Jerimaya 19:7 - FỊAFỊA BAỊBỤLỤ

⁷ Mịanga ḅụ à Juda na Jeruselemu na ḅẹ apụ ma tọn aị mamgba kẹ papaa aị mịẹ ḅa. À mịẹ tẹ si kẹ ịn tọn apụ ma ịn nẹngịma tẹ ọmụ kiri ḅụ ịn ḅaa ḅa. Àrị ịna oju-akpakpa ma kẹ fịye sọma So-tọrụ ḅẹ afeni na piri-ḅio-ḅẹ anama na pịrị ḅa.

Jerimaya 19:7 Iomraidhean Croise

2 Amadapụ 21:14

Arị à nyana kirikọn-apụ ma sịkị ḅa tẹ ịn kẹ ini na fịya-a apụ ḅara-ḅio suu ḅa, tẹ ịn ḅo pẹị-pẹị anama na, sima-sima aị na sọ ini na fịya-a apụ mamgba pịrị ḅa,

Egberima-Ẹkwẹn 21:30

Tomina nimi-o, sarasarama ḍawọ ye ḍin-o, ye ḅio sime-ḅara lekiri-o — ma ma arị ḅarasụa ị́ pịrị ḅịa; KỊNỊNYANAḄỌ ḅe ị́ na ofori ḅẹḅẹ.

Ayịzaya 29:14

Mie ḅụ arị ịna ḅụụ-gbiripuma ḅa, in fomu sin, in fomu sin ḅụ. Ye-nimiapụ pịkị ḅo oḅori apụ sọ ḅa, tẹ ịna aka mamgba ḅo mịẹye ḅụ sọ-a ye sọ ḅa.”

Ayịzaya 8:10

Ọmịnị ọ́ mịẹ ḅẹ aị tọn wẹrịị! Kụma gbala-gbala arị iḅi kẹ ḅo ọ́ pịrị ḅịa. Ọmịnị ọmịna ḅụụ ḅẹlẹ ḅara ḅẹlẹ ḅara kẹ ẹkwẹn! Kụma anịmgba papaaye sọ ḅa, Tamụnọ wamịnị na emi ẹrẹsị.

Jerimaya 15:2

Ini ịn tọ-anga mu ḅarị mọ kẹ í gbela sakị, ḍuko ịn pịrị mịnẹ yẹrị ḅẹẹm: obi ḅụ fịị sime jen-apụ pịrịm; anịanga mie ini mu ḅarịye! Ọmụ ḅio fịị sime osi apụ pịrịm; anịanga mie ini mu ḅarịye! Ḅuru-ḅa fịị sime jen-apụ pịrịm; anịanga mie ini mu ḅarịye! Ikoliapụ ḅara kẹ kun-so sime osi apụ pịrịm; anịanga mie ini mu ḅarịye!

Jerimaya 15:9

Amịna sọnọma owiapụ-awọmẹ fama ẹrẹḅọ ma naịn-ḅọrọ tẹ sịngị-ịnyọsararị. Árị eneḅaka bele mẹ pịkị-ḅo ḍin kanakana sọ tẹ; á tọrụ-tuu tẹ á ḅioḅẹngbọ ḅẹ obi kọn-arị. À wẹrịso tẹ si kẹ ọ́ tọn apụ ọmịna ḅụ paa ḍumo wararị apụ ma ḅaa ḅa. Yẹrị, KỊNỊNYANAḄỌ ḅe, ọkọ ḅẹẹm.

Jerimaya 16:4

Ịn ḅalafama obi ḅụ ḅọrọtẹ fịị ḅa, tẹ gbọrụḅọ-sọ in ḍuu ḅịa, anịanịa ịn kẹ ḍiḅi. Ịna oju akpakpa ma tunduru sime ḅarị ḅara sara kịka ḅa kiri mẹ ọgọnọ. Ini ọmụ ḅio fịị ḅa anịanịa ḅuru-ḅa ḅụ fịị, ịna oju akpakpa ma fịye sọ feni amẹẹ na piri-ḅio-ḅẹ anama na pịrị ḅa.”

Jerimaya 18:21

Kụma mịọkụ, KỊNỊNYANAḄỌ, yee ịna awọmẹ ḅuru-ḅa ḅụ fịị; yee ini ọmụ ḅio ịn ḅaa. Yee ereme ma ịna diapụ na ịna awọmẹ na fama; yee owiapụ ma obi ḅụ fịị, tẹ ini ịna asambịrịma apụ ma ḅaa ọmụ kiri ḅụ.

Jerimaya 21:7

Kụma ị́yẹrị na, í fịrịmẹnjị-opuapụ na, ama mẹ ḅio ọmụ ḅụ na ḅuru-kụrọ ḅụ na obi ḅụ na fịị-a so apụ ma na wẹrịso tẹ Ama-da Nebukadineza na si kẹ ọ́ tọn apụ tẹ ọ́ ḅaa ḅẹ ḍọkịarị apụ ma na ó kun-so ḅa. Ọmịna ḅụ ḅụụ ọ̀ wẹrịso ḅẹ ḅọ ofori, anịanịa ọkụrụkụrụ, anịanịa ḍiki-sịḅịjịrị nyana gbọrụḅọ kịngẹ sọ pịrị ḅịa. Yẹrị, KỊNỊNYANAḄỌ ḅe ọkọ ḅẹẹm.”

Jerimaya 22:19

Asụ kịka nama ḅe fịị tẹ ịn kẹ ò ḍiḅi ḅẹ ḅara mie ịn kẹ ò ḍiḅi ḅarị ḅara, ini ọ̀ fọnọ pakama ḅa Jeruselemu ogigo-aḅọkọ ma ḅụ tẹ ọ̀ kẹ wakị nguma ḅa.

Jerimaya 22:25

tẹ kẹ í gotẹ ḅalafaarị apụ ma pịrị ḅa, ị́ ḅaa ḅẹ ḍọkịarị apụ ma. Arị ị́ kẹ Nebukadineza, Babịlonịya ḅẹ Amadaḅọ ḅe na ori ọmụ apụ na pịrị ḅa.

Jerimaya 32:28

À mị opu ama mẹ kẹ Nebukadineza, Babịlonịya ḅẹ Amadaḅọ ḅe na ori ọmụ-ogbo na pịrị ḅẹ-yearị; ini anị ọkị

Jerimaya 34:20

àrị ịn saḅama si kẹ ịn tọn-arị apụ ma pịrị ḅa, anie ịn ḅaa ḅẹ-ḅiiarị apụ ma, tẹ feni amẹẹ na piri-ḅio-ḅẹ anama na ịna aḍụẹịn ma pẹị ḅa.

Jerimaya 46:26

tẹ ịn saḅama ịn ḅaa ḅẹ-ḅiiarị apụ ma pịrị ḅẹ-yearị, Ama-da Nebukadineza, Babịlonịya daarị ḅọ ḅe, na ori ọmụ-ogbo na. Kụma sakị ḅọrọtẹ so, kịnị pịkị siin Ijiputi ḅụ anga ḅa, ḅọrọtẹ sakị ḅụ ịn mịẹ ḅara. Yẹrị, KỊNỊNYANAḄỌ ḅe, ọkọ ḅẹẹm.”

Jerimaya 7:33

Ḍụẹịn ma fịye sọ feni ma na piri-ḅio-ḅẹ anama ma na pịrị ḅa, tẹ feni ma na nama ma na ḅalafama tẹ ịn so ḅẹ ḅọ paka ḅịa.

Jerimaya 8:2

Ini arị kobiri tẹ ḍiḅi ḅẹ nakara ịna mgbe ma vooma kiri ḅio sara sime ḅa, kẹ ḍụọ ḍiḅi ḅẹ ḅụrụtẹ fun sara ḅara. Ini arị gala-galama sara ịrụa na akalụ na lolia ma na pịrị ḅa, anie mịna atomi ma ḅẹlẹma tẹ fịrịmẹnjị pịrị sime aị ma, anie ini arị aḅịḅị ḅii tẹ sunsin pịrị aị ma.

Jerimaya 8:8

Ndẹẹ ọmịnị inetẹ ḅẹẹ-ḅẹẹ ḅara, mịnẹ ó ye nimi wararị, tẹ ì oloko ma nimi wararị? Ḍikii, oloko ma mingirima ḍumo kọn-arị ama-ḍiri-kẹẹapụ arị ḍima tẹẹ.

Jerimaya 8:9

Ini ọmịna ye-nimi atomi ma kẹ ḅụụ-jịrị ḅio suutẹ, in pikiri-pikiri tẹ ḍiein ḅio koro tẹ. Ini ị̀ ẹkwẹn ma sịkị tẹẹ; mịọkụ ịn nyana nimi mẹ ḅọrọ tọ nimi?

Kururu Owu-apọkọ 3:37

KỊNỊNYANAḄỌ ḅe anị minini sikima, tụḅọ tọn tẹ anị ḅo pakarị?

Lẹvitikọsị 26:17

Àrị ị̀ tọrụkuḅu kẹ ọmịna si anga ḅụ wẹrị ḅa, tẹ ọmịnị na fịya-a apụ tọrọkọ ḅụ ọ́ fịị sara ḅa; ó ḍiki-ḅioḅẹlẹ-a apụ ḅẹrẹtọn ọ́ pịrị ḅa, gbọrụḅọ-sọ ó ḍuka-a ogbo ó ḍumo-mangị kọn ḅa.”

Lẹvitikọsị 26:25

Àrị ọmụ ọkị-ḅo ọmịna ọgọnọ gbana ḅa, tẹ gbẹẹfị ḅii ọḅọkụ mẹ pịrị ḅa; tẹ ọ́ nwẹnị ọmịna opu ama ma ḅio kobiri, kobiri, sime, sime arị ama gbaịn obi kẹ ọmịna ogbo-ḅio fịrịma ḅa, tẹ ọmịnị na fịya-a apụ ḅara-ḅio ini ọ́ ḅọrọma suu ḅa.

Romu 3:31

Anị kụma wa ḅọrọ minini mẹ gotẹ Oloko mẹ kẹ papaaye sịn ḅẹ mụnọọ? Gbala-gbala ọkọ-a! Anie nakara wa Oloko mẹ rẹ ọlọ kụrọmarị.

Romu 4:14

Oloko koko apụ mie Tamụnọ minini tomi pịrị ye nyana, nyana ye ḅẹ kụma tomḅọ Tamụnọ ḅụụ nyana minini ḅo papaaye sọ tẹ, tẹ Tamụnọ minini ye mẹ sọ ḅarịye ḅụ ofori.

1 Samụẹlị 17:46

Mịmgba mẹ ḅụ KỊNỊNYANAḄỌ ḅe ị́ ḅọrọma ḅo ị̀ ḅara-ḅio suu ḅa, tẹ àrị í fomu-gbin tẹ ị́ sịḅị pẹlẹ-siin ḅa; anịsakị mịmgba mẹ ḅụ à Filisiteni ḅẹ ọmụ-ogbo ma ḅẹ apụ ma aḍụẹịn oju ma kẹ So-tọrụ ḅẹ afeni ma na, tomikiri mẹ ḅẹ piri-ḅio-ḅẹ anama ma na pịrị ḅa; mịẹtẹ tomikiri mẹmgba nimi ḅarị ḅara mịnẹ gbọrụ Tamụnọ Izirẹlị ḅụ emi,