Jerimaya 19:5 - FỊAFỊA BAỊBỤLỤ

⁵ tẹ ịn pịkị agbamịẹ-anga nama Balị pịrịtẹ ini ịna ḍọkọḍọkọ-awọmẹ kẹ fịnị ḅio dọkịma ḅẹ ḅara, agbamịẹ ḅụ. Gbala-gbala arị in mie mị ḅẹ oloko-sụa ịn pịrị-a; gbala-gbala ì kuroma ḅụ sọ anị sọ-a.

Jerimaya 19:5 Iomraidhean Croise

2 Amadapụ 17:17

Ini ịna owiapụ-awọmẹ na eremịna-awọmẹ na dọkịmam kẹ agba mịẹ ḅara ḅụ, ịn ḅịrịapụ na majịkị-mịẹapụ na warị ye ḅiim, tẹ ịna aḅụụ kẹ KỊNỊNYANAḄỌ ḅe ḍiki-tọrụ ḅụ siye mịẹ dẹrịmam, kẹ ọ̀ mịẹ tẹ ori ịganị.

2 Amadapụ 21:6

Ori ori owiḅọtụḅọ dọkịmam kẹ agba mịẹ ḅara ḅụ, tẹ fụḅara-ḍiki-ḅịrịapụ na, ye ḅii amịẹaị na mịẹm, tọrụ tolu tẹ okoḅa-sarasara-ye-gbelapụ na, arịapụ na aḅara ḅụ. Ọ̀ KỊNỊNYANAḄỌ ḅe ḍiki-tọrụ ḅụ ḅaka si mịẹm, kẹ ori ịganị sịn-saakịma.

2 Paka-aị 28:3

Tẹ Bẹnị-hinomu tụndụ-ogboku ḅụ kụnụaị dọkịmam, tẹ agbamịẹ ḅara ḅụ ori owiapụ-awọmẹ sọ dọkịmam, tọn-tọn amịẹaị ma tẹ KỊNỊNYANAḄỌ ḅe Izirẹlịapụ ma tọrọkọ dee opu asịẹ ma wẹrịtẹ mịẹ-mịẹ ḅara.

Jerimaya 32:35

Hinọmụ Tụndụ-suku mẹ ḅụ ini agbamịẹ-anga ma nama Balị pịrịm, kẹ ịna owiapụ-awọmẹ na eremịna-awọmẹ na kẹ agbamịẹ Molẹkị nwẹn-sịn tamụnọ ḅe pịrị ḅẹ ḅara. Yẹrị tọn ịn pịrị-a ịn miemẹ mịẹ, tẹ ì kuroma kịngẹ sọ anị sọ-a mịnẹ ini ọkọ sime ye mịẹ, tẹ Juda ḅẹ apụ ma mịẹ tẹ in si mịẹ.”

Izikẹlị 16:36

Mie Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe ḅẹẹ ye: “Ini ị́ paụma tẹ ị́ ama-mẹnjị-ẹrẹḅọ kịka tẹ ị́ ḅụụ kẹ ị́ ḅẹlẹmapụ ma pịrị tẹ, pịkị arị ḅụụ-ngụngụmarị oru-afụḅara mamgba pịrị tẹ, tẹ ị́ awọmẹ ḅaa oru-afụḅara pịrị tẹ ịn kẹ agbamịẹ ḅụ.

Izikẹlị 20:26

Àrị ịn wẹrịso tẹ ini ịna soku-ḅẹ ḍiepịrị-aị kẹ ịna aḅụụ pilemam tẹ ịn wẹrịso tẹ ini ịna mgbe ma kẹ agbamịẹ. Mie kẹ fomu-ḅara kẹ ịn pịrị tẹ kẹ ịn ḍie mịnẹ yẹrị anie KỊNỊNYANAḄỌ ḅe.

Izikẹlị 38:10

Mie Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe kẹ Gọgụ ḅẹẹarị ye: “Anị ene mẹ ḅụ, ị́ saakị ị́ mịẹ ḅẹ si-aị tọn koroma ḅa.

Danẹlị 2:29

“Í monoarị ogbo, Gburo-gburo Opuḅọ, ị́ tọrọkọ-jụ mẹ gboloma ye kẹ ḍawọm; tẹ Tamụnọ, ḅọịye mịẹfinjiarị ḅọ ḅe, paka ḅẹ-yearị ye kẹ ị́ ḍiem.

Lẹvitikọsị 18:21

Ị́ awọmẹ ḅụ, gbọrụḅọ-sọ pịrị pakama tẹ ịn kẹ agba mịẹ Molẹkị nwẹn-sịn oru ḅe pịrị tẹ mị-ḅara ḅụ ị́ Tamụnọ ḅe ẹrẹ mịẹ-sima ma.”

Kịẹn-aḅịḅị 22:41

Anị ḅẹ ene-ḅaa ḅụ Balakị nwẹnị Balamụ ọkị tẹ ọ̀ kẹ Bamoti-balị ḅo; tẹ anịjụ ḅụ mie ori Izirẹlịapụ ma ḅụ kpeki-tẹịn apụ mẹ ẹrị ye.

Ditẹrọnọmị 12:31

Ọmịnị ọkọ kẹ sunsin KỊNỊNYANAḄỌ ọmịna Tamụnọ ḅe pịrị ma, kẹ gotẹ ọkọ ḅẹẹarị, tọn-tọnye tẹ KỊNỊNYANAḄỌ ḅe ḍiki-ḅioḅuarị ye goyegoye ịn mịẹ ịna oru-atamụnọ ma pịrị tẹ; kẹ gotẹ ọkọ ḅẹẹarị, ịna owiapụ-awọmẹ na, ịna eremịna-awọmẹ na sọ ịn fịnị ḅio dọkịma ịna oru-atamụnọ ma pịrị tẹ.