Jerimaya 19:8 - FỊAFỊA BAỊBỤLỤ

⁸ Arị ọkị-ḅo mị opu ama mẹ ọgọnọ gbana ḅarị ḅalafama ḅaa-guluguluma mẹ mịẹ tẹ ḅẹḅọ-ḅẹḅọ tẹ mẹnjị-ḅọrọarị ḅọ sịḅị-kanakana tẹ ḅụụ-bua ḅa.

Jerimaya 19:8 Iomraidhean Croise

1 Amadapụ 9:8

Mị Tamụnọ-warị mẹ ḅo ịn tan kobiri gulugulutẹ aị sọ ḅa, tẹ mẹnjị-ḅọrọḅọ-ḅọrọḅọ ḅụụ-gbiripu tẹ ḅụụ-bua ḅa, tẹ ịn gbela ḅa, ‘KỊNỊNYANAḄỌ ḅe tiegotẹ miemẹ kẹ mị ama mẹ na, mị Tamụnọ-warị mẹ na mịẹ?’

Jerimaya 18:16

Ini amakiri mẹ kẹ sịḅị-kanakanama ye sọma tẹẹ, kịnị ḍiki-sima mu ḅẹẹ-sakị ḅẹẹ-sakị la ḅẹ ye. Mẹnjị-ḅọrọarịapụ mamgba ḅụụ-gbiripu ḅa ini ẹrịarị ye ḅụ; ịn sịḅị jike ḅa ḅụụ-bua ḅụ.

Jerimaya 25:18

Jeruselemu na Juda ḅẹ ama mamgba na, pịkị anị ḅẹ amadapụ na sịḅịdapụ na sọ kẹ ịna ḅụ sụa tẹ in ḅuum, mịẹ tẹ ini ịkpa sọ ḅẹ ḅara, tẹ ḍiki-tọrụ ḅụ ḅalafamarị pịkị ḅụụ-gbiripumarị ye, mịẹ tẹ kịnị ịna ẹrẹ kẹ ye karị, anie mịọkụ sọ in paa mịẹarị ḅara.

Jerimaya 49:13

Yẹrị ḅarana karị tẹ mịnẹ Bozara ḅẹ opu ama ma ḍiki-tọrụ ḅụ sịḅị-kanakanama ye na ịkpa na sọ ḅa. Tomi anị ḍẹrị tẹ anị kẹ ye karị-karị ye sọma ḅa. Anị na kpeki kala-ama mamgba kan sara sime ḅa, ḅẹẹ-sakị ḅẹẹ-sakị ḅụ. Yẹrị, KỊNỊNYANAḄỌ ḅe, ọkọ ḅẹẹm.”

Jerimaya 50:13

Ị̀ ịganị ẹrẹsị, gbọrụḅọ-sọ Babịlọnị ḅụ anga ḅịa, anị kan-sara tẹ gbin koro-sime ḅa, tẹ mẹnjị-ḅọrọarịapụ mamgba sịḅị-kanakana tẹ ḅụụ-bua ḅa.”

Izikẹlị 27:36

Í so tẹ, ị́ gbọrsịḅị so tẹ, tẹ bebe tomikiri mẹ kana-koro ḅụ masịnịapụ ma tẹmẹ-naịn-naịntẹ ḅalafaarị mịnẹ ini ị́ ḅụ paka ḅẹ ye mẹ ḅụ kiri nyana ḅẹ ḅoto.

Lẹvitikọsị 26:32

À kẹ ama mẹ fama ḅarị ḅara, ọmịnị na fịya-a apụ tẹ anị ḅio koro sịẹ ḅarị apụ mịẹtẹ ini anị ḅụ ḅụụ-gbiripu ḅa.

Mayịka 6:16

Miemẹ mịẹ ḅa, kẹ gotẹ ọkọ ḅẹẹarị, Ama-da Omuri kan wararị oloko ma na, ori owiḅọtụḅọ Ama-da Ehabụ warị mẹ ḅẹ si amịẹaị mie ó koko tẹ mịẹarị, tẹ ịna atoluma-aị ma ḍiki-mẹnjị tẹ; ọkọẹrẹsị arị ọ́ kẹ fatẹ yọ sọma ḅa, tẹ ḅẹḅọ-ḅẹḅọ ó ḍiki-sima ḅa. Ḅẹẹ-anga ḅẹẹ-anga ḅụ tomi-kụlọkụlọ ma ḅarị ọ́ kẹ ye sịn ḅịa.

Zẹfanaya 2:15

Anie anị sime opu ama mẹ tẹ amịna soku-ḅẹ kụrọ ḅụ ḅụụ-gelema tẹ kuromarị mịnẹ anị la-la ye ofori ḅarịye mẹ ḅụ paka ḅarịye. Anị ḅẹ atomi ma kuromarị tomikiri ḅụ ịna opu ama mẹ ḍụḅa tẹịnm. Anị gulugulu fa tẹ koro-sime ḅarị ḅara ḍiki, piri-ḅio-ḅẹ anama ḅọlọlọ tẹ ịnyọsara ḅarị anga! Mẹnjị-ḅọrọarịḅọ goḅọ-goḅọ ọḅụ-na-isema ḅa sịḅị-kanakana ḅụ.

Ditẹrọnọmị 28:37

Anịsakị KỊNỊNYANAḄỌ ḅe etela kẹ ó ḍie sọ mu ḅarị anga ḅụ ó ḅo tọrụsiẹrị apụ na, kẹ egberi gbaa ḅẹrẹ ḍuko apụ na, gbaịma ẹkwẹn kọn pịrị apụ na, sọ ḅa tomi-kụlọkụlọ mamgba ogboku ḅụ.

Ditẹrọnọmị 29:22

Ḅo ḅarị ḅụọ mẹ ḅẹ apụ ḅụ ọmịna awọmẹ tẹ ọ́ ḅọrọ tẹso, saakị ḅarị apụ na, jen sịẹ ḅẹ igoniḅọ ḅe tẹ ala-jụ ḅẹ ama ḅụ sime tẹ ḅo ḅọ ḅe na, anị ama mẹ ḅẹ ḅụụ-fụka ma na, obi ma na tẹ KỊNỊNYANAḄỌ ḅe kẹ anị pịrị tẹ ḅụụ-fụka ma na obi ma na ẹrị ḅa.