Jerimaya 2:11 - FỊAFỊA BAỊBỤLỤ

¹¹ Jen gbọrụ sịẹ sọ amụ amịna atamụnọ ḍima-a, karakaramatẹ arị aị ma tamụnọ-a ḅẹ sọ. Kụma ì atomi tamụnọ nwẹn ḅẹẹ aị tẹ inetẹ gberie-sọ mịẹ ịn pịrị ḅịa aị ma kẹ Tamụnọ tẹ kụn ọkị-ḅo ịn pịrị tẹ ḅọ ḅe kiri ḍima tẹẹ.

Jerimaya 2:11 Iomraidhean Croise

1 Amadapụ 11:33

À miemẹ mịẹ ḅa gbala Sọlọmọnị ì sịkị tẹ mu sunsin igoni oru-atamụnọ Asịtatị, Sayịdọnị ḅẹ ere-oru na; Kẹmosi, Mohabụ ḅẹ oru-tamụnọ na; Mịlịkọmụ, Amọnị ḅẹ oru-tamụnọ na pịrị tẹ ẹrẹsị. Sọlọmọnị ḅarị ì ḅịḅị poki-a tẹ ọ̀ mịẹ-irima tẹẹ, tẹ ḅarị ì oloko ma na à tọn aị ma na koko-a, ọ̀ ḍa Devidi wẹrịtẹ mịẹ ḅara.

2 Amadapụ 1:3

Kụma KỊNỊNYANAḄỌ ḅe enjẹlị nwẹnị Tisibi ḅẹ Ịlayịja ḅe ḅẹẹ, “Saakị, mu Sameriya ḅẹ amadaḅọ ḅe afịrịmẹnjịapụ ma na bịama tẹ ịn ḅẹẹ, ‘Í gotẹ mu Balị-zibọbụ Ẹkịrọnị ḅẹ oru-tamụnọ ḅe gbela ḅẹ muarị ye anie Izirẹlị ḅụ Tamụnọ ḅarị ofori ẹrẹsị, ọkọ-a?’

2 Paka-aị 13:9

KỊNỊNYANAḄỌ ḅe agbamịẹapụ ma na, Erọnị owiapụ-awọmẹ ma na, Livayị furo-ḅẹ-apụ ma na amụ ọmịnị ịna dee pakama tẹ igoniapụ agbamịẹapụ tọn ḅụ pịrị ḅara kẹ agbamịẹapụ tọn amịna ḅụụ pịrị-a? Ḅo asambịrịma owi-nambulo anịanịa sọnọma ejimina kẹ amịna ḅụụ mịẹ fịafịama ḅọ fịafịama ḅọ ḅo tamụnọ sọ tamụnọ-a ḅẹ aị ma agbamịẹḅọ sọm.

Devidi-Anume 106:20

ini osuka fịarị nama fụḅara kẹ Tamụnọ ebube mẹ kiri ḍimam.

Devidi-Anume 115:4

Ini kẹ Tamụnọ sịn-arị aị ma tomi ḅara kẹ golu na seleḅa na kẹ mịẹ aị.

Devidi-Anume 3:3

Kụma, Yei KỊNỊNYANAḄỌ, anie sakị mamgba ì ekpeke tẹ ye kẹ ị̀ lama ḅẹ ye da-sikimarị, owu-ḅara-iḅi kẹ ị̀ pịrịarị tẹ mịẹ tẹ à siin ḅiokpọarị.

Ayịzaya 37:19

pịkị ịna atamụnọ ma dọkịmam — anie gbala-gbala tamụnọ-a aị ma, tomi ḅara kẹ sịn na ḍụḅarị na kẹ mịẹ ye afụḅara kịngẹ.

Jerimaya 16:20

Tomḅọ inetẹ mḅọ ḅara-kuḅu ḅẹ atamụnọ mị ḅẹ? Ẹn-ẹn, mḅọ mịẹm ḅẹḅẹ arị karakara atamụnọ sọ ḅịa.”

Jerimaya 18:13

KỊNỊNYANAḄỌ ḅe mẹẹ, “Sịẹ goyegoye gbela jen sakị ọkọ sime ye paka tẹ ḅoto. Izirẹlịapụ ma ḅalafama ye mịẹ tẹẹ!

Jerimaya 2:5

KỊNỊNYANAḄỌ ḅe mẹẹ: Ọmịna elemu aḍapụ ma tọ ḅẹrẹ ḍuko ị̀ ọgọnọ gbana? Tiye ịn mịẹ tẹ ini ọḅụ kẹ ì gbin tẹ mẹnjị-so? Ịn sunsin ye-ḅụ-sọ-a oru-afụḅara pịrịm tẹ ini ma ḅioju sọ nwẹnị ḅo papaa ḅara sime.

Jerimaya 2:8

Agbamịẹapụ ma gbela-a: KỊNỊNYANAḄỌ ḅe ọ̀ tọ-anga emi? Ị̀ agbamịẹapụ ma í nimi-a. Ḅẹrẹtọn-apụ ma kọngọ-kụrọma ị̀ pịrịm; ịkịankoroapụ ma Balị ẹrẹ ḅụ ẹkwẹn tẹ sunsin ye-ḅụ-sọ-a oru-afụḅara pịrịm.

Jerimaya 5:7

KỊNỊNYANAḄỌ ḅe nwẹnị gbela, “À tiegotẹ ị̀ atomi asi ma wẹrịso ḅẹ? Ini ị̀ kẹ gbin-koroma-so tẹ karakaramatẹ tamụnọ-a aị ma mie in sunsin pịrịarị. Àrị ịn pịrị fị furo ḅinmam, kụma ịn sẹfịm tẹ ama-mẹnjị-ereme na koro-simem.

Izikẹlị 14:5

Arị oru-afụḅara mamgba Izirẹlịapụ ma tọrụ da sikima ḅelema tẹẹ ị̀ ḅụ, kụma ị̀ pakịrị-ḅịḅị ḅụ à ḅiokpọ wararị à siin ịn nyana ọkị tẹ ịn sịḅị-tuu ị̀ pịrị ḅa.”

Izikẹlị 5:7

Mịọkụ Jeruselemu, yẹrị Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe ḍukoarị ye pokii. Ì oloko ma ma poki tẹ mịẹ-a na à tọn-koroma-aị ma koko-a na ḅụ ị́ ḅụụ-fụka dogi-ḅo í ikelema wararị asịẹ ma nẹngị tẹẹ. Ị́ jen asịẹ ḅẹ apụ ama-anganga-aḅara ḍukamẹnjị tẹẹ.

Mayịka 4:5

Kẹ gotẹ ọkọ ḅẹẹarị, tomi-kụlọkụlọ mamgba sunsin amịna oru-atamụnọ pịrịarị, tẹ arị aḅịḅị pokiarị; kụma wamịnị, wa sunsin KỊNỊNYANAḄỌ wamịna Tamụnọ ḅe pịrị tẹ ọ̀ ḅịḅị poki gbamaso ḅa.

Romu 1:23

in ḍumo gbamaso Tamụnọ ḅe tẹkẹ ḅẹ nakara, ini ịn kẹ fị-fị atomi na, feni na, nama na, ikiriarị aị na kịkama kịra aị rẹ anie ịn tẹkẹarị.

1 Kọrịntị 8:4

Mie ḅụ, kẹ agba mịẹ oru pịrị tẹ fịye gboloma ye mẹ ḅụ, wa nimi wararị mịnẹ oru fụḅara mẹ, ofori ye mie anị sịẹ pịrị ye; wa nimi wararị, mịnẹ kpọkpọ gbọrụ Tamụnọ ḅe sikima jen ofori.

Galesiya 4:8

Ḅọrọtẹ sakị, amụ ọ́ Tamụnọ nimi-a sakị, ọmịnị omoni sọ Tamụnọ-a aị pịrị simem.

Ditẹrọnọmị 32:16

In ò jikemam igoni oru-atamụnọ na afana sọọ Tọn-tọn amịẹaị mịẹ kẹ in ori ịganịmam.

Ditẹrọnọmị 32:21

In ì jikema tẹ arị aniemẹ tẹ tamụnọ-a ye na afana sọ tẹ, ini ịna akpokobịa ma kẹ ị̀ ịganịma tẹẹ. Anị ḅara mie à kẹ ịn jikema tẹ ini inima tẹ tomi-a tomi ma na afana sọ ḅarị ḅara; à ye-nimia gbọrụ opu sịẹ ḅụụ sọ tẹ ini ịganịma ḅa.

Ditẹrọnọmị 33:29

Yei Izirẹlị, ḅioḅẹlẹ sime ọ́ pịrịm! Tọ apụ ọmịnị na kịka, KỊNỊNYANAḄỌ ḅe ḍụa-ḅọrọma gbọrụ atomi, ọmịna ḅarasụa ekpeke ḅe! Ọmịnị na fịya-a apụ ḅo, ḅo ọmịna tọrụ iḅi ọkị aị mịẹ ḅa; tẹ ọmịnị ịna gele ayeyọ ma ọgọnọ mẹnjị ḅa.

1 Pita 1:18

Kẹ gotẹ ọkọ ḍukoarị, ọ̀ gbẹẹ tẹ ọmịna atẹngịapụ ma da-saḅama ọ́ pịrị papaa ḍumo mẹ ḅẹ omoni mẹ ḅio ọ́ pakama-ḅo ye ḍụḅa la ḅara ó nimim. Anie mẹ golu na, seleḅa na gulugulu ḅara kẹ gulugulu ḅẹ ye-a;

1 Samụẹlị 4:21

Á nwẹnị ẹrẹ kẹ tụḅọ ḅe sịn, Ịkabọdị, tẹ ḅẹẹm, “Boma mẹ Izirẹlị ḅụ so tẹ!” Gbala Tamụnọ Ọḅọkụ-Igbe mẹ ịn nwẹn kuun-ọkị tẹ, pịkị á fụanḅọ á di ḍa na, á di na fịị ẹrẹsị.