Jerimaya 2:12 - FỊAFỊA BAỊBỤLỤ

¹² Tẹ mie ḅụ à tọn So-tọrụ mẹ pịrị tẹ mịnẹ anị ḅalafama ḅara kẹ jikee, kịnị ḅụụ-bua tẹ ḅụụ-gbiripu ḅẹ ḅara,

Jerimaya 2:12 Iomraidhean Croise

Ayịzaya 1:2

KỊNỊNYANAḄỌ ḅe ḅẹẹm, “So na Kiri na, ọmịnị à ḍukoarị ye pokii! Yẹrị ḍikiḍiki-pakamaḅotẹ awọmẹ ma kọngọ-kụrọma ị̀ pịrị tẹẹ.

Ayịzaya 29:9

Ị́ mịẹarị ye mịẹ ma-muu, tẹ oḅori tomḅọ sọọ! Ị́ mịẹarị ye mịẹ ma-muu, tẹ tọrụngbọ-pụụntẹḅọ sọọ! Gbọrụ iru sọ ḅụ ḅuu-a ḅara kẹ iru ị́ tọrụ ḅa! Tọịn-koro iru sọ ḅịḅị la-a ḅara kẹ pụmbụma-pụmbụmaa.

Jerimaya 18:13

KỊNỊNYANAḄỌ ḅe mẹẹ, “Sịẹ goyegoye gbela jen sakị ọkọ sime ye paka tẹ ḅoto. Izirẹlịapụ ma ḅalafama ye mịẹ tẹẹ!

Jerimaya 22:29

Yei amakiri, amakiri, amakiri! KỊNỊNYANAḄỌ ḅe ḍuko tẹ ye mẹ pokii:

Jerimaya 4:23

À kiri mẹ ḍikim — anị kẹ gberie-sọ mịẹ-a ḅara kẹ gbin koro-simem; So-tọrụ mẹ ḅụ sọ, bele ofori.

Jerimaya 6:19

Kiri, pokii! Ịn ḅọị ḅara kẹ tọn tẹ mịẹ ḅẹ aị ma gotẹ à fomu-ḅara ọkị-ḅo mịna atomi ma pịrịarị, ini ì tolumaye sịkị tẹ ị̀ ẹkwẹn ma poki tẹ arịḅẹ ḅara mịẹ à ẹrẹsị.

Mayịka 6:2

Ọmịnị tụndụ, ọmịnị tomikiri mẹ ḅẹ sime gbamaso sukutarị-aḍụḅarị, ọ́ KỊNỊNYANAḄỌ ḅe ḅẹrẹ mẹ pokii! KỊNỊNYANAḄỌ ḅe ḅẹrẹ nyana ori atomi pịrị wararị, ori ọ̀ kẹ Izirẹlị ọgọnọ gbana ye mẹ ḍuko ḅẹ tẹẹ.

Matiyo 27:45

Anị ḅo eneḅaka ogbo la sakị, kanakana ḅo bebe ama mẹ gbaịn tẹ, sonio aso ọkị mu esenia aso la anị nwẹn kẹ ọkọ simem.

Ditẹrọnọmị 32:1

Yei ọmịnị So, ó ḅeri-tokolomaa, anịsakị àrị ẹkwẹn ḅa; tẹ yee Kiri mẹ, ị̀ ḅịḅị ḅẹ ẹkwẹn-aḅịḅị ma naa.