỌ ḅe nwẹnị pakịrị, Sakị ḅụra tẹrẹmẹ, kịnị na fịya-a apụ owu kẹ ị̀ atomi paka-paka ḅara kẹ ọ́ saakị tẹ owu kẹ ị̀ atomi pakam. Owu ḅụ pịkịma ama ḅo apụ ḅiotọn-arị ye ḅarị ịn la ḅịa, kụma ọmịnị anịjụ emi, tẹ ịna oḅukulo ịna ọgọnọ ḅẹ akapa siin-ọkị ḅara kẹ ịna kụn siin-ọkị ḅẹ koruarị.

Mayịka 6:3

KỊNỊNYANAḄỌ ḅe mẹẹ, “yei ị̀ atomi, à tiye kẹ ọ́ mịẹ? À tọ-ḅara kẹ ḅụụ-palịmaye sọ ọ́ pịrị? Ọmịnị ị̀ pakịrịị!

Zẹkaraya 13:1

Kụrọmamgba nyana KỊNỊNYANAḄỌ ḅe ḅẹẹarị, “Anị ene mẹ ḅụ, ngụngụḅa finji ḅa, kẹ Devidi furo-ḅẹ-apụ ma na Jeruselemu ḅẹ apụ ma na sịkịrị fịafịama ịna si na oru-afụḅara tẹkẹ na ḅụ.

Jọnị 4:10

Jizọsị nwẹnị pakịrị, “Ị́ nwẹnị Tamụnọ kẹ tomi pịrị, pịrị ye na, ị́ ḅara minji mẹ ḅiiarị ḅọ ḅe na nimi namịna, mimgbe rẹ mie ọ̀ ḅara ị́ ḍumo-pịrịarị minji ḅii ọkị ḅarịye.”

Jọnị 4:11

Ẹrẹḅọ ma nwẹnị ḅẹẹ, “Ị̀ Nyanaḅọ, ị́ agbakuru nyana-a anị sakị suḅe mẹ pịkị pokolo wararị, ndẹẹ ị́ mịẹtẹ ị̀ ḅẹẹarị ḍumo-pịrịarị minji mẹ ḍuu ḅo ị̀ pịrị ḅu ḅẹ ḅara?

Jọnị 4:14

kụma ị̀ ḅara ḅo minji mẹ ḅuu ḅọ, ḅuu ḅọ minji ḅarị jen kẹ mḅọ pọkọ tarị ḅịa. À kẹ mḅọ pịrị ḅuu ḅarị minji mẹ mḅọ ḅụụ ḅio ngụngụḅa sọ tẹ ḍumo pịrị minji pakama, pakama mḅọ sime pịrị ḅa, tẹ mḅọ gbamaso ḍumo nyana ḅa.”

Jọnị 7:37

Alalị mẹ kunoma ene, anie pịkị anị ḅẹ opu ene mẹ ḅụ, Jizọsị nwẹnị saakị sịẹ tẹ oloku pakama, “Ḅẹḅọ-ḅẹḅọ tẹ minji pọkọ-tarịarị ḅọ mḅọ ị̀ dama-ḅo minji ḅuu.

Ditẹrọnọmị 31:16

KỊNỊNYANAḄỌ ḅe nwẹnị Mozizi ḅẹẹ: Ḍikii, ị́ ị́ aḍapụ ma na mono gboloma ḅẹ tẹ, anịtẹso ọkụma mịna tomi ma saakị tẹ ama mẹ ḅẹ igoni oru-atamụnọ ḍukamẹnjị sẹfị mẹnjị kọn ḅa ịn mu ini ogboku sime ḅarị anga ḅụ, tẹ ini ị̀ sịkị ḅa, tẹ ị̀ ọḅọkụ mẹ tẹ arị ini na fị ye mẹ kan ḅa.

2 Pita 2:17

Mịna atomi ma in minji fa kpalịkpalịtẹ ngụngụḅa na kịkarị ẹrẹsị fẹrụ gala-galamatẹ oḅuto ọkụ; Tamụnọ kpiti tẹịn kanakana ḅio ḅụ sime-yọ tẹlẹma ịn pịrị tẹ.

Mịẹfinji 21:6

Tẹ ọ̀ nwẹnị ḅẹẹ, “À kọrị fama tẹẹ! Yẹrị anie Alịfa ḅee, pịkị Omega ḅee, ye ḅẹ suku-saakị, pịkị anị ḅẹ kunoma. Minji ḅuu pọkọ-tarịarị ḅọ emi ḅẹḅẹ, à kụrọ pịrị tẹ mḅọ ḍumo ngụngụḅa minji ḅuu ḅa, ye gbẹẹ-a ḅara ḅụ.

Mịẹfinji 22:1

Enjẹlị ḅe pịkị ḍumo minji tọrụ kẹ ì ḍiem, anị kịọnkịọn-arị, kirisitalị nwẹn-sịn ye mẹ sime-ḅara, tẹ Tamụnọ na Anana-Tụḅọ ḅe na emine mẹ ḅụ mie anị sarasara paka ḅoarị ye,

Mịẹfinji 22:17

Tẹmẹ ḅe na Ịya ḅẹ ẹrẹḅọ ma na mẹẹ, “Ḅoo!” Miemẹ naa ḅọ, naa ḅọ sọ tẹ ḅẹẹ, “Ò ḅoo!” Minji pọkọ tarị ḅọ, tarị ḅọ ḅoo; ḅii ḅọ, ḅii ḅọ ḅo ḍumo minji mẹ ọkị ḅuu, ḍiepịrịye ḅara ḅụ.

Ḅẹrẹkọn-apụ 10:13

Anịsọ ọmịnị ị̀ sịkịm tẹ fịrịmẹnjị oru-atamụnọ pịrịm; anịẹrẹsị à ḅarị jen-maaịn kẹ ọ́ ḍụa-ḅọrọma ḅịa.

1 Samụẹlị 12:10

Tẹ in nwẹnị owu KỊNỊNYANAḄỌ ḅe pịrị tẹ ḅẹẹ, ‘Wa si mịẹ tẹẹ, gbala wa KỊNỊNYANAḄỌ ḅe sịkị tẹẹ, tẹ fịrịmẹnjị Balị na, Asịtarọtị ere-oru ma pịrị tẹ ẹrẹsị; kụma mịọkụ wamịnị na fịya-a apụ ma ḅara-ḅio wa ḍụa-ḅọrọma pakama-ḅoo; anịsakị wa fịrịmẹnjị ị́ pịrị ḅa.’