Jerimaya 2:10 - FỊAFỊA BAỊBỤLỤ

¹⁰ Ịrụa-ideriarị-anga anga mẹ mu Sayịpụrọsị sọọ mẹ la, pịkị kịnị fịrịma mu ịrụa sakị paka-ḅoarị anga mẹ ḅụ Keda amakiri mẹ la. Ị́ ẹrị ḅa mịnẹ miemẹ kịka jen ye, jene-jene amụ paka-a.

Jerimaya 2:10 Iomraidhean Croise

Suku-saakị 25:13

Mịna ẹrẹ ma anie Isimẹlị owiapụ-awọmẹ ma ẹrẹ ma, ịn wẹrịtẹ ini iyi koroma ọrụ ḅụ: Nebahọtị anie Isimẹlị tarị owiḅọtụḅọ na Kidarị na, Adibili na, Mibisamụ na,

1 Amadapụ 9:9

Tomi nwẹnị pakịrị ḅa, ‘Ịn KỊNỊNYANAḄỌ Ịna Tamụnọ ḅe tẹ Ijiputi ḅụ ịna atẹngịapụ ma pakama-ḅo ḅọ ḅe kẹ gbin-koromam. In nwẹnị ịna sịḅị-tuu kẹ oru-atamụnọ pịrị tẹ fịrịmẹnjị arị pịrị. Aniemẹ mie KỊNỊNYANAḄỌ ḅe gotẹ mị ḅụụ-fụka mẹ ọkị-ḅo ịna ọgọnọ gbana yee.’ ”

1 Paka-aị 1:7

Javanị owiapụ-awọmẹ anie Ẹlịsa na, Tasịsị na, Kitimu na, Rodanimu na.

1 Paka-aị 23:1

Tọnwa aḍin Devidi sịḅị ḅọrọtẹ ori omongi tẹso, ọ̀ nwẹnị ori owiḅọtụḅọ Sọlọmọnị kẹ Izirẹlị ḅụ ama-dama.

1 Paka-aị 23:12

Kohatị owiapụ-awọmẹ anie Amịramụ na, Iza na, Hẹbụrọnị na, Uziyẹlị na, inimgba ini apụ.

Devidi-Anume 120:5

Ọmịnị ogboku sime tẹ anga mẹ, si Mẹsẹkị ḅio anga na gbasịm, anịanịa Keda ḅẹ apụ ogboku anga.

Ayịzaya 21:16

Anịtẹso KỊNỊNYANAḄỌ ḅe ị̀ ḅẹẹm, “Gbọrụ kụra gbasị ḅụ Keda ḅẹ afuro ma opu mẹ ḅo kunoma ḅa.

Ayịzaya 23:1

Mie Taya gboloma oku mẹ. Ọ́ dasịẹma-a ḅara kẹ kururu ḅụ owu pakama, ọmịnị abajị ḅio dọkụarịapụ! Taya, ọmịna ama ḅẹ arụ-agba anga mẹ ịn kan guluguluma tẹ; anị ḅẹ awarị ma na, arụ sọ ḅo lụmọ gbin, gbin ayọ ma na in sima fama tẹ. Ọmịna arụ ma Sayịpụrọsị ḅụ pịkịma-ḅo sakị ọ́ pakaye naa ḅa.

Ayịzaya 23:12

Sayịdọnị opu ama, í ḅioḅẹlẹ kunoma tẹ, ịn pịkị ị́ atomi ma ponomarị. Ịn nwẹnị mangị-so Sayịpụrọsị mu sọ, ịn paa ḅọrọ ḅịa.

Jerimaya 49:28

Mie KỊNỊNYANAḄỌ ḅe ḍuko ye Keda Furo na Hezọ ḍikiḍikiarị iri ma na gboloma ye ḅụ, anie Ama-da Nebukadineza ọkị aị ma: “Owu kẹ Keda ḅẹ apụ pakaa, tẹ ịn ḅaa guluguluma, anie ịrụa saakịarị anga mẹ ḅẹ apụ ḍumo kọn ḅara nyana wararị apụ ma.

Izikẹlị 16:16

Ị́ ị́ aḅịtẹ ḅẹ jaị kẹ ị́ atẹkẹ-ayọ ma ḅirimam, tẹ ama-mẹnjị-ẹrẹḅọ kịka tẹ ị́ ḅụụ kẹ ḅẹḅọ-ḅẹḅọ pịrịm.

Izikẹlị 27:21

Arebịya apụ ma na Keda ḅẹ amakiri ḅẹ sịḅịdapụ na asambịrịma anana amẹẹ na ḍụḅa paka-ḅo tẹ anana amẹẹ na oḅori amẹẹ na kẹ í tuḅoni-aị ma gbẹm.

Izikẹlị 27:6

Basani ḅụ ini oku nwẹn-sịn asịn ọkị-ḅo tẹ kẹ ḅekina-ajụẹịn karam; Ịn kẹ ị́ dẹkị ịkasị ye Sayịpụrọsị ḅụ ḅo payịnị-sịn, Tẹ ịn nwẹnị ọdụ kẹ anị dẹẹ.

Izikẹlị 5:7

Mịọkụ Jeruselemu, yẹrị Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe ḍukoarị ye pokii. Ì oloko ma ma poki tẹ mịẹ-a na à tọn-koroma-aị ma koko-a na ḅụ ị́ ḅụụ-fụka dogi-ḅo í ikelema wararị asịẹ ma nẹngị tẹẹ. Ị́ jen asịẹ ḅẹ apụ ama-anganga-aḅara ḍukamẹnjị tẹẹ.

Danẹlị 11:18

Anie ḅọrọtẹ so ori owu kẹ tọrụ akaka simearị ama ma paka tẹ arị ḅụ tọnwa aị nẹngịma ḅa. Kụma jen sịẹ ḅẹ sịḅịdaḅọ ọ̀ nẹngịma tẹ ori Opu ẹkwẹn ḅo kuno ḅa; karakaraye ḅụ ò Siriya ḅẹ amadaḅọ ḅe Opu ẹkwẹn mẹ pịkị ori ọgọnọ gbana ḅa.

Danẹlị 11:30

Romu ḅẹ apụ ma minji arụ kẹ ḅo tẹ ori na bịama tẹ ọ̀ tẹmẹ-naịn-naịnma ḅa. Anịtẹso ọ̀ pịkị tẹ ịganị ḅụra tẹ ḅụụkụrọma tẹ Tamụnọ atomi ma Tamụnọ-nimi-ḅara mẹ guluguluma ḅẹ ḍọkị ḅa. Anị Tamụnọ-nimi-ḅara mẹ sịkị tẹ apụ kẹ ò toluma ḅara mie ò ḍiki mịẹ ḅarị ḅara.

Kịẹn-aḅịḅị 24:24

Kụma opu onwi-arụ Kitimu ḅụ ḅo ḅa, tẹ ḅụụ-fụka kẹ Asọ na, Ẹba na pịrị ḅa, tẹ ini sọ ḅọ fịị gulugulu fa ḅa.

1 Kọrịntị 5:1

Kịnị ye kikima-a ḅara kẹ ḍuko ị̀ pịrị tẹ, mịnẹ ọmịna ogboku ḅụ owiapụ na ereme na ḍuko na-iḅi-a si mẹnjị kọn-arị, oru nimi apụ ma sọ mịẹ-a ḅara. In ḍuko ị̀ pịrịm mịnẹ gbọrụ owiḅọ ọ̀ ḍa ta na olo-sọarị!

Ḅẹrẹkọn-apụ 19:30

Anị ẹrị apụ mamgba nwẹnị ḅẹẹ, “Anị ene mẹ tẹ Izirẹlịapụ Ijiputi ḅẹ ama ḅio paka-ḅo sakị ḅụ nwenii ḅo mịmgba la gbala-gbala nwẹn sime ye amụ paka-a, anịanịa tọrụngbọ kẹ ẹrị. Ọmịnị anị kẹ ḅiokoromaa, kẹ ḅịḅị-kẹ-ogbosọọ, tẹ ẹkwẹẹn.”