Jerimaya 19:9 - FỊAFỊA BAỊBỤLỤ

⁹ Si kẹ ịn tọn apụ ma opu ama mẹ ikelema-koro ḅa tẹ ḅụụkụrọma tẹ anị ḅẹ atomi ma ḅaa ḅa. Ama mẹ ọkị ẹrẹsị ịn kẹ anị ikelema ḅara mẹ kpọma ḅalafama ḅarị ḅara ḅụ anị ḅio sime apụ jụmọ-jụmọ ḅaa pẹị ḅa, tẹ ịna soku-ḅẹ ḍọkọḍọkọ-awọmẹ sọ ḅọrọ ḅịa.”

Jerimaya 19:9 Iomraidhean Croise

2 Amadapụ 25:3

Ini akalụ karama akalụ mẹ ḅẹ eseni aḍin eneḅaka mẹ ịnụ mẹ opu ama mẹ ḅio kụrọ-gbagba tẹ ama mẹ ḅio ḅẹ atomi ma fị-fị fịye kalịye sọ nyana-a.

Ayịzaya 9:20

Opu sịẹ mẹ ikelema-koro tomi ini ẹrị fịye kalịye goyegoye pụkọ-pụkọ ọkị fịarị, kụma gbala-gbala ịna furo ḅin-a. Ini furo ḅio iyi awọmẹ kịngẹ sọ ịn pẹịarị!

Jerimaya 13:14

Anịtẹso maa jongo kẹ jen-jen gbolo tẹ arị fịị kọsị-sara ḅara mie à kẹ ịn ḅaa kọsịma ḅarị ḅara, omongiapụ na ḍọkọḍọkọ-awọmẹ na gbọrụ ḅara mẹ. Ḍiki-ḅụụjịrị ofori ḅara, sịḅị-jịrị anịanịa ọkụrụkụrụ sọ ị̀ dasịẹma ḅịa ịn ḅaa ḅụ.”

Jerimaya 38:9

“Í opu ḅụ, mịna atomi ma mịẹ ye kura-a. Ịn Jerimaya kẹ suḅe mẹ ḅio suu tẹẹ, anịanga ḅụ ḅuru kịngẹ sọ ọ̀ ḅaa ḅa, opu ama mẹ ḅio fịturu fa tẹ nwẹn ḅẹẹ sakị.

Kururu Owu-apọkọ 2:20

Yei KỊNỊNYANAḄỌ, ḍikii, tẹ ẹrịị! Ị́ ḅọrọ mịẹ ḅara mẹ kẹ tụḅọ na mịẹarị? Ereme ini iyi awọmẹ pẹị na-iḅi, ini ḍikiarị awọmẹ ma? Agbamịẹḅọ na, ịkịankoroḅọ na ḅaa na-iḅi KỊNỊNYANAḄỌ ḅe fịafịa yọ ḅụ?

Kururu Owu-apọkọ 4:10

Ḍiki-ḅụụjịrị nyana kịnị pịrịarị ereme, ini ḅarana iyi awọmẹ kẹ ḅẹlẹ ḅio sụa sọọm ini ḅo ịna fịye sọm ị̀ atomi ma ẹrẹḅọtụḅọ ma fịị mẹ ḅụ.

Izikẹlị 5:10

Anị dogi-ḅo ḅarịye anie, Jeruselemu ḅụ ḍapụ-na-iyingiapụ-na ịna awọmẹ pẹị ḅa, tẹ awọmẹ sọ ịna ḍapụ-na-iyingiapụ-na pẹị ḅa. Àrị ó fomu tẹ ọmịna ḅụ kirikọntẹ ḍumo wararị apụ ma gala-galama anga-anga mu ḅa.

Lẹvitikọsị 26:29

Ọmịnị ọmịna owiapụ-awọmẹ meni pẹị ḅa, ọ́ pịkị ọmịna eremịna-awọmẹ meni pẹị ḅa.